جاڭا حابارلار

جاسىل تاۋ، تۇنىق سۋدى قايتكەندە قىمباتتى بايلىققا اينالدىرۋعا بولادى

    كەلۋ قاينارى: شينجياڭ حالىق راديو ىستانسياسى    2018-03-13 14:20:28  
ستانسيامىزدىڭ تىلشىلەرى حاميت، ديڭ شياۋدان، لەي ميندەر جازعان اقپاراتتىق بايىمداۋدى تىڭداڭىزدار: مەملەكەتتىك ەكى ماجىلىستە، جاسىل دامۋ دەگەن ءسوز قايتا-قايتا اۋىزعا الىندى: باس شۋجي شي جينپيڭ ىشكى موڭعۇل اۆتونوميالى رايوندىق ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، «وتاننىڭ سولتۇستىك شەكارا رايونىندا ۇلى جاسىل قورعان قۇرۋ»؛ گۋاڭدۇڭ ولكەسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا: «جاسىل دامۋ دەڭگەيىن جوعارىلاتۋ»؛ شاندۇڭ ولكەسى ۋاكىلدەر ۇيىرمەسىنىڭ باياندامانى قاراۋىنا قاتىناسقاندا: «تاماشا ەكولوگيانى اۋىل قىستاقتاردى كوركەيتۋدىڭ تىرەگىنە اينالدىرۋ» كەرەكتىگىن اتاپ كورسەتتى. «ۇكىمەت قىزمەتىنەن باياندامادا» جاسىل تاۋ، تۇنىق سۋدىڭ ٴءوزى قىمباتتى بايلىق دەگەن تانىمدى ورناتىپ، بۇرىن سوڭدى بولىپ كورمەگەن بەكىم جانە تەبىنمەن ەكولوگيالىق قورشاعان ورتانى قورعاۋ كەرەكتىگى العا قويىلدى.
جاسىل تاۋ، تۇنىق سۋدى قايتكەندە قىمباتتى بايلىققا اينالدىرۋعا بولادى؟ مۇندا تاعى دا بازاردىڭ قاجەتىن كوزدەپ سايكەستى ونىمدەردى شىعارۋ كەرەك. جاڭا داۋىرگە قادام تاستاعان ساتتە، ادامداردىڭ تاماشا تۇرمىسقا دەگەن سۇرانىسى ۇزدىكسىز ارتتى، ساياحاتتى الىپ ايتساق، بۇرىن تاماشا كورىنىستەردى جاي عانا تاماشالاسا، قازىر تىكەلەي سەزىنۋدى نەگىز ەتكەن باي مازمۇندى ساياحاتتى قاجەت ەتەتىن بولدى، مۇندا ساياحات ونىمدەرىمەن قامداۋدان، ساياحات ارقىلى سەزىندىرۋگە بۇرىلىس جاسالدى، بۇل ەگىنشى-مالشىلارعا ونىمدەرىن ساتۋدان، كوركەم كورىنىستى ساتۋ سىندى ساۋدا ورايىن دايىنداپ بەردى. بۋىرشىن اۋدانىنىڭ شۇڭقىر قالاشعى قىزىلقايىڭ قىستاعى قۇرىلعانىنا ەكى جىل تولماعان جاڭا قىستاق، مەملەكەتتىك A 5 دارەجەلى كورىنىس رايونى قاناسقا جاقىن ورنالاسقان ابزالدىلىعىنا سۇيەنىپ، قىزىلقايىڭ قىستاعى «قىزىل جاپىراقتى ورمان» جانە «ەرتەگىدەي ەڭ كورىكتى قار جامىلعان قىستاق» سىندى ەكى ساياحات ءونىمىن ءتۇيىندى جارىققا شىعاردى، مۇندا قونالقى ورىن اشىپ تيجارات جاساعان 16 وتباسى بار، ءار وتباسىنىڭ جىلدىق كىرىسى 60 مىڭ يۋاننان اسادى، مىنە وسىلايشا، جاسىل تاۋ، تۇنىق سۋدىڭ رولى تولىق ساۋلەلەنىپ، كەدەيلىكتەن قۇتىلدىرۋدان قامال الۋدىڭ پارمەندى جولىنا اينالدى. بۋىرشىن اۋداندىق ساياحات مەكەمەسى وڭىرلىك ساياحات كەڭسەسىنىڭ ورىنباسار مەڭگەرۋشىسى ۋاڭ گاڭ بىلاي دەدى: «ءبىز جاسىل تاۋ، تۇنىق سۋ، جايلىم، گۋمانيتارلىق بايلىق سياقتى قىمباتتى ساياحات بايلىعىمىزدى، تاۋ، سۋ، ەگىستىك جەر، كورىكتى اۋىل قىستاق، قىراۋلى ورمانمەن كومكەرىلگەن شاعىن قالاشىق سىندى جالپى تۇلعالىق وي جەلىنى ارقاۋ ەتە وتىرىپ، جەر جاعدايىنا قاراي ءادىس قولدانىپ، ەرەكشە وڭىرلىك ساياحات ەكولوگاسىن قالىپتاستىرۋعا كۇش سالىپ، ساياحات ەكونوميكاسى مەن كەدەيلەردى دالمە-دال سۇيەمەلدەۋدى ءونىمدى ۇشتاستىرامىز».
قىزىلقايىڭ قىستاعىنىڭ قاناس كورىنىس رايونىنا، قىستاق تۇرعان جەردەگى كوركەم تاۋ تۇنىق سۋعا سۇيەنۋىنە بولادى، ال ەكولوگياسى ءالسىز وڭىرلەر، سول وڭىردى جاسىلداندىرۋ،دامىتۋ ارقىلى ادامداردى اۋقاتتاندىرىپ، كورىنىسى كوز تارتاتىن وڭىرگە اينالدىرۋىنا بولادى. قۇمدى ءشولدىڭ قويناۋىنا ورنالاسقان چەرچەن اۋدانىن مىسالعا الساق، بۇرىن شىلان ەگەتىن ديحاندار قۇمدى بوراننان قورقاتىن، وتە-موتە شىلان گۇل اشقان مەزگىلدە قۇمدى بوران سوعىپ، مول ءونىم الۋىنا اۋىر ىقپال جاسايتىن، قازىر، قۇمداعى ىقتاسىن ورمان ولاردى الاڭنان ارىلتتى. تالاي جىلدىق بوراندى توسىپ، قۇمدى تىزگىندەۋ قىزمەتىنىڭ ارقاسىندا، چەرچەن اۋدانىندا ۇزىندىعى 12 كيلومەتر، اۋماعى 40 مىڭ مۋدان اساتىن جاسىل ءدالىز قالىپتاستى. 2017-جىلى تۇتاس اۋداننىڭ اۋا ساپاسىنىڭ جاقسى بولعان كۇن سانى 205 كە جەتىپ، تاريحي دەڭگەي جاراتىلدى. چەرچەن اۋدانىنداعى شىلان ەگەتىن ديحان لي چيڭجياڭ :« ءار جىلى كوكتەمدە ديحاندار قۇمدى تىزگىندەۋ پونكيتىنە بارىپ، اعاش ەگىپ، قۇمدى تىزگىندەيمىز، مۇنىڭ يگىلىگىن كورۋشىلەر تاعى دا ديحاندار، قىستاعىمىز كورىكتەنىپ، ەگىس اتىزدارىمىزداعى داقىلداردىڭ شىعۋى دا كۇننەن كۇنگە جاقسارا باستادى»-دەدى.
جاسىل تاۋ، تۇنىق سۋ ءبىر وڭىردىڭ وزەكتى باسەكەلىك قۋاتىنا اينالدى، جاسىل تاۋ مەن تۇنىق سۋدى قورعاۋ ءبىزدىڭ جاۋاپكەرلىگىمىز. شينجياڭداعى مەملەكەتتىك ساياسي كەڭەستىڭ مۇشەسى باۋ انميڭ بىلاي دەدى: «ەكولوگيالىق وركەنيەتتى باعالاۋ ءتۇزىمىن كەمەلدەندىرىپ، ەكولوگيانى قورعاۋدىڭ قىزىل سىزىعىن سىزىپ، ەكولوگيالىق ورتانى قورعاۋدىڭ تومەنگى شەك ساندى مالمەتىن بەلگىلەپ، ەكولوگيالىق قورشاعان ورتانى قورعاۋدى باسقارۋ تۇزىلىسىن كەمەلدەندىرىپ، ەكولوگيالىق قورشاعان ورتانى ءتۇزىم ارقىلى قورعاۋ ەكولوگيالىق وركەنيەت قۇرىلىسىنىڭ ماڭىزدى جولى».

بەرىپ كەت ورامالىڭدى

دوستار

الىستاعى اق ەركە