جاڭا حابارلار

ءبىز وسى رەتكى وزگەرىس ەنگىزىلگەن نەگىزگى زاڭدى باتىل قورعاپ، ءامالياتتان بەلسەنە وتكىزەمىز

    كەلۋ قاينارى: شينجياڭ حالىق راديو ىستانسياسى    2018-03-13 14:28:55  
ستانسيامىزدىڭ جيناق حابارىن تىڭداڭىزدار: 3-ايدىڭ 11-كۇنى تۇستەن كەيىن، مەملەكەتتىك 13-كەزەكتى حالىق قۇرىلتايى ءبىرىنشى ءماجىلىسىنىڭ ءۇشىنشى جالپى جيىنى داۋىس بەرۋ ارقىلى «جۇڭحۋا حالىق رەسپۋبليكاسىنىڭ نەگىزگى زاڭعا وزگەرىس ەنگىزۋ جوباسىن» ماقۇلدادى. مەملەكەتتىك ەكى ماجىلىسكە قاتىناسقان شينجياڭداعى مەملەكەتتىك حالىق قۇرىلتايىنىڭ ۋاكىلدەرى، شينجياڭداعى مەملەكەتتىك ساياسي كەڭەستىڭ مۇشەلەرى، سونداي-اق بۇكىل شينجياڭداعى ءار ۇلت كادرلارى مەن بۇقارا ءبىر اۋىزدان بىلاي دەپ قارادى: «وسى رەتكى نەگىزگى زاڭعا وزگەرىس ەنگىزۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل ەلىمىزدەگى ءار ۇلت حالقىن باستاپ، ءاماليات بارىسىندا قول جەتكىزگەن ماڭىزدى نازاريالىق جاسامپازدىق، ءامالياتتىق جاسامپازدىق، ءتۇزىم جاسامپازدىعى تابىستارىن نەگىزگى زاڭعا ەنگىزىپ، ونى پارتيا مەن مەملەكەت ىستەرىنىڭ دامۋ قاجەتىنە سايكەستىردى، بۇل حالىقتىڭ ءتول مۇددەسىنە ۇيلەسەدى. ءبىز باتىل قورعاپ، ءامالياتتان بەلسەنە وتكىزەمىز.
مەملەكەتتىك حالىق قۇرىلتايىنىڭ ۋاكىلى فاتيما ماحمۇت، وسى رەتكى نەگىزگى زاڭعا وزگەرىس ەنگىزۋدىڭ جۇڭگوشا سوتسياليزمنىڭ جاڭا داۋىرگە قادام تاستاعانداعى تاريحي ەرەكشەلىگىنە سايكەسىپ، پارتيا مەن مەملەكەت ىستەرى دامۋىنىڭ تىڭ تابىستارى مەن تىڭ تاجىريبەلەرىن، تىڭ تالاپتارىن بەينەلەگەندىگىن، پارتيامەن حالىقتىڭ تىلەگىنە ۇيلەسەتىندىگىن ايتا كەلىپ: «شي جينپيڭنىڭ جاڭا ءداۋىر جۇڭگوشا سوتسياليزم يدەياسى سياقتى مازمۇنداردى نەگىزگى زاڭعا ەنگىزۋ پارتيا مەن مەملەكەت ىستەرى دامۋىنىڭ تىڭ تالاپتارىن بەينەلەپ، پارتيا مەن حالىقتىڭ ءاماليات بارىسىندا قول جەتكىزگەن كەلەلى نازاريالىق جاسامپازدىعى، ءامالياتتىق جاسامپازدىعى،ء تۇزىم جاسامپازدىعى تابىستارىن تۇراقتاندىرىپ، بۇكىل پارتيا، بۇكىل ەلىمىزدەگى ءار ۇلت حالقىنىڭ ورتاق ارمانىن اڭىس ەتتى، مەن مۇنى تولىق قۇپتايمىنءارى باتىل قورعايمىن»،-دەدى.
شينجياڭداعى مەملەكەتتىك ساياسي كەڭەسىتىڭ مۇشەسى جيا ديانزىڭ، نەگىزگى زاڭعا وزگەرىس ەنگىزۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ساياسي پاراساتى مەن تاريحي جاۋاپكەرشىلىگىن تولىق ايگىلەپ، قوعامنىڭ ءار سالاسىنىڭ ورتاق تانىمى مەن تىلەگىن توعىستىرعانىن ايتا كەلىپ: «نەگىزگى زاڭعا وزگەرىس ەنگىزۋ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى يدەيا ەتتى، بۇل داۋىرمەن تەڭ ىلگەرلەۋ، شىندىقتى ءىس جۇزىنەن ىزدەۋ پريىنسىبىن ايگىلەيدى، مەنىڭشە بۇل ەلىمىزدىڭ ۇزاق ۋاقىت ورنىقتىلىعىنا كەپىلدىك ەتىپ، ءبىر نىساناعا قاراي دامىپ، قوس ءجۇز جىلدىق كۇرەس نىساناسىن ورىنداۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋدىڭ كەپىلى»،-دەدى.
پارتيا 18-قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ءبىر قىدىرۋ جاڭا تانىم، جاڭا يدەيا، جاڭا ستراتەگيانى ورتاعا قويىپ، پارتيا مەن مەملەكەت ىستەرى تاريحي تابىستارعا قول جەتكىزىپ، تاريحي وزگەرىستەر تۋىلدى. بۇگىنگى كۇندە وسى ۇلى تاريحي ءاماليات رەسپۋبليكامىزدىڭ ءتۇبىرلى زاڭىنا شۇعىلالى داستان بولىپ جازىلدى.
شينجياڭداعى مەملەكەتتىك ساياسي كەڭەستىڭ مۇشەسى ءدىلنار بىلاي دەدى: «وسى رەتكى نەگىزگى زاڭعا وزگەرىس ەنگىزۋ جوباسىندا، ۇلتتار قاتىناسىنا «جاراسىمدىلىق» دەگەن ءسوز قوسىلدى، وسى ءسوزدىڭ قوسىلعانى توتەنشە جاقسى بولعان، ويتكەنى، شينجياڭ كوپ ۇلتتى رايون، ءار ۇلت بۇقاراسى باس شۋجي شي جينپيڭنىڭ: «اناردىڭ دانىندەي تىعىز ۇيىسۋى كەرەك»،-دەگەنىندەي جاراسىمدى بىرگە جاساۋدا، وتانىمىزدىڭ كۇننەن كۇنگە گۇلدەنىپ كوركەيەتىندىگىنە كامىل سەنەمىز»،-دەدى.
قۇمىل قالالىق ءتارتىپ تەكسەرۋ كوميتەتى، باقىلاۋ-تەكسەرۋ كوميتەتى پارتيا ءستيلى، ساياسي ءستيلدى باقىلاۋ كەڭسەسىنىڭ كادرى لي گوزىڭ:« نەگىزگى زاڭعا باقىلاۋ-تەكسەرۋ كوميتەتى جونىندە تاراۋشا قوسىلىپ، باقىلاۋ-تەكسەرۋ كوميتەتىنە نەگىزگى زاڭنان ورىن بەرىلىپ، ەلىمىزدىڭ باقىلاۋ-تەكسەرۋ ءتۇزىلىسى رەفورماسىنىڭ نەگىزدەلەتىن نەگىزگى زاڭى بولۋىنا مۇمكىندىك جاسالىپ، پارتيا ءستيلى پاكتىك قۇرىلىسى مەن جەمقورلىققا قارسى تۇرۋ قىزمەتىنىڭ جۇيەلەنۋىن، زاڭمەن باسقارىلۋىن ونان ارى ىلگەرلەتتى، سونداي-اق ءبىزدىڭ پارتيا ءستيلى پاكتىك قۇرىلىسى مەن جەمقورلىققا قارسى تۇرۋ قىزمەتىن اناعۇرلىم جاقسى ىستەۋ سەنىمىمىز بەن بەكىمىمىزدى ارتتىردى»،-دەدى.
نەگىزگى زاڭنىڭ جان تامىرى ونىڭ اتقارىلۋىندا، نەگىزگى زاڭنىڭ بەدەلى دە ونىڭ اتقارىلۋىندا. تەك نەگىزگى زاڭ پرينسىبىنە سانالى قاتاڭ بويسۇنىپ، نەگىزگى زاڭنىڭ رۋحىن ساۋلەلەندىرىپ، نەگىزگى زاڭنىڭ بورىشىن ادا ەتىپ، نەگىزگى زاڭدى اتقارۋدى مەملەكەتتى زاڭمەن جاپپاي جونگە سالۋدىڭ كورنەكتى ورنىنا قويعاندا عانا، پارتيا مەن مەملەكەت ىستەرىنىڭ ءساتتى دامۋىن ىلگەرلەتۋگە بولادى. مەملەكەتتىك حالىق قۇرىلتايىنىڭ ۋاكىلى ميحراي ءيبىرايىم: «نەگىزگى زاڭعا وزگەرىس ەنگىزۋ نەگىزگى زاڭدى بۇرىنعىدان دا جاقسى اتقارۋ ءۇشىن بولىپ تابىلادى. نەگىزگى ساتىداعى مادەنيەت قىزمەتكەرى رەتىندە، مەن مادەنيەت جەتكىزۋ، ادەبيەت-كوركەمونەردى اۋىل-قىستاققا جەتكىزۋ بارىسىندا نەگىزگى زاڭدى بۇقارا ۇناتاتىن ادەبيەت-كوركەمونەر ويىندارىنا ەنگىزىپ، بۇقارانىڭ نەگىزگى زاڭدى بىلۋىنە، تۇسىنۋىنە، بويسىنۋىنا مۇمكىندىك جاسايمىن»،-دەدى.
قاشقار قالاسى حۋاڭدي اۋىلى قۇمباق قىستاعى پارتيا ياچەيكاسىنىڭ شۋجيى حۋا اي-ءجۇن: «ءبىز ەرەكشە قۇپتايمىز، ءارى قورعايمىز، سونىمەن بىرگە زاڭدى ويداعىداي ۇيرەنىپ، ويداعىداي بويسۇنامىز»،-دەدى.
ماناس اۋدانى لوتۋي قالاشىعى ءادىليا ورنىنىڭ باستىعى جىڭ ساييۇن: «نەگىزگى ساتىداعى ءادىليا اكىمشىلىك قىزمەتكەرى رەتىندە ءبىز نەگىزگى زاڭدى ۇيرەنۋ، ۇگىتتەۋدى-زاڭمەن جونگە سالۋدى ۇگىتتەۋ، تاربيە جۇرگىزۋدىڭ باستى مىندەت ەتىپ مىقتى يگەرىپ، نەگىزگى زاڭدى ۇيرەنۋ، قورعاۋ، قولدانۋ ارقىلى حالىقتىڭ نەگىزگى زاڭ جونىندەگى تانىمىن ۇزدىكسىز ارتتىرۋىمىز كەرەك دەپ قارايمىن»،-دەدى.

بەرىپ كەت ورامالىڭدى

دوستار

الىستاعى اق ەركە