جاڭا حابارلار

شينجياڭ ۋاكىلدەر ۇيىرمەسى مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارادى

    كەلۋ قاينارى: شينجياڭ حالىق راديو ىستانسياسى    2018-03-13 14:51:56  

ستانسيامىزدىڭ ءتىلشىسى لي لۇڭ حابارلايدى: 3-ايدىڭ 12-كۇنى تۇستەن بۇرىن جانە تۇستەن كەيىن، مەملەكەتتىك 13-كەزەكتى حالىق قۇرىلتايىنىڭ ءبىرىنشى ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسى جالپى ءماجىلىس جانە گرۋپپالار ءماجىلىسىن اشىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارادى.
شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتاي ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتاينىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ، جۋ حايلۇندەر قىزمەت بايانداماسىن قاراۋعا قاتىناستى. مەملەكەتتىك حالىق قۇرىلتايى تۇراقتى كوميتەتىنىڭ قاتىستى تاراۋلارىنداعى جاۋاپتى جولداستار ماجىلىسكە قاتىناسىپ، ۇسىنىس-پىكىردى تىڭدادى.
ۋاكىلدەر ءبىر اۋزدان بىلاي دەدى: مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن بۇكىلدەي قولدايتىندىقتارىن ءبىلدىردى. باياندامانىڭ تۇتاس بارىسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن، پارتيا 19-قۇرىلتايىنىڭ رۋحىمەن توعىستىرىلىپ، پارتيانىڭ باسشىلىعىنا تاباندى بولۋدىڭ، حالىقتىڭ ءوز-وزىنە قوجا بولۋىنىڭ، مەملەكەتتى زاڭمەن جونگە سالۋدىڭ ءوزارا تىعىز ۇشتاسقاندىعىن تولىق ايگىلەدى. «جەتى ءتۇرلى كۇش سالۋ» بەس جىلدان بەرگى مەملەكەتتىك 12-كەزەكتى حالىق قۇرىلتايى جانە ونىڭ تۇراقتى كوميتەتىنىڭ قىزمەتىن تولىق قورتىندىلادى، «بەس ءتۇرلى اسەر» حالىق قۇرىلتايى ءماجىلىسى ءتۇزىمىنىڭ عىلىمي مازمۇنى مەن ماندىك ەرەكشەلىگىن قامتىپ، حالىق قۇرىلتايى قىزمەتىنىڭ ورىنى مەن قىزمەت ەرەجەسىن ايقىندادى. باياندامادا مەملەكەتتىك حالىق قۇرىلتايى جانە ونىڭ تۇراقتى كوميتەتىنىڭ زاڭ شىعارۋ، باقىلاۋ-تەكسەرۋ، شەشىم جاساۋ، مىندەتكە تاعايىنداۋ جانە مىندەتىنەن قالدىرۋ ۇقىعى زاڭ بويىنشا كورنەكتىلەندىرىلدى، بيىلعى قىزمەت ورنالاستىرۋىنىڭ ءتۇيىنى كورنەكتى، عىلىمي، ۇيلەسىمدى بولدى، باياندامانى بۇكىلدەي قولدايمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلىمي جەتەكشىلىگىندە، ەلىمىزدەگى ءار ۇلت حالىقنىڭ بارىنشا قولداۋىندا، جاڭا كەزەكتى مەملەكەتتىك حالىق قۇرىلتايى جانە تۇراقتى كوميتەتىنىڭ،ءسوزجوق، بورىشىن ادا ەتىپ، اۋىر جۇكتى ارقالاپ، جاڭا داۋىردەگى حالىق قۇرىلتايى قىزمەتىنىڭ تىڭ داستانىن جازاتىنا سەنىمىمىز كامىل.
ۋاكىل جۋ حايلۇن بىلاي دەدى: «مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن بۇكىلدەي قولدايمىن. وتكەن بەس جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك 12-كەزەكتى حالىق قۇرىلتايىنىڭ تۇراقتى كوميتەتى پارتيا 18-قۇرىلتايى مەن 19-قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ بەدەلىن جانە ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن جانە شوعىرلى ءبىر تۇتاس باسشىلىعىن باتىل قورعاپ، نەگىزگى زاڭ مەن زاڭداعى جاۋاپكەرلىگىن مۇقيات اتقاردى، حالىق قۇرىلتايى ءتۇزىمىنىڭ نازاريا مەن امالياتتا جاڭالىق اشۋىندا كەلەلى تابىسقا جەتىپ، سوتسياليستىك دەموكراتيالىق زاڭمەن جونگە سالۋ قۇرىلىسىندا تىڭ ىلگەرىلەۋشىلىككە قول جەتكىزدى. زاڭ شىعارۋ قىزمەتىن، باقىلاۋ-تەكسەرۋ قىزمەتىن، ۋاكىلدەر قىزمەتىن ۇزدىكسىز كۇشەيتىپ، حالىق قۇرىلتايى قىزمەتىنىڭ شىت جاڭا بەت-بەينەسىن جاراتۋىن ۇسىنىس ەتەمىن».
ۋاكىلدەر پاراحات روزى، جاڭ يىڭ، ياسىن سىدىق، يوۋ لياڭيىڭ، مين شياۋچيڭدەر بىلاي دەدى: «بيىل پارتيا 19-قۇرىلتايى رۋحىن جاپپاي دايەكتىلەندىرۋدىڭ، تياناقتاندىرۋدىڭ العاشقى جىلى، سونداي-اق مەملەكەتتىك 13-كەزەكتى حالىق قۇرىلتايى جانە ونىڭ تۇراقتى كوميتەتىنىڭ جاۋاپكەرلىگىن زاڭ بويىنشا اتقاراتىن العاشقى جىل. پارتيا 19-قۇرىلتايى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ تاريحىن ورنىن تۇراقتاندىرىپ، سوتسياليستىك وسىزاماندانعان مەملەكەتتى جاپپاي قۇرۋ تىڭ ساپارىن باستاپ، پارتيا مەن مەملەكەت ىستەرىنىڭ العا باسۋ باعدارىن اناعۇرلىم ايقىنداۋمەن بىرگە، حالىق بۇقاراسىنىڭ ءوز-وزىنە قوجا بولۋ ءتۇزىمى جۇيەسىن كەمەلدەندىرىپ، سوتسياليستىك دەموكراتيالى ساياسيدى دامىتۋ جونىندە كەلەلى ورنالاستىرۋ جاساپ، جاڭا داۋىردەگى حالىق قۇرىلتايى قىزمەتىن ويداعىداي ىستەۋ، مەملەكەتتى زاڭمەن جونگە سالۋدى ىشكەرىلەي امالياتتان وتكىزۋ جونىندە ايقىن تالاپتار العا قويدى. حالىق قۇرىلتايى ءتۇزىمى بولاشاقتا ءتىپتى شۇعىلا شاشادى، مەملەكەتتىك حالىق قۇرىلتايى جانە ونىڭ تۇراقتى كوميتەتىنىڭ بورىشى ءتىپتى داڭىقتى.
ۋاكىل قۇربان نياز، اكبار ءماتناسىر، جاۋ جينلۇڭدەر بىلاي دەدى: «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19-قۇرىلتايىنىڭ جانە پارتيا 19-كەزەكتى ورتالىق كوميتەتىنىڭ ەكىنشى، ءۇشىنشى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، حالىق قۇرىلتايى تۇزىمىنە ۇزاق ۋاقىت تاباندى بولىپ جانە ونى ۇزدىكسىز كەمەلدەندىرىپ، نەگىزگى زاڭ مەن زاڭداعى ءتۇرلى قىزمەت جاۋاپكەرلىگىن جاپپاي ۇستىنە الىپ، جاڭا داۋىردەگى حالىق قۇرىلتايى قىزمەتىنىڭ شىت جاڭا بەت-بەينەسىن جاراتۋعا قۇلشىنۋ قاجەت. پارتيانىڭ بارلىق قىزمەتكە جەتەكشىلىك ەتۋىنە تاباندى بولىپ، پارتيانىڭ لۋشيان، باعىت، ساياساتى مەن پارتيا ورتالىق كوميتەتىنىڭ شەشىم-ورنالاستىرۋلارىن حالىق قۇرىلتايىنىڭ ءتۇرلى قىزمەتىندە دايەكتىلەندىرۋگە، تياناقتاندىرۋعا شىنايى كەپىلدىك ەتۋ؛ بارلىق ۇقىقتىڭ حالىققا ءتان بولۋىنا تاباندى بولىپ، حالىقتىڭ حالىق قۇرىلتايى ارقىلى مەملەكەت ۇقىعىن اتقارۋىن قولداۋ جانە وعان كەپىلدىك ەتۋ؛ نەگىزگى زاڭدى اتقارۋدى مەملەكەتتى زاڭمەن جاپپاي جونگە سالۋدىڭ كورنەكتى ورنىنا قويىپ، مەملەكەتتى زاڭمەن جونگە سالۋ، نەگىزگى زاڭمەن زاڭمەن جونگە سالۋ قىزمەتىن تىڭ دەڭگەيگە كوتەرۋ؛ پارتيا مەن مەملەكەت قىزمەتىنىڭ جالپى جاعدايىن تىعىز ارقاۋ ەتۋگە تاباندى بولىپ، مەملەكەتتىڭ ءتۇبىرلى ساياسي ءتۇزىمى ابزالدىلىعىن تولىق ساۋلەلەندىرىپ، مەملەكەتتىڭءتۇرلى ىستەردى ءبىر تۇتاس جوعارى ونىمدىلىكپەن ۇيىمداستىرىپ ىلگەرىلەتۋىنە شىنايى كەپىلدىك ەتىپ، حالىقتىڭ كۇن سايىن ارتقان تاماشا تۇرمىسقا بولعان قاجەتىن ويداعىداي قاناعاتتاندىرۋ ءتيىس.
مەملەكەتتىك حالىق قۇرىلتاينىڭ ۋاكىلدەرى: نايىم ياسىن، شى داگاڭ، ليۋ حايشيڭ، لي ۋي، ما شۋەجۇن، لو دۇڭشۋان، پىڭ جيارۇي، ابدۇراحىپ تومۇرنيازدار باياندامانى قاراۋعا قاتىناستى. مەملەكەتتىك 12-كەزەكتى حالىق قۇرىلتايى تۇراقتى كوميتەتىنىڭ مۇشەسى اسحات كەرىمباي ۇلى ماجىلىسكە سىرتتاي قاتىناستى.


بەرىپ كەت ورامالىڭدى

دوستار

الىستاعى اق ەركە