جاڭا حابارلار

قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، ۇلتتار ىنتىماعىن جەبەپ، جۇڭگوشا سوتسياليستىك شينجياڭ قۇرۋ باسا دارىپتەلدى

    كەلۋ قاينارى: شينجياڭ حالىق راديو ىستانسياسى    2018-03-13 14:54:29  

ۋاڭ ياڭ مەملەكەتتىك 13-كەزەكتى حالىق قۇرىلتايىنىڭ 1-ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناستى

ستانسيامىزدىڭ تىلشىسى لي لۇڭ حابارلايدى: 3-ايدىڭ 12-كۇنى تۇستەن بۇرىن، مەملەكەتتىك 13-كەزەكتى حالىق قۇرىلتايىنىڭ 1-ماجىلىسىنە قاتىناسىپ حاتقان شينجياڭ ۋاكىلدەر ۇيىرمەسى حالىق سارايىنىڭ شينجياڭ زالىندا جالپى جيىن اشىپ، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارادى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ۋاڭ ياڭ باياندامانى قاراۋعا قاتىناستى.
حالىق قۇرىلتايىنىڭ شينجياڭ زالى كوكتەم شۋاعىنا شومدى، تۇستەن بۇرىن ساعات 9 دا، ۋاڭ ياڭ جيىن زالىنا كۇلىمسىرەي كىردى، ۇستىنە ۇلتتىق كيىمدەرىن كيگەن ۋاكىل رۋحيام ماتسايدى، قۇربان نيازدار قارسى الا شىعىپ، ۇيعۇر ۇلتىنىڭ دوپپاسىن ۇسىنىپ، شينجياڭداعىءار ۇلت حالقىنىڭ وسكەلەڭ قۇرمەتى مەن تاماشا تىلەگىن بىلدىردى. بارلىق ۋاكىل قىزۋ شاپالاق سوقتى، ۋاڭ ياڭ كوپشىلىكپەن ءبىر-بىرلەپ قول الىسىپ، شىنايى اڭگىمەلەستى.
شينجياڭ ۋاكىلدەر ۇيىرمەسىنىڭ باستىعى، اۆتونوميالى رايوندىق پارتكومنىڭ شۋجيى چىن چۋانگو جيىندى باسقاردى. مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكرات زاكىر، شاۋكەت يمىن، سۇن جينلۇڭ، جۋ حايلۇندار باياندامانى قاراۋعا قاتىناستى.
جيىن زالى قىزۋ مەرەيگە تولدى، ۋاكىلدەر باياندامانى مۇقيات تالقىلاپ، اقتارىلا ءسوز سويلەدى. چىن چۋانگو، شوكرات زاكىر، سۇن جينلۇڭ، ابدۇراحىپ تۇمىرنياز، رۋحيام ماتسايدى، جاۋ جينلۇڭ، سۇي جيۋشيۋ، لاچين بايكا، اكپار ماتناسىر، قۇربان نياز سياقتى ۋاكىلدەر، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋ، قوعام ورنىقتىلىعىن قورعاۋ، ەكونومياكنىڭ جوعارى ساپامەن دامۋىن جەبەۋ، بيڭتۋان رەفورماسىن تەرەڭدەتۋ، ەلىمىزدە ءسىلام ءدىنىن سوتسياليستىك قوعامعا سايكەسۋگە بەلسەنە باستاۋ، ۇلتتار ىنتىماعى، كەدەيلىكتەن قۇتىلدىرۋدان قامال الۋ، وقۋ-اعارتۋ ىستەرىن بارىنشا دامىتۋ سياقتى جاقتاردى توڭىرەكتەي پىكىر ۇسىنىس بەردى.
ۋاڭ ياڭ مۇقيات تىڭداپ، اراسىندا ءسوز قىستىرىپ، ۋاكىلدەرمەن ىشكەرىلەي تالقى جۇرگىزدى. ۋاكىلدەردىڭ ءسوزىن مۇقيات تىڭداعاننان كەيىن، ۋاڭ ياڭ بىلاي دەدى: «مەملەكەتتىڭ 13-كەزەكتى حالىق قۇرىلتايى ءبىرىنشى ماجىلىسىنىڭ 3-رەتكى جالپى جيىنىندا نەگىزگى زاڭعا وزگەرىس ەنگىزۋ جوباسى جوعارى داۋىسپەن ماقۇلداندى، بۇل ەلىمىزدىڭ ساياسي ومىرىندەگى كەلەلى ءمان الاتىن ءىرى ءىس، جاڭادان وزگەرىس ەنگىزىلگەن نەگىزگى زاڭ جۇڭحۋا ۇلتىنىڭ ۇلى گۇلدەنۋىن نەگىزگى زاڭمەن پارمەندى قامتاماسىز ەتەدى. مەمەملەكەتتىك حالىق قۇرىلتايىنىڭ قىزمەت بايانداماسىن بۇكىلدەي قۇپتايمىن.
ۋاڭ ياڭ باسا دارىپتەپ بىلاي دەدى: «جاڭا داۋىردەگى شينجياڭ قىزمەتىن ويداعىداي ىستەۋدە، ءسوزسىز، پارتيا 19-قۇرىلتايى مەن ج ك پ 19-كەزەكتى ورتالىق كوميتەتىنىڭ 2-، 3-جالپى ماجىلىستەرىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ۇلتتاردىڭ ارالاسۋىن، ىشتەسۋىن، توعىسۋىن ونان ارى جەبەپ، جۇڭحۋا ۇلتىنىڭ ورتاق تۇلعا تانىمىن كۇشەيتىپ، قوعامنىڭ جاراسىمدى، ورنىقتىلىعىن باتىل قورعاپ، بيڭتۋاننىڭ شينجياڭدى ورنىقتىرۋداعى، قۇرۋداعى ماڭىزدى رولىن تولىق ساۋلەلەندىرىپ، ىنتىماقتى، جاراسىمدى، گۇلدەنىپ كوركەيگەن، باي، وركەنيەتى العا باسقان، حالقى تىنىش تىرشىلىك ەتەتىن جۇڭگوشا سوتسياليستىك شينجياڭدى قۇلشىنا قۇرۋ كەرەك».
چىن چۋانگو بىلاي دەدى: «ۋاڭ ياڭ جولداس شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل شينجياڭداعى ءار ۇلت حالقىنا دەگەن شىنايى قامقورلىعى مەن تەرەڭ سۇيىسپەنشىلىگىن جەتكىزدى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، پارتيا 19-قۇرىلتايىنىڭ رۋحىن جاپپاي تياناقتاندىرىپ، نازاردى باس نىساناعا شوعىرلاندىرىپ، كەشەندى شارانى ويداعىداي اتقارىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تامىر تارتىپ وركەن جايۋىن ىلگەرىلەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىن الاڭسىز ەتەمىز».
مەملەكەتتىك حالىق قۇرىلتايىنىڭ ۋاكىلدەرىنەن نايىم ياسىن، شى داگاڭ، ليۋ حايشيڭ، لي ۋي، ما شۋەجۇن، لو دۇڭچۋان، پىڭ جيارۇي سياقتى كىسىلەر باياندامانى قاراۋعا قاتىناستى. مەملەكەتتىك 12-كەزەكتى حالىق قۇرىلتايى تۇراقتى كوميتەتىنىڭ مۇشەسى اسقات كەرىمباي ۇلى جيىنعا سىرتتاي قاتىناستى.


بەرىپ كەت ورامالىڭدى

دوستار

الىستاعى اق ەركە