جاڭا حابارلار

كولەمدى تاربيەلەۋ كولەمدى جۇمىستانۋدى جەبەدى

    كەلۋ قاينارى: شينجياڭ گازەتى    2018-03-13 18:45:57  

− اقسۋ ايماعىنىڭ كاسىپتىك ونەرگە تاربيەلەپ، جۇمىستانۋدى جەبەپ، كەدەيلىكتەن قۇتىلۋدى دەمەۋ قىزمەتى جونىندە
ءتىلشىمىز گاي يۋجۇن، اقسۋداعى تىلشىلەر پۋنكتىنەن رىن حۇڭفاڭ

  جۇمىستانۋ − حالىق تۇرمىسىنا ساياتىن ەڭ ۇلكەن ءىس. باس شۋجي شي جينپيڭ پارتيا 19 - قۇرىلتايىندا جاساعان بايانداماسىندا «جۇمىستانۋدى الدىمەن ويلاستىرۋ ستراتەگياسى مەن بەلسەندى جۇمىستانۋ ساياساتىنا تاباندى بولىپ، اناعۇرلىم جوعارى ساپالى جانە اناعۇرلىم تولىق جۇمىستانۋدى جۇزەگە اسىرۋ كەرەك. كاسىپتىك ونەرگە باۋلۋدى كەڭىنەن ەتەك الدىرىپ، جۇمىستانۋداعى قۇرىلىمدىق قايشىلىقتى شەشۋگە ءمان بەرىپ، شارۋاشىلىق قۇرۋ ارقىلى جۇمىستانۋدى جەتەكتەۋگە دەم بەرۋ. الەۋمەتتىك جۇمىستانۋعا جان - جاقتىلى قىزمەت كورسەتىپ، جوعارى وقۋ ورىندارىنان وقۋ تاۋىسقان ستۋدەنتتەر سىندى جاستار قاۋىمىنىڭ، شارۋا جۇمىسكەرلەردىڭ كوپ جولدارمەن جۇمىستانىپ، شارۋاشىلىق قۇرۋىن جەبەۋدى» اتاپ كورسەتكەن بولاتىن.
  اقسۋ ايماعى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتى تياناقتاندىرىپ، «تاربيەلەۋ ارقىلى جۇمىستانۋدى ىلگەرىلەتۋ، جۇمىستاندىرۋ ارقىلى ورنىقتىلىقتى ساقتاۋ، ورنىقتىلىق ارقىلى جاراسىمدىلىقتى جەبەۋ» نەگىزگى تاقىرىبىن مىقتاپ ارقاۋ ەتىپ، ۇكىمەت اشقان، حالىق اشقان كاسىپكە تاربيەلەۋ قۇرىلىمدارىن، كاسىپتىك ونەرگە تاربيەلەۋ كۇشىن بەلسەنە بىرىكتىرىپ، قىزمەت فورماسىندا جاڭالىق اشىپ، «ۇكىمەت مەكتەپ اشۋ، كاسىپورىن ءوزى تاربيەلەۋدى نەگىز ەتۋ، حالىق اشقان تاربيەلەۋ قۇرىلىمدارى ارقىلى تولىقتىرۋ» سىندى كاسىپتىك ونەرگە تاربيەلەۋ جاعدايىن قالىپتاستىرۋعا كۇش سالدى، تەك وتكەن جىلدان بەرى، ءتۇرلى كاسىپتىك ونەرگە تاربيەلەۋگە 72 مىڭ ادام - رەت ۇيىمداستىرىلىپ، ەڭبەككۇشتەردى جۇمىستاندىرۋدى ءونىمدى ىلگەرىلەتىپ، كەدەيلىكتەن قۇتىلدىرۋدان قامال الۋ قادامىن جەدەلدەتۋگە تىڭ سەرپىن بەردى.
  كلاستا وقىتۋدى جۇمىس ورنىنا بارىپ پراكتيكا جاساۋعا وزگەرتتى
  2 - ايدىڭ 4 - كۇنى اقسۋ يۋبو توقىماشىلىق عىلىم - تەحنيكا شەكتى سەرىكتەستىگىنىڭ تىگىنحانا سەحىندا، اقسۋ ايماقتىق كاسىپتىك - تەحنيكا ينستيتۋتىنان كەلگەن ۇيعۇر بويجەتكەن ارزىگۇل راحىم كيىم تىگۋدە. وتكەن جىلى 10 - ايدا ارزىگۇل وسىندا جۇمىس ورنىنا كەلىپ پراكتيكا جاسادى، قازىر ول كيىمدى ءوز الدىنا تىگە الاتىن بولدى.
  ارزىگۇل راحىم ۇمىتكە تولى سەزىممەن: بۇل ارادا پراكتيكا جاساعاندا، كلاستا ۇيرەنگەن نازاريالىق بىلىمدەردى شىنايى ونەرگە اينالدىرۋعا بولادى، وتە پايدالى. مەن وقۋ تاۋىسقاننان كەيىن وسى اراعا كەلىپ جۇمىس ىستەۋگە قۇلشىنامىن، - دەدى.
  اقسۋ يۋبو توقىماشىلىق عىلىم - تەحنيكا شەكتى سەرىكتەستىگى اقسۋ ايماقتىق كاسىپتىك - تەحنيكا ينستيتۋتى توقىما ينجەنەرياسى فاكۋلتەتىنىڭ مەكتەپ سىرتىنداعى پراكتيكا جاساۋ - تاربيەلەۋ بازاسى ءارى مەكتەپ پەن كاسىپورىن سەلبەسكەن كاسىپورىن، قازىر 100دەن استام وقۋشى وسى اراعا كەلىپ، جۇمىس ورنىندا پراكتيكا جاسايدى جانە تۇراقتى جۇمىس بويىنشا پراكتيكادان وتەدى.
  مۇنان سىرت، اقسۋ ايماقتىق كاسىپتىك - تەحنيكا ينستيتۋتى توقىما ينجەنەرياسى فاكۋلتەتى تاعى اقسۋ يۋبو توقىماشىلىق عىلىم - تەحنيكا شەكتى سەرىكتەستىگى، ليانفا توقىماشىلىق شەكتى سەرىكتەستىگى، جياڭيۇي توقىماشىلىق جارناسى شەكتەۋلى سەرىكتەستىگى، جۇييىڭ كيىم - كەشەك شەكتى سەرىكتەستىگى سياقتى كاسىپورىندارمەن سەلبەسىپ تاپسىرىس بەرۋ كلاسىن اشىپ، پراكتيكا - تاربيەلەۋدى كلاستان كاسىپورىنعا جوتكەپ، وقۋشىلاردى كلاستان سەحقا كوشىردى. موندا كوپتەگەن وقۋشىلار 3 ايلىق جۇمىس ورنىندا پراكتيكا جاساۋ ارقىلى، جۇمىس ىستەۋ تالابىنا جەتە الادى.
  حۋافۋ ءتۇستى توقىما شەكتى سەرىكتەستىگىندە دە، اقسۋ ايماقتىق كاسىپتىك - تەحنيكا ينستيتۋتى توقىما ينجەنەرياسى فاكۋلتەتىنىڭ 10 نەشە وقۋشىسى جۇمىس ورنىندا پراكتيكا جاساۋدا. وتباسى اقسۋ قالاسى ايكول قالاشىعىندا تۇراتىن گۇلينا امەت وتكەن جىلى 9 - ايدا حۋافۋ ءتۇستى توقىما شەكتى سەرىكتەستىگىنە كەلىپ جۇمىس ورنىندا پراكتيكا جاساعان بولاتىن، بەينەسى كورنەكتى بولعاندىقتان، كاسىپورىن وعان ەڭبەكاقى بەرىپ قانا قالماستان، تاعى ونىمەن العاشقى جۇمىسقا الۋ نيەت توقتامىن جاساستى، وقۋ تاۋىسقاننان كەيىن تىكە كاسىپورىنعا كەلىپ جۇمىس ىستەيتىن بولدى.
  وقىسا جۇمىسقا شىعادى، وقۋ تاۋىسسا جۇمىستانادى. 2016 - جىلى 3 - ايدان بەرى، اقسۋ ايماعى مەكتەپ پەن كاسىپورىن سەلبەسۋ، ءوندىرىس پەن وقىتۋدى توعىستىرۋداي وقۋ - وقىتۋ جولىن قاراستىرىپ، اقسۋ توقىما ونەركاسىپ ورتالىعىنان (اشۋ رايونى) اقسۋ ايماقتىق كاسىپتىك - تەحنيكا ينستيتۋتى توقىما ينجەنەريا فاكۋلتەتىن (اقسۋ توقىما، كيىم - كەشەك كاسىبىنە تاربيەلەۋ ورتالىعىن) قۇرىپ، توقىما، كيىم - كەشەك كاسىبىن وقۋ - اعارتۋ بايلىعىمەن ساپالى بىرىكتىردى.

  كەزەكتە، اقسۋ ايماعى مەن باقشا رايونىنداعى كاسىپورىندار بىرلىكتە تۇراقتى 7 پراكتيكا - تاربيەلەۋ بازاسىن، 5 ەڭبەككۇشتەردى تاربيەلەۋ - جۇمىستاندىرۋ بازاسىن قۇرىپ، كوپتەگەن كاسىپورىندارمەن وقۋ تاۋىسقان وقۋشىلاردى جۇمىستاندىرۋ توقتامىنا قول قويىپ، مەكتەپ پەن كاسىپورىن سەلبەسە وقۋ - وقىتۋ، سەلبەسە ادام تاربيەلەۋ، سەلبەسە جۇمىستاندىرۋ، سەلبەسە دامۋداي اشىق فورمالى وقۋ - وقىتۋ ءتۇزىلىس مەحانيزمىن قالىپتاستىردى.
  كوللەكتيۆ سۇيەمەلدەۋدى دالمە - ءدال سۇيەمەلدەۋگە وزگەرتتى
  2 - ايدىڭ 10 - كۇنى كەلپىن اۋدانى گەزلىك قالاشىعى ۇستىڭگى شارىك قىستاعىنىڭ تۇرعىنى پارحات ايلاكتىڭ جۇزىنە كۇلكى ۇيىرىلە: باس شۋجيگە راقىمەت، پارتيا ورتالىق كوميتەتىنە راقىمەت. مەنىڭ باعىمشىلىقپەن شۇعىلدانۋىمما كومەكتەسكەن ۇكىمەتكە راقىمەت، وتكەن ايدا، مەن 5 قويىمدى 3000 يۋاننان استامعا ساتتىم، مەن تاعى 10 قوي ساتپاقشىمىن، - دەدى.
  بۇرىن پارحاتتىڭ وتباسى كەدەي وتباسى بولاتىن، ۇكىمەتتىڭ قۇتقارۋ قاراجاتىنا سۇيەنىپ كۇن كورىپ كەلگەن - دى، بۇعان ءوزى دە نامىستاناتىن. وتكەن جىلى جىل باسىندا، پارحات كەلپىن اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى گەزلىك قالاشىعىنان اشقان باعىمشىلىققا تاربيەلەۋ كۋرسىنا قاتىناسىپ، باعىمشىلىق تەحنيكاسىن يگەرەدى ءارى ۇكىمەتتىڭ كومەگىندە باعىمشىلىقپەن شۇعىلدانىپ، كەدەيلىكتەن قۇتىلىپ قانا قالماستان، تاعى قالتاسى دا قامپايادى.

  پارحاتتىڭ تۇرمىسىنىڭ جاقسارۋى اقسۋ ايماعى كەڭىنەن ورىستەتكەن ەڭبەككۇشتەردى اقىسىز ونەرگە تاربيەلەۋىنىڭ ارقاسى ەدى.
  ەڭبەك ونەرىنە تاربيەلەۋ بارىسىندا، اقسۋ ايماعى تاربيەلەۋدە ۇيىنە دەيىن بارىپ «تىزىمدىك فورمالى» تاڭداپ ۇيرەنۋ - تاربيەلەۋ ءادىسىن قولدانىپ، ۇقساماعان توپقا، جۇمىستانۋ باعىتى مەن بازار قاجەتىنە بىرلەستىرىپ، توپقا، تۇرگە ءبولىپ قاجەتكە قاراي تاربيەلەپ، «قىستاق جاعدايىنا قاراي ىستەپ»، كەدەيلىكتەن قۇتىلدىرۋدان قامال الۋدى ارقاۋ ەتىپ، تۇراقتى مۇلىككە قارجى قوسۋ، مال، ءۇي قۇستارى باعىمشىلىعى، قىزمەت كورسەتۋ كاسىبى سياقتى جاقتارداعى ونەرگە كەڭىنەن تاربيەلەپ، ايماق بويىنشا ارحيۆ تۇرعىزىپ كارتچكا ءىلىپ، كەدەيلىكتەن قۇتىلماعان كەدەي وتباسىلارىنداعى ەڭبەك قۋاتى، جۇمىستانۋ ويى بار ادامداردى نەگىز ەتىپ، «ءبىر وتباسىندا ءبىر ادام ءبىر ونەر يگەرۋدەي» ونەرگە تاربيەلەۋدى تياناقتاندىرىپ، بۇرىنعى كوللەكتيۆ سۇيەمەلدەۋدى دالمە - ءدال سۇيەمەلدەۋگە وزگەرتىپ، تاربيەلەۋدە تاڭداۋ مەن نىسانا جاعىنان قوس تابىسقا جەتۋدى شىنايى جۇزەگە اسىردى. وتكەن جىلى 12 - ايدان بەرى، ايماق بويىنشا 26 مىڭ 165 ادامدى اشىلعان ءتۇرلى كۋرستارعا قاتىناسۋعا ۇيىمداستىردى، مۇنىڭ ىشىندە ارحيۆ تۇرعىزىلىپ كارتچكا ىلىنگەن كەدەي وتباسىنداعى ەڭبەككۇش 8285 ادام بولىپ، تاربيەلەنگەن جالپى ادام سانىنىڭ %31.7تىن ۇستادى، قازىر 9313 ادام جۇمىستانىپ بولدى.
  قۇتقارۋعا قاراپ الاقان جايىپ وتىرۋدان بىلەك سىبانا قايراتتانا ىستەۋگە كوشتى

  اقسۋ ايماعى ونەرگە تاربيەلەگەن قالىڭ ەگىنشى - مالشىلار ەڭبەك ونەرىن يگەرىپ قانا قالماستان، ەڭ ماڭىزدىسى يدەيالىق كوزقاراستا بۇرىلىس جاسادى، ولار بۇرىنعىداي قۇتقارۋعا قاراپ الاقان جايىپ وتىرۋدان بىلەك سىبانا قايراتتانا ىستەۋگە كوشتى.
  1 - ايدىڭ 21 - كۇنى اقسۋ حۋافۋ ءتۇستى توقىما شەكتى جارنا سەرىكتەستىگى ءوندىرىس سەحىندا، ءوندىرىس شەبىندە قاربالاس ىستەپ جاتقان ءماريام مامۇت قۋانىشتى بەينەدە: باس شۋجي شي جينپيڭ «جۇمىستاندىرۋ − حالىق تۇرمىسىنا ساياتىن ەڭ ۇلكەن ءىس» دەدى. مەن قازىر ماشينانى قانىق مەڭگەرە الاتىن بولدىم، وتكەن ايدا 2800 يۋان ۇلەس ەڭبەكاقىسىن الدىم، بۇدان كەيىن ءار ايدا 4000 يۋان الۋعا قۇلشىنامىن. مەن كەدەيلىكتەن وسىلاي قۇتىلدىم! - دەدى.
  ءماريام ۇلۇقشات اۋدانى العا قالاشىعى قورعان قىستاعىنىڭ تۇرعىنى. وتكەن جىلى 8 - ايدىڭ باسىندا، بۇل اۋداننىڭ ادام كۇشى بايلىعى جانە قوعامدىق قامتاماسىزداندىرۋ تاراۋلارىنىڭ ۇيىمداستىرۋىمەن، قىستاقتاعى اپەكە - سىڭلىلەرىمەن بىرگە اقسۋ توقىما ونەركاسىپ ورتالىعىنا (اشۋ رايونى) كەلىپ، اقسۋ حۋافۋ كاسىپكە تاربيەلەۋ مەكتەبى ءجىپ ءيىرۋ سەحىنا جۇمىسقا تاربيەلەۋگە قاتىناسىپ، حۋافۋ ءتۇستى توقىما شەكتى جارنا سەرىكتەستىگىنىڭ ءبىر توقىما جۇمىسشىسىنا اينالادى.

  اقسۋ ايماعىندا ءماريام سياقتى ونەرگە تاربيەلەۋگە قاتىناسۋ ارقىلى تاعدىرىن وزگەرتكەندەر وتە كوپ. اقسۋ قالاسى ايكول قالاشىعىنىڭ ديقانى سارش وشىر انە سولاردىڭ ءبىرى.
  وتباسىندا ەگىن سالۋمەن اينالىسىپ كەلگەن سارش كورشىلەرىنىڭ ىلگەرىندى - كەيىندى سىرتقا شىعىپ جۇمىس ىستەپ اقشا تاپقانىن كورگەننەن كەيىن ويلانا باستايدى، ءبىراق ول، بىرىنشىدەن، قولىمدا ونەر جوق؛ ەكىنشىدەن، ەشقانداي ەرەكشەلىگىم جوق دەپ، بولاشاعىن ويلاۋدان قايمىعاتىن ەدى. وتكەن جىلى جىل باسىندا، سارش ۇكىمەت ۇيىمداستىرعان ونەرگە تاربيەلەۋ كۋرسىنا قاتىناسقاننان كەيىن، اۆتوموبيل رەمونتتاۋ تەحنيكاسىن يگەرەدى ءارى تولىمدىلىق كۋالىگىن دە الادى.

  بۇدان بىلايعى يگىلىك جاراتۋ جوسپارى جونىندە توقتالعاندا، سارش: وتكەن جىلى مەن باسقالارعا جۇمىس ىستەپ، ءبىر ايلىق كىرىسىمدى 3000 يۋاننان اسىرعان ەدىم. بيىل قالاشىقتان ءبىر رەمونتحانا اشىپ، ءوزىم شارۋاشىلىق قۇرماقشىمىن، - دەدى.


بەرىپ كەت ورامالىڭدى

دوستار

الىستاعى اق ەركە