جاڭا حابارلار

قىزمەت اترەتىندەگىلەر جىلى جاي، جىلى قورا سالۋ، اۋلا شارۋاشىلىعىن دامىتۋ سياقتى ءتۇرلى فورما ارقىلى جەرگىلىكتى ديحانداردىڭ كىرىس كوزىن اشۋ جولىن مۇمكىندىكتىڭ بارىنشا كەڭەيتتى

    كەلۋ قاينارى: شينجياڭ حالىق راديو ىستانسياسى    2018-03-14 13:11:31  
ستانسيامىزدىڭ ءتىلشىسى ۋاڭ يڭ، كۇشار راديو ستانسياسىنىڭ ءتىلشىسى ۋاڭ جيانچياڭنىڭ حابارىن تىڭداڭىزدار: اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ كۇشار اۋدانى الاقارعا قالاشىعى قىتات قىستاعىندا تۇراتىن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى جىلى جاي، جىلى قورا سالۋ، اۋلا شارۋاشىلىعىن دامىتۋ سياقتى ءتۇرلى فورما ارقىلى جەرگىلىكتى ديحانداردىڭ كىرىس كوزىن اشۋ جولىن مۇمكىندىكتىڭ بارىنشا كەڭەيتتى.
تۇستەن بۇرىن ساعات 10 دا، قىستاق تۇرعىنى ازەز سايىمنىڭ اۋلاسىندا، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرعان قىزمەت اترەتىندەگى مۇشەلەر ونىمەن بىرگە جىلى جاي سالدى. ازەز سايىم بىلتىر سىرقاتتانىپ قالىپ ۇيىندەگى بار اقشاسىن تاۋىسىپ، قىستاقتاعى كەدەي، قيىنشىلىعى بار وتباسىنا اينالىپ قالعان ەدى، ونىڭ كىرىسىن ارتتىرۋ ءۇشىن، قىزمەت اترەتى قارجى توپتاپ، وعان كومەكتەسىپ ءبىر جىلى جاي سالىپ بەردى. ازەز سايىم بىلاي دەدى: «ەگىنشىلىكپەن ويداعىداي شۇعىلدانىپ ەرتەرەك اۋقاتتانىپ، كەدەيلىك قالپاعىن الىپ تاستاۋعا قۇلشىنامىن، سونىمەن بىرگە قىستاقتاعى باسقا تۇرعىندارعا پارتيانىڭ جاقسى ساياساتىن ويداعىداي ۇگىتتەپ، كەدەي، قيىنشىلىعى بار وتباستارىن بىرلىكتە دوڭگەلەك داۋلەتتى تۇرمىسقا جەتۋگە باستايمىن».
قىستاق تۇرعىندارىن جىلى جايدا ەگىنشىلىكپەن شۇعىلدانۋعا باستاۋ ءۇشىن، 2017-جىلى قىزمەت اترەتى وزدەرى قارجى توپتاپ 40 شاعىن جىلى جاي سالىپ قىستاق تۇرعىندارىنىڭ پايدالانۋىنا بەردى، سول جىلدىڭ وزىندە ءار ءبىر شاعىن جىلى جايدىڭ كىرىسى 8 مىڭ يۋاننان استى. بيىل كەدەيلىكتەن قۇتىلدىرۋ جوسپارىن قايتالاي جاساعاندا، قىستاقتاعى 15 كەدەي، قيىنشىلىعى بار وتباسى قىزمەت اترەتىن ارناۋلى ىزدەپ بارىپ، جىلى جايدا كوكونىس ەگىپ كىرىستەرىن ارتتىرۋدى ىرىقتىلىقپەن تالاپ ەتتى. قىزمەت اترەتىنىڭ مۇشەسى ماتمۇسا ماتسايدى بىلاي دەدى: «بيىل قىزمەت اترەتىمىز قىستاق تۇرعىندار كوميتەتىمەن بىرگە ارناۋلى تەحنيك ۇسىنىس ەتىپ، كەدەي، قيىنشىلىعى بار وتباستارىن جىلى جاي ەگىنشىلىگىمەن شۇعىلدانۋعا باستاپ، 15 كەدەي، قيىنشىلىعى بار وتباسىن كەدەيلىكتەن قۇتىلدىرماقشىمىز».
كەدەي، قيىنشىلىعى بار وتباستارىن ۋاعىندا كەدەيلىكتەن قۇتىلدىرۋ ءۇشىن، قىزمەت اترەتى ەرەكشە ەگىنشىلىكتى دامىتۋ، كاسىپ كوزىن اشۋ، اۋىل قىستاق ساياحاتىن دامىتۋ سياقتى كىرىستى ارتتىرۋدىڭ بىرقىدىرۋ جوسپارلارىن جاسادى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىتات قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجيى لي جينياڭ بىلاي دەدى: ءبىزدىڭ بيىلعى ەرەكشە ەگىنشىلىكتەگى تاۋىق باعۋ بولەگىندە، 5 جىلى قورا سالىنىپ بولدى، جۋىقتا 5 مىڭ شوجە اكەلىپ وسىرەمىز؛ ەرەكشە ەگىنشىلىك جاعىندا ءتاتتى جاپىراقتى كۇرەڭكەيدى ءبىر نىسان رەتىندە ەنگىزدىك، كەدەي، قيىنشىلىعى بار وتباستارى مۇنىڭ ءبىر مۋىنان 800 يۋان كومەك قاراجات الا الادى، ونىڭ سىرتىندا ەرەكشە ەگىنشىلىككە مەملەكەتتىڭ بەرەتىن 800 يۋانى بار، وسىلاي بولعاندا ءبىر مۋ جەردەن ءبىر مىڭ 600 يۋان ونىمدىلىك جاراتۋعا بولادى. مۇنان سىرت ءبىز كەيبىر ەكونوميكالىق ونىمدىلىگى جوق اعاش تۇرلەرىن وزگەرتتىك، كونە تەرەكتەردىڭ ورىنىنا كۇشار ورىك اعاشىن ەكتىك، كۇشار ورىگى سىندى تانىسقى ارقىلى قىستاعىمىزدىڭ ساياحاتى مەن ەكونوميكاسىنىڭ دامۋىن بىردەي جەبەۋگە مۇمكىندىك جاساماقشىمىز».

بەرىپ كەت ورامالىڭدى

دوستار

الىستاعى اق ەركە