جاڭا حابارلار

رايونىمىزدىڭ جەر-جەرى قۇرىلىمدى رەتتەپ، دارەجەسىن جوعارلاتۋعا بەلسەنە كىرىسىپ، ديحانداردى كىرىستى ارتتىرىپ، اۋقاتتانۋعا باستادى

    كەلۋ قاينارى: شينجياڭ حالىق راديو ىستانسياسى    2018-03-14 13:24:12  
ستانسيامىزدىڭ تىلشىلەرى شۇي حۇڭتاۋ، رىن چيچاۋ جانە لەي ميڭداردىڭ حابارىن تىڭداڭىزدار: پارتيا 19-قۇرىلتايىنىڭ بايانداماسىندا، اۋىل-قىستاقتى كوركەيتۋ ستراتەگياسىن اتقارۋدى، ءارى «وسىزامانعى اۋىل شارۋاشىلىق كاسىپ جۇيەسىن، ءوندىرىس جۇيەسىن، تيجارات جۇيەسىن قۇرۋدى» اۋىل-قىستاقتى كوركەيتۋ ستراتەگياسىنىڭ ماڭىزدى شاراسىنىڭ ءبىرى ەتۋ ايقىن اتاپ كورسەتىلدى. ءدال قازىر كوكتەمگى ەگىس جۇمىسىنىڭ شەشۋشى ءساتى، رايونىمىزدىڭ جەر-جەرىندەگى كادرلار مەن بۇقارا ەگىس قۇرىلىمىن بەلسەنە رەتتەۋ، ەرەكشە كاسىپتى كولەمدەندىرۋ، اۋىل شارۋاشىلىق ونىمدەرى كاسىپ تىزبەگىن ۇزارتۋ، جاسىل ءونىم ماركاسىن ساپالاندىرىپ، وسىزامانعى اۋىل شارۋاشىلىعىن دامىتۋ ارقىلى اۋىل-قىستاق ەكونوميكاسىن كوركەيتىپ، ديحانداردىڭ كىرىسىن ارتتىرىپ اۋقاتتانۋعا باستادى.
جۋىقتان بەرى، تەمپەراتۋرانىڭ جوعارلاۋىنا بايلانىستى، رايونىمىزدىڭ جەر-جەرى كوكتەمگى ەگىس جۇمىسىنىڭ شەشۋشى ساتىنە ءوتتى، بيىل ەگىستىك جەرگە نە ەگۋ، قالاي ەگۋ ماسەلەسى كادرلار مەن بۇقارانىڭ باسىن قاتىرعان نەگىزگى ماسەلە بولدى.
وسى بىرنەشە كۇننەن بەرى، اۆتونوميالى رايوندىق ورمان شارۋاشىلىعى مەڭگەرمەسىنىڭ ءۇشتۇرپان اۋدانى العا قالاشىعى جوعارعى قاعاتۇر قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانىسىمەن قىستاقتا تۇرعان قىزمەت اترەتى ەگىس اتىزىنا بارىپ ۇگىت-لەكسيا جاساپ، قىستاق ديحاندارىن دارىلىك قۇنى بار ماقسارى ەگۋگە باستادى. قىستاق ديحانى يۇسۇپ احىمەتتىڭ جاڭعاق ەگەتىن 7 مۋ جەرى بار بولاتىن، وتكەن جىلى وعان جۇگەرى مەن ءبيداي ەككەن، ول قىزمەت اترەتىندەگىلەردىڭ ماقسارىنىڭ قۇنىنا قاتىستى تۇسىندىرمەسىن تىڭداعاننان كەيىن، بيىل ماقسارى ەگۋ ويىنا كەلدى. ول: «بۇرىنعى جىلدارى ءبيدايدىڭ ءار مۋىنان 500 يۋان، جاڭعاقتىڭ ءار مۋىنان ءبىر مىڭ 500 يۋان اينالاسىندا كىرىس كىرگىزەتىنمىن، بيىل ماقسارى ەكپەكشىمىن، ويتكەنى، ماقسارىنى ەكى رەت ورۋعا بولادى، اسىپ قالعان جەردى جالعا بەرسەم، قوسىمشا قاراجاتتان يگىلىكتەنسەم، كىرىسىم 20 مىڭ يۋاننان اسادى»،-دەدى.
باس شۋجي شي جينپيڭ بىلاي دەپ اتاپ كورسەتتى: «اۋىل-قىستاقتى كوركەيتۋ ستراتەگياسىن اتقارۋ ـــ ءىرى ءىس، ءبىر تۇتاس جوبالاپ، عىلىمي ىلگەرىلەتىپ، اۋىل شارۋاشىلىعىن ءونىم مولشەرىن ارتتىرۋدان ساپانى جوعارلاتۋعا بەتالدىرۋ كەرەك». رايونىمىزدىڭ اۋىل شارۋاشىلىق تاراۋلارى قازىر شينجياڭنىڭ ناقتىلى جاعدايىمەن ۇشتاستىرىپ، تەكسەرۋ، سارالاۋ ارقىلى ديحانداردىڭ كىرىسىن ارتتىراتىن ەرەكشە ونىمدەردى پايدالانىپ، قۇنتتاپ مانەرلەۋ نىسانى ارقىلى ەرەكشە اۋىل شارۋاشىلىق ونىمدەرى ابزال وڭىرلەرىن قۇرىپ، وسىزامانعى اۋىل شارۋاشىلىعىن دامىتۋعا جانە ديحانداردىڭ كىرىسىن ارتتىرۋعا باستادى. اۆتونوميالى رايوندىق ورمان شارۋاشىلىعى مەڭگەرمەسى باۋ-باقشا ەرەكشە ونىمدەرى باسقارماسىنىڭ باستىعى ما شۋان بىلاي دەدى: « پارتيا 19-قۇرىلتايىنىڭ بايانداماسىندا، اۋىل-قىستاقتى كوركەيتۋ ستراتەگياسى ورتاعا قويىلدى، بيىل ءبىز الدىمەن تەكسەرىپ زەرتتەۋ جانە ساراپتاۋ تەبىنىن ارتتىرىپ، اۆتونوميالى رايونىمىزدىڭ جەر-جەرىندەگى ەرەكشە كاسىپتەردىڭ ىشىندە ءسىرا قايسىنىڭ ديحانداردىڭ كىرىسىن ارتتىراتىن ەرەكشە ءتۇر ەكەنىن انىقتايمىز. اۋىل شارۋاشىلىق مينيسترلىگىنىڭ نىسان جاعىنداعى قولداۋىنا قول جەتكىزۋگە قۇلشىنىپ، قازىر التى ەرەكشە ابزال وڭىر قۇرۋعا ءوتىنىش بەردىك؛ اۋىل شارۋاشىلىق مينيسترلىگى تاعى وسىزامانعى ونەركاسىپ باقشا رايونىن قۇرۋدى ورىستەتۋدە، قۇلشىنۋ ارقىلى پاميدور، قىزىل بۇرىش جانە ءيىستى قۇدىستى مانەرلەۋگە ءوتىنىش بەردىك. اۋىل شارۋاشىلىق ونىمدەرىن مانەرلەۋ جاعىندا، بيىل ەلىمىز ءىشى-سىرتىنداعى جەتەكشى كاسىپورىنداردى ەنگىزىپ، وسى ەرەكشە ونىمدەردى مانەرلەپ، ەرەكشە اۋىل شارۋاشىلىعىن دامىتۋدى جوسپارلاپ وتىرمىز».
بيىلعى «ۇكىمەت قىزمەتىنەن باياندامادا»، اۋىل شارۋاشىلىعىندا قامداۋ جاعىنداعى قۇرىلىمدىق رەفورمانى ىلگەرىلەتۋ اتاپ كورسەتىلدى. اۋىل شارۋاشىلىعىنىڭ، ورمان شارۋاشىلىعىنىڭ، مال شارۋاشىلىعىنىڭ، بالىق شارۋاشىلىعىنىڭ جانە ەگىن شارۋاشىلىعىنىڭ جاڭالانىپ دامۋىن ىلگەرىلەتىپ، وسىزامانعى اۋىل شارۋاشىلىعى كاسىپ باقشاسىن جانە ەرەكشە اۋىل شارۋاشىلىعى ونىمدەرى ابزال رايونىن قۇرۋدى تەزدەتۋ كەرەك. 2017-جىلى شينجياڭنىڭ ماقتا ەگەتىن اۋماعى، ءونىم مولشەرى، ساپاسى تۇگەل ورنىقتى ارتۋ جاعدايىن ساقتاپ، ماقتا ەگەتىن اۋماعىنىڭ ەلىمىز بويىنشا ۇستايتىن سالىستىرماسى %60 تەن؛ ماقتا ءونىم مولشەرىنىڭ مەملەكەت بويىنشا ۇستايتىن سالىستىرماسى %74 تەن اسىپ؛ ابزال ماقتا ءونىم مولشەرىنىڭ مەملەكەت بويىنشا ۇستايتىن سالىستىرماسى %67 كە جەتتى، ءسۇيىتىپ، شينجياڭنىڭ ماقتاسى ەل ءىشىن ماقتامەن قامداۋداعى نەگىزگى ترەكتى ورىنعا اينالدى. سونىمەن بىرگە، شينجياڭنىڭ ەرەكشە جەمىس اعاشى كاسىبىنىڭ دامۋى دا جىل سايىن تىڭ ساتىعا قادام تاستاپ، جەمىس ونمدەرى جەر-جەردە ساتىلىپ، جاراتقان قۇنىنىڭ ديحانداردىڭ كىرىسىن ارتتىرۋداعى رولى دا بارعان سايىن كورنەكتىلەندى. بيىل رايونىمىز «جاسىل» اۋىل شارۋاشىلىعىن دامىتىپ، «جاسىل» اۋىل شارۋاشىلىعىنداعى ءىرى رايون قۇرىلىسىن نىعايتىپ، ديحانداردىڭ پايدا تاۋىپ، تۇرمىسىن جاقسارتۋىنا مۇمكىندىك جاسايدى. مەملەكەتتىك حالىق قۇرىلتايىنىڭ ۋاكىلى يوۋ لياڭيىڭ، شينجياڭنىڭ ەرەكشە اۋىل شارۋاشىلىق ونىمدەرىن بۇرىنعىدان دا ءابزال ءارى باسەكەلىك قۋاتقا يە ەتۋدە، ماڭىزدىسى جاسىل دامۋ كوزقاراسىن دايەكتىلەندىرىپ، جاسىل ءونىم ماركاسىن جاراتۋ كەرەك ەكەنىن ايتا كەلىپ، بىلاي دەدى: «مۇندا ءبىرى، تاڭداۋلى دارىندى، جوعارى ولشەمدى تەحنيكا ەنگىزۋ كەرەك؛ ەندى ءبىرى، ۇشتاسۋ مەحانيزىمى بولۋى شارت، ۇشتاسۋ مەحانيزىمىندە، وزگە جەرلەردەگى جوعارى ساپالى كاسىپورىندار مەن جەتەكشى كاسىپورىنداردى،ءسوزجوق، ەنگىزۋ كەرەك، تاعى ءبىرى، وسى كاسىپورىنداردى وسى اراعا ىرگە تەپتىرىپ، قوسىمشا قۇندى ارتتىرۋ ءتيىس، جەتىلدىرۋ تەحنيكاسىنىڭ دەڭگەيىن جوعارلاتىپ، ماشينالاندىرۋدى ىلگەرىلەتىپ، اقاۋسىزدىق كوزقاراسىنان پايدالانىپ، جاسىل ونىمدەر رايونىن قۇرىپ، ۇلتتىق ءونىم ماركاسىن جاراتۋ كەرەك، سوندا عانا شينجياڭداعى ءار ۇلت حالىقى وسى جاڭا اۋىل شارۋاشىلىق فورماسى ارقىلى كىرىسىن ارتتىرىپ، اۋقاتتانا الادى».

بەرىپ كەت ورامالىڭدى

دوستار

الىستاعى اق ەركە