جاڭا حابارلار

بۇراتالاداعى ديحان ما حاي-حايدىڭ مۇگەدەك كۇيەۋى مەن قايىن ءسىڭىلىسىن باستاپ، كەدەيلىكتەن قۇتىلىپ، اۋقاتتانۋعا قۇلشىنىس جاسادى

    كەلۋ قاينارى: شينجياڭ حالىق راديو ىستانسياسى    2018-03-16 13:46:06  
بۇراتالا راديو ستانسياسىنىڭ ءتىلشىسى ما حى مەن ما شياۋحۇيلەردىڭ حابارىن تىڭداڭىزدار: بۇراتالا قالاسى دالتۋ قالاشىعى حارمودون قىستاعىنىڭ تۇرعىنى ما حاي-حاي ءوزىنىڭ تىنباي قۇلشىنۋىنىڭ ناتيجەسىندە، وتباسىنداعىلاردى باستاپ تىرلىگىندەگى تالاي جەتپەك بولعان نىسانالارىن جۇزەگە اسىردى.
ما حاي-حاي: «جاتتىقتىرۋشى، اۆتوموبيلدى وتالدىردىم، ەندى نە ىستەيمىن؟»
جاتتىقتىرۋشى: «ايىرىپ قوسقىشتى تۇبىنە دەيىن باسىپ، قول تورمىزىن بوساتقان سوڭ، اۆتوموبيلدى جۇرگىز».
3-ايدىڭ 14-كۇنى، ما حاي-حاي بۇراتالا قالاسى ساي-يۇن شوفەرلىك مەكتەبىنىڭ اۆتوموبيل جۇرگىزۋگە جاتتىعۋ الاڭىنا باردى، ازداپ قوبالجىعانىمەن تەبىرەنگەن كوڭىل كۇيمەن جاتتىعۋ اۆتوموبيلىن تۇڭعىش رەت جۇرگىزدى، ول تىلشىگە: اۆتوموبيل جۇرگىزۋ كۋالىگىن الۋ ۇيرەنۋىنە قاتىناستىم، اۆتوموبيل جۇرگىزۋدى ۇيرەنگەن سوڭ، اۆتوموبيل ساتىپ الىپ بالامدى وقۋىنا اپارىپ-الىپ كەلمەكشىمىن، وزىمە دە قولايلى بولادى،-دەدى.
وسىدان 10 جىل بۇرىن بولسا اۆتوموبيل جۇرگىزۋ كۋالىگىن الۋعا ونىڭ مۇلدە شاماسى جەتپەيتىن ەدى. 10 جىلدىڭ الدىندا ما حاي-حاي باس قۇراعاندا، اتاسى قازا بولىپ، اپاسى باسقا بىرەۋمەن باس قۇرايدى، جۇبايى مەن قايىن ءسىڭىلىسى مۇگەدەك بولاتىن، ءبىر ۇيلى جان جەر ۇيدە تۇرىپ، تۇرمىستارى جاپالى بولاتىن. ول بىلاي دەدى: ول كەزدە اسا كەدەي بولاتىنبىز، كەيدە ازىقتىق مايدا جوق بولىپ قالاتىن، اتام قايتىس بولعاننان كەيىن، قالىڭ قارىزعا باتىپ قالدىق، بولاشاقتان ءۇمىت ۇزگەندەي حال كەشتىك. جازدا، ەل قانداي كاسىپ ىستەسە، مەن دە سونى ىستەدىم، سىرتتان كاسىپ تاۋىپ ىستەدىم، تەك ءوزىڭنىڭ قوس قولىڭا سۇيەنسەڭ، سونىڭ ءوزى ونەر، اقشا تاپساڭ عانا بولعانى.
2014-جىلى، پارتيانىڭ حالىققا تيىمدىلىك جاساۋ ساياساتىنىڭ ارقاسىندا، ما حاي-حاي وتباسى 90 شارشى مەترلىك بەيقۇت ۇيگە كوشىپ كىرەدى، ءۇي سالۋ بارىسىندا العان قارىز اقشانى قايتاراۋ ءۇشىن، ما حاي-حاي قايىن ءسىڭىلىسى مەن قىستاقتاعى ايەلدەردى ەرتىپ سىرتقا شىعىپ جۇمىس تاۋىپ ىستەدى، ول تەز ارادا ەڭبەك كۇشتەردى سىرتقا شىعاراتىن دەلدالعا اينالدى. بىلتىر ما حاي-حاي سىرتقا شىعىپ جۇمىس ىستەپ تاپقان 40 مىڭ يۋان اقشاسىن ماقتا ەگىمشىلىگىنە قوسىپ، ءبىر جىلدا 40 مۋ جەرگە ەككەن ماقتادان 100 مىڭ يۋان كىرىس كىرگىزدى. جىل باسىندا، ما حاي-حاي وزىنە اۆتوموبيل ساتىپ الۋ ويىنا كەلەدى. ول بىلاي دەدى: ءۇي سالىپ العاننان كەيىن، وزىمە سەنىمىم ارتا ءتۇستى، بۇل ءوز كۇشىمە سۇيەنىپ جاراتقان ناتيجەم، جىل سايىن جاقسى بولادى، بالام دا ەسەيىپ قالدى، اۆتوموبيل جۇرگىزۋ كۋالىگى قولىما تيگەن سوڭ، قۇنى 50 مىڭ دا 60 مىڭ يۋان اينالاسىنداعى اۆتوموبيل ساتىپ الىپ، بالامدى جاقسى وقىتپاقشىمىن.
بيىل ما حاي-حاي تاعى دا قۇلشىنىپ، مۇنان دا ۇلكەن ارمانىن جۇزەگە اسىرماقشى. ول بىلاي دەدى: بيىل 30 مۋ جەردى كوتەرمەگە الىپ، 200 مىڭ يۋان اقشا تاۋىپ، قارتتار پاناجايىن اشۋ كۋالىگىن الۋ ۇيرەنۋىنە قاتىناسىپ، قارتتار پاناجايىن اشۋدى ويلاپ وتىرمىن. باس شۋجي شي جينپيڭ «باقىت كۇرەس جاساۋدان كەلەدى» دەگەن بولاتىن، مەن بۇدان بىلاي تاباندىلىقپەن قۇلشىنا ءتۇسىپ، وباسىمداعىلاردى اناعۇرلىم باقىتتى تۇرمىسقا كەنەلتەمىن.

بەرىپ كەت ورامالىڭدى

دوستار

الىستاعى اق ەركە