جاڭا حابارلار

ول مەنىڭ ءوز قىزىم سەكىلدى

    كەلۋ قاينارى: شينجياڭ حالىق راديو ىستانسياسى    2018-03-16 13:46:50  
ستانسيامىزدىڭ ءتىلشىسى سۇن ۋيدىڭ حابارىن تىڭداڭىزدار: بىرنەشە كۇننەن بەرى، اۆتونوميالى رايوندىق ۇلت ءتىل-جازۋ قىزمەتى كوميتەتىندەگى لي جيە مەن ونىڭ قىزمەتتەسى ءوز تۋىسى شاكىر زوھىرانىڭ ۇيىندە جاتتى، ءار كۇنى تاڭەرتەڭ ورنىنان تۇرعاننان كەيىن لي جيە الدىمەن شاكىر اعايدىڭ نەمەرە قىزى بۇحالشامنىڭ بەتى-قولىن جۋىپ، ونى تازالىققا كوڭىل بولەتىن جاقسى ادەت قالىپتاستىرۋعا باۋلدى، ول تاعى ۋاقىت شىعارىپ، بۇحالشامعا ورتاق ءتىلدى ۇيرەتتى، لي جيە: تۇرمىستاعى كىشگىرىم ىستەردەن باستاپ بالالارعا قوس ءتىل ۇيرەتتىم ءارى ولاردى ءار كۇنى بەتى-قولىن جۋدىرىپ، ءتىسىن شوتكىلەتىپ، جاقسى تۇرمىس ادەتىن قالىپتاستىرۋعا تاربيەلەدىم، اسىرەسە ولاردىڭ ۇيرەنۋىنە ەرەكشە كوڭىل ءبولدىم، ءار جولى كەلگەندە ولارمەن ورتاق تىلدە كەڭەستىم،-دەدى.
لي جيە جوعارى مەكتەپتە ۇيعۇر ءتىلى كاسىبىن وقىعان، سوندىقتان دا ول شاكىر اعايمەن قارىم-قاتىناس جاساۋدا قينالمايدى. تۋىس بولعان ءبىر جىلدان ارتىق ۋاقىتتان بەرى، ولار ۇنەمى تەلەفوندا حابارلاسىپ، سالەمدەسىپ تۇردى، وتكەن جىلى 3-ايدىڭ سوڭىندا، لي جيە تاعى شاكىر زوھىرا اعايدى ۇرىمجىگە اكەلىپ، ۇلكەن بازاردى ارالاتىپ، حۇڭشان تاۋىنا شىعاردى. شاكىر زوھىرا: پارتيا مەن ۇكىمەتتىڭ ماعان جاقسى كادر جىبەرىپ، مەنى ونىمەن تۋىس ەتىپ، تابىستىرعانىنا راحىمەت، ول مەنىڭ ءوز قىزىم سەكىلدى، مەن ءدان ريزامىن، وعان العىس ايتامىن،-دەدى.
وتكەن جىلى، شاكىر زوھىرانىڭ ءۇيىنىڭ ەككەن شىلاننىڭ ساپاسى جاقسى بولماعاندىقتان، ساتۋ قيىنعا سوقتى. وسى رەتكى تۋىسشىلاۋ اپتالىعىندا، لي جيە ارنايى شىلان ەگۋ تەحنيكاسىنا قاتىستى كىتاپتاردى الا كەلىپ، ونى ءار كۇنى اعايدىڭ ۇيىندەگىلەرمەن بىرگە ۇيرەندى. لي جيە: اۋىل شارۋاشىلىق عىلىم-تەحنيكاسىنا قاتىستى كىتاپتاردى الا كەلىپ، ولاردىڭ وزىق ەگۋ تەحنيكاسىن ۇيرەنۋىنە مۇمكىندىك جاسادىم، ءىشىنارا اۋىل شارۋاشىلىق عىلىم-تەحنيكاسىن ءوزىم دە ۇيرەنىپ، ولاردىڭ اۋىل شارۋاشىلىق وندىرىسىنە كومەكتەسۋگە كۇش سالدىم، بيىل ولاردىڭ ساۋدا جولىن اشىپ، كىرىسىن ارتتىرۋىنا كومەكتەسەمىن،-دەدى.

بەرىپ كەت ورامالىڭدى

دوستار

الىستاعى اق ەركە