جاڭا حابارلار

ولار تۋىستارىنىڭ ءوندىرىسى مەن تۇرمىسىنداعى قينشىلىعىن شەشتى

    كەلۋ قاينارى: شينجياڭ حالىق راديو ىستانسياسى    2018-03-17 13:44:33  
ستانسيامىزدىڭ جيناق حابارىن تىڭداڭىزدار: بىرنەشە كۇننەن بەرى، رايونىمىزدىڭ ءار قايسى مەكەمە ورىندارىنداعى كادرلار مەن جۇمىسشى-قىزمەتكەرلەر نەگىزگى ساتىداعى اۋىل-قىستاققا بارىپ، ۇلتتار ىنتىماعىنىڭ تۋىسشىلاۋ اپتالىعى قيمىلىن ىشكەرىلەي ورىستەتىپ، بەلسەنە جوبا-جوسپار جاساپ، تۋىستارىنىڭ ءوندىرىسى مەن تۇرمىسىنداعى قينشىلىعىن شەشتى.
ەكى كۇننەن بەرى، باي اۋدانى سايرام قالاشىعى لاپا قىستاعىنىڭ ديحانى روزى ءاليدىڭ ۇيىندە، اۆتونوميالى رايوندىق حالىق پروكۋراتۋراسى كورلا تەمىرجول تاسىمالى پروكۋراتۋراسى پارتگرۋپپاسىنىڭ شۋجيى، ورىنباسار پروكۋرورى ۋ يۇڭ مەن كاسىپتەستەرى، روزى ءاليدىڭ اۋلاسىن رەتتەدى. ول بىلاي دەدى: «ەسىكتىڭ الدى مەن ارتقى اۋلانىڭ تازالىعى ناشار ەكەن، اسىرەسە، ەسىك الدىنداعى سۋاعارعا قوقىر-قوقسىق تولىپ قالىپتى، المۇرت اعاشى مەن الما اعاشىنىڭ توپىرعىن جاڭالاۋ قاجەت ەكەن، ءبىز جۇمىلا كىرىسىپ، ورتا تازالىعىن جاقسارتتىق».
روزى ءالي تۇرعان لاپا قىستاعى اۋدان قالاشىعىنان شالعاي، قازىر، كوكتەمگى ەگىستىڭ دايىقدىق مەزگىلى، تۋىسىنىڭ ءۇيى ەگىستىك جەرىنە نە ەگەدى؟ قالاي ەگەدى؟ ءونىمىن قالاي ساتادى؟ وسىنىڭ بارلىعى ۋ يۇڭنىڭ باس قاتىراتىن ماسەلەسى. ول: «ءبىز تۋىستاردىڭ بىرلەسىپ، جۇگەرى مەن قارا ورىكتى كوبىرەك ەگۋىن ۇسىنىس ەتتىك، ونان سوڭ ولاردىڭ ونىمدەرىن ساتۋ جولىن ىركىلىسسىزدەندىرۋىنە كومەكتەسپەكشىمىز. ونىمدەرىن ساتىپ الاتىن كاسىپورىندارمەن حابارلاسىپ، قىستاق ديحاندارىنىڭ تاپسىرىس بويىنشا ەگىن ەگۋىنە مۇمكىندىك جاساپ، ولاردى الاڭنان ارىلتىق»،-دەدى.
يىڭسارى اۋدانى سيتلا اۋىلى وستەڭبويى قىستاعىندا، اۆتونوميالى رايوندىق پارتكوم كەڭسەسىنىڭ كادرى تالەت ءىسلام ءار كۇنى ءبىر ساعات ۋاقىت شىعارىپ، تۋىسى ابدۋالي حەللەلمەن بىرگە، پارتيا 19-قۇرىلتايىنىڭ رۋحىن جانە ۇكىمەت قىزمەتىنەن باياندامانى ۇيرەنىپ، تۋىسىنىڭ حالىققا تيىمدىلىك جاساۋ ساياساتىن جانە ساياساتتىق زاڭ-ەرەجەنى تۇسىنۋىنە كومەكتەستى. ول بىلاي دەدى: «اۋىل-قىستاقتى كوركەيتۋ مەن اۋىل-قىستاقتى دامىتۋعا قاتىستى جاقسى ساياساتتاردى ۇگىتتەپ، پارتيا مەن ۇكىمەتتىڭ ولارعا دەگەن قامقورلىعىن سەزىندىردىك».
«تۋىسشىلاۋ اپتالىعى» قيمىلى بايلانىسىمەن، بىرگە تاماقتانۋ، بىرگە تۇرۋ، بىرلىكتە ەڭبەك ىستەۋ، بىرگە ۇيرەنۋ بارىسىندا، تالەت ءىسلام ابدۋالي حەللەلدىڭ ەرەكشە زەرەك ەكەنىن، ساۋداعا يكەمى بارلىعىن جانە ساۋدا ىستەگىسى كەلەتىنىن بايقايدى. سونىمەن ول تۋىسىن تىڭ كاسىپ اشىپ، ەڭبەكتەنۋ ارقىلى اۋقاتتانۋعا شابىتتاندىردى ءارى ونى قولدادى. ابدۋالي حەللەل: «تالەت اعام ماعان كوپتەگەن ءادىس-امال قاراستىرىپ، مەنىڭ تىڭ كاسىپ اشىپ دامۋىما كومەكتەستىءارى ەكونوميكالىق جاقتان قارجىلاي كومەك كورسەتتى»،-دەدى.
حوتان اۋدانى باقچي قالاشىعى جوعارعى باقچي قىستاعىنداعى 66 كەدەي وتباسىنىڭ كەدەيلىكتەن ەرتەرەك قۇتىلۋىنا كومەكتەسۋ ءۇشىن، اۆتونوميالى رايوندىق ءادىليا مەڭگەرمەسىنىڭ جوعارعى باقچي قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىندەگىلەر مەن سەرىكتەسىپ تۋىسقاندىق قاتىناس ورناتقان كادرلار ءار وتباسىنىڭ ناقتىلى جاعدايىنا ساي، كەدەيلىكتەن دالمە-ءدال قۇتىلدىرۋدان قامال الۋ جوسپارىن بەلگىلەدى. كۇن جىلىنعاننان كەيىن، كادرلار مەن قىستاق ديحاندارى قاربالاستىققا ءتۇسىپ، جەمىس اعاشىن ەگىپ، توعان قازىپ، باعىمشىلىقپەن شۇعىلداندى، وتباسىلارى دا ارىندى جىگەر بايقاتتى. قىستاق ديحانى گۇليامان تۇردىمامەت: «ولار بىزبەن بىرگە تاماقتانىپ، بىرگە تۇرىپ، ءبىر وتباسىنىڭ ادامدارىنداي بولىپ كەتتى، سۇيسپەنشىلگىمىز بارىنشا تەرەڭدەدى»،-دەدى.
اۆتونوميالى رايوندىق ءادىليا مەڭگەرمەسىنىڭ جوعارعى باقچي قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ ورىنباسار باستىعى دۋ شياڭلين بىلاي دەدى:« باس نىسانانى نەگىز ەتىپ، كەدەيلىكتەن قۇتىلدىرۋدان قامال الۋ جاعىندا جوسپار جاساپ، مال شارۋاشىلىعىن، باعىمشىلىقتى، اۋلا شارۋاشىلىعىن دامىتۋ، ەڭبەككۇشتى باسقا سالادا كاسىپتەندىرۋ سياقتى شارالار ارقىلى كەدەيلىكتەن قۇتىلدىرۋدان قامال الۋعا كۇش سالدىق. ارتىق ەڭبەككۇشتى باسقا سالاعا ويىستىرۋ ارقىلى 500 دەن ارتىق بۇقارانىڭ سىرتقا شىعىپ جۇمىس ىستەپ، كىرىسىن ارتتىرۋىنا مۇمكىندىك جاساۋدى جوسپارلادىق».

بەرىپ كەت ورامالىڭدى

دوستار

الىستاعى اق ەركە