جاڭا حابارلار

باياندى دا كوپ ساتىلى قوعامدىق قامتاماسىزداندىرۋ جۇيەسىن قۇرىپ، قيىنشىلىعى بار ءار ءبىر ادامعا قوعامنىڭ قامقورلىعىن سەزىندىرۋگە كۇش سالۋدا

    كەلۋ قاينارى: شينجياڭ حالىق راديو ىستانسياسى    2018-03-17 16:29:31  
ستانسيامىزدىڭ جيناق حابارىن تىڭداڭىزدار: رايونىمىزدىڭ جەر-جەرى تومەنگى ەڭ تومەنگى شەكتى بەلگىلەۋ، توراپتاستىرۋ، مەحانيزم قۇرۋ تالابى بويىنشا، جالپى تولىق حالىقتى قامتىعان، باياندى دا كوپ ساتىلى قوعامدىق قامتاماسىزداندىرۋ جۇيەسىن قۇرىپ، قيىنشىلىعى بار ءار ءبىر ادامعا قوعامنىڭ قامقورلىعىن سەزىندىرۋگە كۇش سالۋدا.
اۋا رايىنىڭ بىرىندەپ جىلىنۋىنا بايلانىستى، جەمسارى اۋدانى سانتاي قالاشىعى باقىت ءوزارا كومەكتەسۋ اۋلاسىنداعى قارتتار كەڭ اۋلادا ءان ايتىپ، ءبي بيلەپ، شاحمات وينادى. 67 جاستاعى جاڭ يۇنمەي: «بۇل جەر وتە جاقسى. مۇندا ءبىز اڭگىمە دۇكەنىن قۇرىپ، قارتا جانە شاحمات وينايمىز، ەمىن-ەركىن جۇرەمىز، قازىر مەملەكەتىمىزدىڭ ساياساتى وتە جاقسى»،-دەدى.
پارتيا 19-قۇرىلتايىنىڭ بايانداماسىندا: «قارتتانۋعا بەلسەنە توتەپ بەرىپ، قارتتاردى كۇتىمدەۋ، وپالى بولۋ، قارتتاردى قۇرمەتتەۋدىڭ ساياساتتىق جۇيەسىن قۇرىپ، قوعامدىق ورتا قالىپتاستىرىپ، ەمدەۋ مەن كۇتۋدى ۇشتاستىرىپ، قارتتار ءىسى مەن قارتتار كاسىبىنىڭ دامۋىن جەبەۋ كەرەك»،-دەپ اتاپ كورسەتىلگەن. كەزەكتە، جەمسارى اۋدانىندا اۋىل-قىستاق باقىت ءوزارا كومەكتەسۋ ورنىنان 24 ى قۇرىلدى. جەمسارى اۋداندىق حالىق ىستەرى مەكەمەسىنىڭ باستىعى ۋاڭ لييۇن بىلاي دەدى: «باس شۋجي شي جينپيڭ حالىق تۇرمىسىن قامتاماسىزداندىرۋ مەن جاقسارتۋ قىزمەتىن ماڭگى جالعاستىرۋ كەرەك»،-دەپ اتاپ كورسەتكەن بولاتىن. بيىلدان باستاپ، ءبىز 200 توسەك ورنى بار قارتتاردى كۇتۋ عيماراتىن سالىپ، قارتتاردى كۇتۋ جۇيە قۇرىلىسىن كەمەلدەندىرىپ، اۋدانىمىز ۇلگىسىندەگى اۋىل-قىستاق باقىت ءوزارا كومەكتەسۋ ورنى قۇرىلىسىن جەدەلدەتىپ، قىزمەت وتەۋ وبيەكتىلەرىن باقىت سەزىمى مەن تابىس سەزىمىنە كەنەلتپەكشىمىز».
بيىلعى ەكى ءماجىلىس كەزىندە، باس شۋجي شي جينپيڭ گۋاڭدۇڭ ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقاندا: «كوممۋنيستىك پارتيا حالىققا باقىت جاراتادى، حالىق قاي جاقتان باقىت سەزىمىنە يە بولماسا، قۋانباسا، رازى بولماسا، ءبىز سول جاعىنا كۇش سالۋىمىز كەرەكءتۇرلى ءادىس-امالداردى قولدانىپ، جۇرتشىلىقتىڭ قيىنشىلىعىن شەشۋىمىز قاجەت»،-دەپ اتاپ كورسەتتى. اناعۇرلىم كوپ قيىنشىلىعى بار بۇقاراعا كومەكتەسۋ ءۇشىن، رايونىمىز قوعامدىق قۇتقارۋ-كومەكتەسۋ جۇيەسىن كەمەلدەندىرىپ، «بەستە قامتاماسىز ەتىلەتىندەردى» ەرىكتى تۇردە شوعىرلى كۇتىمدەۋ، جەتىم بالالارعا شوعىرلى قاراۋ سياقتى قىزمەتتەردى بەلسەنە ىلگەرىلەتەدى. قاشقار ايماقتىق قوعامدىق يگىلىك ورنى ءبىر ميلليون يۋان قارجى قوسىپ، نەگىزدىك قۇرىلعىلاردى جاڭالاپ، كۇتۋشى، اسپاز، تازالىقشى جانە وقىتۋشىلاردى ۇسىنىس ەتىپ، قارتتارعا قارايلاسىپ، بالالاردىڭ ۇيرەنۋىنە كومەكتەستى. قوعامدىق يگىلىك ورنىنداعى ميەرنيسا توحتى: «مەنىڭ بۇل جەردە تۇرعانىما 10 جىل بولدى، بۇل جەردەگى كىسىلەر ماعان ءوز اكە-شەشەمدەي قارايدى، باسقا بالالاردا بەينە اپەكە-سىڭلىلەردەي. ءبىز بىرگە ويناپ، بىرگە تاماقتانامىز، بۇل ارانىڭ تاماعى ءدامدى، جاتاعىمىزدىڭ شارت-جاعدايى دا جاقسى»،-دەدى.
سونىمەن قاتار، رايونىمىز اقاۋسىزدىق جاعىندا كەدەيلەردى سۇيەمەلدەۋ ينجەنەرياسىن باستاپ، «سالماقتى ناۋقاستاردان ءبىر توبىن قۇتقارۋ-ەمدەۋ، سوزىلمالى ناۋقاستاردىڭ ءبىر توبىنا كەلىسىم بويىنشا قىزمەت وتەۋ-باسقارۋ، اۋىر ناۋقاستاردىڭ ءبىر توبىن ەمدەۋدى قامتاماسىزداندىرۋ» سىندى 3 ءبىر توپ ارەكەت جوسپارىن اتقارىپ، اۋىرۋدان كەدەيلەسۋ ماسەلەسىن ءونىمدى شەشپەكشى. باي اۋدانى ياتۇر اۋىلى تاعچي قىستاعىنىڭ تۇرعىنى 78 جاستاعى ما ميڭفۋعا بىلتىر اسقازان راگىنا شالدىققان دەپ دياگنوز قويىلعان بولاتىن، حالىققا ءتيىمدى وسى سياساتتىڭ ارقاسىندا، ونىڭ رۋحاني جۇگى جەڭىلدەدى. ول بلاي دەدى: «بۇرىن جۇرسەم تانتىرەكتەپ جىعىلىپ قالاتىنمىن. وپەراتسياعا 48 مىڭ يۋاننىڭ ۇستىندە اقشا جۇمسادىق، سوڭىنان ۇكىمەت تۇگەل ەسەپتەن كوتەردى. مىنە قازىر نەداۋىر تاۋىرلەنىپ، ءوزىم جۇرە الاتىن بولدىم. پارتيا مەن ۇكىمەتكە العىستان باسقا ايتارىم جوق».
ۇكىمەت حالىق تۇرمىسىن قامتاماسىز ەتۋ دە جانە جاقسارتۋدا، باستىسى نەگىزدى ساقتاۋ، تومەنگى شەك بەلگىلەۋ رولىن ساۋلەلەندىرۋمەن بىرگە، ەرەكشە قيىنشىلىعى بارلاردى ەرەكشە سۇيەمەلدەپ، كومەكتەسىپ، ولاردىڭ ەڭ تومەنگى تۇرمىسىنا كەپىلدىك ەتتى. جىل باسىنان بەرى، اقسۋ ايماعى ورتالىق پەن اۆتونوميالى رايوننىڭ قيىنشىلىعى بار بۇقاراعا اجىراتقان ارناۋلى قارجىسىنان 367 ميلليون يۋان، قالا مەن اۋىلدىڭ ەمدەۋ-قۇتقارۋ قارجىسىنان 50 ميلليون 750 مىڭ يۋان اجىراتتى. اقسۋ ايماقتىق حالىق ىستەرى مەكەمەسى قالا مەن اۋىلدىڭ ەڭ تومەنگى تۇرمىستى قامتاماسىزداندىرۋ ءبولىمىنىڭ ورىنباسار باستىعى جيا شۋاي: «ءتۇزىمى نەداۋىر كەمەلدەنگەن، باسقارۋى نەداۋىر جۇيەلى بولعان قالا مەن اۋىلدىڭ قوعامدىق قۇتقارۋ-كومەكتەسۋ جۇيەسىن قۇرىپ، حالىق تۇرمىسىن قامتاماسىزداندىرۋدىڭ جانە جاقسارتۋدىڭ حاۋىپسىزدىك تورابىن قۇردىق»،-دەدى.
قۇتقارۋ-كومەكتەسۋ قىزمەتىن بار پەيىلىن سالىپ جاقسى ىستەپ، قيىنشىلىققا بولا قاشقالاقتاماي، قيىنشىلىقتا قالعان ءار ءبىر ادامعا قوعامنىڭ قامقورلىعى مەن مەيىرىن شىنايى سەزىندىردى. قۇمىل قالاسى ەۋىرعول رايونى دۇڭحى ءمالى باسقارماسى جەڭىس الەۋمەتتىك اۋماعى تۇرعىندار كوميتەتىنىڭ ورىنباسار مەڭگەرۋشىسى اينۇر ءالي: «ءبيىل ءبىز پارتيا 19-قۇرىلتايىنىڭ بايانداماسى مەن ۇكىمەت قىزمەتىنەن باياندامادا العا قويىلعان حالىق تۇرمىسىن قامتاماسىزداندىرۋ سياقتى جاقتارداعى تالاپقا ساي، قامتاماسىزداندىرۋعا تيىستىلەرىنىڭ بىرەۋىن دە قاعىس قالتىرماي، قيىنشىعى بار بۇقاراعا مەملەكەتتىڭ قامقورلىعىن شىنايى سەزىندىرەمىز»،-دەدى.

بەرىپ كەت ورامالىڭدى

دوستار

الىستاعى اق ەركە