جاڭا حابارلار

ىنتىماق جاڭا قىستاعىنداعى كورشىلەر سۇيىسپەنشىلىگى

    كەلۋ قاينارى: شينجياڭ حالىق راديو ىستانسياسى    2018-03-18 18:21:44  
ستانسيامىز ءتىلشىسى ليۋ چياڭنىڭ حابارىن تىڭداڭىزدار: حوتان قالاسى جييا اۋىلىنىڭ ىنتىماق جاڭا قىستاعىنداعى ۋاڭ حۇيپيڭ مەن ەركىن تۇرسىننياز سول جەردەگىلەردىڭ القاۋىنا بولەنگەن تاتۋ كورشىلەر، ەكى وتباسىنداعىلار ءوزارا كومەكتەسىپ، تەرەڭ سۇيىسپەنشىلىك ورناتتى.
ىنتىماق جاڭا قىستاعىنداعى كوكونىس وسىرەتىن جىلىجايدا تەحنيكا شەبەرى ۋاڭ حۇيپيڭ ەركىن تۇرسىننيازعا اسقاباقتى باپتاۋدىڭ تاجىريبەسىن ۇيرەتىپ: «قاراڭىز، مىنە اسقاباقتىڭ ءتۇيىن العانىن كوردىڭىز بە، مىنا جەرىن قالتىرىپ، مىنا تارامدى كەسىپ تاستاساڭ، قورەك ءتۇيىن العان جەرگە تولىق جينالادى. گۇل اشقان كەزدە، جاقسى وسەدى»،-دەدى. مۇنى ەستىگەن ەركىن: «ءبىلدىم، راحمەت سىزگە»،-دەپ اق نيەتتى العىسىن جاۋدىردى.
ۋاڭ حۇيپيڭ مەن ەركىن تۇرسىننياز وتباسىنداعىلار 2015-جىلى العاشقى توپتا وسى ىنتىماق جاڭا قىستاعىنا كوشىپ كەلگەن بولاتىن. ولار ەسىكتەس كورشى بولۋمەن بىرگە، ولاردىڭ كوكونىس وسىرەتىن جىلىجايلارى دا ءبىر جەردە ەدى. ەركىن تۇرسىننياز بۇرىن جىلىجايدا كوكونىس ەگۋدەن بەيحابار ەدى، ونىڭ ۇستىنە ورتاق ءتىلدى دە جاقسى بىلمەيتىن. كوكونىس ەگۋ تەحنيكاسىنا شەبەر كورشىسىنىڭ كومەگىندە، قازىر ونىڭ جىلىجايىنداعى كوكونىستەر جاقسى ءوسىپ كەلەدى. ۋاڭ حۇيپيڭ كوكونىس ەگۋدىڭ جاڭا تەحيكاسىن ۇيرەنسە بولدى، ونى ەڭ الدىمەن ەركىن تۇرسىننيازعا ۇيرەتىپ، ونى بىرگە بايۋعا جەتەلەيدى.
ۋاڭ حۇيپيڭ بىلاي دەيدى: «مىنا جىلىجاي مەنىكى، ارىت جاقتاعى ەركىندىكى. كەيدە مەن كەشىگىپ قالسام، جىلىجايداعى كوكونىس باپتاۋ جۇمىستارىنا ول كومەكتەسەدى. مەن ەرتەرەك كەلسەم مەن كومەكتەسەمىن. ول ماعان ۇنەمى تاماق جاساپ اكەلىپ بەرىپ تۇرادى، ال ادەتتە ونىڭ بىلمەگەن جەرلەرىن مەن ۇيرەتىپ تۇرامىن».
بىلتىر، ۋاڭ حۇيپيڭنىڭ كۇيەۋى فان شياۋكۇننىڭ ميىنا قان قۇيىلىپ ەمدەلىپ، ۇيىندە دەمالىپ جاتىپ قالادى. ۋاڭ حۇيپيڭ شۇعىل شارۋامەن اۋىلىنا كەتىپ، ون شاقتى كۇن جۇرگەندە، ەركىن تۇرسىننياز فان شياۋكۇنگە قارايلاسۋ مىندەتىن ىرىقتىلىقپەن ۇستىنە الىپ، ءار كۇنى وعان تاماق جاساپ اپارىپ بەرىپ، قارايلاسىپ تۇرادى. ەركىن تۇرسىننياز تىلشىگە بىلاي دەيدى: «ول مەنىڭ كورشىم، جاقىن دوسىم. تۇرمىستا قيىنشىلىققا تاپ بولعاندا، ولارعا كومەكتەسۋىم ارينە ورىندى جۇمىس. مەن بىرەر قيىنشىلىققا جولىقسام، ولار دا كومەكتەسەدى.ءار ۇلت حالقى اناردىڭ دانىندەي تىعىز ۇيىسىپ، ىنتىماقتى كۇشەيتۋىمىز كەرەك».
فان شياۋكۇن: «مەنىڭ ەڭ اسەرلەنگەنىم، ءبىر كۇنى مەن ونىڭ ەسىك قاققانىن ەستىمەي، ساعات 11 گە دەيىن جاتىپپىن. ەسىكتى اشا الماي تىقىرشىعان ول، مەنى قان قىسىمى جوعارلاپ، جۇرەك اۋىرۋى قوزعالىپ جىعىلىپ قالدى ما دەپ الاڭداپ، لاجىسىز ساقشىلارعا تەلەفون بەرىپتى، سودان ساقشىلار كەلىپ، ەسىكتى اشقاندا ءبىراق ءبىلدىم. ول تاعى ماعان ءوزىڭىزدى سەرگەك ۇستاڭىز، جازىلىپ كەتەسىز دەپ مەدەت بەرىپ تۇرادى. قازىر مىنە تاياققا سۇيەنىپ، اقىرىن جۇرە الاتىن كۇيگە كەلدىم»،-دەيدى.ىنتىماق جاڭا قىستاعىنداعى 500 دەن استام قىستاق تۇرعىنىنىڭ تەڭ جارىمى حانزۋ جولداستار. 3 جىلدان بەرى، ءار ۇلت قىستاق تۇرعىندارى تۇرمىستا، ەڭبەكتە بىرگە بولىپ، ءوزارا كومەكتەسىپ ءبىر-بىرىنە قول ءۇشىن بەرىپ، قارايلاسىپ كەلەدى. حوتان قالاسى جييا اۋىلىنىڭ ىنتىماق جاڭا قىستاعى پارتيا ياچەيكاسىنىڭ شۋجيى جۋ دىرۇڭ: «ولار وزدەرىنىڭ ءىس جۇزىندىك ارەكەتىنە سۇيەنەدى. كىمدە قيىنشىلىق بولسا، سوعان كومەكتەسەدى، ۇلتتار ىنتىماعى دەگەن مىنە وسى. كوكونىس جىلىجايىنىڭ توبەسىنە شىعا الماي قينالعاندار بولسا، بالالار شىعىپ كومەكتەسەدى. كەيدە كورشىلەر تورە تاباق تاۋىق ەتى قۋىرماشىن جاساپ، ءبىرىن-ءبىرى قوناققا شاقىرىپ، ازداپ شاراپ ءىشىپ، كوڭىل كوتەرىپ تۇرادى. ۇلتتار ىنتىماعىنىڭ تامىرى ءبىزدىڭ بۇل قىستاعىمىز دا تەرەڭ تامىر تارتىپ، ءار ادامنىڭ جۇرەك تۇكپىرىنە تەرەڭ ۇيالاعان».

بەرىپ كەت ورامالىڭدى

دوستار

الىستاعى اق ەركە