جاڭا حابارلار

رايونىمىز قوعامدىق قامتاماسىزداندىرۋ جۇيەسى قۇرىلىسىن ۇزدىكىسز كەمەلدەندىردى

    كەلۋ قاينارى: شينجياڭ حالىق راديو ىستانسياسى    2018-03-19 13:43:11  
ستانسيامىزدىڭ ءتىلشىسى دۇڭ جىيۇڭ، ەرىكتى تىلشىلەر ءراميلا تۇرسىن، جاڭ جويالار جازعان اقپاراتتىق ارناۋلى حاباردى تىڭداڭىزدار: 3-ايدىڭ 14-كۇنى، ونسۋ اۋداندىق حالىق شيپاحاناسىنىڭ ەسەپ جاساۋ قىزمەت وتەۋ زالىندا، ونسۋ قالاشىعىنىڭ تۇرعىنى رىسالات قۇربان قوعامدىق قامسىزداندىرۋ كارتىشكاسىن الىپ اۋرۋحانادان شىعۋ راسىمياتىن وتەدى.رىسالات قۇربان توساتتان كەڭىردەكشەسى قابىنىپ، اۋرۋحاناعا 11 كۇن جاتقان ەدى. رىسالات قۇربان: «اۋرۋحاناعا جاتقانىما 11 كۇن بولدى، العاشقى كۇنى ءبىر مىڭ يۋان تاپسىردىم، قازىر ەسەپتەن كوتەرگەننەن كەيىن 800 جۇز يۋان قايتارىلدى. ساياسات شىنىندا تاماشا، اۋرۋدىڭ سەبەبىنەن اۋىرتپالىعىمىز ارتپايتىن بولدى، پارتيانىڭ جاقسى ساياساتىنا العىس ايتامىن»،-دەدى.
2017-جىلى رايونىمىز قوعامدىق قامسىزداندىرۋ جاعىندا حالىققا تيىمدىلىك جاساۋ ينجەنەرياسىن ىشكەرلەي اتقارىپ، قالا-اۋىل تۇرعىندارىنىڭ نەگىزگى ەمدەۋ قامسىزداندىرۋىنىڭ قازىنالىق قوسىمشا قاراجات ولشەمىن ۇزدىكسىز جوعارىلاتىپ، قالا-اۋىل تۇرعىندارىنىڭ ەمدەۋ قامسىزداندىرۋىنىڭ قازىنالىق كىسى باسىندىق قوسىمشا قاراجاتىنىڭ ولشەمىن ورلەتىپ جىل سايىن 450 يۋاننان ازايتپادى. سونىمەن بىرگە، جاپپاي تيىمدىلىك جاساۋ ساياساتىنىڭ نەگىزىندە ارحيۆ تۇرعىزىپ كارتىشكا بەرىلگەن كەدەي جان سانى، ەڭ تومەنگى تۇرمىسى قامتاماسىزداندىرىلاتىن وبيەكتى، ەرەكشە قينشىلىعى بار ادامدار سياقتى قيىنشىلىعى بار بۇقاراعا 10 نەشە ءتۇرلى ەرەكشە قامتاماسىزداندىرۋ ساياساتىن اتقارىپ، رايونىمىزدىڭ كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋىن دەمەدى. اقسۋ ايماقتىق قوعامدىق قامتاماسىزداندىرۋ مەكەمەسى ەمدەۋ قامسىزداندىرۋىن باسقارۋ ءبولىمىنىڭ ورىنباسار باستىعى چي حايفىڭ، پارتيا 19-قۇرىلتايى مەن مەملەكەتتىك ەكى ءماجىلىس قوعامدىق قامتاماسىزداندىرۋ ءتۇزىلىسى قۇرىلىسىن كۇشەيتۋگە اناعۇرلىم جوعارى تالاپتار قويىپ، الداعى قىزمەتتىڭ بەتالىسىن ايقىن نۇسقاپ بەرگەنىن ايتا كەلىپ: «كەلەسى كەزەكتە ءبىز پارتيا 19-قۇرىلتايىنىڭ رۋحى مەن مەملەكەتتىك ەكى ءماجىلستە ورتاعا قويىلعان تالاپتاردى مۇقيات دايەكتىلەندىرىپ تياناقتاندىرىپ، ەمدەۋ قامسىزداندىرۋ ءتۇزىمىن بىرتىندەپ كەمەلدەندىرىپ، قالا-اۋىلداعى تۇرعىنداردىڭ ەمدەۋ قامسىزداندىرۋ يگىلىگىن ونان ارى ارتتىرىپ، بۇقارانىڭ ەمدەلۋ اۋىرتپالىعىن جەڭىلدەتىپ، اۋرۋدان كەدەيلەسۋ، اۋرۋدان قايتالاي كەدەيلەسۋ ماسەلەسىن شەشىپ، پارتيانىڭ حالىققا تيىمدىلىك جاساۋ ساياساتتارىن شىنايى ويداعىداي ناقتى اتقارامىز»،-دەدى.
شىحىزى قالاسىنان زەينەتكە شىققان وقىتۋشى چىن يۇنجۇي 3 جىلدىڭ الدىندا ميى ۆيروستان قابىنىپ، بۇكىل دەنەسى سالدانىپ، اۋرۋ جاعدايى ورنىققاننان كەيىن، بيىل جىل باسىندا قارتتار كۇتىمحاناسىنا كىرىپ ەمدەلىپ ساۋىعۋعا قاتىناستى. چىن يۇنجۇيدىڭ قىزى جين شۇيبو تىلشىگە، قازىر شەشەسىنە كاسىپتىك كۇتۋشىنىڭ قارايلاساتىندىعىن، تاعى دا اي سايىن 750 يۋاندىق كۇتىمدەلۋ قامتاماسىزداندىرۋ قوسىمشا قاراجاتىنا يە بولعانىن، قازىر شەشەسىنىڭ نەداۋىر ساۋىققانىن ايتتى. جين شۇيبو: «ۇكىمەت بىزگە قوسىمشا قاراجات بەرىپ قارتتارعا مەيىر باعىشتادى، ءبىزدىڭ ەكونوميكالىق اۋىرتپالىعىمىزدا جەڭىلدەدى، بۇل دەمەۋ ءارى قولداۋ سانالادى. سوندىقتان ۇكىمەتتىڭ حالىققا ءتيىمدى ساياساتتار شىعارعانىنا العىس ايتامىز»،-دەدى.
ەلىمىز بويىنشا تۇڭعىش توپتاعى كۇتىمدەۋ قامسىزداندىرۋى سىناق ءتۇيىنى قالاسىنىڭ ءبىرى بولعان شىحىزى قالاسى وتكەن جىلدىڭ سوڭىندا سىناق ءتۇيىندى اتقارعاننان بەرى قامسىزداندىرۋعا قاتىناسقاندار سانى 567 مىڭ ادامعا جەتىپ، وزىنە-ءوزى قاراۋ قابىلەتىنەن اۋىر دارەجەدە ايىرىلعان، قامسىزداندىرۋعا قاتىناسقان ءبىر مىڭ 20 ادام اقىسىن كوتەرۋ تيىمدىلىگىنەن يگىلىكتەندى. شىحىزى قالالىق ادام كۇشى بايلىعى جانە قوعامدىق قامسىزداندىرۋ مەكەمەسىنىڭ ەمدەۋ تۋىت قامسىزداندىرۋ ءبولىمىنىڭ باستىعى جوۋ بو: «پارتيا 19-قۇرىلتايى مەن ۇكىمەت قىزمەتى بايانداماسى بويىنشا قوعامدىق قامتاماسىزداندىرۋ قىزمەتىنە قويىلعان تالاپتارعا قاراتا ءتۇزىمدى جوبالاۋ، قارجىنى توپتاۋ، سونداي-اق ۇگىت جۇرگىزۋدە سىناق ءتۇيىن قىزمەتىن ۇزدىكسىز جاقسى ىستەپ، قىزمەتتەگى اسەر نەمەسە جيناعان تاجىريبەنى جالپىلاستىرۋدى ءۇمىت ەتەمىز»،-دەدى.
پارتيا 19-قۇرىلتايىندا، تومەنگى ولشەمنەن تۇسىرمەۋ، توردى بەرىك توقۋ، مەحانيزم ورناتۋ تالابى بويىنشا، جالپى حالىقتى تۇتاس قامتيتىن، قالا مەن اۋىل ءبىر تۇتاس جوسپارعا الىناتىن، ۇقىق پەن مىندەت ايقىن، ۇيلەسىمدى قامتاماسىز ەتىلەتىن، باياندى، كوپ ساتىلى قوعامدىق قامتاماسىزداندىرۋ جۇيەسىن جاپپاي قۇرۋ ورتاعا قويىلدى. بيىل جىل باسىندا، رايونىمىز قالا-قالاشىق تۇرعىندارىنىڭ ەمدەۋ قامسىزداندىرۋى مەن اۋىل-قىستاق جاڭاشا سەلبەسىپ ەمدەۋ قامسىزداندىرۋى سىندى ەكى ءتۇرلى ءتۇزىمدى بىرىكتىرۋدى جاپپاي ورىنداپ، قالا-اۋىلداعى تۇرعىنداردىڭ نەگىزگى ەمدەۋ قامسىزداندىرۋىن ءبىر تۇتاس جوسپارلاۋ ءتۇزىمىن اتقاردى. شينجياڭدىق تۇرعىندار، اۆتونوميالى رايوندىق نەگىزگى ەمدەۋ قامسىزداندىرۋىنا قاتىناسقان شينجياڭ نوپوسىندا ەمەس تۇرعىندار، شينجياڭعا كومەكتەسەتىن قىزمەتكەرلەر سياقتى 23 ميلليون 700 مىڭ ادام تۇگەلدەي وقىستان جارالانۋ قامسىزاندىرۋ قامتامسىزداندىرۋ تولەمى كولەمىنە ەنگىزىلىپ، تولەۋگە تيستىلەرىنە اقى تولەندى. بيىلعى ۇكىمەت قىزمەتىنەن باياندامادا، نەگىزگى ەمدەۋ قامسىزداندىرۋى مەن سالماقتى اۋرۋلار قامسىزداندىرۋى دەڭگەيىن جوعارىلاتۋ ورتاعا قويىلدى. ولكە اتتاپ وزگە جەردە ەمدەۋدى تىكەلەي ەسەپتەن كوتەرۋ كولەمىن كەڭەيتىپ، نەگىزگى ساتى شيپاحاناسى مەن سىرتقا شىققان ەگىس جۇمىسكەرلەرى، سىرتتان كاسىپ اشىپ كاسىپتەنۋگە كەلگەندەر سياقتىلار وسى كولەمگە ەنگىزىلدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ باستىعى راحمانجان داۋىت، كەلەسى كەزەكتە پارتيا 19-قۇرىلتايىنىڭ بايانداماسى جانە ۇكىمەت قىزمەتىنەن باياندامانىڭ تالابى بويىنشا، قوعامدىق قامتاماسىزداندىرۋ جۇيەسى قۇرىلىسىن ۇزدىكسىز كەمەلدەندىرەتىندىكتەرىن ايتىپ: «قالا-اۋىل تۇرعىندارىنىڭ ەمدەۋ قامسىزداندىرۋ ءتۇزىمىن بىرىكتىرگەننەن كەيىنگى قامسىزداندىرۋ اقىسىن الۋ، ءبىتىرۋ اينالىمى جانە قوردى باسقارۋ قىزمەتىن كۇشەيتەمىز. شارت-جاعدايى تولىق ءبىر تۇتاس جوسپارلاناتىن رايوندا ۇزاق مەرزىمدىك كۇتىمدەۋ قامسىزداندىرۋى مەن جۇمسشى-قىزمەتكەرلەردىڭ ەمحانادا تەكسەرىلۋىن ءبىر تۇتاس جوسپارلاۋ سىناق ءتۇيىنى كولەمىن كەڭەيتەمىز. ەمدەۋ قامسىزداندىرۋ اقىسىن تولەۋ ءتاسىلى رەفورماسىن جالعاستى ىلگەرلەتىپ، تۇرلىشە بۇقاراعا، اۋرۋعا، قىزمەت وتەۋ ەرەكشەلىگىنە سايكەسەتىن كوپ نەگىزدى توعىسپالى اقى تولەۋ ءتاسىلىن ۇزدىكسىز كەمەلدەندىرەمىز»،-دەدى.

بەرىپ كەت ورامالىڭدى

دوستار

الىستاعى اق ەركە