جاڭا حابارلار

تۇماۋدى ەمدەۋدىڭ ءار ەلدەگى ادىستەرى

    كەلۋ قاينارى: شينجياڭ حالىق راديو ىستانسياسى    2018-03-19 13:33:07  
الدامشى اۋا رايىندا ادامداردىڭ كوپشىلىگى تۇماۋدان زارداپ شەگەدى. سۋىق ءتيۋدىڭ بۇل ءتۇرى ادامنىڭ جىنىسىن دا، جاسىن دا تالعامايدى. بارلىعىنا ورتاق اۋرۋ.ءبىراق ونى ەمدەۋدىڭ ءار ۇلتتا وزىندىك تاسىلدەرى بار.ەندەشە، بىلە جۇرەيىك؟!
جاپوندىق ءادىس. بۇل ەلدە تۇماۋمەن اۋىرعان ادام ۇيىنە كەلگەننەن كەيىن مىندەتتى تۇردە 10 كەسە جاسىل ءشاي ىشەدى ەكەن.تسەيلون ءشايى بۇل ەلدىڭ تۇماۋدا قولداناتىن باستى قارۋى.
ەلىمىزدە تۇماۋ تيسە نۇكتەلى ماسساجعا جۇگىنەدى. اۋىرعان ادام 3 رەت سۇق ساۋساعىنىڭ ۇشىمەن 9 رەت ساعات ءتىلىنىڭ بويىمەن كەرى باعىتتا ماسساج جاسايدى.يممۋنيتەتتى كوتەرۋگە اسەر ەتەتىن نۇكتەلەرگە ـــ ماڭدايدىڭ بالاپان شاش وسەتىن ايماقتارى، قاستىڭ ىشكى بۇرىشى، مۇرىن قىرلارى، مويىننىڭ ارقاعا كوشۋ جەرلەرى جاتادى.
ءۇندى ءادىسى. تۇماۋمەن اۋىرعاندا ءتۇرلى تاستاردى ەم رەتىندە قولدانادى. تاستاردىڭ اعزاداعى ۆيرۋستى جوياتىن ءشوپ سەكىلدى بيولوگيالىق كۇشى بار. بۇل ءادىستى ابدەن قىر-سىرىن مەڭگەرگەن ناعىز مامان ەمشىلەر عانا قولدانادى. تاستىڭ اۋامەن اسەرى بار.ول دەنەدەگى جاعىمسىز دۇنيەلەردى الادى ەكەن.
تيبەت ءتاسىلى. تيبەت ادامدارى مۇلدەم اۋىرمايدى دەسەك تە بولادى.ولار 5 جىلدا ءبىر رەت ەسكى رەتسەپپەن جاسالعان ءسارىمساق-سپيرتتى تۇنبانى جاسايدى.كەيىن سونى ەرەكشە نۇسقاۋ بويىنشا قابىلدايدى.بالعىن سارىمساقتىڭ 350 گرامىن الىپ، ونى بىرنەشە بولىككە ءبولىپ، قابىعىن تازالايدى. اعاش نەمەسە مىستان جاسالعان ىدىسقا سالىپ 30 مينۋتقا بولمە تەمپەراتۋراسىنا قويۋ كەرەك.سودان كەيىن ونىڭ ۇستىنە 96 پايىزدىق سپيرتتى قۇيۋ كەرەك.تاعى دا 10 كۇنگە تۇندىرىپ قويامىز.كەيىن تاماق ىشەر الدىندا مولشەرمەن ءىشىپ وتىرساڭىز اۋىرمايسىز.
امەريكالىق ءادىس. ولار سۋىق تيسە كوكتەيل سۋسىندارىن ىشەدى.جالبىز بەن ليمون، بال مەن سارىمساق قوسىلعان كوكتەيلدەر ولاردىڭ تۇماۋعا قارسى قۇرالدارى.سونىمەن قاتار، الما ليمونادىن قولدانادى.ءبىر ستاكان قايناعان سۋعا 1 ــ 2 اس قاسىق ليمون ۋكسۋسىن جانە ءدال سول مولشەردە بال قوسىپ، ىستىق كۇيىندە ىشەدى.
گرەك ءادىسى.ولار اياقتارىن ىستىق سۋعا مالىپ، ەكى كەسەك اپەلسين جانە ەكى كەسەك ليموننىڭ ۇستىنە ەكى ستاكان قىزىل شاراپ قۇيىپ، ءبىر اس قاسىق بال، 2 قالامپىر گۇلىنىڭ ساباعىن جانە ءبىر شوكىم ارشىندى سالىپ قايناتادى.اياقتارى ىستىق سۋدا تۇرعاندا سۋسىندى ىشەدى.
مەكسيكالىق ءتاسىل.اسپيرين ىشۋگە بەيىم.سونىمەن قاتار، ۇنتاقتالعان قارا بۇرىشتى كۇنىنە 3 رەت قابىلدايدى.سۇيىق سورپالارعا دا سونى قوسادى.
ورىس ءتاسىلى.جۋامەن، سارىمساقپەن، اقجەلكەكپەن ەمدەيدى.اقجەلكەكتىڭ تامىرىن ۇنتاقتاپ، داكەگە سالىپ كەۋدەگە، ارقاعا باسادى.اياقتى قىزدىرادى.
يسپان ءتاسىلى.ولار تەڭىز تاعامدارىن قولايلى دەپ سانايدى.قىزىل ەتتى، باۋىردى، مايلى تەڭىز بالىعىن سورپا قىلادى.سونىمەن قاتار تۇستەرى قانىق جەمىستەردى كوپ قولدانادى.تۇماۋعا وسىلاي الدىن الا قارسى تۇرادى.

بەرىپ كەت ورامالىڭدى

دوستار

الىستاعى اق ەركە