جاڭا حابارلار

باسقا جەرگە كوشىرىپ سۇيەمەلدەۋ ەگىنشى-مالشىلاردىڭ جاڭا ءۇيى، تىڭ كاسىبى بولۋىنا مۇمكىندىك جاسادى

    كەلۋ قاينارى: شينجياڭ حالىق راديو ىستانسياسى    2018-03-20 19:48:18  

ستانسيامىزدىڭ تىلشىلەرى حاميت پەن ليۋ چياڭ جازعان اقپاراتتىق ارناۋلى حاباردى تىڭداڭىزدار: بىرنەشە كۇننەن بەرى، حوتان قالاسى جييا اۋىلى التىنجاپىراق جاڭا قىستاعىنىڭ ديحانى ابدوللا تۇردىمامەت ءوزىنىڭ كوكونىس جىلىجايىنا پاميدور جانە قىزىل بۇرىش ەگۋمەن قاربالاستاندى، بۇل ونىڭ تۇڭعىش رەت كوكونىس ەگۋى بولعاندىقتان، شينجياڭ ينجەنەريا ينستيتۋتىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانىسىمەن قىستاقتا تۇرعان قىزمەت اترەتىندەگىلەردى وزىنە تەحنيكالىق جاقتان جەتەكشىلىك ەتۋگە ارنايى ۇسىنىس ەتتى. ابدوللا تۇردىمامەت قۋانىشتى سەزىممەن، بيىل جىل باسىندا ءوزىنىڭ حوتان قالاسى جييا اۋىلى كوشەبويى قىستاعىنان وسى قىستاقتاعى 34 قىستاق ديحانىمەن بىرگە التىنجاپىراق جاڭا قىستاعىنا كوشىپ بارعانىن، وسى اراعا كەلگەننەن كەيىن، 80 شارشى مەترلىك بەيقۇت ۇيگە تەگىن يە بولۋدان سىرت، تاعى كوكونىس ەگەتىن ەكى جىلىجايى جانە ءبىر قوي قوراسى بولعانىن ايتا كەلىپ: قازىرگى ءۇيىم كەڭ دە جارىق، جانعا جايلى، توك، سۋى ءبارى وتە قولايلى، اسفاليت جول وتباسلارىنا دەيىن جەتكىزىلدى.قازىرگى وسى تاماشا ساياساتتى ويداعىداي قاستەرلەۋىمىز قاجەت، الدا باعىمشىلىقتى، ەگىن ەگۋ، باسقارۋ تەحنيكاسىن ويداعىداي ۇيرەنىپ، وتباسىمىزدىڭ تۇرمىس شارت-جاعدايىن جاقسارتىپ، ەرتەرەك كەدەيلىكتەن قۇتىلۋعا ۇمتىلامىن،-دەدى.
باس شۋجي شي جينپيڭ مەملەكەتتىك 13-كەزەكتى حالىق قۇرىلتايىنىڭ ءبىرىنشى ماجىلىسىنە قاتىناسقان ىشكى موڭعۇل ۋاكىلدەر ۇيىرمەسىنىڭ ۇكىمەت قىزمەتىنەن باياندامانى قاراۋىنا قاتىناسقاندا بىلاي دەپ باسا دارىپتەدى: كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزۋدىڭ تەتىگى ـــ ەرەكشە كەدەي ءوڭىردىڭ كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزىپ، كەدەي جان سانى شوعىرلانعان اۋىل-قىستاقتاردا قامال الۋ. «ءبىر ءوڭىردىڭ ورتاسى سول وڭىردەگىلەردى اسىراي المايتىن» وڭىرلىك كەدەي، قيىنشىلىعى بار بۇقارانىڭ كوشىرۋگە بولاتىنىن مۇمكىندىكتىڭ بارىنشا تەز ارادا كوشىرۋگە شىنايى كەپىلدىك ەتۋ ءۇشىن، 2017-جىلى رايونىمىز باسقا جەرگە كوشىرىپ سۇيەمەلدەيتىن 110 مىڭ ادامنىڭ تۇرعىن ءۇي قۇرىلىسى مىندەتىن ورىندادى.باسقا جەرگە كوشىرۋ قىزمەتىن ويداعىداي ىستەۋمەن بىرگە، جەر-جەر ناقتىلى جاعدايعا قاراي، كەدەيلەردى سۇيەمەلدەۋ كاسىبىن بارىنشا دامىتىپ، ەگىنشى-مالشىلاردىڭ جاڭا ۇيگە كوشىپ كىرۋدەن سىرت، تاعى تىڭ كاسىبى بولۋىنا مۇمكىندىك جاسادى. ەگىنشى-مالشىلاردىڭ جان سانىنىڭ كوپ بولۋ، ەرەكشە كەدەي بولۋ ماسەلەسىنە قاراتا، قىزىلسۋ قىرعىز اۆتونوميالى وبلىسى باسقا جەرگە كوشىرىپ سۇيەمەلدەۋگە تاباندى بولۋدى كەدەيلىكتەن قۇتىلدىرۋدان قامال الۋ مەن كەدەيلەردى دالمە-ءدال سۇيەمەلدەپ، دالمە-دال كەدەيلىكتەن قۇتىلدىرۋدىڭ ماڭىزدى شاراسى ەتتى.اقتاۋ اۋدانى كۇنلۇن جيا-يۋان تۇرعىندار رايونى نەگىزدىك قۇرىلعى قۇرىلسى تولىق وسىزاماندانعان شاعىن رايون، وسىندا كۇنلۇن تاۋىنىڭ قويناۋىنداعى ءۇش اۋىل-قالاشىقتان كوشىپ بارعان 840 وتباسى قونىستانعان.كۇنلۇن جيا-يۋان الەۋمەتتىك اۋماعىنداعى وسىزاماندانعان باعىمشىلىق قوراسىنداعى مالدار مەن ءۇي قوستارى شوعىرلى باعىلادى، قۇرىلعى اۋىل شارۋاشىلىعى، جىلىجاي بازاسى ەگىنشى-مالشىلاردىڭ ورنىقتى كىرىسى بولۋىنا مۇمكىندىك ەتتى، شاعىن رايوندا ساۋدا ورىنى، بالالار باقشاسى، امبەباب قىزمەت وتەۋ ورتالىعى، مادەنيەت الاڭى تولىق.تۇرعىن بۇسايرا تۇردىبەك تىلشىگە، قازىر ءوزىنىڭ الەۋمەتتىك اۋماقتاعى كەستە سەلبەستىك كوپەراتيۆىندە قىزمەت ىستەيتىنىن، كەدەيلىك قالپاعىن الىپ تاستاعانىن ايتا كەلىپ: الەۋمەتتىك اۋماقتاعى كەستە دۇكەنى ەرەكشە جاقسى، ءۇيىمىزدىڭ قاسىندا، سىرتقا شىعىپ جۇمىس ىستەپ جۇرمەيمىز، ۇستازىمىز وسىندا بىزگە ەڭبەكاقى تاراتادى، ايىنا 2 مىڭ 500 يۋان دا 3 مىڭ يۋان ەڭبەكاقى الامىن،-دەدى.
بيىل 2-ايدا اشىلعان اۆتونوميالى رايوننىڭ ەرەكشە كەدەي رايونداردىڭ كەدەيلىكتەن دالمە-ءدال قۇتىلدىرۋدان قامال الۋ قىزمەتى ماجىلىسىندە، بيىل رايونىمىزدىڭ 9 اۋدان-قالا، 47 اۋىل-قالاشىق، 517 قىستاقتاعى 30 مىڭ ادامدى باسقا جەرگە كوشىرىپ سۇيەمەلدەۋ قىزمەت مىندەتىن ورىندايتىنى اتاپ كورسەتىلدى.لوپ اۋدانى سامپۇل قالاشىعى پارتكومىنىڭ ورىنباسار شۋجيى، قالاشىق باستىعى ءادىل ءمامتىمىن بىلاي دەدى: بيىل ءبىز نەگىزىنەن باسقا جەرگە كوشىرۋدى ويداعىداي ىستەيمىز، العاشقى ادىمدا 136 وتباسىن وزگە جەرگە كوشىرۋدەن سىرت، تاعى 827 ادامدى ورنىقتى كاسىپتەندىرۋدى ءتۇيىن ەتىپ، ديحانداردىڭ تۇرمىس ورتاسىن ويداعىداي قۇرىپ، ءار ۇلت حالىق بۇقاراسىنىڭ اۋقاتتانۋىنا مۇمكىندىك جاساۋدى جوسپارلادىق.


بەرىپ كەت ورامالىڭدى

دوستار

الىستاعى اق ەركە