جاڭا حابارلار

شەريا اۋدانىنىڭ ديحانى حاڭ ۋان-يوۋ مەن ونىڭ ۇيعۇر اپەكەسى ءتاجىحان تۇرسىنىڭ اڭگىمەسى

    كەلۋ قاينارى: شينجياڭ حالىق راديو ىستانسياسى    2018-03-22 13:29:14  
ستانسيامىزدىڭ ءتىلشىسى ليۋ چياڭ مەن شەريا راديو ستانسياسىنىڭ ءتىلشىسى لي ليڭياننىڭ حابارىن تىڭداڭىزدار: شەريا اۋدانى شەريا قالاشىعى وجداكول قىستاعىندا ەكى ۇلتتار قۇرام تاپقان، ەلدەن ەرەك اپەكەلى-باۋىر تىرشىلىك ەتىپ كەلەدى. 20 جىلدان بەرى، ولار ءوزارا كومەكتەسىپ، اسا قويۋ تۋىسقاندىق سۇيىسپەنشىلىك ورناتتى.
وجداكول قىستاعىنىڭ تۇرعىنى جاڭ ۋان-يوۋ اپتا سايىن جەمىس-جيدەك جانە بال كۇلشەسىن الىپ اپايى ءتاجىحان تۇرسىننىڭ كوڭىلىن سۇراپ، ونىڭ وتباسىنداعىلارمەن بىرگە تاماقتانىپ سىر شەرتىسەدى. ءتاجىحان تۇرسىن: «ءبىزدىڭ تانىسقانىمىزعا 20 جىل بولدى، ارالاسۋ بارىسىندا، ءبىز ءبىر ءۇيدىڭ ادامىنداي بولىپ، بىرگە تۇرىپ، بىرگە تاماقتانىپ، بىرگە ەڭبەك ىستەپ، قيىنشىلىقتاردى بىرگە شەشتىك، ول مەنىڭ ءۇي شارۋاما قولعابىس ەتىپ، اتىز باسىنداعى جۇمىستارىما كومەكتەسىپ، قويىمدى باعىسادى، تۇرمىستا بىزگە كوپ قارايلاسادى»،-دەدى.
62 جاستاعى جاڭ ۋان-يوۋدىڭ اكەسى ەرتە قايتىس بولعان، بىرگە تۋعان اعايىن، اپەكە-قارىنداسى جوق ەدى. 1998-جىلى ول حىناننان شەريا اۋدانىنا كەلىپ، ۇساق-تۇيەك جۇمسىتار ىستەپ كۇنەلتتى، سول كەزدەگى تۇرمىسى وتە ماشاقاتتى ءوتتى. وسى اراعا العاش كەلگەندە ول ءتاجىحان تۇرسىن اپايدىڭ ءۇيىن جالعا الىپ تۇردى، سودان باستاپ ەكەۋى بىرتىندەپ تانىستى، ەڭبەكشىل جاڭ ۋان-يوۋ ءار كۇنى اپايعا كومەكتەسىپ، اۋلاسىن سىپىرىپ، قويىنا جەم-ءشوپ بەرىپ، ودان تاماق ىستەۋدى ۇيرەندى، وسىلايشا ەكەۋى اپەكەلى-باۋىر بولىپ جاقىن ارالاستى. جاڭ ۋان-يوۋ تاعى ۇيعۇر ءتىلىن ۇيرەندى. ول:« مەن شينجياڭعا كەلىپ ءتاجىحان اپايدىڭ ۇيىندە تۇردىم، ول ماعان باسقالارمەن ۇقساس وتە جاقسى مامىلە جاسادى، تاماق ىشكەندە مەنى شاقىرىپ الادى، مەن دە قاراپ تۇرماي جۇمىسى بولسا كومەكتەسەمىن، سونىمەن شينجياڭعا كەلگەننەن كەيىن ول مەنىڭ ءبىر سۇيەنىشىم بولدى»،-دەدى.
ءتاجىحان تۇرسىننىڭ نەمەرەسى ابدوللا ماتسەيد بىلاي دەدى: « مەن وقىعان كەزدە، ول ءبىزدىڭ ۇيگە كەلگەن بولاتىن، ول ماعان داپتەر، قارىنداش جانە تۇرمىستىق بۇيىمدار ساتىپ الىپ بەرەتىن، ءبىز بىرلىكتە ەڭبەك ىستەدىك، تاماقتى دا بىرگە ىشەتىن بولدىق، بىزدىڭ ۇيدەگىلەر ونى وتە جاقسى كورەتىن، ءبىز بىر ءۇيدىڭ ادامىندا بولىپ كەتتىك».
جاڭ ۋان-يوۋ مەن ونىڭ ۇيعۇر اپەكەسى ءتاجىحان تۇرسىن اراسىنداعى ۇلتتار ىنتىماعىنىڭ اڭگىمەسى سول ماڭداعى جۇرتشىلىقتىڭ جۇرەگىن جىلتتى. شەريا اۋدانى شەريا قالاشىعى وجداكول قىستاعىنىڭ تۇرعىنى الىمجان تۇرسۇن بىلاي دەدى: «ءتاجىحان اپاي مەن جاڭ ۋان-يوۋ بىرگە تۋىسقان اپەكە-باۋىرلارداي 20 جىل بىرگە تۇرمىس كەشىردى، ءبىز ولاردى ۇلگى ەتىپ، بۇدان بىلاي ۇلتتار ىنتىماعىن بۇرىنعىدان ارى بەكەمدەي تۇسەمىز».

بەرىپ كەت ورامالىڭدى

دوستار

الىستاعى اق ەركە