جاڭا حابارلار

زەردەلى اۋىل شارۋاشىلىعى، سانجى وبلىسىنداعى ديحانداردى ەگىن ەگۋ بارىسىندا باقىت سەزىمىنە بولەدى

    كەلۋ قاينارى: شينجياڭ حالىق راديو ىستانسياسى    2018-03-22 13:32:24  
ستانسيامىزدىڭ تىلشىلەرى حى بين، لان تيان، سانجى راديو ستانسياسىنىڭ ءتىلشىسى چاڭ ي-يدىڭ حابارىن تىڭداڭىزدار: ەگىن ەگىپ، ونى جيناۋدا تۇگەلدەي ماشينا، سۋارىپ، تىڭايتقىش بەرۋدە الىس ارالىقتان مەڭگەرۋ تەحنيكاسى قولدانىلىپ، توپىراقتىڭ ىلعالدىلىعى كومپيۋتەرمەن باقىلاپ تەكسەرىلدى، زەردەلى اۋىل شارۋاشىلىعىنىڭ جالپىلاسۋىنا بايلانىستى، سانجى وبلىسىنداعى ديحاندار ەگىن ەگىپ، باقىت سەزىمىنە بولەندى.
مىڭ مۋلىق جەرگە تەك ءبىر ادام قاراپ، ۇيدەن شىقپاي-اق سۋارىپ تىڭايتقىش بەردى. ماناس اۋدانى لوتۋ-ي قالاشىعى ىرگۇڭ قىستاعىنىڭ تۇرعىنى شىن چي ەرەكشە جەلپىنگەن كوڭىل كۇيمەن تىلشىگە، تەك قولتەلەفونداعى APP دەن پايدالانسا بولعانى، مىڭ مۋلىق ماقتا اتىزىن كۇندەلىكتى باسقارۋ جۇمىسىن جالعى ءوزى ورىندايتىنىن، مۇنىڭ وتە وڭاي ەكەنىن ايتا كەلىپ:« بۇرىن ءجۇز مۋداي جەردىڭ ءوزى كىسىنى قاتتى ابىگەرلىككە سالاتىن، قازىر جاعداي وزگەردى، سۇيىق تىڭايتقىشتى قۇتىعا قۇيساق بولعانى، تىكەلەي قولتەلەفونمەن مەڭگەرۋگە بولادى، مىڭ مۋ جەرگە تىڭايتقىش بەرۋ جۇمىسىن وپ-وڭاي ورىنداۋعا بولادى. وتكەن جىلعى كىرىسىم 200 مىڭ يۋاننان استى»،-دەدى.
شىن چي شينجياڭ حۇي-ىر اۋىل شارۋاشىلىق شەكتى جارنا توبى زەرتتەپ اشقان اقىلدىق سۋارۋ جۇيەسىنەن پايدالاندى. سەرىكتەستىك ديحاندار وتباسىنا تەگىن تىڭايتقىش قۇمىراسىن ورناتىپ، تامشىلاتىپ سۋارۋ جابدىعىمەن تۇتاستىرىپ، قولتەلەفون APP ارقىلى الىس ارالىقتان مەڭگەردى، شينجياڭ حۇي-ىر اۋىل شاۋاشىلىق توبى شەكتى جارنا سەرىكتەستىگى سانجى بولىمشە سەرىكتەستىگىنىڭ باس مەڭگەرۋشىسى جاۋ ۋيچيڭ:« قولتەلەفونمەن تاپسىرىس بەرگەندە ءبىر مۋ جەردى 5 دە 10 كيلوگرام سۋمەن سۋارۋعا بولادى. داقىلدىڭ وسۋىنە قاراي ءوزىمىز رەتتەپ مەڭگەرۋگە ابدەن بولادى، ءبىر قۇمىرامەن 300 مۋدان مىڭ مۋعا دەيىنگى اۋماقتاعى ەگىستىك جەرگە تىڭايتقىش بەرۋگە بولادى. 2017-جىلى زەردەلى تىڭايتقىش بەرۋ جۇيەسىن قولدانۋدان بارلىق ديحان وتباسى كىرىسىنىڭ %93 ارتقاندىعى ساناققا الىندى»،-دەدى.
سۋارىپ تىڭايتقىش بەرۋدەن سىرت، بۇگىنگى كۇندە عىلىم-تەحنيكا اۋىل شارۋاشىلىعىنىڭ ءار سالاسىنا بىرتىندەپ پايدالانىلا باستادى. بىرنەشە كۇننەن بەرى، قۇتبىي اۋدانى دافىڭ قالاشىعى حۇڭيۇنلان ديحاندار ەگىمشىلىك كاسىپتىك سەلبەستىك كوپەراتيۆىنىڭ القا باستىعى ۋاڭ جى تەحنيكتەردى ەگىس ماشينا جابدىقتارىن جوندەۋگە ۇيىمداستىرىپ، ءبىر ايدان كەيىنگى كوكتەمگى ەگىس جۇمسىىنا دايىندالدى. ەكى جىلدان بەرى، حۇڭيۇنلاي كاسىپتىك سەلبەستىك كوپەراتيۆى ىلگەرىندى-كەيىندى GPS جول نۇسقاۋ تەحنيكاسىنان پايدالانىپ ماشيناسىمەن جۇمىس ىستەۋ، ەگىس داقىلدارىن ورىپ-جيناۋداعى زەردەلى ەستە ساقتاۋ مىندەتى سياقتى تەحنيكالاردى پايدالاندى، ءارى جۇڭگو اۋىل شارۋاشىلىق ۋنيۆەرسيتەتى عىلىمي زەرتتەۋ ۇيىرمەسىمەن بىرلەسىپ اتىز باسىنداعى اۋا رايى ستانسياسىن قۇردى. قازىر سەلبەستىك كوپەراتيۆىنىڭ 11 مىڭ مۋدان استام ەگىستىڭ جەرىنىڭ كۇندەلىكتى ەگىن ەگۋ، تىڭايتقىش بەرۋ، ءدارى شاشۋ، ونىمدەرىن جيناپ الۋى سياقتى جۇمىستارىن نەبارى ءتورت-اق ادام ىستەي الادى. ۋاڭ جى:« اتىز باسىندىق اۋا رايى پونكىتى اتىز باسىنداعى ىلعالدىلىقتى، سۋدىڭ تاپشى بولۋ مولشەرىن، تىڭايتقىشتىڭ سالىستىرماسىن دۇرىس، دەركەزىندە قامداپ وتىرادى. سونىمەن بىرگە سۋدىڭ پايدالانىلۋ مولشەرىن، دەرت-دەربەز جانە زياندى جاندىكتەردى باقىلاپ مەڭگەرىۋ ناتيجەسىن دە بىزگە اڭىس ەتىپ وتىرادى، ءبىز وسى جۇيەنىڭ تەحنيكالىق تالابى بويىنشا، باعىمشىلىققا قارجى قوسىپ باسقارامىز»،-دەدى.
بيىلعى ۇكىمەت قىزمەتىنەن باياندامادا بىلاي دەپ اتاپ كورسەتىلدى: «وسىزامانعى اۋىل شارۋاشىلىق كاسىبى باقشاسى مەن ەرەكشە اۋىل شارۋاشىلىق ونىمدەرىنىڭ ابزال رايونىن جەدەل قۇرۋ كەرەك. قازىر سانجى وبلىسى سانجى مەملەكەتتىك اۋىل شارۋاشىلىق عىلىم-تەحنيكا باقشاسىنا سۇيەنىپ 10 ماگستر اسپيرانت، 25 عىلىمي زەرتتەۋ ۇيىرمەسى مەن مەملەكەتتىك ماقتا كاسىبى وداعىن ىرگە تەبۋگە باۋراپ، زەردەلى اۋىل شارۋاشىلىعىن عىلىم-تەحنيكا جاعىنان دەمەدى. وتكەن جىلدىڭ سوڭىندا، سانجى وبلىسىنىڭ ەگىمشىلىك كاسىبىنىڭ جان-جاقتىلى ماشينالاسۋ دەڭگەيى %94.6كە، جوعارى ونىمدىلىكتە سۋ ۇنەمدەۋ كولەمى 6 ميلليون 130 مىڭ مۋعا جەتىپ، جالپى ەگىمشىلىك اۋماعىنىڭ %81ىن يەلەدى. 2020-جىلى سانجى وبلىستىق اۋىل شارۋاشىلىق عىلىم-تەحنيكا العاباسارلىعىنىڭ ۇلەس قوسۋ مولشەرى مەجەمەن % 65 تەن اسادى، ەگىن-مال شارۋاشىلىعىن وسىزامانداندىرۋدىڭ ۋنيۆەرسال كورسەتكىشى %95 كەجەتەدى، زەردەلى اۋىل شارۋاشىلىعىنىڭ جالپىلاسۋى ديحانداردىڭ ءۇستى باسىنداعى شاڭدى كەتىرۋدەن سىرت، ودان دا ماڭىزدىسى ديحانداردى كىرىستى ارتتىرىپ، اۋقاتتانۋدىڭ عىلىم-تەحنيكالىق ۇشقىر كولىگىنە وتىرعىزدى. جەمسارى اۋدانى چيڭياڭحۋ اۋىلى ىرگۇڭلياڭ قىستاعىنداعى پاميدور ەگۋشى لي گوفۋ، زەردەلى ەگىمشىلىكپەن شۇعىلدانىپ، باقىت سەزىمىنە بولەنگەنىن ايتا كەلىپ:« باس شۋجي شي جينپيڭ، وسىزامانعان جوعارى ونىمدىلىكتەگى اۋىل شارۋاشىلىعى ديحانداردى اۋقاتتاندىرۋدىڭ سارا جولى دەگەن بولاتىن. قازىر سانجى جالپىلاستىرعان اۋىل شارۋاشىلىعىن زەردەلەندىرۋ، وسىزامانداندىرۋ، ماشينالاندىرۋدان ديحاندار شىنايى يگىلىككە بولەندى، مەن وتكەن جىلى 200 مىڭ يۋاننان استام كىرىس كىرگىزدىم. بيىل عىلىمي جولمەن جەتىلدىرەتىن جاڭا تۇقىمدى تاڭداپ ەگىپ، ءونىم مولشەرىن ارتتىرىپ، بۇرىنعىدان دا مول اقشا تاپپاقشىمىن، ءبىزدىڭ اۋقاتتانۋ جولىمىز شىنىندا دا بارعان سايىن كەڭەيۋدە»،-دەدى.

بەرىپ كەت ورامالىڭدى

دوستار

الىستاعى اق ەركە