جاڭا حابارلار

ءتۇرلى شارانى قاتار قولدانۋ ارقىلى كاسىپتەنۋدى جەبەپ، كەدەيلىكتەن قۇتىلدىرۋدان قامال الۋدى ىلگەرىلەتتى

    كەلۋ قاينارى: شينجياڭ حالىق راديو ىستانسياسى    2018-03-23 14:07:57  
ستانسيامىزدىڭ تىلشىلەرى حاميت، دۇڭ جىيۇڭ، ەرىكتى تىلشىلەر جاڭ جيڭيۇي، ابدۋۋايىت جازعان اقپاراتتىق ارناۋلى حاباردى تىڭداڭىزدار: «بۇرىن بۇل قىزمەتتى ىستەپ كورىپپە ەدىڭ؟».
«تراكتورلاردى، موتوسەكيلدەردى جوندەۋدى ۇيرەنگەنمىن».
3-ايدىڭ 19-كۇنى، ىلە وبلىسىنىڭ 2018-جىلعى «كاسىپتەندىرۋ ارقىلى كەدەيلەردى سۇيەمەلەۋ 100 قىستاققا ساپار» اتىنداعى تۇڭعىش ۇسىنىسپەن قابىلداۋ ءماجىلىسى شاپشال اۋدانى قاۋىنشى اۋىلىنىڭ قاۋىنشى قىستاعىندا اشىلىپ، قۇلجا قالاسىنان كەلگەن 10 كاسىپورىن ماشينا جوندەۋ، دانەكەرلەۋشى، تازالىقشى، اماندىقتى قورعاۋشى سياقتى 400 نەشە جۇمىس ورنىن ورنالاستىرىپ، كوپتەگەن قىستاق تۇرعىنىن ۇسىنىسپەن قابىلداۋعا قاتىناسۋعا باۋرادى. اناعۇرلىم كوپ كەدەي وتباسىن كاسىپەندىرۋ ارقىلى كەدەيلىكتەن قۇتىلدىرۋ ءۇشىن، بيىل ىلە وبلىسى وبلىس بويىنشا «كاسىپتەندىرۋ ارقىلى كەدەيلەردى سۇيەمەلەۋ 100 قىستاققا ساپار» اتىنداعى ۇسىنىسپەن قابىلداۋ ءماجىلىسىن 100 رەت اشادى. شاپشال اۋدانى قاۋىنشى اۋىلى قاۋىنشى قىستاعىنىڭ تۇرعىنى شوكىرات دىلمۇرات ۇسىنىسپەن قابىلداۋ ماجىلىسىندە تالەيىنە جاراي ماشينا جوندەۋ قىزمەتىن تاپتى، پراكتيكا كەزىنىڭ وزىندە ايىنا 2 مىڭ يۋان ەڭبەكاقى الادى ەكەن. ول بىلاي دەدى: «ەڭبەكاقىسى دا جوعارى، سىرتتا جۇمىس ىستەپ، اقشا تاۋىپ، تۇرمىسىمدى جاقسارتسام دەيمىن، ماشينا جوندەۋ قىزمەتى ماعان ۇيلەسەدى ەكەن».
پارتيا 19-قۇرىلتايىندا بىلاي دەپ اتاپ كورسەتىلدى: كاسىپتەندىرۋ ـــ حالىق تۇرمىسىنا سايتىن ەڭ ۇلكەن ءىس. كاسىپتەندىرۋدى الدىمەن ويلاستىرۋ ستراتەگياسى مەن بەلسەندى كاسىپەندىرۋ ساياساتىنا تاباندى بولىپ، اناعۇرلىم جوعارى ساپالى جانە اناعۇرلىم تولىق كاسىپتەندىرۋدى جۇزەگە اسىرۋ كەرەك. كاسىپتىك شەبەرلىككە تاربيەلەۋدى كەڭ كولەمدە ورىستەتىپ، قۇرىلىمدىق سيپاتتى كاسىپتەندىرۋ قايشىلىعىن شەشۋگە ءمان بەرىپ، تىڭ تىرشىلىك جاراتۋ ارقىلى كاسىپتەندىرۋدى ىلگەرىلەتۋگە شابىتتاندىرۋ ءتيىس. وسى ايدىڭ باسىندا، ياركەن اۋدانى، يىڭىسار اۋدانى ارحيۆ تۇرعىزىلىپ، كارتىشكا تاراتىلعان كەدەي وتباسىلارىنداعى تۇڭعىش توپتاعى 130 ادامدى ىلە، بايىنعولىن وبلىسى سياقتى جەرلەرگە بارىپ باسقا سالادا كاسىپتەنۋگە ۇيىمداستىردى. يىڭىسار اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ورىنباسار باستىعى ابدۋالي اكىم بىلاي دەدى: « ارحيۆ تۇرعىزىلىپ، كارتىشكا تاراتىلعان كەدەي وتباسىلارىنىڭ كاسىپتەنۋ تىلەگىن مۇقيات ۇعىسامىز، بۇدان كەيىن ءبىز سولتۇستىك شينجياڭ، شىعىس شينجياڭداعى مەملەكەت مەنشىگىندەگى كاسىپورىنداردا، ءۇي قۇرىلىسى نىساندارىندا، مەملەكەت جەر بايلىعى نسىاندارىندا ارحيۆ تۇرعىزىلىپ، كارتىشكا تاراتىلعان كەدەي وتباسىلارىنداعى ءبىر مىڭ 200 ادامدى كاسىپتەندىرەمىز، كاسىپتەندىرۋ ارقىلى كەدەيلىكتەن قۇتىلدىرۋ قىزمەتىن ويداعىداي ىستەپ، كەدەيلىكتەن قۇتىلدىرۋدان قامال الۋ ءۇشىن ۇلەس قوساتىندىعىمىزعا سەنىمىمىز كامىل».
بيىل 2-ايدا اشىلعان اۆتونوميالى رايوننىڭ ەرەكشە كەدەي رايونداردى كەدەيلىكتەن دالمە-ءدال قۇتىلدىرۋدان قامال الۋ قىزمەتى ماجىلىسىندە بىلاي دەپ اتاپ كورسەتىلدى: 2018-جىلى رايونىمىز، شينجياڭ كولەمىندە رايون اتتاپ باسقا سالادا كاسىپتەندىرۋ، ىشكى ولكەدە كاسىپتەندىرۋ كولەمىن ءتارتىپتى كەڭەيتۋ، تۇرعان جەرىندەگى، ماڭىنداعى قالا-قالاشىقتاردا، كاسىپورىنداردا، باقشا رايوندارىندا، «شاعىن زاۆوتتاردا»، «اۋىل-قالاشىق زاۆوتتارىندا» كاسىپتەندىرىپ، ءتۇرلى شارانى قاتار قولدانىپ، ەرەكشە كەدەي رايونداعى 40 مىڭ ادامدى كاسىپتەندىرۋ ارقىلى كەدەيلىكتەن قۇتىلدىرادى. بۇل جونىندە، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپتەندىرۋدى جەبەۋ باسقارماسىنىڭ باستىعى جاڭ رۇڭ بىلاي دەدى: «ءبىز قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، كاسىپتەندىرۋ ارقىلى كەدەيلەردى سۇيەمەلدەۋگە كۇش سالامىز، مۇندا باستىسى اۋىل-قىستاقتارداعى ارتىق ەڭبەككۇشتەردى باسقا سالادا كاسىپتەندىرۋ، جوعارى مەكتەپ تاۋىسقان وقۋشىلاردى كاسىپتەندىرۋ جانە كاسىپتەنۋدە قيىنشىلى بار بۇقارالىق توپتاردى كاسىپتەندىرۋ سىندى ءۇش ءتۇيىندى بۇقارالىق توپتى كاسىپتەندىرۋ جاعىنا كۇش سالىپ، اۋىل-قىستاقتارداعى ارتىق ەڭبەككۇشتەردى كاسىپتەندىرۋدى 22 ەرەكشە كەدەي اۋدانعا شوعىرلاندىرۋعا كەپىلدىك ەتىپ، وتباسىندا كاسىپتەنگەندەر جوقتاردى تاۋلىك بويى اۋقىمدىق الاستايمىز، سول ارقىلى شينجياڭنىڭ كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتىپ، قوعام ورنىقتىلىعى مەن باياندى تىنىشتىقتى جۇزەگە اسىرۋ ءۇشىن ۇلەس قوسامىز».

بەرىپ كەت ورامالىڭدى

دوستار

الىستاعى اق ەركە