جاڭا حابارلار

قاراقاشتىق بويجەتكەن مەيىرگۇل مامەتيمين قۇلشىنسى ارقىلى تاماشا ءومىر داستانىن جازدى

    كەلۋ قاينارى: شينجياڭ حالىق راديو ىستانسياسى    2018-03-26 13:55:47  
ستانسيامىزدىڭ ءتىلشىسى ليۋ چياڭنىڭ حابارىن تىڭداڭىزدار: حوتان ايماعى قاراقاش اۋدانىنداعى ءبىر قاراپايىم ديحان وتباسىندا دۇنيە ەسىگىن اشىپ، ەسەيىپ-ەرجەتىپ شينجياڭ مەي-لي-ىر حالىقارالىق ساۋدا شەكتى جاۋاپكەرلىك سەرىكتەستىگىنىڭ باس جوراسى بولعان مەيىرگۇل مامەتيمىن ـــ قۇلشىنا كۇرەس جاساپ، تاماشا ءومىر داستانىن جازدى.
وسى بىرنەشە كۇننەن بەرى، مەيىرگۇل مامەتيمىن قاراقاش اۋدانى ءتوۋات اۋىلى مەي لي-ىر اجارلاندىرۋ، شاش جاساۋ دۇكەنىنىڭ 12-بولىمشە دۇكەنىن اشۋمەن قاربالاس بولدى. ول جونىنەن العاندا، ءاربىر بولىمشە دۇكەن ونىڭ بالاسى سەكىلدى، ورىن تاڭداۋدان، اشەكەيلەۋدەن، زات ەنگىزۋگە دەيىن، ءار ءبىر جۇمىستى مۇقيات ىستەدى. مەيىرگۇل مامەتيمىن: «مەن ورتالاۋ مەكتەپتى تاۋىسقاندا، اكەم قاتىناس شىرعالاڭىنا ۇشىرادى، وتباسىمىز شەشەمنىڭ كىلەم توقۋدان تاپقان ازعانتاي اقشاسىنا قاراپ قالدى، تۇرمىسىمىز وتە جاپالى بولدى، وقۋ قاراجاتىن دا تاپسىرا المادىم، سونىمەن وقۋدان قول ءۇزىپ، شەشەمە ىلەسىپ، ءبىر جىل كىلەم توقۋدى ۇيرەندىم، شەشەم، كۇندە ماعان وقىماساڭ بولمايدى دەيتىن. سوڭىنان توقىعان ەكى كىلەمدى 4 مىڭ 500 يۋانعا ساتىپ، وسى اقشامەن ۇرىمجىگە بارىپ اجارلاندىرۋ، شاش جاساۋ ونەرىن ۇيرەندىم»،-دەدى.
وسىلايشا، مەيىرگۇل مامەتيمىن شەشەسىنىڭ قولداۋىمەن، وقۋ ورايىنا قايتا يە بولدى، 2001-جىلى ءۇرىمجى قالاسىنا كەلىپ، اجارلاندىرۋ، شاش جاساۋ كاسىبىندە وقىدى. ول بىلاي دەدى: «سول كەزدە ءبىزدىڭ بۇل جاقتاعىلاردىڭ يدەياسى ەرەكشە كەرناۋ، ولار ماعان قىز بالانىڭ سىرتقا شاپقىلاپ، دۇكەن اشۋى ۇيات ءىس، قىز بالا ەسەيگەننەن كەيىن، نەكەلەنۋى، ونان سوڭ بالالى بولىپ، وتباسى شارۋاسىمەن اينالىسۋى كەرەك،-دەيتىن. مۇنى ەستىگەندە كوڭىلىم ەرەكشە جابىرقادى، ءبىراق وزىمە تيەسەلى ءبىر دۇكەن اشسام دەگەن ويمەن ءجۇردىم، ەرلەر ىستەي العان ءىستى، ايەلدەر دە ىستەي الادى، ەرلەردىڭ قولىنان كەلگەن جۇمىس ايەلدەردىڭ دە قولىنان كەلەدى،-دەپ ءتۇيدىم».
مەيىرگۇل مامەتيمىن اقىرى اكە-شەشەسىن اقىلعا كوندىرىپ، قارىز اقشا الىپ، اجارلاندىرۋ، شاش جاساۋ دۇكەنىن اشتى. ونىڭ بۇل كۇرەسى بىردەن ءساتتى بولا قويمادى، دۇكەن اشقانىنا از ۋاقىت بولعان مەيىرگۇل كوپتەگەن كوڭىلسىزدىكتەرگە تاپ بولدى. ول: «ءالى ەسىمدە، ءبىر جولى ءبىر الارمانعا اجارلاندىرۋ جاعىندا ەكى ساعاتتان ارتىق قىزمەت ىستەسەم دە، ول ريزا بولماي، ماعان اقشا بەرمەۋدەن باس تارتتى ءارى مەنى ياناتتادى، سول كەزدە كوڭىلىم قاتتى جابىرقادى، وسى جۇمىستى ىستەمەي تاستاپ كەتۋ ويىنا دا كەلدىم، كەيىن جاقىسلاپ ويلاپ كورسەم، بۇل جۇمىستان استە ءباز كەشپەۋىم، ءسوزجوق، جالعاستىرۋىم كەرەك ەكەن»،-دەدى.
مەيىرگۇل قاجىرلى جىگەرى مەن العان بەتىنەن قايتپايتىن رۋحىنا سۇيەنىپ، بىرتىندەپ تابىسقا قول جەتكىزدى. قازىر ول 12 بولىمشە دۇكەنى 60 نەشە جۇمىسشىسى بار كاسىپكەرگە اينالدى. 2017-جىلى 3-ايدا ول تاعى شينجياڭ مەي-لي-ىر حالىقارالىق ساۋدا شەكتى جاۋاپكەرلىك سەرىكتەستىگىن ءساتتى تىزىمگە الدىردى، اجارلاندىرۋ، شاش جاساۋ، توي شارۋاسى، ءۇي شارۋاسى سياقتى ءتۇرلى قىزمەت وتەۋمەن اينالىستى. مەيىرگۇل مامەتيمىن بىلاي دەدى: «باس شۋجي شي جينپيڭ: «باقىت كۇرەسۋدەن كەلەدى، كۇرەس جاساۋدىڭ ءوزى ءبىر باقىت،-دەگەن بولاتىن» قازىر سەرىكتەستىگىمىزدىڭ ساۋداسى بارعان سايىن جاقسارۋدا، قاراقاش اۋدانىنداعى كەدەي وتباستارىنىڭ بالالارىن، اسىرەسە قىز بالالاردى بىرگە كۇرەس جاساپ، باقىتتى تۇرمىستى بىرلىكتە جاراتۋعا اتتانىسقا كەلتىرسەم دەپ ويلايمىن».

بەرىپ كەت ورامالىڭدى

دوستار

الىستاعى اق ەركە