جاڭا حابارلار

قىزمەت اترەتى قىستاق تۇرعىندارىنا اۋىل شارۋاشىلىعى تەحنيكاسى جاعىندا قىزمەت وتەۋدى كۇشەيتىپ، كوكتەمگى ەگىس ءوندىرىسىنىڭ ءساتتى ورىستەتىلۋىن ىلگەرىلەتتى

    كەلۋ قاينارى: شينجياڭ حالىق راديو ىستانسياسى    2018-03-26 13:56:45  
سانجى راديو ستانسياسىنىڭ تىلشىلەرى چىن حۇي، جاڭ مين، ەرىكتى ءتىلشى شۋە ي-فانداردىڭ حابارىن تىڭداڭىزدار: قازىر دال كوكتەمگى ەگىس جۇمىسىنا دايىندالاتىن مەزگىل، سانجى وبىلىستىق اۋىل شارۋاشىلىق مەكەمەسىنىڭ سانجى قالاسى بينحۋ قالاشىعى يىڭفىڭ قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى ابزالدىلىعىن ساۋلەلەندىرىپ، قىستاق تۇرعىندارىنا اۋىل شارۋاشىلىعى تەحنيكاسى جاعىندا قىزمەت وتەۋدى كۇشەيتىپ، كوكتەمگى ەگىس ءوندىرىسىنىڭ ءساتتى ورىستەتىلۋىن ىلگەرىلەتتى.
سانجى قالاسى بينحۋ قالاشىعى يىڭفىڭ قىستاعىنىڭ تۇرعىنى تان جيان-بيڭ بيىل 50 مىڭ مۋ جەردى كوتەرمەگە الىپ، سيىر بۇرشاق، تاباقشا اسقاباق سياقتى ەگىس داقىلدارىن ەكپەك بولدى، بىرنەشە كۇننەن بەرى، ول اۋىل شارۋاشىلىق ءوندىرىس ماتەريالدارىن ساتىپ الا باستادى. بۇرىنعى جىلدارداعىمەن پارقى، قازىر ونىڭ تەحنيكا جاقتا كومەكتەسەتىن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى سياقتى كۇشتى كومەكشى قوسىنى بار، قىزمەت اترەتىندەگىلەر اۋىل شارۋاشىلىق بازارىنىڭ جاعدايىن ەرتە باستان ۇعىسىپ، قىستاق تۇرعىندارىنا ارناۋلى قىزمەت وتەدى. تان جيان-بيڭ بىلاي دەدى: «بۇگىن ءبىراز ديامين جانە سۋلياۋ جارعاق ساتىپ الدىم، كوكتەمگى ەگىس جۇمىسى باستالعاندا پايدالانباقشىمىن. وبىلىستىق اۋىل شارۋاشىلىق مەكەمەسىنىڭ قىزمەت اترەتى سايكەسىپ، بىزگە اۋىل شارۋاشىلىق ءوندىرىس ماتەريالدارى، حيميالىق تىڭايتقىش، سۋلياۋ جارعاق الىپ بەردى، ولار تاعى اتىز باسىنا بارىپ، تەحنيكالىق جاقتان جەتەكشىلىك ەتىپ، ديحانداردى تەحنيكا جاقتا تاربيەلەدى، بيىل ءونىمىمىز ءتىپتى مول بولۋى مۇمكىن».
بيىل 2-ايدان باستاپ، سانجى وبىلىستىق اۋىل شارۋاشىلىق مەكەمەسىنىڭ يىڭفىڭ قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى الدىن الا ىسكە كىرىسىپ، قىستاق تۇرعىندارىنىڭ اۋىل شارۋاشىلىق ءوندىرىس ماتەريالدارىنا دەگەن قاجەتىن ۇعىستى ءارى اۋىل شارۋاشىلىق ءوندىرىس ماتەريالدارىن تيجارات ەتەتىن ساۋداگەرلەرمەن ەرتە باستان حابارلاستى. اۋىل شارۋاشىلىق ءوندىرىس ماتەريالدارىن ساتاتىن ياڭ فۋچىڭ بىلاي دەدى: «قازىر مەندە ساقتاپ وتىرعان 300 توننا ۆرەا، 200 نەشە توننا فوسفورلى تىڭايتقىش، 100 توننا كاليلى تىڭايتقىش، 40 توننا سۋلياۋ جارعاق، 12 توننا ماقتا ۇرىعى، 4 توننا جۇگەرى ۇرىعى بار، قازىرگە دەيىن كوكتەمگى ەگىسكە قاجەتتى اۋىل شارۋاشىلىق ءوندىرىس ماتەريالدارى نەگىزىنەن دايىندالىپ بولدى. قازىر ديحاندار ارت-ارتىنان كەلىپ باعاسىن سۇراپ جاتىر، ءىشىنارا ديحاندار اۋىل شارۋاشىلىق ءوندىرىس ماتەريالدارىن ساتىپ الا باستادى».
قىستاقتا تۇرعان قىزمەت اترەتى تاعى وتباسىندا ەڭبەككۇش كەمشىل قىستاق تۇرعىندارىنا كومەكتەستى ءارى قيىنشىلىعى بار وتباسىلارىنا اۋىل شارۋاشىلىق ءوندىرىس ماتەريالدارىن تەگىن جەتكىزىپ بەردى. قىزمەت اترەتىنىڭ ورىنباسار باستىعى ۋ شينجياڭ تىلشىگە، وزدەرىنىڭ كەيىن تاعى قىزمەت وتەۋ تەبىنىن ارتتىراتىنىن ايتا كەلىپ بىلاي دەدى: «بار كۇشىمىزدى كوپەراتيۆ قۇرۋعا ۇيىستىرىپ، يىڭفىڭ قىستاعىنىڭ ءجۇزىم، ءبيداي كاسىبىن جاسىل ءتۇستى ماركا ەتىپ جاراتىپ، اۋىل شارۋاشىلىعىنان مول ءونىم الىپ، ديحانداردىڭ كىرىسىن ارتتىرۋ ماقساتىنا جەتەمىز».

بەرىپ كەت ورامالىڭدى

دوستار

الىستاعى اق ەركە