جاڭا حابارلار

ماۋ چيانميڭ: شاعىن تاپقىرلىقتان ۇلكەن ۇستازعا دەيىن

    كەلۋ قاينارى: شينجياڭ گازەتى    2018-03-26 18:25:17  

ءتىلشىمىز شيا چيڭ

  ول وقىمىستى ەمەس، قايتا ماداق پەن ماراپاتقا مولىنان يە بولعان «ۇلكەن ۇستاز»؛ ول عىلىم - تەحنيكادا جاڭالىق اشۋدان 26 ءتۇرلى جەتىستىككە قول جەتكىزىپ، 6 ءتۇرلى مەملەكەتتىك پاتەنت الىپ، ىلگەرىندى - كەيىندى «مەملەكەتتىك جاس قىزمەت شەبەرى»، «مەملەكەتتىك 1 - مامىر ەڭبەك وردەنىنىڭ يەگەرى»، «مەملەكەتتىك ەڭبەك وزاتى» سياقتى داڭقتاردى ەنشىلەدى. مىنە بۇل ماۋ چيانميڭ، جۇڭگو مۇناي حيميا باتىس سولتۇستىك مۇناي الابى بولىمشەسى مۇناي ايىرۋ 1 - زاۆودى مۇناي ايىرۋدى باسقارۋ 1 - رايونى ءوندىرىس حاۋىپسىزدىگى ورتالىعىنىڭ مەڭگەرۋشىسى.
  سىرت بەينەسى جۇقالتاڭ، كوزىنە الىستى كورسەتەتىن كوزىلدىرىك ىلگەن ماۋ چيانميڭ ءار كۇنى تاكلاماكان ءشولىنىڭ سولتۇستىك شەتىندەگى باتىس سولتۇستىك مۇناي الابىنىڭ ءاربىر قۇدىق پۋنكتى اراسىندا شاپقىلاپ جۇرەدى.
  «جۇمىس ورنىنا كوبىرەك بارساڭ عانا ماسەلەنى بايقاپ جانە شەشىپ، ءوندىرىستىڭ حاۋىپسىز، جوعارى ونىممەن جۇرىلۋىنە كەپىلدىك ەتۋگە بولادى»، - دەدى ماۋ چيانميڭ 3 - ايدىڭ 4 - كۇنى تىلشىگە.
  1990 - جىلى ماۋ چيانميڭ جياڭسۋ مۇناي تەحنيكالىق مەكتەبىنە وقۋعا تۇسەدى، 4 جىلدان كەيىن وقۋ بىتىرگەن ماۋ چيانميڭ باتىس سولتۇستىك مۇناي مەكەمەسىنىڭ قۇدىق استى جۇمىسى ۇلكەن اترەتىنە بولىنەدى، ءسويتىپ، ونىڭ قاراپايىم دا مازمۇندى مۇناي قىزمەتى باستالدى.
  ماۋ چيانميڭ: مەنىڭ اكەم مۇنايشى، بالا كەزىمدە اكەم ماعان مۇناي الابىنداعى جاڭالىقتاردى كوپ ايتىپ بەرەتىن، مۇناي جۇمىسشى بولۋدى تاڭداۋىم باستىسى اكەمنىڭ ىقپالىنان، - دەيدى.
  1998 - جىلى سول تۇستا سەمەنتتەۋ اترەتىندە قىزمەت ىستەيتىن ماۋ چيانميڭ ءبىر جولى وقياتتان قۇدىققا پايدالانىلاتىن سەمەنت ترۋبانىڭ تۇرقى ۇلكەن بولعانىمەن، ىشكى بولەگى وتە ءالسىز ەكەندىگىن، تەك عانا بىرنەشە تال تۇتىكشە مەن گاز قالتاسىنان قۇرالعانىن بايقايدى. ىستەتۋ ۋاقىتى ۇزارعان سايىن، گاز قالتاسىنىڭ رازىنكەسى كونەرىپ جارىلىپ، گازدىڭ ءبىر قالىپتى شىعۋىنا نۇقسان جەتىپ، سەمەنتتىڭ كەسەكتەلىپ، ارالاستىرۋ جۇيەسىنە كىرىپ كەتۋىنە مۇرىندىق بولادى. سەمەنت ترۋبا وسى سەبەپتەن توقتاپ، جۇمىسقا ىقپال جاسايدى.
  ماسەلەنى بايقاعان ماۋ چيانميڭ قولىنا پروجەكتر ۇستاپ سەمەنت ترۋبانىڭ ىشىنە قايتا - قايتا ءتۇسىپ، كوپ رەت باقىلاپ - تاجىريبە جاساپ، ەڭ سوڭىندا رازىنكەنىڭ ورنىنا اۋا وتكىزۋى ۇيلەسىمدى كەنەپ كەزدەمەنى پايدالانىپ تابىسقا جەتەدى. شاعىن تاپقىرلىق ۇلكەن قيىن ماسەلەنى شەشتى. بۇل كىشكەنتاي جاڭالىعىمەن ول سول جىلى قۇدىق استى جۇمىس اترەتى جاعىنان «5 شاعىن تاپقىرلىق» سيلىعىن الدى، جاڭالىق اشۋدىڭ تۇڭعىش جەمىسىن تاتقان ماۋ چيانميڭ ىشتەي قاتتى قۋاندى.
  جاڭالىق اشۋ ماۋ چيانميڭنىڭ بويىنان جارقىراپ كوزگە شالىناتىن ارتىقشىلىق. «ءبىزدىڭ جاڭالىق اشۋمەن قاشىقتىعىمىز قۇددى ارالىققا ءبىر قابات اينەك ەسىك قويىپ قويعانمەن بىردەي، جاڭالىق اشۋدىڭ بالعاسىن قولىڭا باتىلدىقپەن ۇستاساڭ بولعانى، تۇبىندە سول اينەك ەسىكتى شاعىپ كىرەسىڭ»، - دەيدى ماۋ چيانميڭ تەرەڭ اسەرمەن.
  ماۋ چيانميڭنىڭ كوپتەگەن جاڭالىق جەتىستىكتەرىنىڭ ىشىندە قىزمەتتەسىنىڭ وقىستان جارالانىپ قالۋىمەن قاتىستى بىرەۋى ونىڭ ەڭ انىق ەسىندە قالدى. ءبىر كۇنى تاڭەرتەڭ ءبىر قىزمەتتەسى جۇمىس باسىندا جۇرگەندە، تورموز جابدىعى سىرعۋدان قولى ماي تارتقىش ماشينانىڭ ىلگىش اسپابىنا قىسىلىپ قالىپ، قانى سۋداي اعادى. ءبىر ساعاتتىق قۇتقارۋ ارقىلى ساپتاسىنىڭ قولى ىلگىشتەن بوساپ شيپاحاناعا جونەلتىلەدى. بۇل ءىس ماۋ چيانميڭدى نەشە ءتۇن بويى ۇيىقتاتپاي مازالادى، قايتكەندە مۇنداي ءىستىڭ قايتالاپ تۋىلۋىنىڭ الدىن الۋعا بولادى دەپ باسى قاتتى. سول كەزدەردە ماۋ چيانميڭ مەن قىزمەتتەستەرى قايتا - قايتا زەرتتەۋ جاساپ، اسپالى ارقان جابدىعى اشا بىلىگى مەن وتكىزگىش جابدىقتى ورناتىپ - شەشەتىن اسپاپ تاپقىرلاپ شىعادى، بۇل اسپاپ جاساندى جولمەن ورناتۋ ولشەۋ جابدىعىنىڭ ورنىن باسىپ، ادامنىڭ زاقىمدالۋىنىڭ الدىن الادى.

  مۇناي الابىندا ءۇن - ءتۇنسىز قىزمەت ىستەگەن 24 جىلدا ماۋ چيانميڭ كاسىپتىك ۇيرەنۋىن مۇلدە توقتاتقان ەمەس، ول «مۇناي ايىرۋ تەحنيگى»، «مۇناي ايىرۋ اعا تەحنيگى» اتاقتارىن الىپ، «تەحنيكادا ساۋاتسىز كىسىدەن» مۇناي - گاز الۋ ءوندىرىسى باسىنداعى «ۇلكەن ۇستازعا» اينالدى.
  «مەن جاي عانا مۇناي جۇمىسشىمىن، قىزمەتىمدى قىزۋ سۇيەمىن، مۇناي الابىن قىزۋ سۇيەمىن. باس شۋجي شي جينپيڭ كۇرەسپەن وتكەن ءومىر عانا باقىتتى ءومىر دەگەن. مەن مۇناي الابىنىڭ الدىڭعى شەبىندە تەحنيكادا وزگەرتۋ - جاڭالىق اشۋ ارقىلى قۇن جاراتا السام، ءوزىمدى وتە باقىتتى، ءومىرىمدى ءماندى سانايمىن»، دەدى ماۋ چيانميڭ، - «مۇناي الۋشى تەحنيك ۇستاز رەتىندە مەنىڭ مىندەتىم مۇناي - گاز الۋ جۇمىسى باسىنداعى قيىن ماسەلەلەردى شەشىپ، ءتىپتى، كوپ ادامدى تەحنيكالىق وزگەرتۋ جۇرگىزىپ جاڭالىق اشۋعا تاربيەلەۋ جانە تۇرتكى بولۋ».
  كوپ جىلدىق تاجىريبەلەر ارقىلى ماۋ چيانميڭ «تەحنيك مامانعا» اينالدى. 2011 - جىلى باتىس سولتۇستىك مۇناي الابى بولىمشە سەرىكتەستىگى مۇناي ايىرۋ 1 - زاۆودىنىڭ مۇناي ايىرۋ 3 - اترەتى «ەڭبەك وزاتى ماۋچيانميڭنىڭ جاڭالىق اشۋ شەبەرحاناسىن» قۇردى. ماۋ چيانميڭ ءوزىنىڭ اماليات بارىسىنداعى تاجىريبەسىن، يگەرگەن شەبەرلىكتەرىن ەش تۇيتكىلسىز كوپپەن ءبولىستى. «شەبەرحانا» مۇناي الابى الدىڭعى شەبىندە تەحنيكالىق وزگەرىستەر جۇرگىزىپ، جاڭالىق اشۋدا، ءوندىرىس قيىن ماسەلەلەرىنەن قامال الۋدا ماڭىزدى رول اتقارىپ، وزىندىك قۇندى تومەندەتىپ، ونىمدىلىكتى ارتتىرۋ قۇنى جالپى 50 ميلليون يۋاننان استى. 2014 - جىلى «ماۋ چيانميڭنىڭ شەبەرحاناسى» مەملەكەتتە تۇڭعىش توپتاعى «ەڭبەك وزاتى جاڭالىق اشۋ شەبەرحاناسى» دەگەن اتقا يە بولدى.
  قازىر ماۋ چيانميڭ وزىنە تاعى ءبىر كۇرەس نىساناسىن بەلگىلەدى: «باۋىرلاس مۇناي الاپتارىنان، ءتىپتى شەتەلدەگى مۇناي الاپتارىنىڭ وزىق باسقارۋ تاجىريبەلەرىنەن ۇيرەنىپ جانە تاجىريبە قابىلداپ، تەحنيكاسى، كۇش - قۋاتى بار جاڭا داۋىردەگى ناعىز مۇناي جۇمىسشىسى بولۋ».
ماۋ چيانميڭ بىلاي دەدى: جاڭا داۋىردەگى مۇناي جۇمىسشىلارى جاڭالىق اشۋ بارىسىندا وزىنە - ءوزى ۇزدىكسىز سايىس جاريالاپ، ارمانعا ۇمتىلۋى كەرەك.


بەرىپ كەت ورامالىڭدى

دوستار

الىستاعى اق ەركە