جاڭا حابارلار

يوپۇرعا اۋدانىنداعى كەستەشى ءبىلقىز سايىم سىمەر قولىمەن نۇرلى بولاشاعىن كەستەلەپ شىقتى

    كەلۋ قاينارى: شينجياڭ حالىق راديو ىستانسياسى    2018-03-27 13:20:39  
ستانسيامىزدىڭ ءتىلشىسى سۇن ۋيدىڭ حابارىن تىڭداڭىزدار: يوپۇرعا اۋدانى يوپۇرعا قالاشىعى ءبىلقىز قولونەر كەستەشىلىك كاسپتىك سەلبەستىك كوپەراتيۆىنىڭ جاۋاپتىسى ءبىلقىز سايىم سىمەر قولىمەن نۇرلى بولاشاعىن كەستەلەپ شىقتى ءارى اۋىل-قىستاقتاعى 200 دەن استام اپەكەلى-ءسىڭىلىسىن كاسىپتەنىپ، كىرىستەرىن ارتتىرۋعا جەتەكتەدى.
ءبىلقىز قولونەر كەستەشىلىك كاسىپتىك سەلبەستىك كوپەراتيۆىنىڭ تاربيەلەۋ بولىمىندە ءبىلقىز سايىم قىزمەتكەرلەرىن باستاپ، ءبىر توپ جاڭادان قابىلداعان تاپسىرىس جۇمىسىن ىستەۋدە. چيڭداۋداعى ءبىر الارمان تاپسىرىس بەرگەن 12 مىڭ اتلاس دوپپا، گالىستوك جانە قول تەلەفون قالتاسى 4-ايدىڭ 15-كۇننەن بۇرىن تاپسىرىلاتىن بولعان ەدى، ءبىلقىز سايىم: «تاپسىرىستىڭ ۋاعىندا، ساپاسى مەن سانىنا كەپىلدىك ەتە ورىندالۋى ءۇشىن، ءبىز كۇندىز-ءتۇنى ۇستەمەلەي جۇمىس ىستەدىك. باس شۋجي شي جينپيڭ «باقىت كۇرەس جۇرگىزۋدەن كەلەدى»-دەدى. سوندىقتان سەلبەستىك كوپەراتيۆىمىزدەگى ايەلدەر قۇلشىنا جاڭالىق اشىپ، سەلبەستىك كوپەراتيۆىنىڭ نۇرلى بولاشاعى ءۇشىن تالىقپاي كۇرەس جاسايدى»،-دەدى.
39 جاستاعى ءبىلقىز سايىم كەزىندە جۇمىستان بوساعان جۇمسشى ەدى، قىسقا ۋاقىتتىق داعدارۋدان كەيىن كەستەشىلىككە قىزىعاتىن ول بازاردى تەكسەرىپ زەرتتەپ، يوپۇرعا اۋدانىندا كەستەشىلىك دۇكەنىنىڭ جوق ەكەنىن بايقاپ، 4 مىڭ 500 يۋاندىق ورنالاسۋ قارجىسىمەن كاسىپ كوزىن اشۋ جولىنا ءتۇستى، ونىڭ كەستەسىنىڭ ۇلگىسى ايشىقتى، ورنەگى اسەم بولعاندىقتان، ۇزاق وتپەي ءوتىمدى تاۋارعا اينالىپ، ءبىر جىلدان كەيىن، ول تاعى دا ءبىر دۇكەندى جالعا الىپ، جۇمىسكەرىن ارتتىرىپ، ساۋداسىن بارعان سايىن جاقسارتتى. 2016-جىلى شينجياڭنىڭ يوپورعا اۋدانىنا باعىتتامالى كومەكتەسەتىن شاندۇڭ تاي-ءان شينجياڭعا كومەكتەسۋ قولباسشىلىق ءبولىمى 2 ميلليون يۋاننان استام قارجى قوسىپ، سەلبەستىك كوپەراتيۆىنىڭ ءبىر مىڭ 500 شارشى مەترلىك جاڭا فابريكا ءۇيىن سالۋىنا، سونداي-اق جاتاق، اسحانا، بالالار باقشاسىن سايكەستى سالۋعا كومەكتەستى. ءبىلقىز سايىمنىڭ قاجىرلىقپەن كاسىپ كوزىن اشۋ جىگەرى ءتىپتى دە ارىنداپ، اۋدان-قالاشىقتارعا بارىپ، ۇگىت لەكسياسىن جاساپ، توڭىرەكتەگى اپەگە-سىڭىلىلەرىن بىرلىكتە كەستە تىگەۋگە جۇمىلدىردى. قازىر ۇيىندە وتىرىپ ەڭبەكاقى الاتىن ايەلدىڭ سانى 178 گە جەتىپ، فابريكادا قىزمەت ىستەيتىنى 47 بولدى، جۇمسىكەرلەردىڭ ەڭبەكاقىسى قىزمەت سالماعىنا قاراي 900 يۋاننان 2 مىڭ 200 يۋانعا دەيىن بەرىلەدى، سونىمەن بىرگە جۇمسىكەرلەر فابريكا رايونىندا تەگىن تاماقتانادى ءارى جاتار ورىننان يگىلىكتەنەدى. ماريامگۇل تۇرسىن اتتى جۇمىسكەر: «تۇرمىسىم جاقساردى، وتباسىمنىڭ اۋىرتپالىعىن جەڭىلدەتە الاتىن بولدىم. ءبىلقىز اپەكەمىزدىڭ قاجىرلى رۋحىنان ۇيرەنىپ، باي-باقىتتى تۇرمىس كەشىرۋ ءۇشىن كۇرەس جاسايمىز»،-دەدى.

بەرىپ كەت ورامالىڭدى

دوستار

الىستاعى اق ەركە