جاڭا حابارلار

يانجي اۋدانى ەلەكتروندى ساۋدانى بارىنشا دامىتتى

    كەلۋ قاينارى: شينجياڭ حالىق راديو ىستانسياسى    2018-03-27 13:22:16  
ستانسيامىزدىڭ تىلشىلەرى جين لەي مەن ۋاڭ يىڭنىڭ حابارىن تىڭداڭىزدار: يانجي اۋدانى ەلەكتروندى ساۋدانى بارىنشا دامىتىپ، اۋىل شارۋاشلىق ونىمدەرىن ەلەكتروندى ساۋدا جولىمەن ساتىپ، ساپا ونىمدىلىگىن جوعارىلاتىپ، كاسىپتىڭ كوركەيۋىن ىلگەرىلەتتى.
«3-ايدىڭ اياق شەنىندە، ءىرى ەرەن بازارلار زات قابىلدايدى، ءبىز ولارمەن كەلىسىپ بولدىق، كورلانىڭ يجيا-حۇيحاۋ ەرەن بازارىنداعى زاتتاردىڭ بارلىعىن ءبىز جەتكىزىپ بەرگەنبىز».
جۋىقتان بەرى، يانجي اۋدانىنداعى ليۋشاحى توراپ عىلىم-تەحنيكاسى شەكتى جارنا سەرىكتەستىگىنىڭ باس مەڭگەرۋشىسى لۋ شىڭجۇن زات قاينارىن تولىقتاپ، توراپ ارقىلى زات جىبەرۋمەن قاربالاس بولدى. سەرىكتەستىك تيجاراتىن ۇستىنە العان جيڭدۇڭ ساۋدا بازارىندا جۇڭگونىڭ ەرەكشە ءونىمى يانجي بۇرىشى، قىزىل جۇزىم شارابى سياقتى ونىمدەردىڭ ساتىلىم مولشەرى تەز ارتقاندىقتان، ولار اناعۇرلىم كوپ زات قاينارىنا مۇحتاج بولدى ءارى ءوزىنىڭ ايگىلى ماركاسىن شىعارۋدى جوسپارلاپ، توراپ ارقىلى ساتۋعا قامداندى. لۋ شىڭجۇن بىلاي دەدى: 1-ايدا ءبىر ميلليون يۋاننىڭ ۇستىندە زات ساتىلدى. ءبىز نەگىزىنەن ساپاسى مەن قوراپتاۋ جۇمىستارىن مىقتى يگەردىك، ءبىزدىڭ ونىمدەرىمىز قۇنىتتاپ مانەرلەنگەندىكتەن، باعاسى جوعارى بولدى، ولاردىڭ دا تابىسى ارتادى.
يانجي اۋدانىندا بۇرىش، پاميدور، شاراپ اشىتاتىن ءجۇزىم سياقتى اۋىل شارۋاشىلىق قوسىمشا ونىمدەرى وندىرىلەدى، قازىر، تۇتاس اۋدان بويىنشا ەرەكشە داقىلدار ەگىلگەن اۋماق 300 مىڭ مۋدان استى. ەرەكشە اۋىل شارۋاشىلىق قوسىمشا ونىمدەرىنىڭ ساتىلۋ ارناسىن كەڭەيتىپ، قوسىمشا قۇنىن جوعارىلاتىپ، ديحانداردىڭ كىرىسىن ارتتىرىپ اۋقاتتاندىرۋ ءۇشىن، يانجي اۋدانى ەلەكتروندى ساۋدانى بارىنشا دامىتىپ، «ەلەكتروندى ساۋدا كاسىبىن دامىتۋدىڭ سيلاۋ، سۇيەمەلدەۋ جوباسىن» شىعاردى. يانجي اۋداندىق ساۋدا-ەكونوميكا كوميتەتىنىڭ ورىنباسار مەڭگەرۋشىسى ياڭ فىڭجىن بىلاي دەدى: «زات جەتكىزۋ جاعىندا، ۇكىمەت باس بولىپ جۇك اۆتوموبيلىن، ءۇش دوڭگەلەكتى ەلەكترلى موتسيكل ساتىپ الىپ، ونى ەلەكتروندى ساۋدا كاسىپورىندارىنا، جەكەشە ەلەكتروندى ساۋدا كاسىبىمەن شۇعىلداناتىن كاسىپتەنۋشىلەرگە بەردى، ءبىز ەلەكتروندى ساۋدا تۇعىرى ارقىلى يانجي اۋدانىنىڭ ەرەكشە اۋىل شارۋاشىلىق قوسىمشا ونىمدەرىن ساتقان كاسىپورىنعا، جەكەگە، ءونىم ساتۋ سوماسىنىڭ %10 تى بويىنشا كومەك قاراجات بەرەمىز. يانجي اۋدانىنىڭ ەلەكتروندى ساۋدامەن اينالىسۋشىلاردى تاربيەلەۋ بازاسىن قۇرىپ، اقىسىز تاربيەلەيمىز».
پارتيا 19-قۇرىلتايىندا، قامداۋ جاعىنداعى قۇرىلىمدىق رەفورمانى تەرەڭدەتىپ، ينتەرنەت، ءىرى ساندى مالمەت، جاساندى زەردە جانە تۇلعالىق ەكونوميكانىڭ ىشكەرىلەي توعىسۋىن ىلگەرىلەتۋ كەرەكتىگى اتاپ كورسەتىلدى. قازىر، يانجي اۋدانىنىڭ ەلەكتروندى ساۋداسى ورنىقتى دامۋدا، بىلتىر جىل سوڭىنا دەيىن، يانجيداعى ەلەكتروندى ساۋدا كاسىپورىنى 20 عا جەتىپ، ساۋدا سوماسى 117 ميلليون يۋان بولىپ، 76 مىڭ دانا تەز جولداما جونەلتىپ، سول مەزگىلدەگىدەن %31.3 ارتتى. يانجي اۋدانىنداعى ەلەكتروندى ساۋدامەن اينالىسۋشىلاردى تاربيەلەۋ بازاسىنداعى يۋانجياڭيۋان OAO يانجي اۋدانى ايگىلى ەرەكشە ونىمدەرىن ساتۋ ورتالىعىندا ءتىلشى، وسى اراعا قويىلعان كوزدىڭ جاۋىن الاتىن 300 دىڭ ۇستىندە زاتتى كوردى. تيجاراتقا جاۋاپتى يانجي اۋدانى حۇڭفۋ توراپ شەكتى جارنا سەرىكتەستىگىنىڭ باس مەڭگەرۋشىسى گو يۇيشۋان بىلاي دەدى: تيجاراتىمىز توراپ ارقىلى دا سىرتتاي دا جۇرگىزىلەدى، العان زاكازىمىزدا از ەمەس، ايتالىق گۋاڭدۇڭ جاقتان 300 توننادان ارتىق مياعا، مىڭ توننادان ارتىق پاميدورعا زاكاز قابىلدادىق، اي سايىن ىشكى ولكەگە 500 توننان ۇن جىبەرەمىز، تاعى قويدىڭ سۇرپى ەتى بار. بيىل، يانجي اۋدانى اۋىل-قىستاق ەلەكتروندى ساۋدا ىستەرىنىڭ دامۋىن جاپپاي ىلگەرىلەتىپ، ءار-بىر قىستاقتان بىردەن ەلەكتروندى ساۋدا دەلدالىن تاربيەلەپ، ەرەكشە اۋىل شارۋاشىلىق ونىمدەرىن بىرىكتىرىپ توراپ ارقىلى ساتىپ، ەلەكتروندى ساۋدا ارقىلى ديحانداردىڭ كىرىسىن ارتتىرۋدى جۇزەگە اسىرماقشى.

بەرىپ كەت ورامالىڭدى

دوستار

الىستاعى اق ەركە