جاڭا حابارلار

كوكتەمدە كوڭىل بولۋگە ءتيىستى ءۇش ءتۇيىن

    كەلۋ قاينارى: شينجياڭ حالىق راديو ىستانسياسى    2018-03-27 10:59:13  

كوكتەمدە كوڭىل بولۋگە ءتيىستى ءۇش ءتۇيىن        


 كوكتەم كەزى ـــ بار تىرشىلىك جانداناتىن مەزگىل، سونداي - اق دەنساۋلىقتى كۇتىمدەيتىن ەڭ ماڭىزدى مەزگىل ەسەپتەلەدى. سوندىقتان وسى مەزگىلدەگى دەنساۋلىقتى كۇتىمدەۋگە نەمقۇرايدى قاراماعان ءجون. مۇندا جاۋىرىن، قۇرساق، اياقتى، اسقازاندى، باۋىردى كۇتىمدەۋگە كوڭىل ءبولۋ كەرەك.
 جاۋىرىن، قۇرساق، اياقتى كۇتىمدەۋ. تەمپەراتۋرا وتە جوعارى بولماعاندا كيىمدى وتە جەڭىلدەتپەي، سۋىق اعىس كىرەتىن بولسا، دەرەۋ قالىڭ كيىنۋ كەرەك. مۇندا ەڭ ماڭىزدىسى، جاۋىرىن، قۇرساقتى، اياقتى جىلىلاۋ كەرەك. جاۋىرىندى جىلىلاۋ سۋىقتىڭ تامىردى زاقىمداۋىنان ساقتاپ، تۇماۋ مولشەرىن ازايتسا، قۇرساقتى جىلىلاۋ اس قورىتۋدىڭ ناشارلاۋى مەن سۋىقتان بولاتىن ءىش وتۋدەن ساقتايدى. «سۋىق اياقتان وتەدى» دەگەندەي، نەرۆ ۇشى تاباندا مول بولىپ، وتە سەزىمتال بولادى. اياقتى جىلى ۇستاعاندا عانا دەنەنىڭ جىلىلىعىن ساقتاۋعا بولادى.
 اسقازاندى كۇتىمدەۋ. قىشقىلدى ازايتىپ، ءتاتتىنى كوبەيتىپ، بوتقانى كوپ ءىشۋ كەرەك. جۇڭگوشا شيپاگەرلىكتەدە كوكتەم كەزىندە اسقازاندى كۇتىمدەۋ دارىپتەلەدى. ويتكەنى كوكتەم كەزىندە اسقازان السىرەۋ اۋرۋى كوپ كەزىگەدى. ەڭ جاقسىسى اشتى - تۇشتىنى از تۇتىنىپ، ءتاتتى جەمەكتەردى ۇيلەسىمدى تۇتىنۋ كەرەك. مىسالى، جاپون كارتوبى، ساڭىراۋقۇلاق سياقتىلار. جۇڭگوشا شيپاگەرلىكتە تاعى بوتقا اسقازاندى كۇتىمدەيتىن تاماشا اس دەپ قارالعان. ادەتتە اسقازان جايسىزدانعانداي بولىپ، تاماققا تابەت تارتپاعان كەزدە جاپون كارتوبىنا شىلان قوسىپ بوتقا جاساپ ىشسە، ەڭ ۇيلەسىمدى بولادى. كوڭىل كۇيدىڭ ويداعىداي بولماعاندىعى سەبەبىنەن اسقازان جايسىزدانعاندا، ساڭىراۋقۇلاقتى ەتكە قوسىپ قۋىرىپ جەۋ كەرەك. قارا ساڭىراۋقۇلاق اسقازانعا پايدالى بولىپ، بۇيرەكتى كۇتىمدەيدى.
باۋىردى قورعاۋ. كوكتەم كەزىندە باۋىردى قورعاۋعا وتە كوڭىل ءبولۋ كەرەك، تەمەكى مەن اراقتان اۋلاق بولىپ، تاماقتانۋعا كوڭىل بولۋدەن تىس، ەڭ قاراپايىمى ءار كۇنى تاڭەرتەڭ كەرىلىپ - سوزىلىپ قۇرىس - تىرىستى جازىپ تۇرۋ كەرەك. ادام قالجىراعان كەزدە دەنەنىڭ قان اينالىسى باياۋلايدى، وسى كەزدە اياق - قولدى جازىپ كەرىلىپ - سوزىلسا ءارى تەرەڭ تىنىستاسا، قان اينالىسى تەزدەپ، باۋىردىڭ قىزمەتى جاقسارىپ، باۋىردى قورعاۋعا بولادى.


بەرىپ كەت ورامالىڭدى

دوستار

الىستاعى اق ەركە