جاڭا حابارلار

تابان استىنداعى جولدىڭ جان اشىرى

    كەلۋ قاينارى: شينجياڭ گازەتى    2018-03-27 17:24:59  

ءوز ءتىلشىمىز لۋ فىڭباۋ

 3 - ايدىڭ 5 - كۇنى جىلى شۋاقتى كۇن نۇرى ءۇرىمجىنى مەيىرلەنە ايمالاپ تۇر، جەر انا، ءدۇن - دۇنيە ەرتە كوكتەمنىڭ حابارىن سەزە باستاعان. ءبىراق گاۋ شينفىڭ جونىنەن كوكتەم مەزگىلى قاربالاس ءبىر جىلدىڭ باسى ەسەپتەلەدى، جول بويىنداعى ارىقتى تازالاۋ، ويىلعان جول بەتىن تەگىستەۋ، جول جاعالاۋىنداعى قوقىر - قوقسىقتى تازالاۋ... وسىلاي 32 جىل قايتالانعان قىزمەتكە ول تاعى كىرىسپەك.
  گاۋ شينفىڭ ءۇرىمجى تاس جول باسقارۋ مەكەمەسى دابانچىڭ بولىمشەسىنىڭ تاس جول كۇتىمدەۋشى قىزمەتكەرىنىڭ ءبىرى، ءۇرىمجى ماڭايىنداعى جوعارى قارقىندى تاس جولدار مەن جاي تاس جولداردى قورعاۋ - كۇتىمدەۋگە جاۋاپتى. 32 جىلدان بەرى ول قىزمەت ورنىندا ءۇن - ءتۇنسىز كۇرەس جاساپ، تەك عانا تابان استىنداعى جولدىڭ حاۋىپسىزدىگى، ىركىلىسسىزدىگى، جايلىلىعى ءۇشىن قىزمەت ەتۋمەن كەلەدى.
  قاباق شىتپاي 32 جىلدى وتكىزگەن تاباندىلىق  
  5 - كۇنى تاڭەرتەڭ 800+G30k3498 تاس جول بولەگىنىڭ بويىنداعى سۋاعاردا 51 جاستاعى گاۋ شينفىڭ قيىرشىق تاستار مەن قوقىر - قوقسىقتاردى كۇرەكپەن تازالاپ جاتتى. تاس جولدىڭ بويىنداعى سۋاعاردى تازالاپ تۇرماسا بولمايدى، الدا - جالدا سۋ تولىپ كەتسە، جوعارى قارقىندى تاس جولدىڭ حاۋىپسىزدىگىنە نۇقسان جەتكىزەدى.
  ءۇرىمجى تاس جول باسقارۋ مەكەمەسى دابانچىڭ بولىمشەسىنىڭ باسقارۋ - كۇتىمدەۋگە ءتيىستى جوعارى قارقىندى تاس جول مەن جاي تاس جول بولەگىنىڭ ۇزىندىعى 195 كيلومەتر. وسىناۋ جىلداردا گاۋ شينفىڭ ءوزىنىڭ قانشا جول بويىنداعى سۋاعاردى تازالاپ، قانشا جولدىڭ ويلى - شۇڭقىرىن جاماپ - تەگىستەگەنىن، قانشا توننا لاس زاتتى الىپ شىعارعانىن مۇلدە ەسەپتەپ كورگەن ەمەس. 1986 - جىلى تاس جول كۇتىمدەۋشى قىزمەتكەر بولعاننان بەرى ونىڭ جارتى عۇمىرى وسىندا ءوتتى.
  تاس جول كۇتىمدەۋ قىزمەتى جاپالى، جىل بويى سىرتتا بولاتىندىعىڭنان ۇيگە قارايلاسا المايسىڭ، ونىڭ ۇستىنە ءۇرتىس جوعارى قارقىندى تاس جولدا جۇمىس ىستەيتىندىكتەن، حاۋىپ - قاتەر دە نەداۋىر مول بولادى.
  بىلتىر 5 - ايدىڭ ءبىر كۇنى گاۋ شينفىڭ مەن سەرىكتەرى 30G جوعارى قارقىندى تاس جول بەتىن تەگىستەپ جۇرگەن، بەنزين تاسيتىن اۆتوكولىك جۇمىس ىستەلىپ جاتقان جول بولىگىنە اڭداۋسىزدا ەنىپ كەتەدى، شوفەر جانتالاسا تورموز باسقانىمەن، كولىك ولارعا قاراي زىمىرايدى. ساسقالاقتاعان كوپشىلىك جان - جاققا تۇرا قاشادى. جولدا كولىك قايشالىسىپ جاتادى، گاۋ شينفىڭ جولدىڭ ورتاسىنداعى ارنايى اۋاشالانعان ورىنعا سەكىرىپ ءتۇسىپ، قاتەردەن امان قالادى.
  «شىنتۋايتىندا، تاس جول كۇتىمدەۋ قىزمەتىن ىستەۋ وڭاي ەمەس، ءارى جاپالى، ءارى قاتەرلى»، - دەدى قولىنا كۇرەك ۇستاپ تۇرعان گاۋ شينفىڭ، - «ءبىراق بۇل جۇمىسپەن ۇزاق ۋاقىت شۇعىلدانساڭ، بىرتىندەپ ونى ۇناتىپ قالاسىڭ».
  شىلىڭگىر ىستىق پەن قاقاعان ايازدا تاس جول بويىندا ءجۇردى
  ءبىر جىلدا تاس جول قورعاۋ - كۇتىمدەۋدە 30 نەشە ءتۇرلى جۇمىس ىستەلەدى، ەڭ ىستىق جانە ەڭ سۋىق كەزدىڭ بارىندە جول ۇستىندە جۇمىستا بولۋ كەرەك.
  كۇن ىستىق كەز جول بەتىن جاماپ - تەگىستەۋدىڭ ەڭ جاقسى ءساتى. جوعارى قارقىندى تاس جولدىڭ تاقىر دالانى كەسىپ وتكەن تۇستارىندا كۇن ەڭ ىستىق كەزدە جول بەتىنىڭ تەمپەراتۋراسى 50 سەلتسي گرادۋسقا تايايدى. گاۋ شينفىڭ مەن سەرىكتەرى سۇيىق قاراماي تاسىپ اكەلىپ، كيىمگە «جاماۋ» سالعانداي بۇلىنگەن جول بەتىن جاماپ - جاسقاپ شىعادى، قاراماي تيەگەن جوعارى تەمپەراتۋرالى ماشينانىڭ قاسىندا تەمپەراتۋرا 70 سەلتسي گرادۋستان اسىپ كەتەدى.
  ىستىق ءوتۋ تاس جول كۇتىمدەۋشى جۇمىسشىلاردىڭ «ورتاق اۋرۋى»، گاۋ شينفىڭ: جازدا جۇمىس جۇرگىزگەندە ىستىق ءوتىپ كەتەدى، باسىڭ اينالىپ، كوزىڭ شۇبارتقاندا، جۇمىس جۇرگىزەتىن ماشينانىڭ كولەڭكەسىندە از - كەم سالقىنداپ، ءسال تاۋىرلەنگەندە، جۇمىستى قايتا جالعاۋ كەرەك، - دەيدى.
  ال قىستا قار سىپىرىپ، قاتىناسقا كەپىلدىك ەتەتىن كەزدەردە، سۋىقتان «جىلارمانعا» جەتەسىڭ. گاۋ شينفىڭنىڭ ءالى ەسىندە، 1 - ايدىڭ 27 - كۇنى تاس جولدىڭ 314 جەلىسىندە جەل ۇرلەگەن قار بايقالادى، ول سول كۇنى ساعات 18 دەن باستاپ شۇعىل جۇمىسقا كىرىسىپ، تۇپ - تۋرا 24 ساعات ىستەيدى، كەشتە ماشينا ىشىندە ۇيىقتايدى.

  «قاتتى سوققان جەلدىڭ ەكپىنى كىسىنى جىعارداي ەدى، توڭعاننان جىلاعىم كەلدى، ءتىپتى شىداماعاندا، ماشينا ىشىنە كىرىپ جىلىنىپ الدىم». مۇنداي كەز جىل سايىن دەرلىك گاۋ شينفىڭعا ۇشىراسىپ تۇرادى.
  سوندا وعان نە كەرەك دەيسىز عوي؟ مۇنداي سۇراۋعا گاۋ شينفىڭ:«ەشتەڭە كەرەك ەمەس، وسى جۇمىستى ىستەگەن ەكەنسىڭ، بار كۇشىڭدى سارقا ىستەۋىڭ كەرەك، جول كۇتىمدەۋشى جۇمىسشى بولعان ەكەنسىڭ، تابان استىڭداعى جولدى قورعاۋىڭ كەرەك، ايتپەسە ۇستىڭدەگى جۇمىس كيىمىڭە قارىزدارسىڭ» دەپ جاۋاپ بەردى. ول باسىن كوتەرمەستەن ارىققا ۇيىلگەن زاتتاردى الىپ شىقتى.
  «جول - قاتىناستا قۋاتتى مەملەكەت» قۇرۋعا ۇلەس قوسامىز
  30G جوعارى قارقىندى تاس جولى ۇرىمجىگە كىرىپ - شىعاتىن جول - قاتىناستاعى ماڭىزدى وتكەل، كولىكتەر قايشالىسىپ جاتادى، الدا - جالدا جول اپاتى تۋىلا قالسا، قاتىناسقا اۋىر نۇقسان جەتەدى.
«ۇلكەن تاسىمال ماشينالارىنان تۇسكەن كومىر كەسەكتەرى، جول جاعالاۋىنداعى تاۋ - بەتكەيلەردەن دومالاعان تاس - قيىرشىقتار ءبارى جول اپاتىنا مۇرىندىق بولىپ، قاتىناستى بوگەيدى». گاۋ شينفىڭ قاراۋىنداعى 50 نەشە كيلومەتر جوعارى قارقىندى تاس جول بولىگىنە وتە قاداعالايدى، ءار كۇنى جول شارلاۋعا ادام ورنالاستىرىپ، جولعا تۇسكەن زاتتاردى دەر كەزىندە تازالاپ وتىرادى.
ءۇرىمجى تاس جول باسقارۋ مەكەمەسى دابانچىڭ بولىمشەسى بۇرىن ۇلكەن جاقتان ساناق جۇرگىزگەن، ءبىر جىلدا وسى مەكەمەنىڭ جول كۇتىمدەۋشى قىزمەتكەرلەرى تەك جول ۇستىنەن تەرىپ الاتىن كومىر كەسەگى، تاس كەسەگى، اعاش ماتەريال سياقتى بۇيىمداردىڭ ءوزى 50 توننانىڭ اينالاسىنا جەتكەن.
قازىر گاۋ شينفىڭ 20 نەشە قىزمەتكەردەن قۇرالعان گرۋپپانىڭ باستىعى، تاجىريبەسى مول ول كوپشىلىكتى مەرزىم سايىن بەلگىلى قىزمەتتى جۇرگىزۋگە ۇيىمداستىرىپ وتىرادى. كوكتەمدە قار ەرۋدەن پايدا بولاتىن تاسقىننان ساقتانۋ كەرەك، ول قىزمەتتەستەرىن جول بولىگىندەگى سۋاعار ىشىنە ۇيىلگەن بۇيىمداردى دەرەۋ تازالاپ، تاسقىن سۋدىڭ «جولىن اشۋعا» الدىن الا جوسپارلاپ ۇيىمداستىرىپ وتىرادى.
5 - كۇنى تۇستە سول كۇنى تۇستەن بۇرىنعى قىزمەت اياقتاعان، گاۋ شينفىڭ جول ەرنەۋىندە تۇرىپ، جولدىڭ قارسى تۇسىنداعى تاۋ بەتكەيىن نۇسقاپ كورسەتىپ تىلشىگە: قارسىداعى تاۋ الدەقاشان بوساپ تۇر، جاڭبىر جاۋسا تاس كەسەگى دومالايدى، ءبىز الدىن الا شارا قولدانۋىمىز كەرەك. بۇدان سىرت، تاۋ ەتەگىندەگى ارىقشاعا دا ۇساق تاس تولىپ الادى، ونى دا دەر كەزىندە تازالاۋ قاجەت، - دەدى.
جىل بويىنا سوزىلاتىن قىزمەت گاۋ شينفىڭدى وسىلاي دەدەك قاققىزادى، ەسى - دەرتى قايتكەندە جۇمىستى جاقسى ىستەۋدە جۇرەدى. «پارتيا 19 - قۇرىلتايى بايانداماسىندا جول - قاتىناستا قۋاتتى مەملەكەت قۇرۋ ايتىلدى، مەنىڭ عوي پالەندەي ونەرىم جوق، ءوزىم جاۋاپتى جولعا جاقسى قاراپ، قاتىناستىڭ ىركىلىسسىزدىگىن قامتاماسىزداندىرسام، جول - قاتىناستا قۋاتتى مەملەكەت قۇرۋعا ۇلەس قوسقانىم شىعار»، - دەدى ول.


بەرىپ كەت ورامالىڭدى

دوستار

الىستاعى اق ەركە