جاڭا حابارلار

شينجياڭ تاعامدارىنا مۇراگەرلىك ەتۋشى، جاڭالىق اشۋشى ۋي ميڭيۇي

    كەلۋ قاينارى: شينجياڭ حالىق راديو ىستانسياسى    2018-03-28 13:42:31  
ستانسيامىزدىڭ ءتىلشىسى حى فەيدىڭ حابارىن تىڭداڭىزدار: ءۇرىمجى شينرۇڭ سارايىنىڭ جۇڭگوشا تاعامدار اسحاناسىنداعى ىستىق قۋىرماش دايىندايتىن باس اسپازىسى ۋي ميڭيۇي بالا كەزىنەن ءدامدى تاعامداردى زەرتتەۋگە اۋەس ەدى... ورتا مەكتەپتى بىتىرگەننەن كەيىن ول مەيمانسارايدىڭ اسحاناسىندا اسپازىلىق ونەرىن ۇيرەنەدى، كەيىنتىنەن چىڭدۋ قالاسىنا بارىپ ارناۋلى اسپازىلىق ونەرىنىڭ قىرى مەن سىرىنا توسەلەدى. مىنە وسىلايشا ول اسپازىلىق كاسىبىنەن تابىسقا جەتتى.
قاڭىلتاق كەلگەن الاسا بويلى ۋي ميڭيۇي ءبىر قاراعان ادامعا وقىمىستى سياقتى سەزىلەدى، ەگەر ۇستىندەگى اسپازىلىق اق قالاتىن شەشىپ تاستايتىن بولسا، ونى استە اسپازى دەپ ەشكىم ويلامايدى. 40 جاستان ەندى اسقان ول بالا شاكىرت بولىپ اسپازىلىق ونەرىن ۇيرەنگەننەن باستاپ ەسەپتەگەندە نەگىزگى اسپاز بولعانعا دەيىن تۇپ-تۋرا 20 جىل بولىپتى. ول ىلگەرىندى-كەيىندى چىڭدۋ، حاڭجوۋ، لانجوۋ سياقتى قالالاردىڭ مەيمانسارايلارىندا سالقىن ءساي جانە ءتۇرلى ىستىق قۋىرماش دايىندايتىن نەگىزگى اسپازى بولىپ ىستەگەن، ول ادەتتەگى كوكونىستەردەن ءدامى ءتىل ۇيىرەتىن قۋىرماش دايىنداۋعا شەبەر، اسحانادان ۇنەمى تاماق ىشەتىندەردىڭ ءبارى ونىڭ قۋىرماشىنا بولا كەلەدى. ول تىلشىگە بىلاي دەيدى: چىڭدۋداعى مەيمانسارايدا ىستەگەن كەزىمدە جاساعان قويان ەتى قۋىرماشىمنىڭ اتى شىققان، باس مەڭگەرۋشى وسى قۋىرماشتى تالاي رەت ايروپلانمەن بەيجيڭگە اپارعان بولاتىن. شينجياڭدا مەنىڭ دايىنداعان «تاۋىق ەتى قۋىرماشىمنىڭ » اتاعى بار، قاراماققا ول قاراپايىم قۋىرماش سياقتانعانىمەن، ەتىن مايعا قارىپ سىرتىن كۇيدىرمەۋ نەگىزىندە ءىشىنىڭ جۇمساق تا ءدامدى بولۋىنا كەپىلدىك ەتۋ كەرەك. قاريدارلار بۇل قۋىرماشتى ۇناتىپ جەيدى، قازىر وسى قۋىرماشتى بۇيىرتاتىندار وتە كوپ.
ۋي ميڭيۇي جاڭا قۋىرماش تۇرلەرىن زەرتتەۋگە اۋەس. ول قىزمەتتەن سىرتقى ۋاقىتىنان پايدالانىپ، «چيڭپيڭ روزا گۇلى قۋىرماشى»، «حايتاي بالىق ورامى» سياقتى سالقىن سايلەردى دايىنداپ، كەزىندە چىڭدۋ ءدامدى تاعامدار كورمەسىندە نەشە مارتە التىن مەدالعا يە بولعان. وسىنداي ناتيجەگە جەتۋى جاپالى جاتتعۋ مەن قۇلشىنىستىڭ ارقاسى ەكەندىگىن تيەك ەتكەن ول بىلاي دەيدى : كوكونىستەردى ويىپ ورنەك شىعارۋدى ايتايىق، ءبىز باستابىندا كارتوپيا پەن لوبىنى ويىپ ورنەك سالىپ جاتتىقتىق. ءبىر رەتتە 20 دا 30 جىڭىن ءبىراق ساتىپ اكەلەمىز، كەي كەزدەرى تاڭعى ساعات 4-5 تەرگە دەيىن جاتتىعامىز، تۇنىمەن كوز ىلمەي ورنەك سالعان كۇندەر دە بولدى. ابدەن قالجىراپ كوزىمىز ءىلىنىپ كەتىپ، قولىمىزدى كەسىپ العان كەزدەرىمىز دە جوق ەمەس.
2011-جىلى، اكە-شەشەسىنە قارايلاسۋ ءۇشىن، ۋي ميڭيۇي جوعارى ەڭبەكاقى الاتىن قىزمەتىن تاستاپ چىڭدۋدان ۇرىمجىگە قايتىپ كەلىپ، ءۇرىمجى شينرۇڭ سارايىنىڭ جۇڭگوشا تاعامدار اسحاناسىنداعى قۋىرماش دايىندايتىن اسپازى بولىپ ىستەيدى. بۇل مەيمانسارايدا ول شينجياڭنىڭ ءدامدى تاعامدارىن بەرىلە زەرتتەيدى ءارى شينجياڭنىڭ ءداستۇرلى ءدامدى تاعامدارىنا جاڭالىق ەنگىزۋدى ءوزىنىڭ باستى قىزمەت نىساناسى ەتىپ قارايدى. باس شۋجي شي جينپيڭ: «جاڭا ءداۋىر كۇرەسكەرلەردىڭ ءداۋىرى، كۇرەسكە تولى ءومىر عانا باقىتتى ءومىر ەسەپتەلەدى» دەگەن بولاتىن. بۇل جونىندە تەرەڭ تۇسنىككە يە بولعان ۋي ميڭيۇي اسەرلى سەزىممەن بىلاي دەيدى : ادام تەك قۇلشىنعاندا عانا باقىتتىڭ ءمانىن تۇسىنە الادى. ءوزىڭ ازىراق العا باسقاندا ناتيجەلى بولعاندا، سونداي ءبىر شىنايى دا باقىتتى سەزىمگە بولەنەسىڭ. شينجياڭ قۋىرماشىنىڭ وزىندىك دارالىعى جانە اتاعى بار، جاڭالىق ەنگىزۋ ارقىلى شينجياڭ قۋىرماشىنىڭ تابيعي ءدامىن ساقتاۋمەن بىرگە، مۇنان دا ساپالى، ءدامى تاڭدايدا قالاتىنداي دارەجەگە جەتكىزۋگە كۇش سالامىن، بۇل مەنىڭ الداعى قۇلشىناتىن نىسانام.

بەرىپ كەت ورامالىڭدى

دوستار

الىستاعى اق ەركە