جاڭا حابارلار

كورىكتى اۋىل-قىستاقتىڭ دەڭگەيى تاعى جوعارلادى

    كەلۋ قاينارى: شينجياڭ حالىق راديو ىستانسياسى    2018-03-28 13:50:31  
ستانسيامىزدىڭ تىلشىلەرى حى بين مەن لان تياننىڭ جانە سانجى راديو ستانسياسىنىڭ ءتىلشىسى چاڭ ي-يدىڭ حابارىن تىڭداڭىزدار: سانجى وبلىسى «كورىكتى اۋىل-قىستاق ارەكەت جوسپارى»، «ءبىرىنشى، ەكىنشى، ءۇشىنشى كاسىپتى ۇشتاستىرىپ دامىتۋ»، «شاعىن، ۇساق ۇقىق كەستەسى» سياقتى شارالاردان باستاپ مىقتى يگەرىپ، قىستاق قۇرىلىسىن كۇشەيتىپ، كاسىپتىڭ دامۋىن جەبەپ، وركەنيەتتى اۋىل سالتىن جەتىلدىرىپ، اۋىل-قىستاقتى كوركەيتۋ ستراتەگياسىن تياناقتاندىرۋدى شىنايى ىلگەرىلەتىپ، ديحانداردىڭ باقىت سەزىمىن جوعارلاتتى.
موري اۋدان قالاشىعىنىڭ سولتۇستىگىندەگى 2 كيلومەتر كەلەتىن اۋماقتا، قاز-قاتار رەتتى تىزىلگەن عيماراتتار مەن ساۋدا دۇكەندەرى مەن مۇندالايدى، بۇل موري اۋدانى شينحۋ قالاشىعى شينحۋ قىستاعىنداعى بەيقۇت ءۇي سالىپ حالىقتى اۋقاتتاندىرۋ ينجەنەرياسى بويىنشا سالىنعان ۇيلەر،مالشىلاردى وتىرىقتاندىرۋ ءتۇيىنى بولعان «ساۋلە جاڭا قالاسى». وتكەن جىلدىڭ سوڭىندا، شينحۋ قىستاعىنداعى ديحان جياڭ چاۋ ساۋلە جاڭا قالاسىنا كوشىپ باردى، ءارى ساۋدا دۇكەنىن اشتى، تۇرمىسى كوڭىلدەگىدەي وتۋدە. جياڭ چاۋ بىلاي دەدى: بۇرىن ەكونوميكالىق شارت-جاعدايىمىز ناشار، ءۇيدى دە جوندەمەدىك، اۋلا قورعانىن تۇرعىزبادىق، جەرگە سەمەنت جاتقىزىلمادى، جاۋىن-شاشىن بولعاندا بالشىقتان اياق الىپ جۇرە المايتىنبىز. قازىر عيماراتتىڭ شارت-جاعدايى جاقسى، ءۇيىمىز جىلى، كومىر جاقپايمىز. دۇكەن اشىپ تۇرمىس قاراجاتىن ايىرامىز، كەشتە قولىم بوساي قالسا نەمەرەمدى ەرتىپ شاعىن رايوندى اينالامىن، اۋىل-قىستاقتىڭ تۇرمىس شارت-جاعدايى قالانىكىمەن نەگىزىنەن بىردەي.
«ساۋلە جاڭا قالاسى» ـــ سانجى وبلىسىنىڭ كورىكتى اۋىل-قىىستاق قۇرىلىسىن ىلگەرىلەتۋىنىڭ شاعىن كارتيناسى. پارتيا 19-قۇرىلتاي بايانداماسىندا، بىلاي دەپ العا قويىلدى: اۋىل-قىستاقتى كوركەيتۋ ستراتەگياسىن اتقارىپ، شارۋاشىلىعى شالقىعان، ەكولوگيالىق ورتاسى جايلى، اۋىل سالتى وركەنيەتتى، وڭاۋى ۇتىمدى، تۇرمىسى باي بولۋ سىندى جالپى تالاپقا ساي، قالا مەن اۋىلدى توعىستىرا دامىتاتىن ءتۇزىلىس مەحانيزىمدەردى جانە ساياسات جۇيەسىن ورناتىپ، اقاۋسىزداندىرىپ، اۋىل شارۋاشىلىعىنىڭ، اۋىل-قىستاقتاردىڭ وسىزاماندانۋىن تەزدەتۋ كەرەك. وسىنى جەتەكشى ەتكەن سانجى وبلىسى جاڭا ولشەم بەلگىلەپ، كورىكتى اۋىل-قىستاقتىڭ «جاڭا ۇلگىسىن»جاراتىپ، قىستاقتىڭ بەت-بەينەسىن وزگەرتۋدەن سىرت، ديحانداردىڭ كوز اياسىن كەڭەيتىپ، وي ءورىسىن ۇشتادى.
ماناس، قۇتىبي اۋداندارى سياقتى ءداستۇرلى اۋىل شارۋاشىلىعىمەن شۇعىلداناتىن ءىرى اۋدانداردا، جەرگىلىكتى ۇكىمەت شاعىن ديحاندار وتباسى شارۋاشىلىعىن وسىزامانعى اۋىل شارۋاشىلىعىن دامىتۋمەن تىعىز ۇشتاستىرۋ ارقىلى، اۋىل-قىستاقتا ءبىرىنشى، ەكىنشى، ءۇشىنشى كاسىپتىڭ سايكەسىپ دامۋىن ىلگەرىلەتىپ، ديحانداردىڭ كاسىپتەنۋىن جانە كاسىپ اشۋىن قولداپ جانە شابىتتاندىرىپ، كىرىسىن ارتتىرۋ جولىن كەڭەيتتى. تۇسكى تاماق ۋاقىتى، قۇتىبي اۋدانى يۋانحۋسۇن قالاشىعى سانگۇڭحۋ قىستاعىنداعى ديحان جاڭ شيۋمەيدىڭ شارۋالار تاعامجايى دۋمانعا بولەندى. سانگۇڭحۋ قىستاعىنىڭ كورىكتى اۋىل-قىستاق قۇرۋ اياق الىسىنىڭ بىرتىندەپ ىلگەرىلەۋىنە بايلانىستى، قىستاقتىڭ بەت-بەينەسى بارىنشا جاقساردى، جاڭ شيۋمەي مەن ونىڭ جولداسى ورايدى مىقتى يگەرىپ، شارۋالار تاعامجايىن اشتى، ساۋدالارى دا بارعان سايىن جانداندى. قازىر ول ەلەكتروندى ساۋدا ىستەرى تەكشەسى ارقىلى، وزدەرى قولمەن جاساعان قارا استىق پراندىگى، جياشا، دومالاقتاما ەت سياقتى ءتۇرلى تاعامداردى ساتۋدا. ول: قىستاعىمىز اۋدان قالاشىعىنان 5 كيلومەتر، جاعىراپيالىق ورىن ابزالدىلىعى وتە جاقسى. وسى جۇمىسپەن ءبىر جىل اينالىستىم، تابىسى دا ايتارلىقتاي بولدى، وتكەن جىلى ناق كىرىسىم 600 مىڭ يۋاننان استى. قارا استىق پراندىگى مەن سيىر ەتى قويمالجىڭىنىڭ پاتەنتىن العام، ىشكى ولكەدەگى گۋاڭدۇڭ، فۋجيان، حاينان سياقتى جەرلەردە ساتىلادى. زاۆود قۇرىپ، ونىمدەرىمدى ەرەن بازارلارعا شىعارماقشىمىن،-دەدى.
جاڭ شيۋمەي سياقتى اناعۇرلىم كوپ ديحان كىرىسىن ارتتىرىپ اۋقاتتانۋدىڭ سارا جولىن تاپتى. 2017-جىلى سانجى وبلىسىنداعى اۋىل-قىستاق تۇرعىندارىنىڭ كىسى باسىنا تۋرا كەلەتىن جۇمساۋعا بولاتىن كىرىسى 17 مىڭ 240 يۋاننان اينالىپ، الدىنداعى جىلدان 800 يۋان جوعارلادى.
اۋىل-قىستاقتى كوركەيتۋدە وڭاۋ ۇتىمدى بولۋـــ نەگىز بولادى. سانجى وبلىسى جەمسارى اۋدانىنىڭ بيتىڭ كونە قالاسى قىستاعى سىناق تۇيىنىندە قىستاق دارەجەلى شاعىن ۇساق ۇقىق كەستەسى ءتۇزىمىن اتقارىپ، قىستاق دارەجەلى قارجىنى پايدالانۋ ءتۇزىمى، ءىرى ىستەر شەشىمىن تىڭداۋ ءتۇزىمى سياقتى مازمۇنداعى «بيتىڭ قالاشىق، قىستاق قىزمەتى ۇقىعى كەستەسىنىڭ 32 تارماعىن» بەلگىلەپ، ۇقىقتى جاريا جۇرگىزىپ، جاسىرىن جۇمىس ىستەۋدى بارىنشا تەجەپ، «شاعىن، ۇساق ۇقىقتى ۇقىق كەستەسى بويىنشا اتقارۋدى، ۇقىق كەستەسىنەن سىرت ەشقانداي ۇقىعى بولماۋعا» شىنايى كەپىلدىك ەتىپ، اۋىل-قىستاق نەگىزگى ساتى دەموكراتيالىق وڭاۋدى ىلگەرىلەتۋ، قىستاق كادرلارىنىڭ ۇقىقتان پايدالانۋدا پاك بولۋىنىڭ ۇدايلانۋىن باقىلاۋ، باسقارۋ جۇيەسىن قۇردى. بيتىڭ قالاشىعى پارتكومنىڭ شۋجيى ديڭ زىجۇڭ بىلاي دەدى: كەلەسى قادامدا، باس شۋجي شي جينپيڭنىڭ مەملەكەتتىك 13-كەزەكتى حالىق قۇرىلتايى ءبىرىنشى ءماجىلىسىنىڭ جابىلۋ سالتىندا سويلەگەن ماڭىزدى ءسوزىنىڭ تالابىنا ساي، حالىقتىڭ قورعاۋ-قورعاماۋ، قولداۋ-قولداماۋ، قۋانىشقا بولەنۋ-بولەنبەۋ، قوسىلۋ-قوسىلماۋ جاعدايىن بارلىق قىزمەتتىڭ ءساتتى بولۋ-بولماۋىنىڭ ءتۇبىرلى ولشەمى ەتەمىز. قىستاق ءتارتىپ تەكسەرۋ ورنىنىڭ رولىن ويداعىداي ساۋلەلەندىرىپ، قىستاق ءتارتىپ تەكسەرۋ ورنىنىڭ قىستاق دارەجەلى ىستەردىڭ تۇتاس بارىسىنا قاتىناسىپ، باقىلاپ-باسقارۋىنا مۇمكىندىك جاساپ، نەگىزگى ساتىنىڭ شاعىن، ۇساق ۇقىق كەستەسىن ءتارتىپ بويىنشا جۇيەلى باسقارامىز، وسى قىزمەتتى جەڭىشكەلىكپەن ىستەپ، اۋىل-قىستاقتى وڭاۋ جۇيەسىن ويداعىداي قۇرۋ ارقىلى، اۋىل-قىستاقتى كوركەيتۋ ستراتەگياسىن تياناقتاندىرۋعا كۇش سالامىز.

بەرىپ كەت ورامالىڭدى

دوستار

الىستاعى اق ەركە