جاڭا حابارلار

قىستاققا تۇسكەن قىزمەت اترەتىندەگى كادرلار مالشىلاردىڭ كوشى - قون جۇمىسىنا كومەكتەستى

    كەلۋ قاينارى: ءتاڭىرتاۋ تورابى    2018-03-29 20:28:52  

 جەڭىسحان اسقار ۇلى، نۇرگۇل ماناپ قىزى حابارلايدى. ساۋان اۋداندىق 2 - ورتا مەكتەپتەن بورتىنكو مال فەرماسى كوكجايداق قىستاعىنا تۇسكەن «ۇعىسۋ، تيىمدىلىك جاساۋ، توعىستىرۋ» قىزمەت اترەتىندەگى كادرلار شۇعىل قۇتقارۋ ءدارى ساندىقشاسى، مينەرال سۋ، دايىن كەسپە، نان قاتارلى زاتتاردى الىپ مالشىلار مەن بىرلىكتە كوكتەۋلىككەجولعا شىقتى.
  بورتىنكو مال فەرماسى كوكجايداق قىستاعىنىڭ ءبىرىنشى شۋجيى ەركىنبەك قوجابەك ۇلى : «ءبىزدىڭ قىستاقتاعى تۇرعىنداردىڭ كوپ ءبولىمى مال باعىمشىلىعى مەن شۇعىلدانادى، ءار جىلى كوكتەم مەن كۇز مەزگىلىندە، كوپتەگەن مالشىلار كوشى - قون جۇمىسىمەن قاربالاستىققا تۇسەدى، كوكتەم مەن كۇزدە اۋا رايى وزگەرىسى قۇبىلمالى، ونىڭ ۇستىنە مالشىلاردىڭ كوش - قون جولى ءبىرشاما الىس بولعاندىقتان، جول ازابى دا اۋىر، جولدا اۋىرىپ - سىرقاۋ، قاتىناس شىرعالاڭى، تاسقىن سۋ اپاتى سياقتى ويلاماعان جاعدايلار تۋىلادى، سول ءۇشىن وسى ءبىر مەزگىلدە، ءبىز ءسوزسىز مالشىلاردىڭ كوشى - قون جۇمىستارىنىڭ حاۋىپسىزدىگىنە كەپىلدىك ەتۋىمىز كەرەك»،-دەدى.
  ءار كۇنى جەرگە جارىق تۇسە سالىسىمەن قونىس اۋدارعان مالشىلاردىڭ ءار تۇلىك مالدارى ساۋان اۋدانىنىڭ قۇربان تۇڭقىت قۇمدى وڭىرىندەگى قىستاۋلىق جايلىمنان، كوشىپ وباتى وڭىرىندەگى كوكتەۋلىك جايلىمىنا قاراي جولعا شىعادى، جولدىڭ جالپى ۇزىندىعى 160 كيلومەتردەن استام، مالدىڭ سوڭىنان ىلە - شالا كيىز ءۇي مەن باسقادا تۇرمىسقا قاجەتتى جۇكتەرىن باسقان اۆتوكولىكتەر قوسىنى كەلەدى، ولاردى كوشىرىسۋگە قىستاق باسىلار مەن قىستاققا تۇسكەن قىزمەت اترەتىندەگى كادرلار باستان - اقىر جاۋاپتى بولىپ بىرگە ءجۇرىپ، بىرگە جاتىپ، كوشى - قون بارىسىندا جولىققان بارلىق قيىنشىلىقتارىن شەشىم ەتەدى.
  3- ايدىڭ 26 - كۇنى، ساۋان اۋدانى بورتىنكو مال فەرماسى وباتى كوكتەۋلىك جايلىمىندا، قىستاققا تۇسكەن قىزمەت اترەتىنىڭ كادرى بولات مۇشان ۇلى مەن قىستاق ەكى كوميتەتىنىڭ كادرى مۇرات ورازبەك ۇلى الدىن الا كوكتەۋلىك جايلىم ورنىنا كەلىپ، كوكجايداق قىستاعىنىڭ تۇرعىنى ساينۇر قۇرمانعازى ۇلىنا كومەكتەسىپ كيىز ءۇيىن تىگىسپ، كوكتەمگى مال باعۋعا دايىندىق كوردى.
  كوكجايداق قىستاعىنىڭ تۇرعىنى ساينۇر قۇرمانعازى ۇلى : «مەن بيىل الپىس نەشە جاسقا كەلدىم، الايدا مەن الدە قاشان كوكتەم مەن كۇزدە سيىر مەن قويدى جايلىس ورنىنا جەتكىزۋگە ادەتتەنىپ كەتكەن بولاتىنمىن، الايدا، قازىر جاسىم ۇلعايىپ كەتتى، جالعىز ءوزىم 300 دەن استام قويدى ايداپ قونىس اۋدارىپ، جايلىس ورنىنا جەتكىزۋگە شامام كەلمەيدى، كوز الدا ەلدىڭ ءبارى قاربالاس قىستاۋدان كوكتەۋلىككە كوشۋگە دايىندالىپ جاتقاندا، مەن قاتتى ابىرجىپ قاربالاستىققا ءتۇسىپ ەرەكشە قينالدىم، مەن ابىرجىپ قاربالاستىققا ءتۇسىپ قينالعان كەزدە، قىستاققا تۇسكەن كادرلار مەن قىستاق ەكى كوميتەتىندەگى كادرلار كەلىپ كومەكتەسىپ، ءۇيىمدى كوشىرىسىپ، مالىمدى قىستاۋدان كوكتەۋلىككە جەتكىزىپ بەردى»،-دەدى.
  ساۋان اۋداندىق 2 - ورتا مەكتەپتەن قىستاققا تۇسكەن قىزمەت اترەتىنىڭ باستىعى بولات مۇشان ۇلى : «قىستاققا تۇسكەن قىزمەت اترەتىندەگى كادرلار مەن قىستاق ەكى كوميتەتىندەگى باسشىلار الدىن الا مالشىلاردىڭ ناقتىلى احۋالىنا تەكسەرۋ الىپ بارىپ، مالشىلاردىڭ كوشى - قون قاجەتىنە قاراي وتىرىپ ورنالاستىرۋ جاساپ، مالدىڭ باس سانىن انىقتاپ، جول اماندىعىن تەكسەرىپ، اۋا رايى وزگەرىسى سياقتى جۇمىستاردى ىستەپ، كوشى - قون جۇمىسىنا جاقسى دايارلىق كوردىك، بۇگىنگە دەيىن 200 دەن استام مالشى وتباسىن كوكتەۋلىككە كوشىرىلدى، مالدان 45 مىڭ باس كوكتەۋلىككە حاۋىپسىز جەتكىزىلدى»،-دەدى.
  تىلشىلەردىڭ قىزمەت ورنى : ساۋان اۋداندىق مادەنيەت، دەنەتاربيە مەكەمەسى


بەرىپ كەت ورامالىڭدى

دوستار

الىستاعى اق ەركە