جاڭا حابارلار

تابان ەت، ماڭداي تەرمەن جازىلعان باقىت جىرى

    كەلۋ قاينارى: شينجياڭ گازەتى    2018-03-29 20:36:15  

ءتىلشىمىز گاۋ ۋا

 ول پوچتاشى بولىپ ىستەگەن 21 جىلدان بەرى، 100 مىڭ كيلومەترگە تاياۋ جول باسىپ، 2 ميلليوننان استام پوچتا جولداماسىن جەتكىزدى، قىزمەتى جونىندە كوپتەگەن العىس حاتتار تاپسىرىپ الدى. وسى بىرنەشە جىلدىڭ ىشىندە، ول ىلگەرىندى - كەيىندى «اۆتونوميالى رايوندىق ەڭبەك وزاتى»، «مەملەكەتتىك ەڭبەك وزاتى» سىندى داڭقتارمەن قوسا «مەملەكەتتىڭ 1 - مامىر ەڭبەك مەدالىن» ەنشىلەدى. بۇل ازاماتىمىز جۇڭگو پوچتا توبى سەرىكتەستىگىنىڭ ءۇرىمجى قالالىق بولىمشە سەرىكتەستىگى دوربا تاسىمالى ءبولىمىنىڭ ارناۋلى باسقارۋشىسى ما جيانشين ەدى.
  تاياۋدا ما جيانشين تىلشىگە ءوزىنىڭ 20 نەشە جىلدان بەرگى پوچتاشىلىق ءومىرىن اڭگىمەلەپ، تۇتىنۋشىلار جانە قىزمەتتەستەرىنىڭ سەنىمدىلىگى مەن كوڭىل ءبولۋىنىڭ ارقاسىندا، قۇلشىنا كۇرەس جۇرگىزىپ شىنايى باقىتقا كەنەلگەنىن تىلگە تيەك ەتتى.
  تولىمدى پوچتاشى بولۋ جولىنداعى قۇلشىنىس
  1997 - جىلى جاڭادان قىزمەتكە كەلگەن ما جيانشيندى سول كەزدەگى ءۇرىمجى قالالىق پوچتا مەكەمەسى 1 - جەتكىزۋ بولىمشەسىنىڭ يىڭچۋان جولى جەتكىزۋ كلاسىنا ءبولىپ، شينجياڭ مەديتسينا ۋنيۆەرسيتەتىنىڭ سەميالىقتار اۋلاسى جانە ماڭىنداعى مەكەمە، ورىنداردىڭ پوچتا قىزمەتىنە جاۋاپتى ەتەدى، ول وسى قىزمەتتى 10 نەشە جىل جالعاستىرادى.
  قىزمەتكە كەلگەنىنە كوپ بولماعان، ءبىر تۇتىنۋشى پوچتا كاسىبىنە قاتىستى ماسەلەلەردى سۇرايدى، ول كىبىرتىكتەپ ەشنارسە ايتا الماي قالادى، «سول كەزدە قاتتى ۇيالدىم، تولىمدى پوچتاشى بۇلاي بولماۋ كەرەك ەدى»، - دەدى ما جيانشين. سودان باستاپ، ول قاتىرەسىن قولىنان تاستامايدى، حالىققا قولايلى پوچتا كاسىبىن، ەستە ساقتاۋعا قيىن كوشە، ەسىك ءنومىرى، تۇتىنۋشىلاردىڭ بايلانىس ءنومىرى سىندى نارسەلەردى جازىپ، زات جەتكىزگەن كەزدە پايدالانىپ، تۇتىنۋشىلارعا ساپالى قىزمەت كورسەتۋگە قۇلشىنادى.
  قازىر ول جازعان ەستەلىكتەر 7 − 8 قاتىرە بولدى، ءوزى دە شەبەر كاسىپكەرگە اينالدى، كوپشىلىك ونى «ءتىرى كارتا» دەپ اتاپ كەتتى. ماسەلەگە جولىقسا بولدى، كوپشىلىك ودان كەڭەس سۇرايتىن ەدى، ول دا كوپشىلىك رازى بولاتىنداي جاۋاپ بەرەتىن.
  «بارلىعىمىز ما جيانشينگە ءتانتى بولاتىنبىز، ونىڭ قىزمەتكە دەگەن مۇقياتتىلىعى مەن پەيىلدىلىگى ءبىزدى اسەرلەندىردى، ول ءبىزدىڭ تاماشا ۇلگىمىز»، - دەدى قىزمەتتەسى جياۋ مەيمەي.
  وسى كۇندەرى ول يىڭچۋان جولى جەتكىزۋ كلاسىنان الدەقاشان كەتىپ قالسادا، سول كەزدەگى جازعان ەستەلىكتەرىن ءالى تاستاماي ساقتاپ كەلەدى. ول بىلاي دەدى: وسى ەستەلىكتەر مەنىڭ تولىمدى پوچتاشى بولىپ جەتىلۋىمە كومەكتەستى، بۇدان كەيىن دە كوپتەگەن ادامداردىڭ كادەسىىنە جاراسا دەيمىن.
  تۇتىنۋشىلاردى تۋىسىنداي كوردى
  «ما اعاي، جاقىننان بەرى قاربالاس بولىپ جاتىرسىز با؟ ۋاقىتىڭىز شىقسا ۇيگە كەلىپ - قايتىڭىز». تىلشىلىك جاساۋ بارىسىندا ما جيانشيننىڭ تەلەفونى قايتا - قايتا شىرىلدادى، كوپتەگەن تەلەفوندى تۇتىنۋشىلار جالعاعان ەكەن. 10 نەشە جىلدىڭ ىشىندە ول تۇتىنۋشىلارمەن جاقسى دوس، ءتىپتى، جان اشىر تۋىسقا اينالىپتى. «جارايدى جۇڭ اپاي، مەن بىرنەشە كۇننەن كەيىن سىزگە امانداسا بارامىن».
  جۇڭ اپاي دەپ وتىرعانى جۇڭ ليلين، شينجياڭ مەديتسينا ۋنيۆەرسيتەتىنىڭ سەميالىقتار اۋلاسىنىڭ تۇرعىنى ەكەن. «ءبىزدىڭ بۇل اۋماقتا قارتتار ءبىرشاما مول، ما جيانشين گازەت اپارعان، زات جەتكىزگەن كەزدە بەكەر قاراپ تۇرماي ۇنەمى ءبىزدىڭ سومكەلەرىمىزدى كوتەرىسىپ، كوكونىس جەتكىزىسىپ جۇرەدى»، - دەدى ما جيانشين جايلى ءسوز بولعاندا جۇڭ ليلين باس بارماعىن كوتەرىپ، «ول ءبىزدى تۋىسىنداي كورەدى. بىرنەشە جىلدىڭ الدىندا، كورشىمىز لاۋلي اياعىن جارالاپ الادى، وتباسىنداعىلار الىستا بولاتىن، مۇنى ەستىگەن ما جيانشين وعان 3 اي بويى ءسۇت اپارىپ بەرىپ ءجۇردى، ءبىز قاتتى اسەرلەندىك».
  پوچتاشىلىق جاپالى كاسىپ، ما جيانشين جاۋىندى كۇندەرى دە قىزمەتىن توقتاتقان ەمەس. جاۋىن - شاشىن كۇندەرى جەتكىزەتىن زاتتاردى سۋلياۋمەن وراپ الاتىن، كەيدە سۋلياۋدان سۋ ءوتىپ كەتسە ول شاپانىن شەشىپ الىپ ورايتىن.
  «ەڭبەگىڭ قاتتى بولسا، تاتقاننىڭ ءتاتتى بولادى». ما جيانشيننىڭ ىستىق ىقىلاستى قىزمەت كورسەتۋى، قىزمەتتى مۇقيات ىستەيتىن پەيىلى تۋتىنۋشىلاردىڭ جوعارى باعاسىنا يە بولدى. قاي ءبىر جىلى، ما جيانشين سىرقاتتانىپ شيپاحاناعا جاتىپ قالادى، تۋتىنۋشىلار بۇدان حابار تاپقان سوڭ شيپاحاناعا كەلىپ كوڭىلىن سۇرايدى. سىرقاتىنان ايىعىپ قىزمەتكە بارعان سوڭ، ما جيانشين حات ساندىقتا ۇنەمى جۇمىرتقا، جەمىس - جيدەك تۇرعانىن كورەدى، كەيبىر تۋتىنۋشىلار اۋەلى وعان حات جازىپ قالدىرىپتى: «سىرقاتتان جاڭا عانا ايىقتىڭىز، دەمالىسىڭىزعا كوڭىل ءبولىڭىز، تىم شارشاپ كەتپەڭىز، جاقسىراق قورەكتەنىپ الىپ قىزمەت ىستەڭىز».
  «پوچتا جولداماسىن ۋاعىندا، دالمە - ءدال تۋتىنۋشىلاردىڭ قولىنا جەتكىزۋ مەنىڭ قىزمەت مىندەتىم جانە ارقالاۋعا ءتيىستى جاۋاپكەرشىلىگىم. كوپشىلىك ماعان جاقسى قارايلاسادى، مەن دە ولار ءۇشىن ساپالى قىزمەت كورسەتۋىم كەرەك»، - دەدى ما جيانشين.
  كۇرەسپەن وتكەن ءومىر ناعىز ءومىر
  پوچتا كاسىبىندە، «ءولى جولداما» دەپ مەكەن - جايى انىق ەمەس، اتى - ءجونى تولىق جازىلماعان نەمەسە تاپسىرىپ الاتىن ادام كوشىپ كەتكەن، جولداۋشىنىڭ مەكەن - جايى تولىق جازىلماعان، جەتكىزۋگە دە قايتارۋعا دا كەلمەيتىن جولدامالاردى ايتادى. مۇنداي جولدامالار كەزدەسكەن كەزدە، پوچتاشىلار اۋەلگى مەكەن - جايىنا قايتارىپ جىبەرەتىن، ال ما جيانشين بولسا وسى جولدامالاردى قايتالاي جەتكىزۋگە قۇلشىندى.
  2014 - جىلى قىستا، ما جيانشين قايتالاي جىبەرىلگەن دەگەن جازۋى بار اقشا جىبەرگەن تالوندى بايقاپ قالادى، تاپسىرىپ الاتىن ادامنىڭ مەكەن - جايىنا: حىڭچاڭ - حىڭيە باۋ - باقشاسىنداعى ۋاڭ مەيگە ءتيسىن، - دەپ جازىپتى.
  بۇل شاعىن اۋماقتا 10 نەشە عيماراتتا 1000عا تارتا تۇرعىن بار، ۋاڭ مەيدىڭ كىم ەكەنىن قايدان تابادى؟
  پوچتا جونەلتىمدەرىن ءبىر جايلى ەتۋ ەرەجەسى بويىنشا بۇل تيپتىك مەكەن - جايى تولىق ەمەس جونەلتىمگە جاتادى دا، بۇرىنعى سالعان جەرىنە قايتارىپ جىبەرسە بولاتىن ەدى. ما جيانشين ەسكەرتپەدەگى «جىبەرىلگەن اقشا» دەگەن جازۋدى كورىپ، بالكىم يەسىنە شۇعىل اقشا كەرەك شىعار دەپ ويلاپ، يەسىن تابۋ قانشا قيىن بولسا دا ىزدەۋگە بەل بايلايدى.
  ما جيانشين الەۋمەتتىك اۋماقتىڭ ساقشى بولىمشەسىنەن كەلىپ سۇراستىرادى، جان سانىن تىزىمدەيتىن حالىق ساقشىسىنىڭ كومەگىندە، ءبىر اپتادان سوڭ ۋاڭ مەيدى اقىرى ىزدەپ تابادى. اقشا جىبەرگەن تالوندى تاپسىرىپ العان ۋاڭ مەي قايتا - قايتا العىس ايتىپ تۇرىپ: مىناۋ مەنىڭ ىشكى ولكەدەگى اعامنىڭ جىبەرگەن اقشاسى. ساعان كوپ راقىمەت، مەن وسى اقشانى ءتورت كوزبەن كۇتىپ جۇرگەمىن، - دەدى.
  ءاسىلى قايتارىپ جىبەرۋگە ءتيىستى جولداما ما جيانشيننىڭ قۇلشىنىسى ارقىلى يەسىنىڭ قولىنا ءتيىپ، ءبىر وتباسىن قيىنشىلىقتان قۇتىلدىردى. ءار رەت تۇتىنۋشىلاردىڭ جۇزىنە ۇيىرىلگەن قۋانىشتى، اسەرلەنە ايتقان العىستارىن ەستىگەن كەزدە ما جيانشين ءوزىنىڭ پوچتاشىلىق مىندەتى مەن جاۋاپكەرشىلىگىنىڭ كۇن سايىن اۋىرلاپ كەلە جاتقانىن اڭعاراتىن.
  «ادام ءومىرى كۇرەسكە مۇقتاج. پوچتا سالاسىندا تابانى كورەكتەي 20 جىل قىزمەت ىستەدىم، قانشاما جاۋىن - شاشىندى باستان وتكەرگەنىم ەسىمدە قالماپتى، الايدا ءۇرىمجىنىڭ ۇلكەن - كىشى كوشەلەرىن بەس ساۋساعىمداي انىق بىلەمىن، وسى قىزمەتتىڭ ماعان سيلاعان باقىتى مەن مەيىرى ماڭگى ەسىمدە قالىپتى. كۇرەسپەن وتكەن ءومىر ناعىز ءومىر، مەن وسى قىزمەتتى قىزۋ سۇيەمىن، شينجياڭنىڭ پوچتا سالاسىنىڭ كۇن سايىن قارىشتاپ دامۋىن تىلەيمىن»، - دەدى ما جيانشين.


بەرىپ كەت ورامالىڭدى

دوستار

الىستاعى اق ەركە