جاڭا حابارلار

رايونىمىز ەڭ تومەنگى ەڭبەكاقى ولشەمىن 13 - رەت رەتتەدى

    كەلۋ قاينارى: شينجياڭ گازەتى    2018-03-29 20:44:29  
  ءتىلشىمىز سۋ لۋپيڭ 3 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى 3 - ايدىڭ 26 - كۇنى وتكىزگەن اقپار جاريالاۋ ماجىلىسىنەن ۇعىسۋعا قاراعاندا، تاياۋدا اۆتونوميالى رايوندىق حالىق ۇكىمەتى «شينجياڭ ۇيعۇر اۆتونوميالى رايونىنىڭ ەڭ تومەنگى ەڭبەكاقى ولشەمىن رەتتەۋ جونىندەگى حابارلاندىرۋىن» (تومەندە قىسقارتىلىپ «حابارلاندىرۋ» دەلىنەدى) تاراتىپ، اۆتونوميالى رايونىمىزدىڭ ەڭ تومەنگى ەڭبەكاقى ولشەمىن رەتتەيدى ەكەن. رەتتەلگەننەن كەيىنگى ولشەم 2018 - جىلى 1 - ايدىڭ 1 - كۇنىنەن باستاپ اتقارىلادى.
  «حابارلاندىرۋدا» مىنالار ايقىندالدى: وسى رەت رەتتەلگەننەن كەيىن ءار ايداعى ەڭ تومەنگى ەڭبەكاقى ولشەمى 2 ءتۇرلى فورمادا بولادى: ءبىرى، ەڭبەكشىنىڭ ءوزى تاپسىرعان زەينەتكەرلىك، جۇمىسسىزدىق، ەمدەۋ قامسىزداندىرۋى قاراجاتى جانە تۇرعىن ءۇي الەۋمەتتىك قورى سياقتى قاراجاتتار (تومەندە قىسقارتىلىپ «3 قامسىزداندىرۋ، ءبىر قور» دەلىنەدى) قامتىلعان ءار ايداعى ەڭ تومەنگى ەڭبەكاقى ولشەمى، بۇل 4 دارەجەگە ايىرىلادى، ياعني 1820 يۋان، 1620 يۋان، 1540 يۋان، 1460 يۋان، بۇلار جەكە - جەكە بۇرىنعى ولشەمنەن 150 يۋان كوبەيدى، ورتاشا ارتۋ مولشەرى %10.4؛ەندى ءبىرى، «3 قامسىزداندىرۋ، ءبىر قوردى» قامتىمايتىن ءار ايداعى ەڭ تومەنگى ەڭبەكاقى ولشەمى، بۇل 4 دارەجەگە ايىرىلادى، ياعني 1441 يۋان، 1241 يۋان، 1161 يۋان، 1081 يۋان، بۇلار جەكە - جەكە بۇرىنعى ولشەمنەن 109 يۋان دا 127 يۋان مولشەرىندە كوبەيدى، ورتاشا ارتۋ مولشەرى %10.5. رەتتەلگەننەن كەيىنگى ساعاتتىق ەڭ تومەنگى ەڭبەكاقى ولشەمى 4 دارەجەگە ايىرىلادى، بۇلار رەتى بويىنشا 18.2 يۋان، 16.2يۋان، 15.4يۋان، 14.6يۋان، جەكە - جەكە بۇرىنعى ولشەمنەن ساعاتىنا 5.1 يۋان كوبەيدى، ارتۋ مولشەرى %10.4.
  «حابارلاندىرۋدا» مىنالار تالاپ ەتىلدى: ءار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارى ۇگىت سەرپىنىن كۇشەيتىپ، ساياساتتى قاتاڭ تياناقتاندىرىپ، ەڭبەكشىلەردىڭ زاڭدى ۇقىق - مۇددەسىنە زيان جەتكىزەتىن ارەكەتتەردى قاتاڭ تەكسەرىپ ءبىر جايلى ەتىپ، ەڭبەكشىلەردىڭ نەگىزگى ۇقىق - مۇددەسىن قامتاماسىز ەتۋ كەرەك. ادام ىستەتۋشى ورىندار ەڭ تومەنگى ەڭبەكاقىنى قامتاماسىز ەتۋ ءتۇزىمىن سانالى اتقارىپ، قىزمەتكەرلەردىڭ ەڭبەكاقى كىرىسى وسى رەتكى رەتتەلگەننەن كەيىنگى ەڭ تومەنگى ەڭبەكاقى ولشەمىنەن تومەن بولسا، جاريالانعاننان كەيىنگى ەڭ تومەنگى ەڭبەكاقى ولشەمىنە تەز ارادا جەتكىزۋ ءارى 2018 - جىلى 1 - ايدىڭ 1 - كۇنىنەن باستاپ اتقارۋ، سونىمەن قاتار، تولىقتاپ بەرۋ كەرەك.
  ۇعىسۋعا قاراعاندا، ەڭ تومەنگى ەڭبەكاقى ولشەمى ەڭبەكشىنىڭ ءوزىنىڭ جانە ول باعىپ - قاعاتىن ادامداردىڭ ەڭ تومەنگى تۇرمىس قاجەتىن قامتاماسىز ەتەتىن ەڭبەكاقىنى قامتاماسىز ەتۋ ولشەمى بولىپ، ادەتتە ايلىق ەڭ تومەنگى ەڭبەكاقى ولشەمى مەن ساعاتتىق ەڭ تومەنگى ەڭبەكاقى ولشەمى فورماسى قولدانىلادى. ايلىق ەڭ تومەنگى ەڭبەكاقى ولشەمى تولىق كۇندىك جۇمىس ىستەيتىن ەڭبەكشىلەرگە، ساعاتتىق ەڭ تومەنگى ەڭبەكاقى ولشەمى تولىق كۇندىك جۇمىس ىستەمەيتىن ەڭبەكشىلەرگە قاراتىلعان. رايونىمىز 1995 - جىلى ەڭ تومەنگى ەڭبەكاقىنى قامتاماسىز ەتۋ ءتۇزىمىن ورناتۋدى بەكىتكەننەن تارتىپ بيىلعا دەيىن ەڭ تومەنگى ەڭبەكاقى ولشەمىن 13 - رەت رەتتەدى. وسى جولعى رەتتەۋدە جۇمىسسىزدىق قامسىزداندىرۋىنان يگىلىكتەنەتىندەرگە جاسالاتىن مامىلە جاقسارتىلادى؛ ەڭ تومەنگى ەڭبەكاقى ولشەمىمەن قاتىستى ەڭ تومەنگى زەينەتاقى قامسىزداندىرۋىنىڭ كەپىلدىك مولشەرى، ناۋقاس سەبەبىنەن دەمالعانداعى ەڭبەكاقى، قىزمەتكەرلەردىڭ جۇمىس كۇتكەن كەزدەگى تۇرمىس قاراجاتى سياقتى ولشەمدەر جوعارىلاتىلادى، قىزمەتكەرلەرگە بەرىلەتىن جارالانعاندار، مۇگەدەكتەر قوسىمشا قاراجاتى ەڭ تومەنگى ەڭبەكاقى ولشەمىنەن تومەن بولسا، تولىقتىرىپ بەرىلەدى.

بەرىپ كەت ورامالىڭدى

دوستار

الىستاعى اق ەركە