جاڭا حابارلار

جاڭالىق اشۋدى توقىماشىلىق كاسىپورىندارىنىڭ دامۋىنا جەتەكشىلىك ەتەتىن ءبىرىنشى قوزعاۋشى كۇشكە اينالدىردى

    كەلۋ قاينارى: شينجياڭ گازەتى    2018-03-29 20:49:01  

−الاتاۋ توقىماشىلىق كاسىپورىندارىنىڭ جاڭالىق اشا دامۋى تۋرالى
تىلشىلەرىمىز ياڭ شۋحان، حي حۇڭۋي، ەرىكتى ءتىلشى با .جينمىڭ

  3 - ايدىڭ 17 - كۇنى الاتاۋ حۋاماۋ توقىماشىلىق شەكتى سەرىكتەستىگىنىڭ ءجىپ ءيىرۋ سەحىنا باردىق، جىپ - جىلى سەحتىڭ ىشىندە گۇرىلدەگەن ماشينا ۇنىمەن بىرگە قىسقا جەڭدى جەيدە كيىنگەن سەح باستىعى جياڭ حۋاجىن ورالىپ بولعان جىپتەردى تەزدىكپەن قاداعالاي جيىپ جاتىر ەكەن.
  «ءجىپ ورالىپ بولعاننان كەيىن، قالعان جۇمىستى زەردەلى ماشينا ادام تىندىرادى، ءبىزدىڭ دە جۇمىسىمىز كوپ جەڭىلدەدى»، - دەدى جياڭ حۋاجىن كوتەرىڭكى كوڭىلمەن بۇرىشتا تۇرعان ماشينا ادامدى نۇسقاپ.
  جياڭ حۋاجىن بىلاي دەدى: ءجىپ وراۋ زەردەلى ماشيناسى مىنا 3 ۇلكەن ماسەلەنى شەشتى: ءبىرىنشى، كونە ماشينالاردى جاڭالاۋعا قولايلى بولدى، ۇرشىق پەن بىلىكتى اۋىستىرىپ جۇرمەيتىن بولدىق؛ ەكىنشى، ءجىپ بىرنەشە جەردەن ورالاتىن بولىپ، ءجىپ وراۋ ماشيناسىنىڭ ونىمدىلىگى جوعارىلادى؛ ءۇشىنشى، جۇمىسشىلار ىستەيتىن بىلىك اۋىستىرۋ، بىلىك ورناتۋ سياقتى ءداستۇرلى جۇمىستار ماشينا ادامعا جۇكتەلگەننەن كەيىن، جۇمىسشىلاردىڭ ەڭبەك اۋىرتپالىعى جەڭىلدەدى.
  «باس شۋجي شي جينپيڭ پارتيا 19 - قۇرىلتايىنداعى باياندامادا: جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش، وسىزاماندانعان ەكونوميكالىق جۇيە قۇرۋدىڭ ستراتەگيالىق تىرەگى دەپ اتاپ كورسەتتى». الاتاۋ حۋاماۋ توقىماشىلىق شەكتى سەرىكتەستىگىنىڭ باس ديرەكتورى تان ليياڭ بىلاي دەدى: سەرىكتەستىكتىڭ جەدەل دامۋىنداعى باستى سەبەپ جاڭالىق اشۋدا. كاسىپورنىمىز جونىنەن العاندا، جاڭالىق اشۋ − جاڭا باسقارۋ ۇلگىسىمەن، جاڭا وي جەلىمەن، جاڭا تەحنيكامەن كاسىپورىننىڭ دامۋىنا دەم بەرۋ بولىپ تابىلادى.
  «ءداستۇرلى توقىماشىلىق تەحنيكاسىنا ادام كۇشى كوپ جۇمسالادى، دەمەك، ءار ادامنىڭ قولىنان شىققان ءجىپتىڭ ساپاسى دا ءار ءتۇرلى دەگەن ءسوز، كونە ءداستۇرلى تەحنيكا جاڭا زامان تالابىنا ساي كەلمەي قالدى»، - دەدى تان ليياڭ.
  «ءداستۇرلى توقىماشىلىق كاسىبىن وزگەرتۋ، دەڭگەيىن جوعارىلاتۋ توتەنشە ماڭىزدى ءارى جاعدايدىڭ قاجەتى. سول ءۇشىن ءبىز جاڭالىق اشا دامۋدى بيىلعى باستى مىندەتىمىز ەتىپ، ءوندىرىس بارىسىندا ينفورماتسيالاندىرۋ مەن ىنتەرنەت + ۇلگىسىنەن پايدالاندىق»، - دەدى تان ليياڭ.
  تانىستىرۋعا قاراعاندا، كاسىپورىن تور جەلىسىندە تەكسەرۋدى ينفورماتسيالاندىرۋ جۇيەسىن ىسكە قوساتىن بولعان، بۇل جۇيە ءاربىر ءونىمدى اۆتوماتتى تەكسەرىپ، اۆتوماتتى سارالايدى، ءونىمنىڭ تولىمدىلىق سالىستىرماسى دا بارىنشا جوعارىلايدى. مۇنان سىرت، سايكەستى ينفورماتسيالاندىرۋ جۇيەسى دە سونىمەن قاتار ىسكە قوسىلادى ەكەن.
  الاتاۋ جالپى كەشەندى قورعامالى باجى اۋماعىنداعى تاعى ءبىر توقىماشىلىق كاسىپورنى − الاتاۋ جىن - دى مەديتسينالىق توقىماشىلىق شەكتى سەرىكتەستىگى دە (تومەندە قىسقاشا جىن - دى سەرىكتەستىگى دەلىنەدى) جاڭالىق اشۋ جولىندا العا نىق قادام تاستادى.
  ۇعىسۋىمىزشا، 2016 - جىلدان باستاپ، سەرىكتەستىك ەۆروپادان C70 ماقتا تالشىقتاۋ ماشيناسىن جانە اۆتوماتتى تۇيىنشەكسىز ءجىپ جالعاۋ ماشيناسى سياقتى ماشينالار ەنگىزگەن، جاڭا تيپتەگى ءجىپ ءيىرۋ جابدىقتارى سەرىكتەستىكتىڭ جىلدىق مەديتسينالىق ماقتا ءجىپ ءونىمىن 8000 تونناعا جەتكىزىپ، جىلدىق ساتىلىم كىرىسى 180 ميلليون يۋان شاماسىندا بولعان، ونىڭ ۇستىنە ونىمدىلىگى، ءونىم مولشەرى، ساپاسى دا جان - جاقتى جوعارىلاعان.
  «جۋىق جىلداردان بەرى، تەحنيكالىق جاڭالىق اشۋ قابىلەتىن جوعارىلاتۋ توقىماشىلىق كاسىپورىندارىنىڭ ورتاق تانىمىنا اينالدى. توقىماشىلىق كاسىپورىندارى دەربەس جاڭالىق اشۋ ارقىلى جاڭا وزەكتى باسەكەلەسۋ ابزالدىلىعىن قالىپتاستىرۋ ءۇشىن، عىلىم - تەحنيكادا جاڭالىق اشۋدىڭ وزەكتى رولىن كۇشەيتىپ، ينفورماتسيالاندىرۋ تەحنيكاسىمەن ىشكەرىلەي توعىستىرىپ، بازاردى مىقتاپ ارقاۋ ەتىپ، جاڭالىق اشۋ قوزعاۋشى كۇشىن نىعايتۋى كەرەك». جىن - دى سەرىكتەستىگىنىڭ باس ديرەكتورى چين سۇڭشياڭ تىلشىلەرگە الداعى جەردە كاسىپورىننىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە تەحنيكا جاڭالاۋ، تەحنيكا جالپىلاستىرۋ ءورىسىن ۇزدىكسىز كەڭەيتىپ، تەحنيكا دەڭگەيىن جوعارىلاتۋدان جابدىق، دارىندى، باسقارۋ ورەسىن جاپپاي جوعارىلاتۋعا دەيىن تىنباي جاڭالىق اشا دامىپ، جەلكەن جايىپ الىس ساپارعا جول الاتىندىعىن ايتتى.


بەرىپ كەت ورامالىڭدى

دوستار

الىستاعى اق ەركە