جاڭا حابارلار

بيىل حوشۇت اۋدانى كورىكتى اۋىل-قىستاق قۇرۋ اياق الىسىن جاپپاي ىلگەرىلەتتى

    كەلۋ قاينارى: شينجياڭ حالىق راديو ىستانسياسى    2018-03-30 13:32:28  

ستانسيامىزدىڭ تىلشىلەرى جين لەي مەن ۋاڭ يىڭنىڭ حابارىن تىڭداڭىزدار: بيىل، حوشۇت اۋدانى كورىكتى اۋىل-قىستاق قۇرۋ اياق الىسىن جاپپاي ىلگەرىلەتىپ، ءار ۇلت ەگىنشى-مالشىلارىنىڭ ءوندىرىس-تۇرمىس شارت جاعدايىن جاقسارتۋعا كۇش سالىپ، ءتۇرلى شارانى قاتار قولدانىپ، اۋىل-قىستاقتى كوركەيتۋ ستراتەگياسىن جەدەل اتقارۋ اياق الىسىن جەبەدى.
حوشۇت اۋدانى شىنتاران اۋىلى شىنتاران قىستاعىنا بارا قالساڭىز، اسفاليت جولدىڭ ەكى جاعالاۋىنداعى رەتتى ورنالاسقان كوگالداردى، ادەمى كوشە شامدارى مەن جاڭادان سالىنعان اۋلا داۋالى بىردەن نازارىڭىزدى اۋدارادى، تۇتاس قىستاق ەرەكشە تازا ءارى رەتتى كورىنەدى. 61 جاستاعى ساقا پارتيا مۇشەسى اسحات ءيبىرايىم اۋلاسىنداعى جەمىس اعاشتاردى بۇتاپ ءجۇر، قاز قاتار تىزىلگەن جەمىس اعاشتارى دا بۇرشىكتەي باستاعان. ول جەمىس اعاشى مايساسىن كوبىرەك جەتىلدىرىپ، ونى كورشىلەرىنە تاراتىپ، ولاردىڭ اۋلا شارۋاشىلىعىن دامىتۋىنا كومەكتەسپەكشى بولدى. قىستاقتاعى وزگەرىستى اۋىزعا العاندا، ول ەرەكشە تەبىرەنىستى سەزىمممەن بىلاي دەدى: «قىستاعىمىزعا اسفاليت جول جاتقىزىلىپ، كوشە شامدارى ورناتىلىپ، قۇبىر سۋى جەتكىزىلدى، پارتياعا، باس شۋجي شي جينپيڭگە العىسىمىز شەكسىز».
پارتيا 19-قۇرىلتايىنىڭ بايانداماسىندا، كاسىپتى كوركەيتۋ، ەكولوگيالىق ورتانى قونستانۋعا قولايلى ەتۋ، اۋىل سالتى وركەنيەتتى، وڭاۋى ءونىمدى، تۇرمىسى باي- باقۋاتتى بولۋ جالپى تالابىنا ساي، قالا مەن اۋىلدىڭ توعىسپالى دامۋى ءتۇزىلىس مەحانيزىمى مەن ساياساتتىق جۇيەسىن قۇرىپ جانە كەمەلدەندىرىپ، اۋىل شارۋاشىلىعى مەن اۋىل-قىستاقتىڭ وسىزاماندانۋ اياق الىسىن جەدەل ىلگەرىلەتۋ كەرەكتىگى اتاپ كورسەتىلدى. قازىر حوشۇت اۋدانىنداعى قىستاقتاردان كورىكتى اۋىل-قىستاق قۇرۋدىڭ قىزۋ ورلەۋگە كوتەرىلگەنىن كورۋگە بولادى. وتكەن جىلى كوكتەمدە، حوشۇت اۋدانى الدىمەن شىنتاران اۋىلى شىنتاران قىستاعى سىندى 3 اكىمشىلىك قىستاقتا ۇلگى كورسەتۋ ءتۇيىنىن قۇردى، كەيىن مۇنى تاعى 21 قىستاققا جالپىلاستىردى. ەكى جىل ۋاقىت جۇمساپ، 450 ميلليون يۋان قارجى قوسىپ، ءارقايسى اۋىل-قىستاقتىڭ تاسجولى، قۇبىر سۋى، دارەتحاناسى، تابيعي گازى، اۋلا داۋالى، جىلى قورا سىندى قۇرىلعىلارىن جاپپاي جاڭالاپ، اۋىل-قىستاقتىڭ نەگىزدىك قۇرىلعى قۇرىلىسىن بۇرىنعىدان دا كەمەلدەندىرىپ، الەۋمەتتىك قىزمەت وتەۋدى بۇرىنعىدان دا تياناقتاندىرىپ، تۇرمىس ورتاسىن ءتىپتى كورىكتەندىردى.
حوشۇت اۋدانى ۇساقتال اۋىلى سالياڭۋان قىستاعىندا، قىستاق ديحانى ما دۇڭيۇننىڭ جاڭا ءۇيىنىڭ تاعانى قالانىپ بولدى. بيىل، ول ىرىقتىلىقپەن كونە ءۇيىن شاعىپ، 28 مىڭ 500 يۋاندىق بەيقۇت ءۇي قوسىمشا قاراجاتىنا ءوتىنىش بەرىپ، تاس كىرپىشتەن كولەمى 100 شارشى مەتردەن اساتىن جاڭا ءۇي سالۋدىڭ قامىنا كىرىستى. ما دوڭيۇن كورىكتى اۋىل-قىستاق قۇرۋدى ەرەكشە قولدادى. ول: «شىنىندا ەرەكشە كەرەمەت، كوشەلەرى قالامەن بىردەي، تاپ -تازا، كوكالى دا بار، قاراعاندا وتە رەتتى كورىنەدى، تۇرمىس ورتاسى تازا دا رەتتى بولسا، كوڭىلىمىز دە سەرپىلىپ، سەرگىپ قالدى ەكەمىز»،-دەدى.
2017-جىلدان بەرى، حوشۇت اۋدانى ءار ۇلت حالىق بۇقاراسىنىڭ بەلسەندىلىگىن تولىق اتتانىسقا كەلتىرىپ، كورىكتى اۋىل-قىستاق قۇرۋدىڭ جوبا-جوسپارى مەن قۇرىلىس جۇرگىزۋ سياقتى ءتۇرلى ىستەرگە بەلسەنە ارالاستىرىپ، ەگىنشى- مالشىلار كوشە جولدارىنا سالىنعان ۇيلەر مەن قورالاردى وزدىكتەرىنەن شاعىپ، قۇرىلىس سالۋعا جول بەردى. حوشۇت اۋدانى تاعى كورىكتى اۋىل-قىستاق قۇرۋدى كەدەيلىكتەن قۇتىلدىرۋدان قامال الۋ، مالشىلاردى وتىرىقتاندىرىپ، بەيقۇت ءۇي سالۋ، ارتىق ەڭبەككۇشتى باسقا سالادا كاسىپتەندىرۋ سياقتىلارمەن ۇشتاستىرىپ، وڭىرلىك، ۇلتتىق ەرەكشەلىككە يە، مادەنيەتكە مۇراگەرلىك ەتكەن جاڭا اۋىل-قىستاق قۇرۋعا شابىتتاندىردى جانە ونى قولدادى. شىنتاران اۋىلدىق پارتكومنىڭ مۇشەسى جاڭ جۋان بىلاي دەدى: «ءار ءبىر وتباسى جاسىلداندىرۋ قۇبىر تورابىنىڭ ارقاسىندا، سۋعا يە بولعاننان كەيىن، اۋلا شارۋاشىلىعىمەن شۇعىلداندى، بىرنەشە ۇلگىلى قىستاق قۇرىپ، ولاردىڭ باعىمشىلىق، ەگىمشىلىك، تۇرمىس رايونىن جوبالاۋىنا كومەكتەستىك. اۋلا ىشىنەن، اۋلا سىرتىنا دەيىن، تۇتاس شىنتاران اۋىلى شىت جاڭا بەت-بەينەگە ەندى». كورىكتى اۋىل-قىستاق قۇرۋدا، حوشۇت اۋدانى تاعى اۋىل-قىستاقتاعى ارتىق ەڭبەككۇشتەردى، وتە-موتە كەدەي وتباسىنداعى قينشىلىعى بار بۇقارانى جاقىن ماڭنان، سول جەردىڭ وزىندە كاسىپتەنۋگە بەلسەنە باستاپ، ولاردىڭ كىرىسىن ارتتىرىپ، اۋقاتتانۋىنا كومەكتەستى. حوشۇت اۋداندىق تۇرعىن ءۇي-قۇرىلىس مەكەمەسىنىڭ سالياڭۋان قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى سۇن شينجۇن بىلاي دەدى: «كەدەيلەردى سۇيەمەلدەۋمەن ۇشتاستىرىپ، بۇرىنعىدان دا كوپ كەدەي ديحاندى، كورىكتى اۋىل-قىستاق قۇرۋدىڭ قۇرىلىس ورنىنا بارىپ جۇمىس ىستەپ، قىستاقتان شىقپاي-اق اقشا تابۋعا اتتانىسقا كەلتىردىك. ەڭبەكاقىنى دا كەشەۋىلدەتپەدىك، ديحاندار جاقسى ىستەسە ايىنا 4 مىڭ يۋاننان ارتىق، ال قالىپتى ىستەسە 3 مىڭ يۋاننان ارتىق ەڭبەكاقى الىپ، كەدەيلىكتەن قۇتىلدى».


بەرىپ كەت ورامالىڭدى

دوستار

الىستاعى اق ەركە