جاڭا حابارلار

قىزمەت اترەتى باس نىسانانى ارقاۋ ەتىپ، ماسەلە بەتالىسىن كورنەكتىلەندىرىپ، اۋىل-قىستاقتىڭ نەگىزگى ساتى پارتيا ۇيىمىنىڭ ۇيىستىرۋ قۋاتى مەن جاۋىنگەرلىك قۋاتىن ۇزدىكسىز كۇشەيتتى

    كەلۋ قاينارى: شينجياڭ حالىق راديو ىستانسياسى    2018-03-31 21:35:13  
ستانسيامىزدىڭ تىلشىلەرى سۇن ۋەي مەن يوپۇرعى اۋداندىق راديو ستانسياسىنىڭ ءتىلشىسى ماي جينپىڭنىڭ حابارىن تىڭداڭىزدار: يوپۇرعى اۋداندىق مادەنيەت، دەنە تاربيە-راديو-كينو-تەلەۆيزيا مەكەمەسىنىڭ تەرىم قالاشىعىنىڭ يەڭى وستاڭ قىستاعىنا تۇسكەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى باس نىسانانى ارقاۋ ەتىپ، ماسەلە بەتالىسىن كورنەكتىلەندىرىپ، اۋىل-قىستاقتىڭ نەگىزگى ساتى پارتيا ۇيىمىنىڭ ۇيىستىرۋ قۋاتى مەن جاۋىنگەرلىك قۋاتىن ۇزدىكسىز كۇشەيتتى.ءبىر جىلدان استام ۋاقىت قۇلشىنۋ ناتيجەسىندە، قىستاقتىڭ بەت-بەينەسىندە وراسان زور وزگەرىستەر تۋىلىپ، ءار ۇلت قىستاق تۇرعىندارىنىڭ كەدەيلىكتەن قۇتىلىپ بايۋ سەنىمى ءتىپتى دە بەكەمدەلە ءتۇستى.
«مىناۋ بۇگىن قوسىلعان 3 تونار، ەگەر كولەمىن كەڭەيتبەكشى بولساق، مىنا جەرگە تاعى 3 تونار، انا جەرگە ءبىر تونار سالۋىمىزعا بولادى».
تاپسىرىستىڭ مولايۋىنا ساي، يوپۇرعى اۋداندىق مادەنيەت، دەنە تاربيە-راديو-كينو-تەلەۆيزيا مەكەمەسىنىڭ تەرىم قالاشىعىنىڭ يەڭى وستاڭ قىستاعىنا تۇسكەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى يۇي جاۋۋىن مەن نان جابۋ كوپەراتيۆىنىڭ جاۋاپتىسى بۇل كۇندەرى بىرنەشە توناردى كوبەيتىپ، تيجارات كولەمىن كەڭەيتۋدى اقىلداسۋمەن قاربالاس.بىلتىر، قىستاققا تۇسكەن قىزمەت اترەتى قىستاقتاعى كەدەي وتباستارىنىڭ كاسىپتەنىپ كىرىسىن ارتتىرۋىنا كومەكتەسىپ، بايۋدىڭ باستاماشىلارىن قالاشىق بازارىنىڭ ماڭىنان نان جابۋ كوپەراتيۆىن قۇرۋعا ۇيىمداستىرعان بولاتىن.كەزەكتە، كوپەراتيۆتىڭ مۇشەسى17  گە جەتتى، مۇنىڭ 12 سى كەدەي تۇرعىندار.26 جاستاعى ءانۋار ماحمۇت بۇرىن دا نان جاۋىپ ساتقانىمەن، تيجاراتى جاقسى بولماي، كاسىبى توقتاپ قالعان ەدى.قازىر ول كوپەراتيۆتە تۇراقتى كاسىپتەنىپ، ايىنا4  مىڭ يۋاننىڭ ۇستىندە كىرىس كىرگىزۋدە.ول بىلاي دەدى : نان جابۋ كوپەراتيۆى مەنىڭ تۇرمىسىمداعى قيىنشىلىقتى شەشىپ قانا قالماي، تۇراقتى كىرىس كىرگىزۋىمە دە مۇمكىندىك جاسادى .بۇدان بىلاي وسىندا جاقسى ىستەپ، كوپەراتيۆتىڭ كولەمىن ۇلعايتىپ، ءتىپتى دە كوپ كەدەي وتباسىنىڭ كاسىپتەنۋىنە جول اشۋعا كومەكتەسەمىن.
نان جابۋ كوپەراتيۆىنىڭ جاۋاپتىسى اسەنجان ماحمۇت تىلشىگە بىلاي دەدى: «كوپەراتيۆىمىزدە باستابىندا 5 تونار، نان جاباتىن 15 ادام بار ەدى، كەيىنتىنەن تاپسىرىستىڭ مولايۋىنا بايلانىستى تاعى دا 3 تونار قوسىپ، ءتىپتى دە كوپ كەدەي وتباسىنداعىلاردى وسىندا كەلىپ جۇمىس ىستەۋگە ۇيىمداستىرۋدى جوسپارلادىق. قازىر پارتيانىڭ ساياساتى وتە جاقسى، ءبىز وسى ابزال ساياساتتاردان ۇتىمدى پايدالانىپ، ءتىپتى دە كوپ ادامنىڭ كەدەيلىكتەن قۇتىلىپ بايۋىنا كومەكتەسەمىز» .
قىستاق تۇرعىندارىنىڭ كىرىسىن ارتتىرۋ ارناسىن كەڭەيتىپ، بۇقارالىق قىزمەتتى تىڭعىلىقتى ىستەۋمەن بىرگە، قىستاقتا تۇرعان قىزمەت اترەتى جان-جاقتان قارجى توپتاپ، قىستاقتى كورىكتەندىرىپ، جول جانە توعان جاساپ، قىستاقتىڭ دامۋىنداعى قيىن ماسەلەلەردى شەشتى. قازىرگە دەيىن، ەڭبەك كۇشى كەمشىل قىستاق تۇرعىندارىنا 306 ادام رەت كومەكتەسىپ، 200 رەتتىڭ ۇستىندە ءتۇرلى الەۋمەتتىك قيمىل وتكىزىپ، قالىڭ كەدەي، قيىنشىلىعى بار بۇقاراعا پارتيانىڭ مەيىرىن شىنايى سەزىندىردى.قىستاقتاعى ساقا پارتيا مۇشەسى زىمىنسادىق بىلاي دەدى: «قىزمەت اترەتى كەلگەننەن كەيىن، قىستاعىمىزدا كوپتەگەن وزگەرىستەر بولدى، نەگىزگى ساتى پارتيا ۇيىمى قۇرىلىسىندا جاستارعا باستاماشى بولدى، ايەل پارتيا مۇشەسىن تاربيەلەۋ، باۋلۋ، دامىتۋ جاعىندا اسا ماڭىزدى رول اتقاردى؛ قىزمەت اترەتى اۋىل شارۋاشىلىق ءوندىرىسى، جەمىس اعاشى شارۋاشىلىعى جانە باسقادا قىزمەتتەردە بولسىن قىرۋار جۇمىس ىستەدى، ءبىز ولارعا ەرەكشە ريزامىز».
قىستاق پارتيا ياچەيكاسىنىڭ ورىنباسار شۋجيى روزى ماحمۇد بىلاي دەدى: «قىزمەت اترەتى كەلگەننەن كەيىن، جۇمىس ءبىتىرۋ، پارتيا قۇرىلىسى جاقتارىندا بىزگە جەتەكشىلىك ەتىپ، قىستاق كادرلارىنىڭ دەڭگەيىن جوعارىلاتۋعا كومەكتەستى. قازىر، ءبىزدىڭ قىزمەت ستيلىمىزدە زور جاقسارۋ بولدى، ديحاندار جۇمىستارىن ءبىتىرۋ ءۇشىن، ءبىزدى ىزدەپ كەلسە، جۇمىستارىن دەر كەزىندە ءبىتىرىپ بەرىپ، حالىق ءۇشىن قىزمەت ەتۋ قابىلەتىمىزدى جوعارىلاتىپ، قىستاق تۇرعىندارىنىڭ قىستاق كادرلارىنا بولعان سەنىمىن ارتتىردىق».
بيىل، قىزمەت اترەتى كۇش ۇستىنە كۇش قوسىپ، قوعام ورنىقتىلىعىن قورعاۋ، نەگىزگى ساتى ۇيىمىن نىعايتۋ، بۇقارالىق قىزمەتتى ويداعىداي ىستەۋ، حالىققا تيىمدىلىك جاساۋ ساياساتىن تياناقتاندىرۋ، اۋقاتتانۋ جولىن كەڭەيتۋ، كەدەيلىكتەن قۇتىلدىرۋدان قامال الۋدى ىلگەرىلەتۋ سياقتى قىزمەت مىندەتتەرىن ىشكەرىلەي اتقارىپ، «حالىق جاعدايى ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا قىستاقتا تۇرۋ قىزمەتىنەن ناقتىلى ونىمدىلىككە قول جەتكىزۋگە كەپىلدىك ەتەدى. قىزمەت اترەتىنىڭ باستىعى يۇي جاۋۋىن بىلاي دەدى: باس شۋجي شي جينپيڭ اۋىل شارۋاشىلىعىنىڭ قۇدىرەتتەنگەن-قۇدىرەتتەنبەگەندىگى، اۋىل-قىستاقتىڭ كوركەيگەن-كوركەيمەگەندىگى، ديحانداردىڭ اۋقاتتانعان-اۋقاتتانباعاندىعى، جاپپاي دوڭگەلەك داۋلەتتى قوعام قۇرۋدىڭ ساپاسىنا، جۇڭگوشا سوتسياليزمنىڭ وسىزاماندانۋىنىڭ ساپاسىنا سايادى دەپ اتاپ كورسەتكەن بولاتىن.بيىل، ءبىز اۋىل-قىستاق اۋلاسىن كورىكتەندىرۋ، جاسىلداندىرۋ، جارىقتاندىرۋ، وڭاۋ تەبىنىن ارتتىرامىز. قازىرگە دەيىن، ءتۇرلى قىزمەتتى ىستەۋ ارقىلى، قىستاقتاعى شامامەن 120 عا جۋىق تۇرعىننىڭ قاتەرلى كونە ۇيلەرىن تۇگەل شاقتىق، ديحاندار دا ىرىقتىلىقپەن اۋلا شارۋاشىلىعىمەن اينالىستى. ءبىز اۆتونوميالى رايوندىق پارتكومنىڭ پارمەندى باسشىلىعىندا، ءار ۇلت جۇرتشىلىعىمەن بىرگە تىنباي قۇلشىنۋ ارقىلى، جاپپاي دوڭگەلەك داۋلەتتى قوعام قۇرۋدى ءسوزسىز ءوز ۋاعىندا ورىنداي الامىز.

بەرىپ كەت ورامالىڭدى

دوستار

الىستاعى اق ەركە