جاڭا حابارلار

قىستاق تۇرعىندارىنىڭ جاناشىر جاندارى

    كەلۋ قاينارى: شينجياڭ حالىق راديو ىستانسياسى    2018-03-31 21:39:05  
ستانسيامىزدىڭ تىلشىلەرى سۇن ۋەي مەن يوپۇرعا اۋداندىق راديو ستانسياسىنىڭ ءتىلشىسى ماي جينپىڭنىڭ حابارىن تىڭداڭىزدار: يوپۇرعا اۋداندىق مادەنيەت، دەنە تاربيە -راديو -كينو -تەلەۆيزيا مەكەمەسىنىڭ تەرىم قالاشىعىنىڭ يەڭى وستاڭ قىستاعىنا تۇسكەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى باس نىسانانى ارقاۋ ەتىپ، ماسەلە بەتالىسىن كورنەكتىلەندىرىپ، اۋىل -قىستاقتىڭ نەگىزگى ساتى پارتيا ۇيىمىنىڭ ۇيىستىرۋ قۋاتى مەن جاۋىنگەرلىك قۋاتىن ۇزدىكسىز كۇشەيتتى. ءبىر جىلدان استام ۋاقىت قۇلشىنۋ ناتيجەسىندە، قىستاقتىڭ بەت-بەينەسىندە وراسان زور وزگەرىستەر تۋىلىپ، ءار ۇلت قىستاق تۇرعىندارىنىڭ كەدەيلىكتەن قۇتىلىپ اۋقاتتانۋ سەنىمى ءتىپتى دە بەكەمدەلە ءتۇستى.
«مىناۋ بۇگىن قوسىلعان 3 تونار، ەگەر كولەمىن كەڭەيتبەكشى بولساق، مىنا جەرگە تاعى 3 تونار، انا جەرگە ءبىر تونار سالۋىمىزعا بولادى».
تاپسىرىستىڭ مولايۋىنا ساي، يوپۇرعا اۋداندىق مادەنيەت، دەنە تاربيە-راديو-كينو-تەلەۆيزيا مەكەمەسىنىڭ تەرىم قالاشىعىنىڭ يەڭى وستاڭ قىستاعىنا تۇسكەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى يۇي جاۋۋىن مەن نان جابۋ كوپەراتيۆىنىڭ جاۋاپتىسى سوڭعى كۇندەرى بىرنەشە توناردى كوبەيتىپ، تيجارات كولەمىن كەڭەيتۋدى اقىلداسۋمەن قاربالاس. بىلتىر، قىستاققا تۇسكەن قىزمەت اترەتى قىستاقتاعى كەدەي وتباستارىنىڭ كاسىپتەنىپ كىرىسىن ارتتىرۋىنا كومەكتەسىپ، بايۋدىڭ باستاماشىلارىن قالاشىق بازارىنىڭ ماڭىنان نان جابۋ كوپەراتيۆىن قۇرۋعا ۇيىمداستىرعان بولاتىن. كەزەكتە، كوپەراتيۆتىڭ مۇشەسى 17 گە جەتتى، مۇنىڭ 12 سى كەدەي تۇرعىندار. 26 جاستاعى ءانۋار ماحمۇت بۇرىن دا نان جاۋىپ ساتقانىمەن، تيجاراتى جاقسى بولماي، كاسىبى توقتاپ قالعان ەدى. قازىر ول كوپەراتيۆتە تۇراقتى كاسىپتەنىپ، ايىنا 4 مىڭ يۋاننىڭ ۇستىندە كىرىس كىرگىزۋدە. ول بىلاي دەدى: «نان جابۋ كوپەراتيۆى تۇرمىسىمداعى قيىنشىلىقتى شەشىپ قانا قالماي، تۇراقتى كىرىس كىرگىزۋىمە دە مۇمكىندىك جاسادى. بۇدان بىلاي وسىندا جاقسى ىستەپ، كوپەراتيۆتىڭ كولەمىن ۇلعايتىپ، ءتىپتى دە كوپ كەدەي وتباسىنىڭ كاسىپتەنۋىنە جول اشۋعا كومەكتەسەمىن».
قىستاق تۇرعىندارىنىڭ كىرىسىن ارتتىرۋ ارناسىن كەڭەيتىپ، بۇقارالىق قىزمەتتى تىڭعىلىقتى ىستەۋمەن بىرگە، قىستاقتا تۇرعان قىزمەت اترەتى جان-جاقتان قارجى توپتاپ، قىستاقتى كورىكتەندىرىپ، جول جاساپ جانە توعان قازىپ، قىستاقتىڭ دامۋىنداعى قيىن ماسەلەلەردى شەشتى. قىستاقتاعى ساقا پارتيا مۇشەسى زىمىنسادىق بىلاي دەدى: قىزمەت اترەتى كەلگەننەن كەيىن، اۋىل شارۋاشىلىق ءوندىرىسى، جەمىس اعاشى شارۋاشىلىعى جانە باسقادا قىزمەتتەردە بولسىن قىرۋار جۇمىس ىستەدى، ولارعا ەرەكشە ريزامىز.
قىستاق پارتيا ياچەيكاسىنىڭ ورىنباسار شۋجيى روزى ماحمۇد بىلاي دەدى: قىزمەت اترەتى كەلگەننەن كەيىن، قىستاق كادرلارىنىڭ دەڭگەيىن جوعارىلاتۋعا كومەكتەستى. قازىر، ءبىزدىڭ قىزمەت ستيلىمىزدە زور وزگەرىس تۋىلدى، ديحاندار جۇمىستارىن ءبىتىرۋ ءۇشىن، ءبىزدى ىزدەپ كەلسە، جۇمىستارىن دەر كەزىندە ءبىتىرىپ بەرىپ، قىستاق تۇرعىندارىنىڭ قىستاق كادرلارىنا بولعان سەنىمىن ارتتىردىق.
بيىل، قىزمەت اترەتى كۇش ۇستىنە كۇش قوسىپ، قوعام ورنىقتىلىعىن قورعاۋ، نەگىزگى ساتى ۇيىمىن نىعايتۋ، بۇقارالىق قىزمەتتى ويداعىداي ىستەۋ، حالىققا تيىمدىلىك جاساۋ ساياساتىن تياناقتاندىرۋ، اۋقاتتانۋ جولىن كەڭەيتۋ، كەدەيلىكتەن قۇتىلدىرۋدان قامال الۋدى ىلگەرىلەتۋ سياقتى قىزمەت مىندەتتەرىن ونان ارى جەبەپ، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ»قيمىلى بويىنشا قىستاقتا تۇرۋ قىزمەتىنەن ناقتىلى ونىمدىلىككە قول جەتكىزۋگە كەپىلدىك ەتەدى. قىزمەت اترەتىنىڭ باستىعى يۇي جاۋۋىن بىلاي دەدى: بيىل، ءبىز اۋىل-قىستاق اۋلاسىن كورىكتەندىرۋ، جاسىلداندىرۋ، جارىقتاندىرۋ، وڭاۋ تەبىنىن ارتتىرامىز. قازىرگە دەيىن، ءتۇرلى قىزمەت ىستەلگەندىكتەن، ديحاندار ىرىقتىلىقپەن اۋلا شارۋاشىلىعىمەن اينالىستى. ءبىزدىڭ ءار ۇلت جۇرتشىلىعىمەن بىرگە تىنباي قۇلشىنۋ ارقىلى جاپپاي دوڭگەلەك داۋلەتتى قوعام قۇرۋدى،ءسوزسىز، ۋاعىندا ورىنداي الاتىندىعىمىزعا كامىل سەنەمىز.

بەرىپ كەت ورامالىڭدى

دوستار

الىستاعى اق ەركە