جاڭا حابارلار

اقسۋ ايماعى ءتۇرلى شارا قولدانىپ، جەمىس اعاشى كاسىبىنىڭ ساپاسىن جوعارىلاتىپ، ءونىمىن ارتتىردى

    كەلۋ قاينارى: شينجياڭ حالىق راديو ىستانسياسى    2018-04-01 12:39:26  
ستانسيامىز ءتىلشىسى جين لەي، ۋاڭ يىڭ مەن اقسۋ ايماقتىق راديو ستانسياسىنىڭ ءتىلشىسى چىن شيۇڭفەيدىڭ حابارىن تىڭداڭىزدار: اقسۋ ايماعى ءتۇرلى شارا قولدانىپ، جەمىس اعاشى كاسىبىنىڭ ساپاسىن جوعارىلاتىپ، ءونىمىن ارتتىرىپ، ديحانداردىڭ كىرىسىن مولايتىپ، اۋقاتتانۋىنا كومەكتەستى.
بۇل كۇندەرى اقسۋ ايماعىنداعى ديحاندار جەمىس اعاشىن بۇتاۋ، بۋدانداستىرۋ، تىڭايتقىش بەرۋ، دەرت-دەربەزدىڭ الدىن الۋ سياقتى جۇمىستارمەن قاربالاستىققا ءتۇستى. ءۇشتۇرپان اۋدانى وتباسى اۋىلى قۇمبۇلۇڭ قىستاعىنىڭ تۇرعىنى ابدۇللا راحمان تەحنيكتەردىڭ كومەگىندە ورىك اعاشى مەن جاڭعاق اعاشىن باپتاپ باسقارۋ تەحنيكاسىن تەز يگەرىپ الدى. ول بىلاي دەدى: ماماندار ۇيرەتكەن ورىك اعاشىن باپتاۋ تەحنيكاسىن تەز ۇيرەنىپ الدىم. بۇرىن مۇنان حابارىم جوق بولاتىن. بۇدان بىلاي ورىك اعاشى مەن جاڭعاق اعاشىن جاقسى باپتاپ باسقارىپ . كوبىرەك اقشا تابۋعا تالپىنامىن.
اقسۋ ايماعىنىڭ جەمىس اعاشى جالپى كولەمى 4 ميلليون 500 مىڭ مۋعا. مۇنداعى جەمىس بەرەتىن اۋماق 3 ميلليون 900 مىڭ مۋعا، جىلدىق جەمىس ءونىم مولشەرى 2 ميلليون 200 مىڭ تونناعا جەتىپ . ەرەكشە جەمىس اعاشى شارۋاشىلىعى سول جەردەگى ديحانداردىڭ كىرىسىن ارتتىرۋداعى تىرەكتى كاسىپكە اينالدى. جەمىس - جيدەكتىڭ ساپاسى مەن ونىمدىلىگىن جوعارىلاتۋ ءۇشىن. بيىل اۆتونوميالى رايوندىق ورمان شارۋاشىلىق تاراۋى مەن اقسۋ ايماعى سەلبەسىپ، مامانداردىڭ قىزمەت وتەۋ ۇيىرمەسىن قۇردى، ماماندار جەمىس باعىنا بارىپ . ديحاندارعا جەمىس اعاشىن قالاي باپتاپ باسقارۋ. دەرت-دەربەزدىڭ الدىن قالاي الۋ بلىمدەرىن ۇيرەتتى. سونىمەن قوسا اقسۋ ايماعى ءتۇرلى شارا قولدانىپ، اۋىل شارۋاشىلىق كاسىپتىك كوپەراتيۆىنىڭ باستاماشىلدىق رولىن بەلسەنە ساۋلەلەندىرىپ، ديحانداردىڭ كىرىسىن ارتتىرۋىنا كومەكتەستى. اقسۋ حۇڭفىڭ جەمىس -جيدەك كاسىپتىك كوپەراتيۆىنىڭ جاۋاپتىسى ۋي لينچيۇڭ: ءبىز ديحاندارمەن كەلىسىم جاساستىق. بۇل جەردىڭ ءونىمىن ءبىز جاۋاپتى بولىپ ساتىپ الامىز . ونان سوڭ ەگىنشىلىك بارىسىندا مامانداردى ۇسىنىس ەتىپ . كاسىپتىك جاقتان جەتەكشىلىك ەتتىرەمىز. بيىل 200 دەن استام ديحان وتباسىمەن كەلىسىم جاساستىق . مۇندا نەگىزگىسى جاڭعاق . جىلدىق كىرىس 20 ميلليون يۋانداي بولادى. مۇنىمەن بۇرىنعىدان دا كوپ ديحاندى اۋقاتتانۋعا باستايمىز.
بىلتر. اقسۋ ايماعى شينجياڭعا كومەكتەسكەن ولكە-قالالارمەن بىرلەسىپ «ون قالا. ءجۇز دۇكەن» ينجەنەرياسىن باستاپ، اۋىل شارۋاشىلىق ونىمدەرىنەن 100 مىڭ تونناسىن ساتىپ . جەرگىلىكتى ورىننىڭ ەرەكشە اۋىل شارۋاشىلىق ونىمدەرىن ساتۋدىڭ تىڭ جولىن اشتى. توقسۋ اۋدانى شياۋنيۋ جەمىس -جيدەك ديحاندار كوپەراتيۆىنىڭ جاۋاپتىسى نيۋ پىڭ: اتالعان شارا ونىمدەرىمىزدى ىشكى ولكەلەرگە ساتۋعا قولايلىلىق تۋدىردى، ءبىز ءبىر مىڭ 500 توننا شىلان مەن جاڭعاق ساتتىق. بۇل جوسپارداعىدان %15 ارتىق. 2018-جىلى ساتىپ الۋ تەبىنىن كۇشەيتىپ، 2 مىڭ توننا ساتۋعا قۇلشىنامىز،- دەدى.
سونىمەن بىرگە، اقسۋ ايماعى ەلەكتروندى ساۋدا كاسىپورىندارىن بەلسەنە قولداپ، ساتىلىم ارناسىن كەڭەيتتى. اقسۋ ايماعى ەلەكتروندى ساۋدا قوعامىنىڭ باستىعى جۋ شۋەسىن : 16 كوپەراتيۆ الما ساتادى. بىلتىر 12 مىڭ توننا الما ساتتىق . بيىلعى نىسانامىز 20 مىڭ تونناعا جەتكىزۋ،- دەدى.
كەزەكتە. اقسۋ ايماعى «اقسۋ الماسى» . «اقسۋ شىلانى». «اقسۋ جاڭعاعى» سەكىلدى 15 وڭىرلىك بەلگى سيپاتتى ءونىم جەتىلدىردى. بۇدان بىلاي، اقسۋ ايماعى بازار بايلىعىن ۇزبەي بىرىكتىرىپ، جەمىس -جيدەك ونىمدەرىنىڭ ساپاسىن جانە كاسىپتىڭ باسەكەلىك قۋاتىن جوعارىلاتىپ، اناعۇرلىم كوپ ديحاندى اۋقاتتانۋعا باستايدى. اقسۋ ايماقتىق الما قوعامىنىڭ باس حاتشىسى لو شاۋميڭ: "ءونىمنىڭ ساپاسى، اۋىل شارۋاشىلىق ونىمدەرىن تاۋارلاندىرىپ اينالىمعا سالۋ جاقتارىنا قىزمەت ەتۋدى جاقسارتامىز. ايگىلى ماركانى قورعاۋعا بارىنشا كۇش سالىپ . اقسۋ الماسىن ونىمدىلىگى جوعارى، اتاعى ايگىلى ماركاعا اينالدىرامىز. قازىرگى نەگىزدە، ديحانداردىڭ كىرىسىن ءبىر ەسە ارتتىرامىز"،- دەدى.

بەرىپ كەت ورامالىڭدى

دوستار

الىستاعى اق ەركە