جاڭا حابارلار

شىلان باقشاسىنداعى ۇلتتار ىنتىماعى سۇيىسپەنشىلىگى

    كەلۋ قاينارى: شينجياڭ حالىق راديو ىستانسياسى    2018-04-03 17:59:40  
ستانسيامىزدىڭ ءتىلشىسى ليۋ چياڭنىڭ حابارىن تىڭداڭىزدار: شەريا اۋدانى شەريا اۋىلى ارىش قىستاعىنداعى زەينەتكەر لي پىڭ ۇيعۇر قىستاق ديحاندارىمەن بىرگە، 8 جىلدا ءشول دالاعا مىڭ مۋدان ارتىق شىلان اعاشىن ەكتى، ءارى ولارمەن قويۋ سۇيسپەنشىلىك ورناتتى.
بۇرىنعىدان دا كوپ قىستاق ديحانىنىڭ كەدەيلىكتەن قۇتىلىپ، اۋقاتتانۋىنا كومەكتەسۋ ءۇشىن، شينجياڭ ءشول شىلان كاسىبى شەكتى سەرىكتەستىگىنىڭ باس جوراسى لي پىڭ جۋىردا شىلان كەپتىرۋ جابدىعىن جاڭادان ەنگىزىپ، ونى قىستاق ديحاندارىنىڭ تەگىن پايدالانۋىنا بەردى، ءارى قىستاق ديحاندارىنىڭ شىلانىن ساتۋىنا كومەكتەسۋگە ۋادە بەردى. لي پىڭ بىلاي دەدى: «ءونىمى ساتىلماسا، ولاردىڭ ءونىمىن ساتۋىنا كومەكتەسەمىن، بۇعان اقشا المايمىن، اقشاسى تۇگەل تىكەلەي وزىنە بەرىلەدى، بۇعان مەن ارالاسپايمىن، مۇنى ءبىز جان-جاقتىلى ويلادىق، ۇلتتار ىنتىماعىن قالاي جاقسارتۋ، قايتكەندە كەدەيلىكتەن قۇتىلىپ، اۋقاتتانۋعا بولادى، ءبىز تەك وسىعان عانا باس قاتىرامىز».
8 جىلدىڭ الدىندا، زەينەتكە شىققاننان كەيىن لي پىڭ اتا مەكەنى شەريا اۋدانىنىڭ قۇمايتتانعان ورتاسىن وزگەرتۋ ءۇشىن، شينجياڭ ءشول شىلان كاسىبى شەكتى سەرىكتەستىگىن قۇرىپ، شەريا اۋدانى شەريا اۋىلى ارىش قىستاعىندا ءشول دالاعا شىلان اعاشىن ەكتى، 8 جىلدا شىلان ەگىلگەن اۋماق 2 مىڭ مۋدان استى.
ارىش قىستاعىندا، جۇزدەن ارتىق ديحان لي پىڭ سەرىكتەستىگىنىڭ شىلان باقشاسىندا ۇزاق ۋاقىت جۇمىس ىستەدى، ەڭبەك ىستەۋ بارىسىندا، ولار قويۋ سۇيسپەنشىلىك ورناتتى. مامەتجان ءلتيپ بەس جىلدىڭ الدىندا لي پىڭ سەرىكتەستىگىنىڭ شىلان باقشاسىنا كەلىپ، جۇمىسقا ورنالاسقان بولاتىن، وسى اراعا كەلگەننەن كەيىن، كوپ وتپەي ول سوقىرىشەگى قابىنۋ ناۋقاسىنا شالدىعىپ، جاتاقحانادا تالىپ قالعاندا، لي پىڭ اۆتوموبيلمەن ونى شيپاحاناعا جەتكىزدى ءارى ونىڭ بارلىق ەمدەۋ قاراجاتىن تولەدى. مامەتجان ءلتيپ: «وسىندا جۇمىس ىستەۋدىڭ ارقاسىندا، وتباسىمىزدىڭ تۇرمىس شارت-جاعدايى جاقساردى، جاڭا ءۇي سالىپ الدىق، لي پىڭ باس جوراعا شىن جۇرەكتەن العىس ايتامىن»،-دەدى.
قازىر، لي پىڭ شىلاندى قۇنىتتاپ مانەرلەۋ ارقىلى قىستاق ديحاندارىنىڭ كىرىسىن بۇرىنعىدان دا جوعارلاتۋدى ويلاسۋدا. ول بىلاي دەدى: «ءوزىم ەككەن شىلاننىڭ ءونىم ماركاسىن ارىش دەپ تىزىمگە تىركەتتىم، قازىر مەنىڭ ەڭ ۇلكەن ارمانىم ـــ ەندىگى جەردە قۇلشىنىسىم ارقىلى ارىش قىستاعىنداعى ديحانداردىڭ كەدەيلىكتەن قۇتىلىپ، اۋقاتتانۋىنا بۇرىنعىدان دا جاقسى، بۇرىنعىدان دا تەز كومەكتەسۋ عانا».

بەرىپ كەت ورامالىڭدى

دوستار

الىستاعى اق ەركە