جاڭا حابارلار

قاجىرلىلىقپەن كۇرەس جاساپ، تىڭ ءومىر جولىن اشتى

    كەلۋ قاينارى: شينجياڭ حالىق راديو ىستانسياسى    2018-04-03 18:01:36  
ستانسيامىزدىڭ ءتىلشىسى حى فەيدىڭ حابارىن تىڭداڭىزدار: ءۇرىمجى قالاسى يىنچۋان كوشەسى فىڭ-ۋ تۇرعىندار رايونىنداعى ماري تاتەي كيىم جۋۋ دۇكەنىنىڭ جاۋاپتىسى ليۋ ۋانپيڭ تۇرمىسىندا قينشىلىق بولسادا، قاجىرلىلىقپەن كۇرەس جاساۋدىڭ ارقاسىندا، تىڭ ءومىر جولىن اشتى.
48 جاستاعى ليۋ ۋانپيڭنىڭ اۋماعى 100 شارشى مەتردەن اساتىن كيىم جۋۋ دۇكەنى بار، ونىڭ دۇكەنىنە كيىم جۋدىرۋعا كەلەتىندەر شاعىن رايونداعى تۇرعىنداردان سىرت، تاعى جاقىن ماڭداعىلار. ءبىر رەتتە قابىلدانعان كيىمدى جۋىپ، ۇتىكتەپ شىعارۋعا، ءتورت تە بەس ساعات ۋاقىت كەتەدى، ليۋ ۋانپيڭنىڭ كيىم جۋۋ ونىمدىلىگى وتە جوعارى ءارى ول وتە مۇقيات، ءار كۇنى الارماندار قىزمەتتەن ءتۇسىپ، كىرلەگەن كيىمدەرىن وعان اپارادى دا، ەكىنشى كۇنى جۋىپ دايارلانعان كيىمدەرىن اۋستىرىپ الىپ، توتە قىزمەتكە بارادى، ءبىراق وسى ءبىر قىزمەت ءۇردىسىنىڭ جۇزەگە اسۋى وڭاي ەمەس.
1994-جىلى ليۋ ۋانپيڭ مەن ونىڭ جۇبايى قىزمەتىن تاستاپ، ماناس اۋدانىنان ءۇرىمجى قالاسىنا كەلەدى، ولار ىلگەرىندى-كەيىندى ءىنجۋ-مارجان دۇكەنىن اشتى، جولاۋشى تاسىمال ىستەرمەن اينالىستى، ساياحات كاسىبىنىڭ دامۋىنا بايلانىستى، ولار تاعى قارىز اقشاعا اۋا رەتتەگىشى بار جوعارى دارەجەلى ەكى اۆتوبوس ساتىپ الىپ، ارنايى جولاۋشى تاسىمالىمەن دە شۇعىلداندى، ساياحات جولاۋشى تاسىمال ساۋداسى ەندى عانا جاندانا باستاعان كەزدە، ليۋ ۋانپيڭنىڭ جۇبايى جولاۋشى تاسىمالى بارىسىنداعى ءبىر رەتكى قاتىناس شىرعالاڭىندا وڭ اياعىنان ايىرىلدى. ليۋ ۋانپيڭ: «سول كەزدە ءومىر ساپارىمنىڭ بيىك شىڭىنان شىڭىراۋعا ءبىراق قۇلاپ تۇسكەندەي بولدىم، جۇبايىمدى ەمدەتۋگە، ىلگەرىندى-كەيىندى ءبىر ميلليون يۋاننان ارتىق قارجى جۇمسالدى، تاعى نەشە 100 مىڭ يۋان قارىزعا دا باتتىق، شاراسىزدىقتان باسىمىزداعى جالعىز باسپانامىزدى ساتىپ، ونىڭ ءبىر بولىمىمەن قارىز قايتاردىق، ءبىر بولىمىمەن وسى كيىم جۋۋ دۇكەنىن اشىپ، ءۇپى-ءتاپى تۇرمىسىمىزدى جالعادىق»،-دەدى.
العاشىندا تەحنيكانى يگەرە الماعاندىقتان، ونىڭ ۇستىنە شاعىن رايون جاڭادان اشىلىپ، تۇرعىنداردىڭ كوبى جاڭا ۇيلەرىنە كوشىپ كىرمەگەندىكتەن، ليۋ ۋانپيڭنىڭ كيىم جۋۋ دۇكەنى ۇدايى نەشە كۇن ءبىر پار كيىم دە جۋا الماي، ساۋداسى توقىراپ قالدى، قايسار ليۋ ۋانپيڭ بۇعان مويىماي تاباندىلىق ىستەدى. ليۋ ۋانپيڭ: «كەيبىر الارمانداردىڭ كيىمىنىڭ باعاسى نەشە مىڭ يۋاننان ون مىڭ يۋانعا دەيىن بارادى، ءبىراق ونىڭ جۋۋ اقىسى نە ءبارى 30 يۋان عانا، سول كەزدە مەن ولاردىڭ كيىمىن ءبۇلدىرىپ الۋدان قاتتى الاڭدايتىنمىن، سونىمەن ۇستىمىزدەن قارايتىن سەرىكتەستىككە اپارىپ، 100 يۋان اقشا تولەپ، ونى قاراپ تۇرىپ جۋدىرامىن ءارى وسى ءتاسىل ارقىلى تەحنيكا ۇيرەنەمىن؛ الارماننىڭ اكەلگەن كيىمدەرىنىڭ كەيدە ىشكى استارى جىرتىلىپ، سىمىنىڭ بالاعى سوگىلىپ نەمەسە تۇيمەسىنىڭ بوساپ قالعانىن بايقاسام، ونى تىگىپ، تۇيمەسىن مىقتاپ تاعىپ قويامىن، وعان ءبىر تيىن دا اقى المايمىن ءارى الارماندارعا دا ايتپايمىن، مۇقيات بولعاندىعىمنان بولار، بىرتىندەپ مەنىڭ كيىم جۋۋ دۇكەنىمە كەلەتىندەر مولايا باستادى»،-دەدى.
قازىر، وسى كيىم جۋۋ دۇكەنىنىڭ ارقاسىندا، ليۋ ۋانپيڭنىڭ وتباسى قينشىلىق قىسپاعىنان قۇتىلدى ءارى ول ۇزدىكسىز قۇلشىنۋعا كۇش سالدى. ول بىلاي دەدى: «قازىر تاعى ءۇي تازالاۋ قىزمەت وتەۋ كاسىبىن اشپاقشمىن، باس شۋجي شي جينپيڭ: «كۇرەسكەلەر عانا رۋحى دۇنيەسى ەڭ باي، باقىتتى سەزىنە الاتىن، باقىتتان يگىلىكتەنە الاتىن جاندار،-دەگەن بولاتىن. مەن قينشىلىقتى كوپ كوردىم، ءبىراق رۋحاني جىگەرىم ەش مۇقالعان جوق، سول سەبەپتى، جالعاستى قۇلشىنامىن».

بەرىپ كەت ورامالىڭدى

دوستار

الىستاعى اق ەركە