جاڭا حابارلار

تۇرپان شارۋالارى «كومىرسىز» تۇرمىستى باستادى

    كەلۋ قاينارى: شينجياڭ گازەتى    2018-04-03 19:36:07  

گازەتىمىزدىڭ تۇرپان تىلشىلەر پۋنكتىنەن شياۋ جيانجىن

 قىس ءوتتى، تۇرپان قالاسى ەدىقۇت رايونى كونە قالا جولى ءمالى باسقارماسى سۋگۇڭ مۇناراسى الەۋمەتتىك اۋماعىنىڭ ەگىنشىسى جاۋ جۇننىڭ وتباسى بۇرىنعىداي ءۇيىنىڭ ءىشى - سىرتىن قاعىپ - سىلكىپ، تازالامايتىن بولدى.
  «ەلەكتر ارقىلى جىلۋمەن قامدالاتىن بولعان سوڭ، ءۇي تازارىپ، قولىمىز بوساپ قالدى». كوكتەم مەرەكەسىنىڭ الدىندا، سۋگۇڭ مۇناراسى الەۋمەتتىك اۋماعىنداعى 34 ەگىنشىنىڭ ۇيىنە ەلەكترمەن جىلىتاتىن پەش نەمەسە قۋات ساقتايتىن ەلەكترلى جىلىتقىش ورناتىلدى. جاۋ جۇن تىلشىگە: بۇرىن قىستا ءار كۇنى ەرتە پەشكە كومىر سالىپ، جاۋىپ تاستاپ، كەشتە ۇيگە قايتقاندا پەشتى قايتا اشاتىنبىز، سوندا ءۇي ءبىر ساعات دەگەندە ارەڭ جىلىناتىن. كۇندە كۇلدى - كومەش بولىپ، ءۇيدىڭ ءىشى - سىرتى اۋزى - مۇرنىنان شىعىپ جاتاتىن. قازىر ەلەكتر ارقىلى جىلۋمەن قامداۋعا جاردەماقى بەرىلەدى، ونىڭ ۇستىنە ول تازا ءارى قولايلى ەكەن، حالىققا ءتيىمدى جاقسى ءىس دەگەن وسى عوي! - دەدى.
  جاۋ جۇن وتباسىنىڭ «كومىرسىز» تۇرمىسقا قادام تاستاۋى ەدىقۇت رايونىنىڭ «اۋىل - قىستاقتى ەلەكترلەندىرۋدى» تۇيىندە سىناق ەتۋ قىزمەتىن ىلگەرىلەتۋىنىڭ ارقاسى. قازىر بۇل ينجەنەريا جەدەل جۇرگىزىلۋدە، بيىل تۇرپان قالاسى 48 مىڭ 950 شارشى مەتر كەلەتىن 444 شارۋا ۇيىندە، 149 مىڭ 902 شارشى مەتر كەلەتىن 157 الەۋمەتتىك قىزمەت كورسەتۋ ورنىندا «اۋىل - قىستاقتى ەلەكترلەندىرۋدى» تۇيىندە سىناق ەتۋ قىزمەتىن ورىندايدى.
  3 - ايدىڭ 21 - كۇنى تۇستەن بۇرىن، سۋگۇڭ مۇناراسى الەۋمەتتىك اۋماعىنىڭ ەگىنشىسى جي گوچىڭ مەن ايەلى ۇيىندەگى قۋات ساقتايتىن ەلەكترلى جىلىتقىشتى ىسكە قوستى. «ءبىز كەشتە ساعات 11دە توككە قوسىپ، تاڭەرتەڭ ساعات 8دە توقتاتامىز، جىلۋ قۋاتىن ەلەكترلى جىلىتقىش وزىنە ساقتاپ الادى دا، كۇندىز جىلۋ شىعارىپ تۇرادى»، - دەيدى جي گوچىڭ، - «بىزدە ەلەكتر قۋاتى پايدالانىلۋىنىڭ كوپ - ازدىعى بويىنشا ۋاقىت بولەكتەرىنە قاراي ايىرماشىلىقتى ەلەكتر باعا ءتارتىبى اتقارىلادى، ەلەكتر قۋاتى از پايدالانىلاتىن كەزدەگى ەلەكتردىڭ ءار كيلوۆات - ساعاتى ارەڭ 0.10 يۋان».
  ەدىقۇت كونە قالا جولى ءمالى باسقارماسى شينچۇن الەۋمەتتىك اۋماعىنداعى 12 ەگىنشى وتباسى بىلتىر «كومىردى ەلەكترگە اۋىستىرعان»، بۇعان قاجەتتى قاراجاتتىڭ كوپشىلىگىن ۇكىمەت كوتەرىپ، وتباسىلارعا ەلەكتر كابەلىن جەتكىزۋ ءۇشىن تۇتىنۋشىعا 600 يۋان جاردەماقى بەرىلگەن، تۇرعىندار تەك ەلەكترمەن جىلىتاتىن جابدىقتار الۋعا كەتەتىن قاراجاتتىڭ از بولەگىن عانا تولەگەن، تۇندە ەلەكتر باعاسى تومەن بولاتىندىقتان، تۇرعىنداردىڭ ەلەكتر پايدالانۋ وزىندىك قۇنى بارىنشا تومەن بولعان.
  «جاردەماقى ساياساتى جاقسى بولعاندىقتان، ونىڭ ۇستىنە ءار ۇلت بۇقاراسىنىڭ تۇتىنۋ ادەتى وزگەرگەندىكتەن، جۇرت تا ەلەكتر ارقىلى جىلۋمەن قامداۋعا اۋىسۋدى قالادى»، - دەدى مەملەكەتتىك ەلەكتر جەلىسى تۇرپان ەلەكترمەن قامداۋ سەرىكتەستىگىنىڭ جاۋاپتىسى. ونىڭ ايتۋىنشا، «كومىردى ەلەكترگە اۋىستىرۋ» ينجەنەرياسى جۇرگىزىلگەن سوڭ، تۇرپاننىڭ ەلەكترمەن قامداۋ قۋاتى كوپ جوعارىلاپ، قىستاق تۇرعىندارى بۇرىنعىداي توك ءۇزىلىپ قالۋدان الاڭدامايتىن بولىپتى. قىستاق تۇرعىندارىنىڭ تۇرمىس ساپاسىن جوعارىلاتۋدان تىس، ينجەنەريانىڭ ەكولوگيالىق اسەرى دە ايتارلىقتاي بولعان.
  بىلتىر توقسۇن اۋدانى عولبۇيى اۋىلىنىڭ سور قىستاعى، قاسقىر قىستاعى «اۋىل - قىستاقتى ەلەكترلەندىرۋ» تۇيىندە سىناق ەتىلەتىن قىستاق بولىپ بەلگىلەنىپ، تۇيىنگە 114 وتباسى قامتىلعان. بيىل 3 - ايدىڭ 22 - كۇنى، قىستاق تۇرعىنى ياڭ سايجيڭنىڭ ۇيىندە، ەلەكترمەن جىلىتاتىن قۇرىلعى اس ۇيگە ورناتىلدى.
  «بۇرىن كومىر پەش قولداناتىنبىز، كومىر اكەلىپ، وت جاعىپ، ابىگەر بولىپ جاتۋشى ەدىك. قازىر ەلەكترمەن جىلىتاتىن قۇرىلعى قولداناتىن بولدىق، بۇل ءوزى قولايلى ءارى تازا، اقىسى دا بۇرىنعىدان ارزان، وتە جاقسى ەكەن، ءبىز بۇل كۇندى قانشاما كۇتتىك!»، - دەدى ياڭ سايجيڭ قۋانا.
  «اۋىل - قىستاقتى ەلەكترلەندىرۋدىڭ جۇرگىزىلۋى تۇرپان قالاسىنىڭ ءوڭىر ىشىندەگى ەلەكتر قۋاتىن تۇتىنۋ بازارىن كەڭەيتۋىنە دەم بەرىپ، ەلەكتر قۋاتىنىڭ ءداستۇرلى تۇتىنىلۋ ءتاسىلىن جاقسارتىپ، اناعۇرلىم تازا ەنەرگيا تۇتىنۋ جۇيەسىن ورناتىپ، ەلەكتر قۋاتىنىڭ كوپ دەڭگەيدە پايدالانىلۋىن جۇزەگە اسىرادى»، - دەدى تۇرپان قالاسىنىڭ ورىنباسار باستىعى شيە چياڭ. «كومىردى ەلەكترگە اۋىستىرۋ ينجەنەرياسى جاڭا تەحنولوگيانى عانا ەمەس، ۇستانىمدا جاڭالىق اشۋدى دا قاجەت ەتەدى، ۇكىمەت، كاسىپورىن، جەكە ادامدار سەلبەسە وتىرىپ شارۋالاردىڭ ەلەكتردەن پايدالانۋ، جىلۋمەن قامدالۋ سياقتى ماسەلەلەرىن شەشۋى، اقىنى تومەندەتۋ نەگىزىندە، شارۋالاردىڭ تۇرمىس ساپاسىن جوعارىلاتىپ، ەلەكتر قۋاتىنىڭ تۇتىنىلۋ دەڭگەيىن كوتەرەدى»، - دەدى ول.
  شيە چياڭ تۇرپان قالاسىنىڭ تۇرپاننىڭ كومىر ەلەكتر سالاسىنىڭ قامداۋ جاعىنداعى قۇرىلىمدىق رەفورماسىن بار كۇشپەن ىلگەرىلەتىپ، ەنەرگيا ۇنەمدەپ، لاس زاتتاردىڭ شىعارىلۋىن ازايتۋدىڭ قۇرىلىمدىق قايشىلىعىن شەشىپ، «ەلەكترلەنگەن» تۇرپان قۇرىلىسىن جەدەلدەتىپ، اناعۇرلىم كوپ شارۋالاردىڭ «كومىرسىز» تۇرمىس وتكىزۋىنە مۇمكىندىك جاسايتىندىعىن ءبىلدىردى.


بەرىپ كەت ورامالىڭدى

دوستار

الىستاعى اق ەركە