جاڭا حابارلار

قۇمىل قالاسى جاسىل فينانس ءتۇزىلىس مەحانيزمىنە جاڭالىق اشۋدى جەدەلدەتتى

    كەلۋ قاينارى: شينجياڭ حالىق راديو ىستانسياسى    2018-04-07 00:11:48  
ستانسيامىزدىڭ تىلشىلەرى حى بيڭ، لان تيان، قۇمىل راديو ستانسياسىنىڭ تىلشىلەرى شى سايحى، جاۋ يەلەردىڭ حابارىن تىڭداڭىزدار: قۇمىل قالاسى جاسىل فينانس ءتۇزىلىس مەحانيزمىنە جاڭالىق اشۋدى جەدەلدەتىپ، فينانستىڭ ەكولوگيالىق قورشاعان ورتانى جاقسارتۋدا، بايلىقتى ۇنەمدەپ، ءونىمدى پايدالانۋدا تىرەك بولۋ رولىن ساۋلەلەندىرىپ، قۇرىلىمدى رەتتەپ،ءتاسىلدى وزگەرتىپ، ەكونوميكانىڭ ءتيىپ جاڭالاپ، دارەجەسىن جوعارىلاتۋىن ىلگەرلەتتى.
شينجياڭنىڭ مەملەكەت تاسجولى 575 -لەنياسىنداعى باركول-قۇمىل تاسجولى قۇرىلىسى نىسانىنىڭ مەڭگەرۋ سيپاتتى ينجەنەرياسى-شىعىس تيانشان ەرەكشە ۇزىن تۋنەلىنىڭ بۇرعىلاۋ-قوپارۋ، تازالاۋ، تىرەۋ قويۋ، سەمەنت قويمالجىڭىن بۇركۋ سياقتى جۇمىستارى قاربالاس جۇرگىزىلۋدە. جۇڭگو قاتىناس قۇرىلىسى توبى قۇمىل قاتىناس قۇرىلىسى شەكتى سەرىكتەستىگى ينجەنەريا ءبولىمىنىڭ ورىنباسار مەڭگەرۋشىسى شى رۇيزى تىلشىگە، وسى نىساننىڭ بەكىتىلگەن جالپى مەجە ەسەبى 6 ميلليارد 17 ميلليون يۋان بولعانىن، وسىنداي مول قارجىنىڭ قوسىلۋى جاسىل فينانستىڭ قولداۋىنىڭ ارقاسى ەكەنىن ايتا كەلىپ بىلاي دەدى: «ءبىز تۋنەلدىڭ شىعار اۋزىنان تۋنەلدىڭ كىرەر اۋىزىنا دەيىنگى جالپى ۇزىندىعى ءبىر مىڭ 700 نەشە مەتر كەلەتىن تاۋدى تەستىك، شىعىس تيانشانتۋنەلى تيانشان تاۋىن كەسىپ وتەدى، جەر بەدەرى دە نەداۋىر كۇردەلى، قاتىستى فينانس قۇرىلىمدارىنىڭ قولداۋى بولماسا قۇرىلىستى جۇرگىزۋ كاسىپورىنعا بەلگىلى قيىندىقتاردى الا كەلۋى مۇمكىن ەدى».
2017-جىلى 6-ايدا، قۇمىل قالاسى مەملەكەتتىك جاسىل فينانس رەفورماسىنا جاڭالىق اشۋ سىناق رايونى بولىپ تۇراقتاندى. قۇمىل قالاسى «ءبىر ۇيتقى، قوس ارنادا جەبەۋ، ءۇش ءىرى ورنالاستىرۋ» ستراتەگيالىق ورنالاستىرۋى بويىنشا، سىناق رايونى قۇرىلىسىن بەلسەنە ىلگەرىلەتتى، مۇندا ماڭداي الدى قىزمەت-نىساندى ساراپتاۋ ولشەمىن تۇراقتاندىرۋ بولدى. قۇمىل قالالىق فينانس كەڭسەسىنىڭ قىزمەتكەرى جاڭ جۇن بىلاي دەدى: «جاسىل نىساندى ساراپتاۋ ولشەمى ەكى ءتۇرلى، ءبىرى قورشاعان ورتاعا بەلسەندى رول اتقاراتىن ولشەم، ەندى ءبىرى قورعاشان ورتاعا كەرى اسەر جاسامايتىن ولشەم. قازىر، قۇمىل قالاسى جاسىل نىسان قويماسىنان 61 ىن العاشقى ادىمدا سارالاپ بەكىتتى».
باس شۋجي شي جينپيڭ: «جاڭالىق اشۋ سيپاتتى فينانس ءتۇزىمى ورنالاستىرۋى ارقىلى، اناعۇرلىم كوپ قوعامدىق كاپيتالدى جاسىل كاسىپكە ويىسۋعا باستاۋ جانە شابىتتاندىرۋ كەرەك»، ــ دەپ اتاپ كورسەتتى. وسى تالاپ بويىنشا، قۇمىل قالالىق ساۋدا بانكەسى قورشاعان ورتا جاعىنداعى ءبىر داۋىسپەن تەرىستەۋ ءتۇزىمىن سەنىمدى قارىز الۋعا رۋحسات ەتۋدىڭ وزەكتى مازمۇنى ەتتى. قۇمىل قالالىق ساۋدا بانكەسى ءتارتىپ تەكسەرۋ كوميتەتىنىڭ شۋجيى، بانكەنىڭ ورىنباسار باستىعى حۋاڭ شياۋجۇن بىلاي دەدى: «تازا ەنەرگيا، ەنەرگيا ۇنەمدەپ، لاس زات شىعارۋدى ازايتۋ، بىلعانىشتىڭ الدىن-الۋ جانە ونى وڭاۋ سياقتى 9 ءىرى سالانى قولداپ شابىتتاندىردىق، سونىمەن بىرگە، ءبىز وسى جاسىل ءدالىزدى اشىپ، قارىز بەرۋدىڭ جالپى بارىسىن الدىڭعى مەرزىمدىك تەكسەرۋ، بەكىتۋ جانە تاراتۋعا شوعىرلاندىرىپ، ەڭ قىسقا ۋاقىت ىشىندە ورىندادىق، ءوسىم جاعىندا دا تيىمدىلىك جاساپ، كاسىپورىننىڭ قارجى اينالىسى وزىندىك قۇنىن ءونىمدى تومەندەتتىك».
باس شۋجي شي جينپيڭ «جاسىل فينانستى دامىتۋ جاسىل دامۋدى جۇزەگە اسىرۋدىڭ ماڭىزدى شاراسى»، ــ دەپ اتاپ كورسەتتى. قۇمىل قالالىق قازىنا مەكەمەسى پارتگرۋپپاسىنىڭ مۇشەسى، فينانس كەڭسەسىنىڭ ورىنباسار مەڭگەرۋشىسى ليۋ ياڭ بىلاي دەدى: «جاسىل فينانستىڭ جارىق ەلەكتر قۇرىلىسى، كومىردى تازارتىپ پايدالانۋ سياقتى ءبىر سىپىرا ماڭىزدى ەكولوگيالىق قورشاعان ورتا قۇرىلىسى نىسانىنداعى رولىن ساۋلەلەندىرىپ، قۇمىل قالاسىنىڭ ەكونوميكا ساپاسى مەن ونىمدىلىگىن ارتتىرۋدى جەبەيمىز. ءبىز باس شۋجي شي جينپيڭنىڭ جاسىل دامۋدى ىلگەرىلەتۋ جونىندەگى تالابى بويىنشا، قۇمىل قالاسىنىڭ جاسىل نىسان قويماسى قۇرىلىسى قىزمەتىن اناعۇرلىم تولىقتاپ، ءتۇرلى كاسىپتى جاسىلداندىرىپ وزگەرتۋدى ۇزدىكسىز ىلگەرىلەتىپ، رەفورمادا جاڭالىق اشۋ سىناق رايونى قۇرىلىسى ارقىلى، قۇمىل قالاسىنىڭ جاسىل، اقاۋسىز، باياندى دامۋىن جەبەيمىز».

بەرىپ كەت ورامالىڭدى

دوستار

الىستاعى اق ەركە