جاڭا حابارلار

شينجياڭنىڭ ەلەكتر قۇرىلىسى تاريحىندا تالايلاعان بىرىنشىلەر جارىققا شىقتى

    كەلۋ قاينارى: شينجياڭ گازەتى    2018-04-08 11:25:41  

− شىعىس جوڭعار ۋاننان 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ شينجياڭ بولىگى تۇتاس جەلى بويىنشا تولىق تۇتاستىرىلعاندىعى تۋرالى
ءتىلشىمىز چىن چياڭۋي

3 - ايدىڭ 29 - كۇنى قازىرگى تاڭدا دۇنيە جۇزىندەگى كەرنەۋ دارەجەسى ەڭ جوعارى، جەتكىزۋ سيىمدىلىعى ەڭ ۇلكەن، جەتكىزۋ ارالىعى ەڭ ۇزاق، تەحنيكالىق دەڭگەيى ەڭ وزىق ەرەكشە جوعارى كەرنەۋلى توك جەتكىزۋ ينجەنەرياسى − شىعىس جوڭعار − ۋاننان 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ شينجياڭ بولىگى تۇتاس جەلى بويىنشا تۇتاستىرىلدى

  شىعىس جوڭعار − ۋاننان 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ەلەكتر ينجەنەرياسى شينجياڭ، گانسۋ، نيڭشيا، شانشي، حىنان، انحۇي سياقتى 6 ولكەنى (اۆتونوميالى رايون) باسىپ وتەدى. ينجەنەريانىڭ شينجياڭ بولىگىندەگى قۇرىلىسى 2016 - جىلى 5 - ايدا باستالعان، جەمسارى، شونجى، موري، قۇمىل سياقتى 4 اۋداندى (قالا) باسىپ وتەدى، ۇزىندىعى 598.684 كيلومەتر، جيىنى 1109 بازالىق مۇنارا بار.
   اتالعان ينجەنەريانىڭ باستالعان جەرى رەتىندە، سوڭعى 2 جىلداعى قۇرىلىس ارقىلى، شينجياڭ بولىگىندەگى جەلىنىڭ نەگىزگى تۇلعالىق ينجەنەرياسى نەگىزىنەن ورىندالىپ، بيىل 6 - ايدا تولىعىمەن بىتۋىنە مىعىم نەگىز قالاندى. قۇرىلىس قيىندىعى ەرەكشە اۋىر ينجەنەريادا قۇرىلىسشىلار قيىن ماسەلەلەردە ءبىر - بىردەن قامال الىپ، شينجياڭنىڭ ەلەكتر قۇرىلىسى تاريحىندا جاڭا شۇعىلالى ناتيجە جاراتتى
  تۇڭعىش رەت 750 كيلوۆولتتان جوعارى توك جەتكىزۋ جەلىسىنەن ءوتتى

    3 - ايدىڭ 29 - كۇنى جەمسارى اۋدانىنداعى شىعىس جوڭعار ەكونوميكالىق - تەحنيكالىق اشۋ رايونىندا شىعىس جوڭعار − ۋاننان 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ شينجياڭ بولىگى 1 - بولىگىنىڭ قۇرىلىس ورنىندا 1250 شارشى ميلليمەترلىك ەڭ سوڭعى 2 تال ەرەكشە جوعارى كەرنەۋلى ەلەكتر سىمىنىڭ ەرەكشە جوعارى كەرنەۋلى N0008 جانە N0009 بازالىق مۇنارالارىن ءساتتى تۇتاستىرۋىمەن، وسى ينجەنەريانىڭ شينجياڭ بولىگى جەلى بويىنشا تولىق تۇتاستىرىلدى

  قۇرىلىس ورنىنداعى قۇرىلىسشىلار الاقايلاپ، قول سوعىپ، وسى تاريحي ءساتتى قۇتتىقتادى. بۇلاردىڭ قاتارىندا مەملەكەتتىك ەلەكتر تورى شينجياڭ ەلەكتر شەكتى سەرىكتەستىگى ەكونوميكالىق - تەحنيكالىق زەرتتەۋ مەكەمەسى قۇرىلىس باسقارۋ ورتالىعى تاپسىرىس بەرۋشىلەر نىسانى ءبولىمىنىڭ ورىنباسار مەڭگەرۋشىسى شۇي يۇيبو دا بار ەدى.

  ول شينجياڭ بولىگىنىڭ الدىڭعى مەرزىمدىك جۇمىسىنان باستاپ قاداعالاي كىرىسكەن. سوڭعى 2 جىلدا شينجياڭ بولىگىندەگى 5 بولىكتىڭ جۇمىستارىنا ارالاسىپ، ءاربىر نىساننىڭ جۇرگىزىلۋ جاعدايىنا ابدەن قانىقتى

  شۇي يۇيبو بىلاي دەدى: وسى ينجەنەريادا شينجياڭنىڭ ەلەكتر قۇرىلىسى تاريحىنداعى تالايلاعان بىرىنشىلەر جارىققا شىقتى. شينجياڭ بولىگىندەگى ەلەكتر سىمىن تارتۋدا 6 رەت 750 كيلوۆلتتىق، 4 رەت 500 كيلوۆولتتىق ەلەكتر جەلىسىنەن وتتىك، مۇنىڭ بارلىعى شينجياڭنىڭ ەلەكتر قۇرىلىسىندا تۇڭعىش رەت بولىپ وتىر .

 3 - ايدىڭ 29 - كۇنى 1100± ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ شينجياڭ بولىگى 750 كيلوۆولتتىق ەلەكتر جەلىسىنەن ءبىر مەزگىلدە 2 رەت ءوتتى. بۇل جەردەگى 750 كيلوۆولتتىق جيجيحۋ - ۋسايۋان 1 -، 2 - جەلىلەرى − شينجياڭ ەلەكتر تورى تيانشان شىعىس اينالما تورىنىڭ ماڭىزدى قۇرامداس ءبولىمى، 2015 - جىلى ىسكە قوسىلعان .

  وسى رەتتە وتكىزىپ قۇرىلىس جۇرگىزۋ ارقىلى جەلىنى تۇتاستىرعان ەرەكشە جوعارى كەرنەۋلى N0008 جانە N0009 بازالىق مۇنارالاردىڭ اراسى 283 مەتر، 2 مۇنارانىڭ بيىكتىگى جەكە - جەكە 101 مەتر جانە 103 مەتر كەلەدى، 750 كيلوۆولتتىق جەلىنىڭ ەڭ بيىك جەردەگى ەلەكتر سىمىنىڭ جەردەن بيىكتىگى 38 مەتر. ەلەكتر سىمىن وتكىزۋ جۇمىسى ورىندالعان سوڭ، ەرەكشە جوعارى كەرنەۋلى توك جەتكىزۋ ينجەنەرياسىنىڭ ەلەكتر سىمى مەن وتكىزىلگەن جەلى اراسىنداعى ۆەرتيكال ارالىق 27.84مەتر بولدى.

 «ەرەكشە جوعارى كەرنەۋلى ەلەكتر سىمى مۇناراسىنىڭ بيىكتىگى 750 كيلۆولتتىق ەلەكتر سىمىنىڭ مۇناراسىنىڭ ورتاشا بيىكتىگىنىڭ ءبىر ەسەسىنە تاياۋ كەلەدى، بۇرىن قاتىستى قۇرىلىس تاجىريبەسى بولماعاندىقتان، الدىڭعى مەرزىمدە قىرۋار ەلىكتەمەلى جاتتىعۋ جاساپ، ەڭ سوڭىندا مىندەتتىڭ ءساتتى ورىندالۋىنا شىنايى كەپىلدىك ەتتىك»، - دەيدى مەملەكەتتىك ەلەكتر تورى شينجياڭ ەلەكتر جەتكىزۋ شەكتى سەرىكتەستىگى 1100± ەرەكشە جوعارى كەرنەۋلى توك جەتكىزۋ ينجەنەرياسىنىڭ شينجياڭ بولىگى 1 - بولىگى نىسانىنىڭ ورىنباسار مەڭگەرۋشىسى جين ي.

   ۇعىسۋعا قاراعاندا، شينجياڭ بولىگىندەگى قۇرىلىس بارىسىندا، تەمىر جول، تاس جول، وزەن، ەلەكتر جەلىسى سياقتىلاردان 56 رەت ءساتتى تۇردە ايقاسىپ وتكەن.

   قۇمدى توبە، جەل ءوڭىرى سياقتى كۇردەلى جەرلەردەن ءوتتى .

  حاۋىپسىزدىك قالپاعى، جاسىل جۇمىس كيىمى، كۇنگە توتىققان جۇزدەر، كەبەرسىپ، بوزارعان ەرىندەر، بۇل 1100± كيلوۆولتتىق جوعارى كەرنەۋلى ەلەكتر جەلىسى شينجياڭ بولىگىندە قۇرىلىس جۇرگىزگەن جۇمىسشىلاردىڭ ورتاق بەينەسى .

  جين ي تۇرعان شينجياڭ 1 - قۇرىلىس بولىگىنىڭ %80دەي جەلىسى جۇڭگونىڭ 2 - ۇلكەن قۇمدى ءشولى − قۇربان توڭعۇت قۇمدى شولىنەن وتەدى .

  2016 - جىلى 5 - ايدا شين 1 - قۇرىلىس بولىگى جەلىنى قايتا ولشەۋ كەزەڭىنە ءوتتى، جين ي مەن قىزمەتتەستەرى 40 نەشە سەلتسي گرادۋستىق اپتاپ ىستىقتا نان مەن سۋلارىن الىپ شولگە كىرىپ، مۇنارا ورىندارىن ىزدەستىردى.

  قۇمدى شولدە بوران، اپتاپ ىستىق ەكىنىڭ بىرىندە كەزىگەدى. كولىككە وتىرۋ، كولىكتەن ءتۇسۋ، تەكسەرۋ، ەستەلىك الۋ... جين ي وسى ارەكەتتەردى تىنباي قايتالاي بەردى. اپتاپ ىستىق، شاڭقيعان كۇن ونىڭ تاڭدايىن قاڭسىتىپ جىبەردى، جارتى كۇنگە جەتپەي 500 ميلليليترلىك 6 قۇمىرا سۋ ءىشتى   10.

 كۇندىك ماشاقاتتى جۇمىستان كەيىن، شين 1 - بولىگى 95.756 مەترلىك جيىنى 168 مۇنارا ورنىن قايتا ولشەپ شىعىپ، شينجياڭ قۇرىلىس بولىگىنىڭ رەسمي جۇمىس باستاۋىنا بەرىك نەگىز قالادى.

  شينجياڭ قۇرىلىس بولىگى قۇمدى ءشول، بەتپاق دالا، تاۋلى جەردى نەگىز ەتەدى، مۇنىڭ ىشىندە بيىك تاۋ، قۇمدى ءشول، توبەلەر سياقتى كۇردەلى جەر بەدەرى %45تەن اسادى، قۇرىلىس قۇربان توڭعۇت قۇمدى شولىنەن جانە 100 شاقىرىمدىق جەلدى وڭىردەن ءوتىپ، شىعىس تيانشاننان اسادى، بۇل جەرلەردىڭ كليمات ورتاسى مەن گەوگرافيالىق ورتاسى ايرىقشا ناشار، بۇل قۇرىلىس جۇرگىزۋگە جانە ساپانى مەڭگەرۋگە اسا كۇشتى سايىس جاريالادى .

شۇي يۇيبونىڭ تانىستىرۋىنشا، شينجياڭ بولىگىندەگى 5 قۇرىلىس بولىگىندە شين 3 - قۇرىلىس بولىگىنىڭ قۇرىلىس جۇرگىزۋ قيىندىعى ەڭ اۋىر بولىپتى.

  «بۇل بولىك تەك 64 كيلومەتر بولعانىمەن، ونىڭ جارتىسى موري جەرىندەگى شىعىس تيانشانعا، جارتىسى قۇمىل جەرىندەگى جەتىقۇدىققا، بۇكىل جەلى سەكۋندىنا 43 مەتر جىلدامدىقپەن سوعاتىن بوراندى وڭىرگە جاتادى. مۇنىڭ ىشىندە 18 تەمىر مۇنارا تۇزدى كول وڭىرىنەن وتەدى، بۇل ءوڭىردىڭ توپىراعىنىڭ ءشىرىتۋ قۋاتى كۇشتى، ونىڭ ۇستىنە بۇل جەر سەيسميكالىق قارقىندى بەلدەۋ، مۇندا قۇرىلىس جۇرگىزۋ ەرەكشە قيىن»، - دەيدى شۇي يۇيبو   شينجياڭ بولىگىندەگى بارلىق 1109 تەمىر مۇنارانىڭ ءاربىرى ورتاشا ەسەپپەن 169 توننا، ەڭ اۋىرى 491.238 توننا، ورتاشا بيىكتىگى 80 مەترگە جۋىق، ەڭ بيىگى 113 مەتر كەلەتىن «زاۋلىمدەر» سانالادى. شىعىس تيانشانداعى كەيبىر تەمىر مۇنارالار بيىك تاۋ، قۇزار شىڭداردىڭ اراسىنا ورنالاسادى، بۇلاردى تەك ارقان جولمەن تاسۋعا جانە ۇلكەن سىرىقتارمەن تىرەپ قۇراستىرۋعا تۋرا كەلەدى. «ءبىز الدىمەن ماتەريالداردى كولىكپەن تاۋدىڭ ەتەگىنە تاسىپ اكەلىپ، ونى ارقان جولمەن ءبىر - بىرلەپ مۇنارا ورنىنا اپارىپ، ونان كەيىن ۇلكەن تىرەۋ سىرىقتارمەن ماتەريالداردى قۇراستىرىپ شىقتىق. ءبىز ەڭ بيىك مۇنارانى وسىنداي تاسىلمەن 45 كۇن دەگەندە ارەڭ قۇراستىرىپ شىقتىق»، - دەيدى شۇي يۇيبو.

.الەمدىك وزىق ينجەنەريالاردى جوعارى ولشەممەن سالدى  

«ءبىز عاسىرلىق ينجەنەريالاردى سالۋدامىز، ءسوز جوق، جوعارى ولشەممەن قاتاڭ تالاپ قويعاندا عانا، وسى الەمدىك وزىق ينجەنەريانىڭ ۇددەسىنەن شىعامىز»، - دەدى شۇي يۇيبو.

  شىعىس جوڭعار − ۋاننان (وڭتۇستىك انحۇي) 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى دۇنيە جۇزىندەگى 1100± كيلوۆولتتىق كەرنەۋ بويىنشا ۇلگى كورسەتۋ ينجەنەرياسى، ونىڭ ماقساتى حاۋىپسىز، سەنىمدى، دەربەس جاڭالىق اشقان، ەكونوميكاسى ۇيلەسىمدى، ورتاسى جاراسىمدى حالىقارالىق جوعارى ورەدەگى ساپالى ينجەنەريا قۇرىپ، مەملەكەتتىك ساپالى ينجەنەريا التىن سيلىعىن الۋعا تىرىسۋ

  ينجەنەريانىڭ حاۋىپسىزدىگىن، ساپاسىن جىنتىكتەي باسقارۋ، باقىلاۋ نىساناسىن ىسكە اسىرۋ ءۇشىن نىسان بولىمدەرى ينجەنەريانىڭ حاۋىپسىزدىك، ساپا تاجىريبە زالىن قۇرىپ، ونى ەرەكشە جوعارى كەرنەۋ تاربيەسىنىڭ تانىسقىسى ەتتى. تاجىريبە زالى حاۋىپسىزدىك جابدىقتارى، قورعانىس بۇيىمدارى، شۇعىل جاعدايدا قۇتقارۋ، ولشەمدى تەحنولوگيا سياقتى نازاريالىق قاعيدالار، ىستەتۋ تاسىلدەرى سياقتى الۋان فورمالار ارقىلى كورسەتىپ، حاۋىپسىز ساپالى تاربيەنى، ولشەمدەنگەن تاربيەنى ءبىر تۇلعالاندىرعان تۇعىر قالىپتاستىرىپ، شينجياڭ ەلەكتر تورى قۇرىلىسى سەزىنۋ، ۇگىت - تاربيە بازاسىنداعى بوستىقتى تولدىردى.

.ءاربىر بولىك قۇرىلىستارىنداعى تالىقپاي ىزدەنىس جاساۋ ەلەكتر قۇرىلىسشىلارىنىڭ ارەكەتىندە ايگىلەندى.

«ينجەنەريانىڭ ساپا، تەحنولوگيا تالابىنا قاراتا، ءبىز شينجياڭنىڭ ەلەكتر جەتكىزۋ جەلىسى تاريحىندا تۇڭعىش رەت زور كولەمدە نەگىزگى بولات قۇيمانى ىستەتىپ، بەتوندى نەگىز ەتكەن تەحنولوگيامەن جانە ساپامەن پارمەندى كەپىلدىك ازىرلەدى»، - دەدى جين ي.

شين 1 - قۇرىلىس بولىگى ينجەنەرياسى مەملەكەتتىك ەلەكتر تورى سەرىكتەستىگىنىڭ تيپتىك قۇرىلىس ادىستەرىن مولىنان پايدالاندى، بۇل نىسان ءبولىمىنىڭ ساپا - تەحنيكا باسقارۋ ورەسىنە اناعۇرلىم جوعارى تالاپتار قويدى. «ءبىز تاربيە سەرپىنىن ارتتىرىپ، بارىسىن باقىلاۋدى - تەجەۋدى كۇشەيتىپ، ۇنەمىلىك تەكسەرۋ، ارناۋلى ءتۇر بويىنشا تەكسەرۋ، كەزدەيسوق تەكسەرۋ، حاۋىپسىزدىك شارلاۋ سياقتى تاسىلدەرمەن ەڭ سوڭىندا ءۇش دارەجە ءوزىن تەكسەرۋدى، وتكەرىپ الۋدى كۇشەيتىپ، ساتىلار بويىنشا يگەرىپ، ينجەنەريا ساپاسىنىڭ، تەحنولوگياسىنىڭ تالاپقا جەتۋىنە كەپىلدىك ەتەمىز»، - دەدى جين ي.


بەرىپ كەت ورامالىڭدى

دوستار

الىستاعى اق ەركە