جاڭا حابارلار

اپەكەلى-ءىنىلى ەكەۋىنىڭ سۇيىسپەنشىلىگى بارعان سايىن تەرەڭدەدى

    كەلۋ قاينارى: شينجياڭ حالىق راديو ىستانسياسى    2018-04-08 13:39:28  
بۇراتالا قالالىق راديو-تەلەۆيزيا ستانسياسىنىڭ تىلشىلەرى پەيىلحان مەن جاڭ شياۋحۇيدىڭ حابارىن تىڭداڭىزدار: بۇراتالا قالالىق قالا ىستەرىن باسقارۋ، اكىمشىلىك زاڭدى اتقارۋ مەكەمەسى نانچىڭ ۇلكەن اترەتىنىڭ باستىعى شۇي يانبين موڭعۇل تۋىسقانى ويۋ اپايدىڭ وتباسىنىڭ قيىنشىلىقتان ءبىر-بىرلەپ ارىلۋىنا كومەكتەسىپ، اپەكەلى-ءىنىلى ەكەۋىنىڭ سۇيىسپەنشىلىگى بارعان سايىن تەرەڭدەدى.
-دارىلەرىڭىزدى ءىشىپ جۇرسىزبە؟
-ءىشىپ ءجۇرمىن.
-تاۋىرلەندىڭىزبە؟
-دەنساۋلىعىم جاقسى، انا دارىلەردى ىشكەننەن كەيىن كوپ جاقسى بولىپ قالدىم، جولداسىمنىڭ قان قىسىمى دا قالىپتى.
اپتا سوڭى بولعاندا، بۇراتالا قالالىق قالا ىستەرىن باسقارۋ، اكىمشىلىك زاڭدى اتقارۋ مەكەمەسى نانچىڭ ۇلكەن اترەتىنىڭ باستىعى شۇي يانبين شويىڭپان قالاشىعى مىڭكىتولعا قىستاعىنا بارىپ، سەرىكتەسكەن تۋىسقانى ويۋ اپايدىڭ وتباسىنداعىلارعا امانداسىپ، جاعداي ۇعىسىپ تۇرادى. ويۋدىڭ كوزى دەرلىك كورۋدەن قالعان، جولداسى ميعا قان قۇيىلۋ سەبەبىنەن جارىم دەنەسى سالدانعان، قىزى ويۇڭ باستاۋىش مەكتەپتە وقيدى، ءبىر ءۇيلى جان ۇكىمەتتىڭ قۇتقارۋ، كومەك قارجىسىنا سۇيەنەدى. 2014-جىلى 3-ايدا، بۇراتالا قالالىق قورشاعان ورتانى قورعاۋ مەكەمەسىنەن شويىڭپان قالاشىعى مىڭكىتولعا قىستاعىنا «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا قىستاققا تۇسكەن قىزمەت اترەتىنىڭ سول كەزدەگى باستىعى شۇي يانبين وتباسىلارىن ارالاپ جاعداي ۇعىسۋ بارىسىندا وسى جاعدايدان حابار تاۋىپ، ونىمەن ىرىقتىلىقپەن تۋسقاندىق قاتىناس ورناتادى. ول بىلاي دەدى: وسى جاعدايدى كوزدە ۇستاپ ولارعا كومەكتەسۋ ويىنا كەلدىم، ولار ەڭ تومەنگى تۇرمىسى قامتاماسىزداندىرىلاتىن وتباسى، ەرلى-زايىپتى ەكەۋىنىڭ ءدارى اقىسى دا نەداۋىر قىمبات، مەن اي سايىن ەڭبەكاقىمنان 100 يۋان شىعارىپ، ويۇڭنىڭ وقۋىنا قارجىلاي كومەكتەسۋ بەكىمىنە كەلدىم.
2015-جىلى، شۇي يانبيننىڭ قىستاقتا تۇرۋ قىزمەتى اياقتاپ، كەيىن تاعى بۇراتالا قالالىق قالا ىستەرىن باسقارۋ، اكىمشىلىك زاڭدى اتقارۋ مەكەمەسىنە قىزمەت اۋىستىرادى، الايدا قاي جەردە جۇرسەدە، ويۋ وتباسىنا دەگەن كومەگى ۇزىلمەيدى. شۇي يانبيننىڭ كومەگى مەن جەتەكشىلىگىندە، ويۋدىڭ قىزى ورتالاۋ مەكتەپتى ءساتتى تامامداپ، قازىر بۇراتالا قالاسىندا ورتا مەكتەپ وقيدى. سونىمەن بىرگە، پارتيانىڭ حالىققا ءتيىمدى ساياساتىنىڭ ارقاسىندا، شۇي يانبيننىڭ كومەگىندە، ويۋ وتباسى شويىڭپان قالاشىعىنداعى ينپانيۋان شاعىن رايونىنداعى ارزان ماياقىلى ۇيگە كوشىپ بارادى، جولداسى دا تاۋىرلەنەدى، ويۋ وسى ىنىسىنە ىشتەي ءدان ريزا ەكەنىن ايتا كەلىپ بىلاي دەدى: «شۇي يانبين تۇرمىسىمىزعا قارايلاسىپ تۇرادى، بالامنىڭ وقۋ قاراجاتىنا، ءبىزدىڭ ءدارى اقىمىزعا كومەكتەسىپ تۇرادى، بىتىرە الماعان جۇمىستارىمىزدىڭ بارىنە ءوزى جۇگىرەدى، ول بىزگە كوپ قولعابىس جاسادى، ءىنىم دە، ايەلى دە جاقسى، ولار بىزگە كوپ قول ءۇشىن بەردى، ولارعا العىستان باسقا ايتارىمىز جوق».
شۇي يانبين بىلاي دەدى: «الدا، وسى تۋىسقانىما اۋەلگىدەي كومەكتەسىپ تۇرامىن، ول كىسىگە تۋعان اپەكەمدەي مامىلە جاسايمىن، ويۇڭدى وكىل قىزىم ەتىپ، وعان قارجىلاي كومەكتەسىپ تۇرامىن».

بەرىپ كەت ورامالىڭدى

دوستار

الىستاعى اق ەركە