جاڭا حابارلار

كاسىپورىندى تىڭ تىرشىلىك جاراتۋ بازاسىمەن قامداپ، كەدەي اۋىل-قىستاقتارداعى ارتىق ەڭبەككۇشتەردى جاقىن ماڭدا كاسىپتەندىردى

    كەلۋ قاينارى: شينجياڭ حالىق راديو ىستانسياسى    2018-04-08 13:42:06  
ستانسيامىزدىڭ تىلشىلەرى جين لەي مەن ۋاڭ يىڭنىڭ حابارىن تىڭداڭىزدار: كاسىپورىندى تىڭ تىرشىلىك جاراتۋ بازاسىمەن قامداپ، كەدەي اۋىل-قىستاقتارداعى ارتىق ەڭبەككۇشتەردى جاقىن ماڭدا كاسىپتەندىردى، توقسۋ اۋدانى ءىش ارىق قالاشىعى «الەۋمەتتىك، جالپىلىق يگىلىك جاراتۋ» تەكشەسىنەن پايدالانىپ، كاسىپورىن جاقىن ماڭنان جۇمىسشى ىستەتەتىن، ەڭبەككۇشتەر جاقىن ماڭدا كاسىپتەنەتىن ەكى جاقتىلى تابىسقا جەتتى. بۇل ەكى سەح ەڭ ۇلكەن سەح، ءبىر مىڭ ادامنىڭ جۇمىس ىستەۋىنە بولادى، توقسۋ اۋدانى ءىش ارىق قالاشىعىنداعى «جاي يگىلىك جاراتۋ باقشاسىنداعى» كيىم تىگۋ فابريكاسىنان ءتىلشى سەحتاعى جۇمىسشىلاردىڭ قاربالاس جۇمىس ىستەپ جاتقانىن، قالىڭ تىگىن ماشيناسىنىڭ تىق-تىق ەتكەن داۋىسى بۇكىل سەحتى شارپىعانىن، جەرگىلىكتى ورىنداعى جۇزدەن استام جۇمىسشىنىڭ تىگىن ماشيناسىن جەتىك يگەرىپ وتىرعانىن كوردى. جۇمىسشى ءسالات ايسا تىلشىگە بىلاي دەدى: يوۋياڭداك قىستاعىنداعى كەدەي وتباسىمىن، كەلگەنىمە ءبىر ايدان استى، 3 مىڭ 500 يۋاننان ارتىق تابىس تاپتىم، ۇيدە جۇرگەندە تۇراقتى كىرىس جوق، بۇل جەردىڭ ورتاسى دا جاقسى، اسحانادان تەگىن تاماقتانامىز، بۇل جەرگە كەلگەننەن كەيىن گرۋپپا باستىعى بولدىم، قىزمەتتى بەرىلە جاقسى ىستەپ، تابىس تاۋىپ، وتباسىمنىڭ تۇرمىس شارت-جاعدايىن جاقسارتامىن.
توقسۋ اۋدانى ءىش ارىق قالاشىعى تيپتىك كەدەي اۋىل-قالاشىق، قاراستى رايوندا ءبىر مىڭ 201 كەدەي وتباسى، 4 مىڭ 863 ادام بار. 2017-جىلى 12-ايدا، ءىش ارىق قالاشىعى قىستاق تۇرعىندارىنىڭ ەرەكشەلىگىنە نەگىزدەلىپ، كاسىپ نىسانىن قۇرىپ، «اۋىل-قالاشىق، كاسىپورىن، كەدەي وتباسى بىرلەسۋ» سىندى اينالىم ۇلگىسى ارقىلى 6 فابريكادان «جالپىلىق جانە الەۋمەتتىك يگىلىك جاراتۋ باقشاسىن» قۇردى، مۇندا، كيىم تىگۋ فابريكاسى، مۋزيكا اسپاپتارىن جاساۋ زاۆوتى، ۇلتتىق قولونەر بۇيىمدارى زاۆوتى جانە كەستەشىلىك فابريكاسى سياقتىلار قامتىلعان. زاۆوت قۇرۋعا، ماشينا جابدىقتارىنا ۇكىمەت قارجى شىعاردى، ىلە-شالا كاسىپورىن ىرگە تەۋىپ، كاسىپتەندىرۋ جۇمىس ورنىمەن قامدادى. توقسۋ اۋدانى شىڭشۋيۋان كيىم-كەشەك شەكتى جارنا سەرىكتەستىگىنىڭ باس مەڭگەرۋشىسى جين شيۋيىڭ بىلاي دەدى: كاسىپورىن «ەكى يگىلىك جاراتۋ باقشاسىندا» ىرگە تەۋىپ، سەرىكتەستىكتىڭ جۇمىسشى ىستەتۋ سۇرانىسىن ءونىمدى شەشتى. جۇمىسشىلار ءوزى تۇرعان جەردە، جاقىن ماڭدا كاسىپتەنگەنىنە قاتتى رازى بولدى. قازىر ديقانداردى كاسىپ جۇمىسشىسىنا اينالدىرۋدا ءارقايسى جاقتاردان تۋ باستان باستاۋ كەرەك، ادام كۇشى بايلىعى جانە قوعامدىق قامتاماسىزداندىرۋ مەكەمەسى الدىمەن ءبىر اي كۋرىس اشىپ، ونان سوڭ بىزگە تاپسىرىپ بەرەدى. قازىر وسى 2 سەحتا ورتا ەسەپپەن 3 مىڭ دا 4 مىڭ 800 يۋان الادى، نەگىزىنەن سىرتقى ساۋدا، تاپسىرىس كوپ، اي سايىن از دەگەندە 100 مىڭ پار سىم، جەيدەگە تاپسىرىس بەرەدى.
كاسىپورىن جاقىن ماڭنان جۇمىسشى قابىلداي الادى، قىستاق تۇرعىندارىنىڭ دا قالاۋىنا قاراي وتباسى ماڭىندا كاسىپتەنۋىنە بولادى، وسى قوس تيىمدىلىك تاسىلىنەن پايدالانىپ، «جاي يگىلىك جاراتۋ باقشاسىنىڭ» كولەمىن كەڭەيتىپ، تۇتاس قالاشىقتاعى 13 قىستاقتاعى بارلىق كەدەي وتباسىنداعى ءبىر مىڭ 400 دەن ارتىق جان سانىنىڭ كاسىپتەنۋ ماسەلەسىن شەشۋگە بولادى. توقسۋ اۋدانى ءىش ارىق قالاشىعى پارتكومىنىڭ شۋجيى تيان چىن تانىستىرا كەلىپ بىلاي دەدى: الدا «جاي يگىلىك جاراتۋ باقشاسى» اناعۇرلىم كوپ جاڭا كاسىپ نىساندارىن ەنگىزىپ، قالاشىقتاعى كەدەي بۇقارانىڭ كىرىسىن ارتتىرىپ، كەدەيلىكتەن قۇتىلۋىنا مۇمكىندىك جاسايدى. بىرەۋىن كاسىپتەندىرۋ ارقىلى تۇتاس وتباسىن كەدەيلىكتەن قۇتىلدىرۋ پرينسيبى بويىنشا ولاردى كاسىپتىك جۇمىسشىعا اينالدىرامىز. بيىل تاعى ەكى زاۆود قۇرامىز، ياعىني سيىر باعىمشىلىعى مەن كەپتەر باعىمشىلىعى، بۇل ەكى نىسانعا بولعان بۇقارانىڭ قىزعىندىلىعى نەداۋىر جوعارى. دەمەك، 8 زاۆوتى بار وسى وڭىردە بيىل ءبىر مىڭ ادامدى كاسىپتەندىرۋگە بولادى.

بەرىپ كەت ورامالىڭدى

دوستار

الىستاعى اق ەركە