جاڭا حابارلار

قىزمەت اترەتىندەگىلەر كەدەي وتباسىلارىنىڭ كىرىسىن ارتتىرىپ، كەدەيلىكتەن قۇتىلۋىنا كومەكتەستى

    كەلۋ قاينارى: شينجياڭ حالىق راديو ىستانسياسى    2018-04-08 13:54:28  

ستانسيامىزدىڭ تىلشىلەرى جين لەي مەن ۋاڭ يىڭنىڭ حابارىن تىڭداڭىزدار: بيىل جىل باسىنان بەرى، باي اۋداندىق كاسىپ باقشاسى رايونىن باسقارۋ كوميتەتىنەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا قىستاقتا تۇرعان قىزمەت اترەتى وزدەرى تۇرعان قسىتاقتىڭ كەدەيلىك ءتۇيىنىن كوزدە ۇستاپ، شاعىن كاسىپورىندار مەن شاعىن نىسانداردى ءتۇيىن ەتىپ، كەدەي وتباسىلارىنىڭ كىرىسىن ارتتىرىپ، كەدەيلىكتەن قۇتىلۋىنا كومەكتەستى. بىرنەشە كۇننەن بەرى، باي اۋدانى جەيىر اۋىلى ۇكى ءدوۋا قىستاعىنىڭ تۇرعىنى رياگۇل تۇراپ باي اۋداندىق كاسىپ باقشاسى رايونىن باسقارۋ كوميتەتىنەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا قىستاقتا تۇرعان قىزمەت اترەتىندەگىلەرمەن بىرلىكتە جىلىجايدا كوكونىس ەگۋمەن قاربالاس بولدى. رياگۇل تۇراپ تىلشىگە بىلاي دەدى: بۇرىن كوكونىس ەگۋدەن حابارىم جوق بولاتىن، باققان تاۋىقتارىم دا ساتىلماي تۇرعان. قىزمەت اترەتىنىڭ كومەگىندە، جىل باسىندا قىستاعىمىز ماڭىنداعى كومىركەنمەن اۋىل شارۋاشىلىق قوسىمشا ونىمدەرىمەن قامداۋ توقتامىنا قول قويدى، سودان باستاپ ارت جاقتان الاڭدامايتىن بولدىم، قازىر قىزىل بۇرىش، پاميدور، اس جاپىراق ەگە باستادىم جانە تاۋىق باقىتىم، كەزى كەلگەندە وسىلاردىڭ بارىمەن ماڭىمىزداعى كومىركەندى قامداپ، ءوندىرىستى ويداعىداي دامىتىپ، كەدەيلىكتەن ەرتەرەك قۇتىلۋعا كۇش سالامىز.
ۇكى ءدوۋا قىستاعى باي اۋدانىنداعى شەتكەرى، شالعاي تاۋلى رايونداعى قىستاق، بۇل ارا ىزعارلى اياز، كىسى باسىنا تۋرا كەلەتىن ەگىستىك جەر از، ونىڭ ۇستىنە قىستاق تۇرعىندارىنىڭ يدەياسى ويانباعان، سىرتقا شىعىپ جۇمىس ىستەۋگە قۇلقى سوقپاۋ سەبەپتى تىم كەدەيلەسىپ كەتكەن. قىزمەت اترەتى مىنالاردى ۇعىسادى: ۇكى ءدوۋا قىستاعىندا ىرگە تەپكەن شينجياڭ ارگىمين كەن كاسىبى شەكتى جارنا سەرىكتەستىگى جىلىنا ءبىر ميلليون 200 مىڭ توننا كومىر وندىرەتىن سەرىكتەستىك، جۇمىسشى-قىزمەتكەر سانى ەڭ كوپ بولعاندا ءبىر مىڭ ادامعا جەتەدى، اۋىل شارۋاشىلىق قوسىمشا ازىق-تۇلىكتەر دە نەداۋىر تاپشى. قىزمەت اترەتى ىرىقتىلىقپەن قارىم-قاتىناس جاساپ، وسى كەنمەن اۋىل شارۋاشىلىق قوسىمشا ازىق-تۇلىكتەرمەن قامداۋ كەلىسىمىنە قول قويادى. ارگىمين كەن كاسىبى شەكتى جارنا سەرىكتەستىگىنىڭ باس مەڭگەرۋشىسى يان جىجۇڭ: «ماڭىمىزداعى بۇقارانىڭ ءال-اۋقاتى نەداۋىر ناشار، كاسىپورنىمىزدىڭ ولارعا كومەك قولىن سوزۋ قوعامدىق جاۋاپكەرلىگى بار، ولار ەككەن جانە باققان بارلىق اۋىل شارۋاشىلىق قوسىمشا ونىمدەرىن تۇگەل ساتىپ الدىق»،-دەدى.
ۇكى ءدوۋا قىستاعى شەتكەرى، شالعاي جەردە بولعانىمەن ايگىلى ءۇيسىن بايىرعى جولىنىڭ وڭتۇستىك شەتىندەگى كىرىپ-شىعۋ اۋزى، ءار جىلى ەلىمىز ءىشى-سىرتىنان كوپتەگەن ساياحاتشىلاردى باۋرايدى. قىزمەت اترەتى قىستاق تۇرعىندارىنىڭ ساياحاتقا قىزمەت وتەۋ كوپەراتيۆىن قۇرۋىنا كومەكتەسىپ، اۋىل-قىستاق ساياحات كاسىبىن كۇش سالا دامىتتى. قىستاق تۇرعىنى قادر كەرىم كوپەراتيۆ قۇرعان جول باستاۋشى قوسىنىنا مۇشە بولۋدى ىرىقتىلىقپەن ءوتىنىش ەتەدى. ول بىلاي دەدى: «ولار بەيجيڭنەن، شاڭحايدان كەلەدى، ءبىز اتتى جالعا بەرۋ، شاتىر تىگۋ، جول باستاۋ قىزمەتىن وتەيمىز، كەشتە لاگەردا دەمالادى. سونىمەن ساياحات جاقتان قىزمەت وتەۋگە كوپشىلىك تۇگەل اتسالىسىپ بىرلىكتە كىرىسىن ارتتىرۋدا».پارتيانىڭ 19-قۇرىلتايىنىڭ بايانداماسىندا بىلاي دەپ اتاپ كورسەتىلدى: اۋىل-قىستاقتاردى كوركەيتۋ سترتەگياسىن اتقارىپ، اۋىل-قىستاقتاردا ءبىرىنشى، ەكىنشى، ءۇشىنشى كاسىپتەردىڭ توعىسا دامۋىن جەبەپ، ديقانداردىڭ كاسىپتەنىپ يگىلىك جاراتۋىن، كىرىسن ارتتىرۋ جولىن كەڭەيتۋىن قولداۋ جانە شابىتتاندىرۋ كەرەك. قازىر، قىزمەت اترەتىنىڭ كومەگىندە، ۇكى ءدوۋا قىستاعىنداعى قارا استىق ەگۋ، ساپالى جاسىل ورگانيكالى جەمىس-جيدەك، كوكونىس ەگۋ، ساياحات قىزمەتىن وتەۋ، كومەكتەسۋ سياقتى شاعىن بازالاردا كەدەيلىكتەن قۇتىلدىرۋ نىسانىن قۇرۋ قىزمەتى ءتارتىپتى ىلگەرلەۋدە. قىزمەت اترەتىنىڭ باستىعى لياڭ گاڭ بىلاي دەدى: «قايتا-قايتا قىزمەت ىستەۋ ناتيجەسىندە قازىر ديقانداردىڭ يدەياسى مەن كوزقاراسىندا بۇرىلىس بولدى، ولار شەكتى جەردەن پايدالانىپ، مول قۇن جاراتۋعا، كەدەيلىكتەن قۇتىلىپ اۋقاتتانۋعا بولاتىنىن ءتۇسىندى. ەگەر، شاعىن بازا تۇگەل جۇزەگە اسسا كىسى باسىنا تۋرا كەلەتىن كىرىس 7 مىڭ يۋاننان اساتىندىعىن، وعان باسقا سالادا كاسىپتەنۋدى قوسقاندا، قىستاقتىڭ كەدەيلىكتەن تۇبەگەيلى قۇتىلاتىندىعى مەجەلەنىپ وتىر».


بەرىپ كەت ورامالىڭدى

دوستار

الىستاعى اق ەركە