جاڭا حابارلار

تىگىنلا قىستاعىنىدا تۇرعان قىزمەت اترەتى كەدەي وتباسىلارىنىڭ «كەدەيلىكتەن قۇتىلدىرۋدىڭ جوباسىن» جاسادى

    كەلۋ قاينارى: شينجياڭ حالىق راديو ىستانسياسى    2018-04-08 01:19:30  
ستانسيامىزدىڭ ءتىلشىسى ليۋ چياڭنىڭ حابارىن تىڭداڭىزدار: اۆتونوميالى رايوندىق قازىنالىق باقىلاۋ مەڭگەرمەسىنىڭ حوتان قالاسى گۋجيانباق اۋىلىنىڭ تىگىنلا قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى ناقتىلى جاعدايمەن ۇشتاستىرىپ، كەدەي وتباسىلارى ءۇشىن «كەدەيلىكتەن قۇتىلدىرۋدىڭ جوباسىن» جاسادى.
جۋىقتان بەرى تىگىنلا قىستاعىنىڭ ديحانى ابدىقايبار ءابدىميجيتتىڭ كوڭىل-كۇيى كوتەرىڭكى، اۆتونوميالى رايوندىق قازىنالىق باقىلاۋ مەڭگەرمەسىنىڭ وسى قىستاقتا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ ورنالاستىرۋمەن، ول قىستاقتاعى ورمان قورعاۋشىعا اينالدى، ايىنا ءبىر مىڭ 500 يۋان اينالاسىندا ەڭبەكاقى الادى. ول: «بۇرىن ءۇي اشەكەيلەۋمەن اينالىساتىنمىن، كىرسىم تۇراقسىز ەدى، قازىر ورمان قورعاۋشى بولدىم، اي سايىن تۇراقتى ەڭبەكاقىم بار، شەشەمە كومەكتەسىپ وتباسىنىڭ تۇرمىس قينشىلىعىن بولىسەمىن، بيىل ويداعىداي ىستەپ، اقشا تاۋىپ، جىل سوڭىندا نەكەلەنبەكشىمىن»،-دەدى.
ابدىقايبار ابدىميجيتتىڭ شەشەسى نۇرنيسا ءابايدوللا وتكەن جىلى جۇبايىنىڭ ناۋقاس سەبەبىنەن قايتىس بولعانىن، سودان باستاپ وتباسىنىڭ كۇن كورىسى قيىنداپ،وتباسىنداعى ءتورت جان ەڭ تومەنگى تۇرمىستى قامتاماسىزداندىرۋ قارجىسىنا سۇيەنىپ قالعانىن. قازىر ونىڭ ۇلكەن ۇلى قىستاقتاعى ورمان قورعاۋشىعا اينالعانىن، ءوزىنىڭ دە الدا قىستاقتاعى شاعىن زاۆودتىڭ جالعان شاش ءورۋشىسى بولىپ، جاقىن ماڭنان كاسىپتەنەتىن ايتا كەلىپ  بىلاي دەدى: «قازىر ەرەكشە قۋانىشتامىن، الداعى تۇرمىسقا دەگەن سەنىمىم زور، قىستاق تۇرعىندار كوميتەتى مەن قىزمەت اترەتى وتباسىمىز ءۇشىن كوپ قىزمەت ورنالاستىردى،  ەندىگى جەردە قوس قولىمىزعا سۇيەنىپ، ەرتەرەك كەدەيلىكتەن قۇتىلىپ، اۋقاتتانۋدىڭ سارا جولىنا تۇسە الاتىنىمىزعا كامىل سەنەمىز»،-دەدى.
سايىپحان اسمۇل دا وسى قىستاقتاعى كەدەي وتباسى، ونىڭ ءۇيىنىڭ قىستاقتاعى تۇرعان ورنى جاقسى، مۇنان سىرت تاعى كونە زاتتاردى قوياتىن بولمەسى دە بار بولاتىن، قىزمەت اترەتى وعان شاعىن سومالى ءوسىمسىز قارىز الىپ بەرۋگە  كۇش شىعاردى. سايىپحان اسمۇل بىلاي دەدى: «قىزمەت اترەتى مەن قىستاق تۇرعىندار كوميتەتىنىڭ قامقورلىعىنا ەرەكشە العىس ايتامىن، ولار مەنىڭ كەدەيلىكتەن قۇتىلىپ اۋقاتتانۋىما كومەكتەسىپ قول ۇشىن بەردى، دۇكەنىمدى ءسوزجوق، ويداعىداي اشىپ، تۇرمىسىمدى جاقسارتامىن، ءارى ولاردى الاڭسىز ەتەمىن » .
بيىل اۆتونوميالى رايوندىق قازىنالىق باقىلاۋ مەڭگەرمەسىنىڭ تىگىنلا قىستاعىندا تۇرعان قىزمەت اتىرەتى مەن قىستاقتاعى كەدەيلەردى سۇيەمەلدەۋگە جاۋاپتى كادرلار بۇكىل  قىستاقتاعى كەدەي وتباسىلارىن تۇگەل ارالاپ، ولادىڭ كەدەيلەسۋ سەبەبىن مۇقيات يەلەدى، ءارى ءبىر وتباسىنا ءبىردەن كەدەيلىكتەن قۇتىلدىرۋ جوباسىن بەلگىلەدى. قىزمەت اترەتىنىڭ باستىعى ليۋ شان بىلاي دەدى: «تەكسەرۋ ناتيجەسىنە ساي، ءبىر وتباسىنا ءبىر ساياسات بەلگىلەۋگە كۇش سالدىق. مىسالى: وتباسىنداعى ارتىق ەڭبەككۇشتەردى مۇمكىندىكتىڭ بارىنشا سىرتقا شىعىپ جۇمىس ىستەۋگە ۇيىمداستىردىق، ەگەر ەڭبەككۇش جوق بولسا، نەمەسە ناۋقاس سەبەبىنەن كەدەيلەسكەن بولسا، ۇكىمەت ەسەبىنەن كوتەرۋ سالىستىرماسىن جوعارلاتۋ ادىسىمەن شەشتىك، وتباسىندا ارتىق ەڭبەككۇش بولعانىمەن، بالالى بولۋ سەبەبىنەن سىرتقا شىعىپ جۇمىس ىستەي المايتىن ەڭبەككۇشتەردى ازات ەتتىك، مىنە وسىلايشا 2018
2018-جىلى تۇتاس تۇلعالىق كەدەيلىتكەن قۇتىلدىرۋعا كۇش سالامىز».

بەرىپ كەت ورامالىڭدى

دوستار

الىستاعى اق ەركە