جاڭا حابارلار

باھارگۇل قۇلشىنۋ ارقىلى وزىنە تاۋەلدى ءومىر جولىن اشتى

    كەلۋ قاينارى: شينجياڭ حالىق راديو ىستانسياسى    2018-04-08 01:32:16  
ەرىكتى ءتىلشى ۋاڭ جيڭتاۋ مەن حۋاڭ گىنشيدىڭ حابارى: بۇراتالا قالاسى چىندەل قالاشىعى گولۇمتى قىستاعىنداعى قىستاق ديحانى باھارگۇل سىرتقا شىعىپ جۇمىس ىستەپ، ۇساق ساۋدامەن اينالىسۋدان باستاپ ىسكە كىرىسىپ، كاسىپ اشۋدىڭ سارا جولىن سالىپ، ون جىل قۇلشىنۋ ارقىلى وزىنە تاۋەلدى ءومىر جولىن اشتى. تاڭەرتەڭ ەرتە، باھارگۇل دايىنداپ قويىلعان بالگۇلشەنى اۆتوكولىككە تيەۋمەن قاربالاس بولدى، ول جۇبايىنىڭ زاتتى ەرتەرەك جەتكىزۋىنە مۇمكىندىك جاسادى، قازىر ساۋدامىز كوسەت، كۇنىنە نەشە كەزەك زات جەتكىزەمىز. امۋحان بالگۇلشە مانەرلەۋ زاۆودتى ـــ باھارگۇل مەن ونىڭ جۇبايىنىڭ ەكى جىلدان بەرگى كۇرەسىنىڭ جەمىسى. سول كەزدەگى تىڭنان كاسىپ اشۋ بارىسىن ەسكە العان باھارگۇل سول شاقتى ويلاسام جۇرەگىم سىزدايدى دەي كەلىپ: «ەكەۋىمىزدە قىزمەت جوق، ۇنەمى سىرتقا شىعىپ ۇساق-تۇيەك جۇمىستار ىستەيمىز، كەيىن تۇرعىن ساۋدا سارايىنىڭ قاسىنان ەكى دە ءۇش جىل دۇكەن اشتىق، كوپ اقشا تاپتىق، سونىمەن بالگۇلشە ساۋداسىنىڭ جاقسى ەكەنىن بايقاپ، بالگۇلشە دۇكەنىن اشۋ ويىنا كەلدىم»،-دەدى.
باھارگۇل ايتقانىنا جەتىپ، بالگۇلشە ساۋداسىمەن دەن قويا اينالىستى. ءبىر جولى ول ءىرى تاپسىرىس الدى، كۇندە- تۇنگە جالعاپ، ۇستەمەلەپ جۇمىس ىستەپ ءجۇرىپ مۇنى نەشە كۇندە ارەڭ ورىندادى، ءبىراق كۇن ىستىق توڭازىتقىش جوق بولعاندىقتان، وسى بالگۇلشەلەردىڭ ساپاسى وزگەردى، اقشا تاپقاننىڭ ورنىنا، ول 5 مىڭ يۋاننان ارتىق زيان تارتتى. جابدىق ساتىپ الۋعا اقشاسى بولمادى، ەڭبەكاقى تاراتۋىنىڭ ءوزى قيىنعا سوقتى، دۇكەندەگى بىرنەشە جۇمىسشى كەتىپ قالدى، ءبىراق باھارگۇل قينشىلىققا مويىمادى. دۇكەن قىزمەتكەرى رىزۋانگۇل ابىلەز: «باھارگۇل نەكە تويىندا تاعىلعان جۇزىك، سىرعا جانە القاسىن تۇگەل ساتقانىن كوزىممەن كوردىم، ونان كەيىن ۇيىندەگى اقشاعا جارايتىن نارسەلەردى تۇگەل ساتىپ، جۇمىسشىلاردىڭ ەڭبەكاقىسىن تاراتپاقشى بولدى. بۇعان مەن ەرەكشە اسەرلەندىم، كەيىن بىرگە ىستەيتىندەردى تۇگەل شاقىرىپ اكەلدىم»،-دەدى.
جەڭىلىسكە مويىنسال بولمايتىن وسى جىگەردىڭ ارقاسىندا، باھارگۇل جابىلايىن دەپ قالعان بالگۇلشە دۇكەنىنىڭ  ساۋداسىن قايتا قالپىنا كەلتىردى، ساۋداسى بارعان سايىن جاقساردى. قازىر، ونىڭ دۇكەنى كۇنىنە 400 بالگۇلشە ىستەپ شىعارادى، ءارى بۇل قاجەتتى قامداي الماي وتىر، ول تاعى ماڭىنداعى اپەكە-سىڭىلىلەرىن تىڭ كاسىپ اشۋعا شاقىردى. باھارگۇل: « باس شۋجي شي جينپيڭ باقىتتىڭ كۇرەستەن كەلەتىنىن ايتتى، بولاشاقتا ويداعىداي ىستەپ، بالگۇلشە ساۋداسىن بارىنشا جانداندىرىپ، بۇدان دا كوپ  اپەكەلى-سىڭىلىلەرىمدى اۋقاتتانۋعا باستايمىن»، - دەدى.

بەرىپ كەت ورامالىڭدى

دوستار

الىستاعى اق ەركە