جاڭا حابارلار

رايونىمىز كاسىپتىك وقۋ-اعارتۋدىڭ ساپاسىن جوعارىلاتۋعا قارجى بوساتتى

    كەلۋ قاينارى: شينجياڭ حالىق راديو ىستانسياسى    2018-04-09 13:47:38  
ءوز حابارىمىز: اۆتونوميالى رايون تاياۋدا 2018-جىلعى 1-توپتاعى وسىزامانعى كاسىپتىك وقۋ-اعارتۋدىڭ ساپاسىن جوعارىلاتۋ جوسپارى بويىنشا 169 ميلليون 600 مىڭ يۋان ارناۋلى قارجى بوساتىپ، جاڭا داۋىردە اۆتونوميالى رايونىمىزدىڭ كاسىپتىك وقۋ-اعارتۋ قىزمەتىن ونان ارى جاقسى ىستەۋگە نەگىز قالادى.
ۇعىسۋعا قاراعاندا، اۆتونوميالى رايون تاياۋدا، 2018-جىلعى 1-توپتاعى وسىزامانعى كاسىپتىك وقۋ-اعارتۋدىڭ ساپاسىن جوعارىلاتۋ جوسپارى بويىنشا 169 ميلليون 600 مىڭ يۋان قارجى تۇسىرگەن. مۇنىڭ ىشىندە، جوعارى دارەجەلى كاسىپتىك مەكتەپتەردىڭ وقۋشىلارىنا ورتا ەسەپپەن بەرىلەتىن سيلىق سوما قوسىمشا قاراجاتى 21 ميلليون 600 مىڭ يۋان، ورتا دارەجەلى كاسىپتىك مەكتەپتەردىڭ نەگىزگى مەكتەپ باسقارۋ شارت-جاعدايىن جاقسارتۋ سيلىق سوما قوسىمشا قاراجاتى 138 ميلليون 400 مىڭ يۋان، كاسىپتىك جوعارى مەكتەپتەردەگى وقىتۋشىلاردىڭ ساپاسىن جوعارىلاتۋ جوسپارىنداعى ارناۋلى قارجى 9 ميلليون 600 مىڭ يۋان بولعان.
نىسان قارجىسىمەن قولداۋ كورسەتۋ ارقىلى، جوعارى دارەجەلى كاسىپتىك مەكتەپتەردىڭ وقۋشىلارىنا بولىنەتىن سيلىق سوما ءتۇزىمى كەمەلدەندىرىلىپ، ورتالىق ءتۇيىندى قۇراتىن 8 ورتا دارەجەلى كاسىپتىك مەكتەپتىڭ قاتىستى جابدىق ساتىپ الۋىن قولداپ، وقىتۋ شارت-جاعدايىن جاقسارتادى؛ كاسىپ سالالارى مەن ايماق-وبلىستار كورسەتكەن دامۋ نەگىزى جاقسى ورتا دارەجەلى كاسىپتىك مەكتەپتەردىڭ مەكتەپ ءۇيىن، پراكتيكا ورنىن جانە جاتتىعۋ الاڭىن سالۋىن، قاتىستى جابدىقتار مەن قوسالقى جابدىقتار ساتىپ الۋىن قولداپ، مەكتەپ باسقارۋ شارت-جاعدايىن اناعۇرلىم جاقسارتادى. اۆتونوميالى رايون بويىنشا كاسىپتىك مەكتەپتەردىڭ مىڭ وقىتۋشىسىن تاربيەلەۋ مىندەتىن تابىسپەن ورىنداپ، جوعارى دارەجەلى جانە ورتا دارەجەلى كاسىپتىك مەكتەپتەردىڭ وقىتۋشىلارىنىڭ ساپاسىن جانە وقىتۋ، پراكتيكا جاساۋ دەڭگەيىن شىن مانىندە جوعارىلاتىپ، وقىتۋشىلار قوسىنىنىڭ جالپى تۇلعالىق ساپاسىن جوعارىلاتادى.

بەرىپ كەت ورامالىڭدى

دوستار

الىستاعى اق ەركە