جاڭا حابارلار

شياۋيىڭپان قالاشىعى اۋىل - قىستاقتى وركەندەتۋدى تىنباي جۇرگىزدى

    كەلۋ قاينارى: شينجياڭ گازەتى    2018-04-09 20:06:23  

ءتىلشىمىز ياۋ گاڭ

  بۇراتالا قالاسىنىڭ شياۋيىڭپان قالاشىعى قىستاق جالپى قۋاتىنىڭ مىعىم، قىستاق بەينەسىنىڭ كورىكتى، قىستاق تۇرعىندارىنىڭ اۋقاتتى بولۋىن نىسانا ەتىپ، نەگىزدىك قۇرىلعى قۇرىلىستارىن جاقسارتۋ، تۇرعىنداردىڭ قونىس ورتاسىن جاسىلداندىرۋ، كورىكتەندىرۋ ارقىلى تارتىمدى مادەنيەتكە يە، كاسىپ سالاسى باسىمدىعى بار ەرەكشە، كورىكتى اۋىل - قىستاق قۇرۋعا قۇلشىنۋدا.
  قىستاقتار اناعۇرلىم كورىكتەنىپ، سالتى ءتىپتى جاقساردى
  قىزىل توبەلى اپپاق ۇيلەر، شارۋالاردىڭ ەسىك الدىنا دەيىن تارتىلعان قىستاق جولدارى، جولدىڭ ەكى جاعىنا رەتتى وتىرعىزىلعان اعاشتار... 3 - ايدىڭ 14 - كۇنى بۇراتالا قالاسى شياۋيىڭپان قالاشىعىنىڭ بىنبۇلاق قىستاعىنا بارعانىمىزدا، رەتتى دە تازا قىستاق بەينەسى ءبىزدى بىردەن باۋرادى.
  قىستاق تۇرعىنى ليۋحۋايۇڭنىڭ وتكەن جىلى سالعان بەيقۇت ءۇيى جاپ - جارىق، ءۇيدىڭ تاعانىنا قىشى كەرپىش جاتقىزىلعان، اپپاق تام قابىرعاسىنا 48 ديومدىق ءتۇستى تەلەۆيزور ورناتىلىپتى. «ءۇيىمىز قالاداعى قابات ۇيلەردەن اۋمايدى، اۋىز سۋ قۇبىرى جانە لاس سۋ ىعىستىرۋ قۇبىرى جاتقىزىلعان. 80 شارشى مەترلىك ۇيگە ءوزىم نەبارى 35 مىڭ يۋان عانا جۇمسادىم، پارتيانىڭ ءتيىمدى ساياساتىنا العىس ايتامىن»، - دەدى ليۋ حۋايۇڭ.
  ليۋ حۋايۇڭ: بۇرىن ءار ءۇيدىڭ ەسىك الدىندا كومىر، اعاش وتىن، قوقىر - قوقسىق ءۇيىلىپ جاتاتىن، جەل سوعىپ، جاڭبىر جاۋعاندا بۇكىل قىستاق باتباققا اينالاتىن. ەندى قاراڭىز، قىستاققا اسفالت جول جاتقىزىلدى، جول جاعاسىنا قوقىر - قوقسىق ساندىقتارى قويىلدى، قىستاقتىڭ ءىشىن اپتا سايىن ارناۋلى ادام تازالاپ تۇرادى. قىستاعىمىز كورىكتەنگەننەن كەيىن، كوڭىلىمىز دە كوتەرىڭكى بولا ءتۇستى، - دەدى.
  قىستاق پارتيا ياچەيكاسىنىڭ شۋجيى لي جۇن: قىستاقتا اپتا سايىن اۋلا تازالىعىن باعالاۋ جۇرگىزىلىپ، ناتيجەسى ءار دۇيسەنى كۇنگى مەملەكەت تۋىن شىعارۋ سالتىندا جاريالانادى، - دەي كەلىپ، - باعالاۋ ارقىلى جۇرتتى ورتا تازالىعىن جاقسى ۇستاۋعا، تاماشا وركەنيەتتى تۇرمىس ادەتىن قالىپتاستىرۋعا جەبەدىك، - دەدى.
  كورىكتى اۋىل - قىستاق قۇرۋ قۇرىلىسى باستالعاننان بەرى، بىنبۇلاق قىستاعىنىڭ كوركى كوز تارتقاننان تىس، قىستاق تۇرعىندارىنىڭ وركەنيەت تانىمى دا ءۇرتىس ارتقان. «بۇرىن تازالىق جۇرگىزۋدەن بۇرىن كەرنايدا ءبىرقانشا رەت ۇقتىراتىنبىز، قازىر ءار جۇما كۇنى قىستاق تۇرعىندارى ىرىقتى تۇردە جابدىقتارىن كوتەرىپ قىستاق تۇرعىندار اۋلاسىنا جينالادى دا، بىرلەسىپ الەۋمەتتىك ءوڭىردى تازالايدى، قوقىر - قوقسىقتى كەز كەلگەن جەرگە تاستايتىن ارەكەتتەر دە ازايۋدا، سىرت ادامدارى قىستاعىمىزعا كەلسە، الدىمەن تازالىعىمىزدى ماقتايدى»، - دەدى لي جۇن قۋانا.
  كورىكتى اۋىل - قىستاق قۇرىلىسىن ىلگەرىلەتۋدە، شياۋيىڭپان قالاشىعى قونىسقا جايلى اۋىل - قىستاق قۇرۋ ماقساتىمەن كورىكتى جاڭاشا اۋىل قۇردى، «جاسىلداندىرۋدى، تازارتۋدى، كورىكتەندىرۋدى، جارىقتاندىرۋدى» ورتانى وڭاۋدىڭ وزەكتى مازمۇنى ەتىپ، اۋىل - قىستاقتى جاسىلداندىرۋ، قورشاعان ورتاسىن جاپپاي وڭاۋ قىزمەتىن ىشكەرىلەي جۇرگىزىپ، قىستاقتىڭ لاس، بىلىققان، ناشار بولۋداي ماسەلەسىن تۇبەگەيلى وزگەرتىپ، قىستاق تۇرعىندارىنىڭ قونىس ورتاسىنىڭ ساپاسىن جاپپاي جوعارىلاتتى.
  سەلبەستىك كووپەراتيۆىن قۇرىپ، بىرگە اۋقاتتانۋ جولىنا ءتۇستى  
  3 - ايدىڭ 14 - كۇنى شياۋيىڭپان قالاشىعىنىڭ ۇتىبۇلاق قىستاعىنداعى بۇراتالا قالالىق چيڭچۋان مال ونىمدەرىن ساتىپ الۋ سەلبەستىك كووپەراتيۆىنىڭ مۇشەلەرى ساتىپ اكەلگەن قوي ءجۇنىن تۇرگە ايىرىپ تايلاپ جاتتى. سەلبەستىك كووپەراتيۆىنىڭ باسالقاسى مامەتجان ابدىرىشيت تايلانعان قوي ءجۇنىن سىرتقا تاسيتىن جۇك اۆتوموبيل قاراستىرۋمەن ابىگەردە ءجۇر.
  مامەتجان: وتكەن جىلى 10 - ايدان باستاپ قوي ءجۇنىنىڭ باعاسى ءوستى، قازىر ءار كيلوگرامى 10 يۋان. مىنا قوي ءجۇنى ىشىندە جەرگىلىكتى ورىندىكى دە، سىرت قالا، اۋدانداردان اكەلىنگەنى دە بار. وسى كەزدە اي سايىن سىرتقا 30 توننا قوي ءجۇنىن ساتامىز، - دەدى.
  مامەتجان 16 جاسىنان باستاپ ۇلكەندەرگە ىلەسىپ قوي ءجۇنى ساۋداسىن ىستەگەن ەكەن، بيىل تۇپ - تۋرا 20 جىل بولىپتى. قوي ءجۇنى بازارىنىڭ باعا وزگەرىسى ونىڭ كوكەيىندە سايراپ تۇر.
  2010 - جىلى ىشكى ولكەدە تەكسەرۋ جۇرگىزىپ كەلگەننەن كەيىن، مامەتجان قىستاقتاعى تۇڭعىش شارۋالار سەلبەستىك كووپەراتيۆىن قۇرعان. «سول تۇستا كەيبىر قىستاق تۇرعىندارىنىڭ تۇرمىس كۇيىنىڭ تومەن ەكەنىن كورىپ، سەلبەستىك كووپەراتيۆىن قۇرۋ ارقىلى كوپشىلىكتى ورتاق اۋقاتتانۋعا باستاۋ بەكىمىنە كەلدىم»، - دەيدى مامەتجان.
  «بۇل ورىندا جۇمىس ىستەگەنىم قانداي جاقسى، كىرىسىم كەپىلدەندى، تابىسىم دا سىرت جەرگە شىعىپ جۇمىس ىستەگەننەن جوعارى». ابىلەمەت ابىلەزدىڭ وتباسى قىستاقتاعى كەدەي وتباسى، بۇرىن كوشە شەتىندە اياق كيىم جاماۋشىلىق ىستەپ تىرشىلىك ەتەتىن، بالالارىنىڭ جوعارى مەكتەپ وقۋ قاراجاتىن تاپسىرۋ وسى وتباسىنداعى قيىن ماسەلەگە اينالعان - دى. «سەلبەستىك كووپەراتيۆىنىڭ مۇشەسى بولعاننان كەيىن، اي سايىن 5000 يۋان مولشەرىندە كىرىسىم بولدى، بالالارىمنىڭ وقۋ قاراجاتى ماسەلەسى شەشىلۋدەن تىس، توقتى ساتىپ الىپ، باعىمشىلىقپەن شۇعىلداندىم»، - دەيدى ول.
  ۇكىمەتتىڭ قولداۋىندا مامەتجاننىڭ ساۋدا ىستەرىنىڭ كولەمى كەڭەيە ءتۇستى. 2017 - جىلى ول تاعى 24 ميلليون يۋان قارجى قوسىپ، ءجۇن ءجىپ مانەرلەۋ زاۆودىن قۇرادى. «جۇڭگونىڭ ءجۇن ءجىپ ونىمدەرىنىڭ ساپاسى جاقسى، دۇنيە ءجۇزى بازارىندا ءوتىمدى، ءجۇن ءجىپ مانەرلەۋ زاۆودى ىسكە قوسىلعاننان كەيىن، ساتىپ الۋ، مانەرلەۋ ءبىر تۇلعالانعان كاسىپ تىزبەگى قالىپتاسىپ، جىلىنا مانەرلەنەتىن قوي ءجۇنى 4000 توننادان اسادى دا، ماڭايىمىزداعى قىستاق تۇرعىندارىنىڭ جۇمىستانۋىنا وراي جاراتادى»، - دەپ مامەتجان ءوزىنىڭ قارجى قوسىپ، زاۆود قۇرۋىنداعى ماقساتىن ءبىلدىردى.
  شياۋيىڭپان قالاشىعى سەلبەستىك كووپەراتيۆىن ارقاۋ ەتە شارۋالاردىڭ جاقىن ماڭدا، ءوز وڭىرىندە جۇمىستانۋىن جەبەپ، ولاردىڭ ۇيلەرىنەن الىستاماي - اق جۇمىستانۋىنا، شارۋاشىلىق قۇرۋىنا باستاماشى بولىپ، كىرىسىن ارتتىرىپ، كەدەيلىكتەن ارىلتىپ، اۋىل - قىستاق كاسىپ سالاسىنىڭ گۇلدەنۋىن شىنايى تياناقتاندىردى.
  مادەنيەت ارقىلى ادامدى تاربيەلەپ، جۇرت تىلەگىن ۇيىستىردى
  كورىكتى اۋىل - قىستاق قۇرۋ قۇرىلىسى اتقارىلعاننان كەيىن، بىنبۇلاق قىستاعى ءارى كەڭ، ءارى جارىق مادەنيەت قيمىلى ءۇيىن سالدى. «مادەنيەت قيمىلى ءۇيى دۋماندى بولعاندىقتان، ءار كۇنى كەشتە قىستاق تۇرعىندارى وسى اراعا جينالادى. قىستاق تۇرعىندارىنىڭ تۇرمىس ورەسى جوعارىلاعاننان كەيىن، مادەنيەت قيمىلدارىنا قاتىناسۋ بەلسەندىلىكتەرى دە ارتتى. قىستاعىمىز ويىن - ساۋىق اترەتىن قۇردى، ءار جىلى مەرەكە - مەيرامداردا كوپشىلىك قىستاق مادەنيەت ۇيىنە كەلىپ كومەديا، ءان - ءبي نومىرلەرىن دايىنداپ، وزدەرىنىڭ پارتيانى، وتاندى سۇيەتىن كوڭىلىن بەينەلەپ، كوپشىلىكتىڭ ۇلتتار ىنتىماعى مەن قوعام ورنىقتىلىعىن قورعاۋداي تاماشا رۋحاني بەينەسىن ايگىلەيدى. قىستاعىمىز تاعى شارۋالار كەشكى مەكتەبىن اشىپ، پارتيانىڭ باعىت - ساياساتىن ۇگىتتەۋمەن بىرگە، بالكۇلشە جاساۋ، جابدىقتاردى دانەكەرلەۋ سياقتى تەحنيكالارعا تاربيەلەدى. تاربيە ارقىلى ونەر يگەرگەن قىستاق تۇرعىندارى بالكۇلشە ساتۋ دۇكەنىن اشتى، ءوندىرىس جابدىقتارىن دانەكەرلەۋ ورنىن قۇردى»، - دەدى لي جۇن.
  دابعارتۋ قىستاعىنا بارعانىمىزدا، تۇرعىندار اۋلاسىنىڭ تامىنا سىزىلعان تاماشا سۋرەتتەر نازارىمىزدى اۋداردى. «بۇلاردىڭ بارلىعىن قىستاعىمىزداعى شارۋا سۋرەتشىلەر سىزعان، قىستاعىمىزدىڭ مادەنيەت قيمىلى ەرەكشە مول، ەگىس جۇمىسىنىڭ ارەدىگىندە، مادەنيەت الاڭىنا، شارۋالار كىتاپ ۇيىنە، مادەنيەت وتاۋىنا ادامدار لىق تولادى، كوپشىلىك اۋقاتتانعاننان كەيىن رۋحاني جاقتان دا بايۋى كەرەك»، - دەيدى قىستاق تۇرعىنى سۇڭ چۋ.
  كورىكتى اۋىل - قىستاق قۇرۋدا شياۋيىڭپان قالاشىعى «اۋىل سالتى وركەنيەتتى، قىستاقتاردىڭ مادەنيەتى تاماشا، قىستاق بەينەسى كوركەم، شارۋالاردىڭ تۇرمىسى جاقسى، نەگىزگى ساتى پارتيا ۇيىمى مىعىم» بولۋدى نىسانا ەتىپ، اۋىل - قىستاق رۋحاني وركەنيەتىن جاقسارتۋدى تىنباي تەرەڭدەتتى، قىستاقتار وزىندىك ەرەكشەلىككە يە ويىن - ساۋىق اترەتىن قۇرىپ، مادەنيەت ارقىلى ادامدى تاربيەلەپ، جۇرت تىلەگىن ۇيىستىرىپ، ءار ۇلت تۇرعىندارىنىڭ ىنتىماعىن، جاراسىمدىلىعىن، بىرگە العا ىلگەرىلەۋىن جەبەدى.
  «پارتيا 19 - قۇرىلتايىنىڭ بايانداماسىندا اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتۋ العا قويىلدى. ءبىز قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، اۋىل - قىستاقتاردى گۇلدەندىرۋ ستراتەگاسىن دايەكتىلەندىرىپ، تياناقتاندىرىپ، تۇيىندەر ارقىلى جالپىنى ىلگەرىلەتىپ، اۋىل - قىستاقتاردىڭ قونىس ورتاسىن ۇزدىكسىز جاقسارتىپ، وركەنيەتتى، جاڭا سالتتى دارىپتەپ، تىلەكتى توعىستىرىپ، كۇشتى شوعىرلاندىرىپ، كوپشىلىكتى بىرگە كورىكتى اۋىل - قىستاق قۇرۋعا باستايمىز»، - دەدى شياۋيىڭپان قالاشىعىنىڭ ورىنباسار باستىعى لو جىچىڭ.


بەرىپ كەت ورامالىڭدى

دوستار

الىستاعى اق ەركە