جاڭا حابارلار

ورتاق تانىمدى كەڭىنەن ۇيىستىرىپ، بىرگە يگىلىكتەنۋدىڭ ۇلى جوباسىن تالقىلايدى

    كەلۋ قاينارى: شينجياڭ گازەتى    2018-04-09 20:30:37  

شينحۋا اگەنتتىگىنىڭ ءتىلشىسى ۋاڭ جولۇن

ماۋجىراعان كوكتەم مەزگىلىندە «بو - اۋ ۋاقىتى» باستالدى. مەملەكەت ءتوراعاسى شي جينپيڭنىڭ ۇسىنىس بويىنشا بو - اۋ ازيا تالقى مىنبەرىنىڭ جىلدىق ءماجىلىسىنىڭ اشىلۋ سالتىنا قاتىناساتىندىعى ءارى ماڭىزدى ارقاۋ ءسوز سويلەيتىندىگى وسى رەتكى جىلدىق ءماجىلىستىڭ ەڭ جارقىن تۇيىنىنە اينالدى. بو - اۋ ازيا تالقى مىنبەرىنىڭ 2018 - جىلعى جىلدىق ءماجىلىسى 4 - ايدىڭ 8 - كۇنىنەن 11 - كۇنىنە دەيىن اشىلادى، ءار ەلدەن كەلگەن 2000نان استام سيلى قوناق جۇڭگونىڭ حاينانىندا باس قوسىپ، «اشىق، جاسامپاز ازيا، گۇلدەنىپ دامىعان الەم» سىندى باس تاقىرىپتى ارقاۋ ەتىپ، ورتاق تانىم ۇيىستىرىپ، ىنتىماقتاستىق جاساسىپ، بىرگە يگىلىكتەنۋدىڭ ۇلى جوباسىن تالقىلايدى .

  بۇل رەتكى تالقى مىنبەرى رەفورما جاساپ، ەسىك اشۋدىڭ 40 جىلدىعىنا، پارتيا 19 - قۇرىلتايىنىڭ رۋحىن دايەكتىلەندىرەتىن، تياناقتاندىراتىن العاشقى جىلعا تۇسپا - تۇس كەلدى. جاڭا تاريحي كەزەڭدە جۇڭگونىڭ ەسىكتى قالاي ونان ارى ايقارا اشاتىندىعىنا، رەفورمانى تەرەڭدەتۋگە تاعى دا قالاي اتتاناتىندىعىنا دۇنيە ءجۇزى ايرىقشا نازار اۋداردى؛ «ادامزات تاعدىرلاس ورتاق تۇلعا» ۇستانىمىن پارتيا ۋستاۆىنا، جۇڭگونىڭ نەگىزگى زاڭىنا ەنگىزگەننەن كەيىن، جاڭا داۋىردەگى جۇڭگونىڭ جاڭاشا حالىقارالىق بايلانىس ورناتۋدى، ازيانىڭ جانە ادامزاتتىڭ تاعدىرلاس ورتاق تۇلعاسىن قۇرۋدى قالاي ىلگەرىلەتەتىندىگىنە كۇللى الەم كوز تىگىپ وتىر .

  بۇگىنگى دۇنيەدە جاھاندانۋعا قارسى پيعىل بەلەس بەرىپ، باتىستاعى كەيبىر ەلدەردە ساۋدا جانە قارجى قوسۋ جاعىندا قورعانىمپازدىق كۇشەيە ءتۇستى. جىلدىق ءماجىلىستىڭ باس تاقىرىبىندا ايتىلعانداي بو - اۋ ازيا تالقى مىنبەرى اشىق ۇستاۋ، ىنتىماقتاستىق بارىسىندا ءوزارا تيىمدىلىك جاساپ، ورتاق يگىلىكتەنۋدى، بىرگە دامۋدى بۇرىننان بەرى دارىپتەپ كەلەدى. بۇگىنگى ازيا مەن دۇنيە ءجۇزى اشىق دامۋدى، ىقپالداستىق دامۋدى، قامتىمدى دامۋدى، تەپە - تەڭ دامۋدى ءارقانداي كەزدەگىدەن دە ارتىق قاجەت ەتەدى. الەمدىك ەركىن ساۋدانى اراندايتىن جانە بۇلدىرەتىن كەيبىر ارەكەتتەرگە اشىق ۇستاۋدى دارىپتەيتىن «بو - اۋ كۇشى»، ءسوز جوق، جاۋاپ قاتادى.
  جاڭالىق اشۋ بولاشاققا جەتەكشىلىك ەتەدى. «بولاشاقتاعى قاتىناس»، «بولاشاقتاعى ءوندىرىس»، «بولاشاقتاعى حابارلاسۋ»... وسى كەزەكتى جىلدىق ماجىلىستەگى كوپتەگەن كەڭەس تاقىرىپتارى جاڭالىق اشۋدى ارقاۋ ەتىپ، ۇزاق بولاشاققا كوز جىبەرەدى. دۇنيە ءجۇزى ەكونوميكاسىنىڭ ارتۋىنا قوسقان ۇلەس سالماعى %50تەن اسقان رايون رەتىندە، اشىق ۇستاۋدىڭ، جاڭالىق اشۋدىڭ جاڭا تولقىنى كوتەرىلگەن ازيا دۇنيە ءجۇزى ەكونوميكاسىنىڭ گۇلدەنۋىنە، دامۋىنا اناعۇرلىم تاسقىنداعان قوزعاۋشى كۇش قاينارىن، ءسوز جوق، ازىرلەيدى. سونىمەن قوسا، جۇڭگونىڭ ەكونوميكاسى تەز قارقىنمەن ارتۋ كەزەڭىنەن جوعارى ساپالى دامۋ كەزەڭىنە اياق باستى، جاڭالىق اشۋ ارقىلى دامۋعا دەم بەرۋدىڭ سۋبيەكتىلەرى سايكەسكەن، جان - جاقتىلى ىلگەرىلەتىلگەن شىت جاڭا بەينەسى قالىپتاستى. وسىنداي ازيا مەن جۇڭگو دۇنيە جۇزىمەن ءبىر جيىلىكتە بولىپ، دۇنيە جۇزىنە اناعۇرلىم كوپ دامۋ ورايىن الا كەلەدى .

  بيىل بو - اۋ ازيا تالقى مىنبەرىنىڭ باستاپ اشىلعانىنا 17 جىل تولىپ، كولەمى مەن ىقپال كۇشى ۇزبەي ۇلعايۋدا. كوزقاراستاعى قاقتىعىستان پاراسات تۋىنداپ، يدەيالىق اۋىس - كۇيىس بارىسىندا كۇش توپتالدى، بو - اۋ ازيا تالقى مىنبەرى تۇرلىشە وركەنيەتتىڭ قاتار تۇرۋىن، پىكىرلەسىپ ءوزارا ۇلگى الۋىن ىلگەرىلەتىپ، يدەولوگيا جانە قوعامدىق ءتۇزىمنىڭ پارقىنان اتتاپ ءوتىپ، ازيا قۇرلىعىنىڭ ىشىندەگى مۇراتتاستىقتى كۇشەيتۋدى، «ازيا عاسىرى» يدەياسىنىڭ نەگىزىن بەكەمدەۋدى ۇزبەي ىلگەرىلەتتى. 2018 - جىلعى جىلدىق ءماجىلىستىڭ ءساتتى وتكىزىلۋىنە سايكەس، بو - اۋ ازيا تالقى مىنبەرىنىڭ اناعۇرلىم تولىسقان بەينەمەن كۇش قوسىپ، دۇنيە جۇزىنە اناعۇرلىم مول قۋانىشتار الا كەلەتىنىنە سەنەمىز.
  (شينحۋا اگەنتتىگىنىڭ 4 - ايدىڭ 7 - كۇنى بەيجيڭنەن بەرگەن حابارى)


بەرىپ كەت ورامالىڭدى

دوستار

الىستاعى اق ەركە