جاڭا حابارلار

وتباسى ايەلىنەن تىرەكتى قىزمەتكەرگە اينالعان تاجىگۇل تۇراق

    كەلۋ قاينارى: شينجياڭ حالىق راديو ىستانسياسى    2018-04-10 18:40:55  
ستانسيامىزدىڭ ءتىلشىسى سۇن ۋيدىڭ حابارىن تىڭداڭىزدار: باقىتتى تۇرمىستى كۇتىپ وتىرۋعا، سۇراپ الۋعا بولمايدى، قايتا ول قوس قولىنا سۇيەنىپ قاجىرلىلىقپەن ەڭبەكتەنۋدەن كەلەدى. قاشقار قالاسى حۋاڭدي اۋىلى سوگۋتاۋ قىستاعىندا، 37 جاستاعى تاجىگۇل تۇراق پارتيانىڭ جاقسى ساياساتىنىڭ دەمەۋى مەن ءوز قۇلشىنىسىنىڭ ارقاسىندا، كاسىپورىنداعى تىرەكتى جۇمىسشىعا اينالىپ، تاماشا تۇرمىسقا قول جەتكىزدى.
سوگۋتاۋ قىستاعىنا باراتىن بولساڭىز، قاز-قاتار تىزىلگەن وزگەشە ۇلگىدەگى، ادەمى سالىنعان، جاڭا بەيقۇت ۇيلەردى كورەسىز، وسىنداعى بەيقۇت ۇيلەردىڭ بىرىندە، تاجىگۇل تۇراق اۋلاسىن سپىرىپ تازالاپ ءجۇر، ول تىلشىگە، وتكەن جىلى 9-ايدا جاڭا ۇيگە كوشىپ كىرگەندەرىن، وسىنداي تاماشا ۇيگە كوشىپ كىرۋ بارىسىندا وزدەرىنىڭ ونشالىقتى كوپ قارجى جۇمىساماعاندارىن، بەيقۇت ءۇي ماتەريالدارى قوسىمشا قاراجاتى، ءوسىمىسىز قارىز، اۋلا شارۋاشىلىعى سياقتى حالىققا ءتيىمدى ساياساتتاردان يگىلىكتەنگەننەن كەيىن، وزدەرىنىڭ نەبارى 20 مىڭ يۋان قارجى جۇمساعانىن ايتا كەلىپ: «بەيقۇت ءۇي سالىنىپ، كەڭ دە جانعا جايلى، جارىق تا ادەمى جاڭا ۇيگە كوشىپ كىردىك، جاقىندا تاعى بىلقىلداق ورىندىق ساتىپ الدىق، تۇرمىسىمىز قالاداعىلارمەن بىردەي، ەرەكشە قۋانىشتامىن»،-دەدى.
تاجىگۇل تۇراق بۇرىن وتباسى ايەلى ەدى، كۇندە جۇبايى مەن بالالارىنا قارايلاسىپ، وت باسى، وشاق قاسىنان ۇزاپ شىعا المايتىن. 2016-جىلى شينجياڭ مەي-لي-اۋ كيىم-كەشەك شەكتى جارنا سەرىكتەستىگى قاشقار-شىنجىن ونەركاسىپ باقشا رايونىنا كەلىپ ىرگە تەپتى، ول قىستاق كادرلارىنىڭ شابىتتاندىرۋىندا، تىزىمگە الدىرىپ وسى سەرىكتەستىكتىڭ تۇڭعىش توپتاعى جۇمىسىنشا اينالدى.
قىزمەت ورنىنا شىعۋدان بۇرىنعى تاربيەلەۋ جانە شىنجىننىڭ تاڭداپ جىبەرگەن تىركتى تەحنيكتەرىنىڭ ىجداعاتپەن ءتۇسىندىرىپ، تاربيەلەۋىنىڭ ارقاسىندا، ءبىر جىلدان ارتىق ۋاقىتتا، جۇمىسقا شوگەل تاجىگۇل تابىسقا قول جەتكىزۋدەن سىرت، تەحنيكالىق وتكەلدەن وتكەن، مۇقيات ءارى جاۋاپكەر، باسقارۋى ءونىمدى تىرەكتى جۇمىسشىعا اينالدى، رۋحاني بەت-بەينەسىندە دە زور وزگەرىس بولىپ، كۇشتى قوسىن رۋحى مەن داڭق سەزىمىنە يە بولدى. تاجىگۇل تۇراق بىلاي دەدى: «بۇرىن ۇيدە تاماق ىستەپ، ءۇي شارۋاسىمەن اينالىساتىنمىن، ال قازىر ءار كۇنى ورنىمنان تۇرا سالىپ، زاۆودتىڭ ىستەرىن ويلايمىن، ءوز قىزمەتىمدى قايتكەندە ويداعىداي ىستەۋگە باس قاتىرامىن. ەڭبەكاقىم دا العاش كەلگەندەگى مىڭ يۋاننان قازىر جوعارلاپ 5 مىڭ 800 يۋاننان استى، ەرەكشە ماقتانامىن، ويتكەنى قاجىرلىلىقپەن قۇلشىنۋدىڭ ارقاسىندا، بۇگىنگى تاماشا تۇرمىسقا قول جەتكىزدىم».
 

بەرىپ كەت ورامالىڭدى

دوستار

الىستاعى اق ەركە