جاڭا حابارلار

شىعىس جوڭعار ـ وڭتۇستىك انحۇي ويڭ تەرىس زارياتتى 1100 كيلوۆولتتىق ەرەكشە جوعارى كەرنەۋلى توك جەتكىزۋ يجەنەرياسىنىڭ شينجياڭ بولەگىندەگى لەنياسى بۇكىلدەي تۇتاستىرىلدى

    كەلۋ قاينارى: شينجياڭ حالىق راديو ىستانسياسى    2018-04-10 18:45:34  
سانجى راديو ستانسياسىنىڭ ءتىلشىسى جاڭ پىڭنىڭ حابارىن تىڭداڭىزدار: دۇنيە جۇزى بويىنشا ەلەكتر كەرنەۋى دارەجەسى ەڭ جوعارى، توك جەتكىزۋ سيىمدىلىعى ەڭ زور، توك جەتكىزۋ ارالىعى ەڭ الىس، تەحنيكالىق دەڭگەيى ەڭ وزىق ەرەكشە جوعارى كەرنەۋلى توك جەتكىزۋ ينجەنەرياسى-شىعىس جوڭعار ـ وڭتۇستىك انحۇي وڭ-تەرىس زارياتتى 1100 كيلوۆولتتىق ەرەكشە جوعارى كەرنەۋلى توك جەتكىزۋ يجەنەرياسىندا 3-ايدىڭ اياعىندا تۇتاس لەنيا بويىنشا توك جەتكىزىلدى، قازىر قۇرىلىس جۇرگىزۋشىلەر 80 مەتر بيىكتىكتە ينجەنەريانىڭ شينجياڭ بولەگىندەگى قوسىمشا جابدىقتاردى ورناتۋ قىزمەتىن قاربالاس ىستەپ، جىل سوڭىنان بۇرىن ىشكى ولكەگە توك جەتكىزۋگە كۇش سالۋدا.
ينجەنەريانىڭ ءبىرىنشى بولەكتەگى ءشولدى رايونىندا، ءتىلشى جۇمىسشىلاردىڭ تەمىر مۇنارانىڭ شەتىندەگى بولات شىبىقتى بويلاي 80 مەتر بيىككە شىققاننان كەيىن، 4، 5 مەتر ۇزىندىقتاعى ەلەكتر كابەلىنە وتىرىپ جۇمىس ىستەپ جاتقانىن كوردى.
جۇمسىشىلار، ءبىر رەت ورمەلەپ شىعۋعا از دەگەندە جارىم ساعات ۋاقىت كەتەتىنىن، بيىك جەردە جۇمىس ىستەگەندە كۇنگە كۇيەتىنىن، بوراننىڭ دا كۇشتى بولاتىنىن ايتتى. بۇل عانا ەمەس، ولار تاعى نەشە ون توننا اۋىرلىقتاعى قوسىمشا جابدىقتى سىرعىما دوڭگەلەك ارقىلى باياۋ جىلجىتىپ سول بيىككە جەتكىزىپ، ەلەكتر سىمى مۇناراسى مەن ەلەكتر سىمى كابەلىنە ورناتادى. وسى بولەكتەگى قۇرىلىسقا جاۋاپتى ان شۋەچي تىلشىگە، قوسىمشا جابدىقتى ورناتۋداعى ەڭ اۋىر قاتەر بيىكتەن قۇلاپ ءتۇسۋ ەكەنىن ايتا كەلىپ بىلاي دەدى: «ءبىز دە جۇمىسشىلارعا حاۋىپسىزدىكتەن ساقتاناتىن تولىمدى جابدىقتاردى دايىندايمىز جانە ولارعا حاۋىپسىزدىك تاربيەسىن جۇرگىزۋ، ەمتيحان الۋ سياقتى ءبىر سىپىرا شارالاردى قولدانۋ ارقىلى حاۋىپ-قاتەر شىرعالاڭىنىڭ تۋىلۋىنىڭ الدىن ءونىمدى الىپ، ەلەكتر سىمىن جالعاۋ قىزمەتىنىڭ سوڭعى قىزمەتىن تابىسپەن ورىنداۋعا كەپىلدىك ەتەمىز».
يجەنەريانىڭ شينجياڭ بولەگىندەگى جەرى قۇبا ءشول بولعاندىقتان، جوعارى كەرنەۋلى توك سىمىن كوتەرەتىن تەمىر مۇنارانىڭ تاعانىن قالاعاندا، قازىپ قويعان وردى ۇنەمى قۇم باسىپ قالۋ ءجىيى تۋىلادى. قۇرىلىس جۇرگىزۋشىلەر، اقىل-پاراساتىن ساۋلەلەندىرىپ، ۇزدىكسىز ىزدەنىپ جانە سىناق جاساپ، اقىرى وسى قيىن ماسەلەنى شەشتى، ءان شۋەچي بىلاي دەدى: «قۇرىلىس جۇرگىزۋ ورنى سورە ۇلگىسىندەگى توپىراقتى توسۋ ءتاسىلىن ارناۋلى زەتتەدى، بۇل ءتاسىلدىڭ ينجەنەريامىزدا پايدالانۋ ونىمدىلىگى ەرەكشە كورنەكتى، سىرعىما قۇم باسىپ قالعان جەرلەردى قازۋ قيىندىعى اۋىر، حاۋىپ-قاتەرى جوعارى بولۋ ماسەلەسىن ءونىمدى شەشتى».
قۇرىلىس جۇرگىزۋشىلەردىڭ جاڭالىق اشقان وي جەلىسى باستان-اياق ينجەنەريا قۇرىلىسى بارىسىندا دايەكتىلەندىرىلدى، مۇندا ينجەنەريانىڭ شينجياڭ بولەگىندەگى قۇرىلىسقا تۇڭعىش رەت جۇمساق گرافيتتى جەرگە كومۋ، قازانشا كۇبى ورناتۋ، 80 توننالىق ءتورت بۇرىشتى فارفور اجىراتقىش تەتىك، 100 توننالىق قوسپا اجىراتقىش تەتىك سياقتى جاڭا تەحنيكالار پايدالانىلىپ، قۇرىلىستىڭ حاۋىپسىزدىگىنە، ساپاسىنا، اياق الىسىنا پارمەندى كەپىلدىك ەتىلدى. مەملەكەتتىك ەلەكتر تورابى شەكتى سەرىكتەستىگى شينجياڭ ەلەكتر ەنەرگيا شەكتى سەرىكتەستىگى قۇرىلىس جۇرگىزۋ بولىمشە سەرىكتەستىگى ءبىرىنشى بولەك نىساندى باسقارۋ ءبولىمىنىڭ ورىنباسار مەڭگەرۋشىسى شۇي يۇيبو ماقتانىشپەن بىلاي دەدى: «قۇرىلىسقا قاتىناسقان بارلىق ادام باس شۋجي شي جينپيڭ ايتقان جاڭالىق اشۋ ءامالياتىندا دارىندىلاردى بايقاۋ، جاڭالىق اشۋ ارەكەتىندە دارىندىلاردى تاربيەلەۋ، جاڭالىق اشۋ ىسىندە ءدارىندىلاردى ۇيىستىرۋ ۇندەۋىنە ءۇن قوسىپ، جاڭالىق اشۋعا باتىل، جاڭالىق اشۋعا شەبەر جوعارى عىلىم-تەحيكا دارىندىلارىن تاربيەلەدىك. وسى رەتكى ەرەكشە جوعارى كەرنەۋلى توك جەتكىزۋ قۇرىلىسى ارقىلى ءارى بۇدان كەيىنگى ەلەكتر كەرنەۋى دارەجەسى اناعۇرلىم جوعارى قۇرىلىستى جۇرگىزۋىمىزگە ءبىر توپ جوعارى عىلىم-تەحنيكا دارىندىلارىن دايىنداپ، وسى قۇرىلىسقا بەرىك نەگىز قالادىق».

بەرىپ كەت ورامالىڭدى

دوستار

الىستاعى اق ەركە